樓下冰室 (Closed)

每星期到荃灣用餐都有點頭痛，因為這裡感興趣的餐廳已快要吃遍了！是日午餐到了路德圍的樓下冰室，之前散步時已留意到這間開張數個月的餐廳。食店提供多款午餐選擇，以「蕃茄」為主打，另外還有改良過的懷舊港式小吃。雖然食店有冰室二字，但未能感受到懷舊氣息。午市套餐可以自選粉麵及配料，我選配了叉燒螺絲粉配蕃茄濃湯 $40，送上時非常熱辣！想不到這碗螺絲粉的份量頗多，螺絲粉浸在鮮紅色的蕃茄濃湯裡，裡面帶有少量蕃茄肉，湯底香甜。配料是叉燒，全部均為瘦叉燒，煮得軟腍，富有港式風味，整體不俗，而且很夠飽，吃著吃著都忘記自己還有脆豬！他點了牛肉公仔麵配豬骨濃湯 $40。豬骨濃湯反而較清淡，他說我的蕃茄濃湯比較好吃，哈哈！這是額外點的瑞士雞脾 $28，主要留給baka吃，他認為質素正常，價錢偏高。我加了$10選配紅豆奶茶，而baka則選了凍阿華田(凍飲加$3)。原本對這杯特飲有期望，可惜送到之時從其賣相已可看出不足料，奶茶顏色偏淡，而最底的紅豆亦明顯很少，果然奶茶味很稀，明顯地被冰弄淡了，而過份軟腍的紅豆不夠多及甜，整體反倒像普通的凍奶茶。我們吃完粉麵良久還未見送上脆豬，心知不妙，最近我們經常遇到漏單情況，唉！

去路德圍見呢間唔洗等，所以試下。叫了茄汁蛋通粉+瑞士汁雞腿餐，樓下炒飯，兩個意粉，和瑞士汁雞翼（小食，三隻）。瑞士汁是招牌菜，味道不錯但略咸，樓下炒飯幾好食，有驚喜。意粉好普通，還可以。不錯。可以試試！

近來頻頻在星期六下午，來到荃灣覓食，是因為較為方便之餘，也是因為荃灣是其中一個多食店的地方。有時候發現一些新的食店，也許會很開心的。樓下冰室是位於路荃灣德圍，一聽冰室，會否像以前的一樣，吃著以往只有冰室的食物嗎？可是今時今日，冰室已經不再像以往只吃著從前的東西了。以往冰室有著舊有的陳列裝潢，現今的新冰室多以堆砌起來，可是樓下冰室找不到一樣冰室的任何東西，唯一可以見到的，是枱頭一望近天花板的柱上，有著舊有的用品，而店內有著耀眼的黃色牆壁，並掛上了上世紀的人物和，街道和巴士的相片。甚至你會認識差利卓別靈嗎？從餐牌中得知，不再以懷舊食物，取而代之的是蕃茄湯和小食，也有米飯可供選擇。當中的特色飲品，仍保留著以往冰室的飲品，如紅豆冰和咸檸七等。鮮茄豬扒飯。既然主打蕃茄，就來一個這個米飯吧。豬扒上有著一大堆鮮蕃茄，當有酸味也有少量的甜味，豬扒肉質軟腍不靭。蕃茄湯。全以蕃茄做材料，同樣地，這個湯頭以酸味為主，也富有蕃茄材料在湯裡，而甜度則沒有那酸味濃烈。招牌瑞士雞翼。一碟有三隻，當中的瑞士汁，也是鹵水汁，當中有甜豉油的成成份，故有甜味，但這個醬汁略為鹹了一點，雞翼是可取的，因為雞翼頗為嫰滑。雖然店子

店舖環境不錯，有些逼，但可以接受。以二人卡位為主，如果同行人數多就唔建議去依間啦。有大枱但相信要等好耐。六點幾同一個朋友去食，不用等立即有位。我叫左蕃茄濃湯通粉+牛乳炒蛋+小食拼盤(46蚊)，拼盤選了德國腸，好味。雖然有蕃茄室專門店之稱，但其實蕃茄料理唔多，就得蕃茄濃湯通粉。如果真係蕃茄料理愛好者，可以一試(濃湯真心唔錯)，不過別期望有很多蕃茄菜式。

