TOSS 蘇媽.蘇媽

Open Now

Now Closed

沙田新城市廣場呢間蘇媽·蘇媽，排隊等嘅人多過其他分店好多，之前食過大角嘴果間，質素係點，自己都好清楚；大體我會形容係，飲品就盡量保持左馬拉風味，但食物就係經過本地化，藥材味沒有太濃而迎合香港人口味。馬來西亞拉茶，其實原理同意大利泡沫咖啡相似，都係透過打入空氣令到杯飲品更加滑身，呢杯拉茶味道係偏甜，茶底香，畢竟南洋嘅人都係鐘意甜野。之後我叫左一個大嘅肉骨茶，做法如果同馬來西亞巴生相比，自然不盡相同。馬來西亞肉骨茶混合左中藥（枸杞、黨參、當歸、玉竹、川芎）和香料（包括八角茴香、桂皮、丁香、大蒜、甘草、花椒、甘蔗、羅漢果、胡椒）及肉排，熬製多個小時而成濃湯，但明顯呢種做法對於香港人而言並不容易接受，所以餐廳做行左本地化，將味道調教偏淡，加重左鹹味，令到成件事更容易入口。佢嘅肉排有晒本身湯嘅味道，肉質亦爽，加少少醬汁落去一齊食會更香濃。豆卜食嘅時候要比較小心，因為本身湯底係非常熱，豆卜吸晒湯汁之後即刻入口會容易辣親。豬肚係一個本地化左嘅特色，始終迎合左香港人口味，爽口。總括而言，我覺得呢間餐廳嘅定位十分聰明，熟悉香港人嘅口味，再加以調適，令到佢十分成功。