下午茶原來至1830，看看手錶當時已 1820，下午茶有『一心想來試』的雞 脾，立即進店才算。$30以下的下午茶都是小食，如多士等， 由於本人打算以『下午茶作晚餐』吃，便 點了個瑞士汁雞脾拼沙律，加熱飲$36。竟然，不消五分鐘，大碟裝小碟沙律的下 午茶就端來了。瑞士汁雞脾，瑞士汁同跟上次瑞士汁雞翼一樣，輕微杰稠。可能由於雞脾肉較大較多，吃起較咸，雞皮不太肥，而雞皮及雞肉均可輕輕用刀切/壓開。沙律不少都是蘋果，如果加多點薯仔，就可以更飽肚、更豐富了。如果下午茶設有雞脾配飯/意粉就更好！

這間位於荃灣路德圍的小冰室，裝修也算是蠻出眾，看來介乎於CAFE與餐廳之間的感覺，令我這個星期五也禁不住要走進去看看。整間冰室都坐滿了客人，可是侍應還是很有禮貌的替我們找位置，由於店面不算太大，座位之間沒有很寬敞，不過感覺也不會太擠迫。牆壁上有貼滿了海報和小壁畫，只不過客人太多，彷彿也沒有空間供欣賞，座位是紅色沙發，還是蠻特別的。瑞士雞翼瑞士汁很入味，而且非常香，咸中帶甜的瑞士汁可說是很棒的選擇，配上大大的雞翼，肉質亦不錯，難怪每張桌子上都有這道小食。椰汁冰　自製羅漢果茶朋友點的是很久沒見的椰汁冰，椰奶很香，也算是少有餐廳有的飲品。而我點的是自製羅漢果茶，剛巧這天喉嚨不適，羅漢果茶來得正好，不會偏甜，反而更有羅漢果香，沒有加糖水只有羅漢果的清甜味，可以潤澤一下喉嚨也不錯。蕃茄湯通粉配炒蛋這裡的皇牌食物，湯底可選辣與不辣。雖然我是嗜辣之人，可是這裡的湯底我會比較偏好不辣，因為這樣才可以把湯一口一口都喝掉。蕃茄湯味很夠濃郁，而且仍然有不少的蕃茄蓉可以吃得到，真材實料有保證。湯底配搭著蛋香，令通粉都滲入了香味，作為一個簡單的晚餐可算是一流。香腸拼盤簡單的香腸拼盤也有四款口味可供選擇，適合害怕

週末二時許，原來路德圍間間餐廳都等位，反而雲桂香人數比這兒多，就試試這新式冰室吧。不像是完全純正蕃茄湯，但也不算是味精湯，至少喝完沒感到異常口渴。在蕃茄湯上加炒蛋，不是全熟，以湯的熱力再弄熟少許，蛋剛好，不太熟，並吸取茄味，不錯。瑞士雞翼為雞全翼，對於新相識、不太熟悉的朋友，吃雞全翼其實挺尷尬又不方便。不過，吃雞全翼最原汁原味，這瑞士汁稍稍咸了一點，帶微甜，再甜一點可能更美味，用以配蕃茄湯粉不算搭調，可能配飯更滋味，但四十多元只吃個瑞士汁雞脾飯又好像太頹。德國腸拼盤，其實有兩條明顯是普通小型雞肉腸，何來德國？其他的紅色、白色腸味道不錯。兩條紅色腸，有一條辣辣的非常惹味。自稱是原味不加任何調味料，但耐何本人常到『元朗廣場對面大排檔榮記』吃蕃茄湯螺絲粉，看似那兒的蕃茄湯遠較這兒的清澈。第一，大家在家中也常喝到母親煮的蕃茄薯仔湯吧，相信母親也不會平白無故放味精或茄膏，但是本人從未見過家喝的蕃茄湯可以如此鮮紅。第二，這個蕃茄湯，湯碗有點像味粉的物體，是在家喝的或元朗榮記不會出現的。 餐牌供參考現場環境相當擠迫，很多人來都是二人平排坐著，方便進出。桌椅間都非常擠迫，帶著小型背包來，坐下也覺得沒甚

今日(20-12-2014 Sat)同男友落荃灣買餸,時間唔早,食個晏先,男友又提議呢間,好的.男友要$38.00o既煎蛋免治牛肉飯,要鮮茄濃湯,我要$38.00o既豬骨濃湯牛肉通粉餐,配火腿牛乳炒蛋,蒜蓉牛油脆豬仔包,飲熱檸蜜.落o左單好耐,男友o既煎蛋免治牛肉飯至到o黎,見到都幾大堆,免治牛肉o既茄味好濃,飯o既軟硬適中,我食蛋白都覺得好滑.幾分鐘後,我o既熱檸蜜到o黎,見到蜂蜜都唔少,飲落真係好足o既,唔知其他o個啲得個樣.然後又繼續等,我o既豬骨濃湯牛肉通粉終於到o黎,個湯多到呢,唔使咁多啊?嗅到豬o既羶味,通粉仍彈牙,但湯味被太多o既薑蓋過,不過如果冇薑,恐怕又難入口.火腿牛乳炒蛋,蒜蓉牛油脆豬仔包呢,火腿正常冇問題啦,炒蛋好滑好正,蒜蓉牛油o既味道o岩o岩好,但豬仔包唔多夠脆.最後係男友o既鮮茄濃湯,係真係好濃,唔錯o既.味道係3.8分, 抵食係2.5分服務野食唔錯,但o野食出得太慢,要注意一下.

由於荃灣區餐廳眾多，要試哂所有店舖都要好幾個月。今日揀了樓下冰室為午市飯堂。他們的午餐包熱飲或餐湯大約為38元至45元之間，價格尚算合理。室內裝修以紅白為主，有2/4/6人的卡位提供。我們今日分別點了咖喱牛腩飯及茄汁豬排飯。

今日(16-11-2014 Sun)同男友拎o野俾女友人WYP個女,之後佢造要食lunch,其實我未肚餓,我提議O黎唔錯o既呢間.我o地o黎到,o岩o岩都重有兩個位,我o地坐低後睇餐牌,男友要set lunch,我要小食啦,佢要$38.00o既肉醬意粉,我要$15.00o既奶油多,要紅豆冰,但男友o個個係餐,只要加$10.00就可以要原價好似$22.00o既紅豆冰,而男友只要凍檸茶,於是落單時,我就話肉醬意粉要紅豆冰, 奶油多要凍檸茶.不過睇睇吓原來有紅豆奶茶,於是即改要原價$26.00o既紅豆奶茶.好快,兩杯o野飲到o黎,紅豆奶茶紅豆o既份量同第一次o黎時要o既紅豆冰一樣,分別就係啡同白色.我先飲吓,茶味有,紅豆都煮得腍,合格.之後,我o既奶油多到o黎,嘩!係厚多士,見佢牛油塗得好多,好吸引呀!要食喇,多士烘得唔過火,都脆,牛油塗得夠係有好處,錬奶就流晒出o黎,但成個係好食.再等一掛,男友o既肉醬意粉終於到o黎,見到啲肉醬都好多,不過其實呢個係意式肉醬意粉,所以味道比平時港式o既豐富啲,惹味好多.我食幾啖就俾返男友自己食.味道: 3.7分價錢衣o家計返,其實我唔用餐轉特飲,價錢都係一

每次行過都聽到店員熱情招待，於是決定一試吧! 入到去其實可以揀既唔算好多, 所以都好快決定到！呢個係蓄茄湯意粉配素菜。蓄茄湯十分濃味，絕對不是用水沖既湯汁，值得一試由於食客係點了吉列豬扒配蓄茄湯意粉的，但卻來了素菜湯意粉，店員連連道歉更補回吉列豬扒。味道一流，唔會係一埋粉，肉唔會太硬，絕對係值得食既！瑞士雞脾飯係店內的招牌菜，瑞士汁不會太咸，雞脾肉亦十分嫩店內裝修整齊，服務態度良好，等餐時間也不會太耐，絕對適合想輕鬆一餐的顧客。

平時行過都經常有人等位，今天專登早些去到好在不用等，還以為多人等實冇死冰室喎點都有番咁上下， 裝修都幾好但壁壁的坐位與檯又不太像冰室，見到個餐牌有張大大的蕃茄通粉的相片於是叫了一個辣的，想不到是咁辣，連原本濃濃的蕃茄湯味幾乎也蓋過，瑞士汁雞翼飯味道太不像但雞翼都算滑同肉質夠林，如果個瑞士汁能夠較得好些會更好，最失敗的竟然是冰室炒意一pat野放在你面前以為唔睇得都食得，點知意粉硬香腸都係硬，可以炒到香腸都硬埋相信一般人都好難做到，還有失魂水吧咸檸7 有咸檸，加番咸檸又冇匙 黑牛又冇飲管。。。最後評價樓下冰室罐頭式的味道，食不出誠意，相信他們用了很多現成的調味，若要再試相信很難比到借口自已，或許我們真的選錯了，或者樓下其他東西會好味的。還好服務是合格的。

路德圍開左間新嘢，叫樓下冰室，我無咩理由唔試。要左個套餐，蕃茄湯麵，配牛乳炒蛋。蕃茄湯味道尚算天然，雞蛋本來炒得幾好，可惜放在湯內，一會便已變老了，有點浪費。在瑞士雞翼和瑞士雞髀之間掙扎，最後還是貪心些少，要後者。雞髀肉當然不會嚡口，可是，瑞士汁的甜味，略為薄弱。是晚，必須要有杯即磨咖啡。下次，可以飲紅豆冰。

每個星期一都會去到路德圍搵食,我想基本上7成既餐廳都應該試過,選擇開始飽和.正當想去米線街隨意選一選既時候,見到有新店開張,就係樓下冰室場內環境光鮮,冷氣強勢,感覺不錯.時間約11點45分,餐廳內食客只有小貓數隻老實說,我不知道冰室既食物是什麼.初步看又係那類食茶餐那種.亦有飯類提供.那即是茶餐廳吧.LUNCH SET$38-42不等,茶餐亦是$38.理論上食飯抵食一點由於不想食太多,所以叫了$38 豬骨濃湯豬潤螺絲粉,加$10 紅豆冰作LUNCH紅豆冰大大杯,紅豆絕大部份整成溶,並不是我理想既口感,但總算份量十足.椰奶加水呢部份比較淡身,但撈埋紅豆後甜度合理.主菜出場...為什麼湯是紅色的.我實在接受唔到只有2台客既情況下可以出錯.唯一可以話情有可原既就係新開張有混亂情況.但有2個服務員對2台客既環境都可以有錯誤實在霸氣.當然我唔係麻煩既客人,入單照收.自稱無味精既湯,味道與羅宋湯既蕃茄醬味道相約,但無咁化學.蕃茄味都算濃,感覺係羅宋湯與蕃茄清湯既混合體.味精感的確不多.面頭放了滑蛋,蛋味中等,滑度亦只是中等.豬潤沒有剛剛熟那種爽脆鮮嫩既感覺,看來OVERCOOKED.豬仔包下了蒜頭

9-9-2014(Tue)中秋節翌日晏晝,同男友睇完戲後,探埋女友人WYP有少少餓,就提議食個tea,去邊間食?去寶星咖啡餐廳?唔….經過上次食早餐後,都係唔去,而且路德圍有大把o野食,於是行去.去到,見到呢間,見下午茶餐都好似唔係好貴,而店員又出o黎招呼,於是入o黎啦.入到o黎感覺好好,光猛舒適,最特別係擺o左好多上世紀50年代後o既物品同相.我o地要o左$26.00o既西多士,加$10.00要紅豆冰,同$35.00o既吉列豬扒配薯角,加$10.00要菠蘿冰.冇耐,兩杯特飲o黎到,見到菠蘿冰有好多菠蘿,我先飲紅豆冰,奶水好甜,係錬奶,紅豆都煲得夠腍同爆開o岩o岩有沙.味道: 4分6分鐘後,吉列豬扒薯角到o黎,兩樣o野都熱騰騰,薯角外脆內軟,吉列豬扒都幾大塊,男友將佢切開,睇到都唔薄,麵包糠唔過多,豬扒鬆軟,男友一食就大讚好食.味道: 5分7分鐘後,西多士至到o黎,呢o度o既西多士唔係一件件,而係又係切開幾件o既,一共有六件,而佢o既方包都係厚切,我o地落糖漿塗勻後食得.佢蛋漿亦都唔係沾得多,內裡o既花生醬係粗粒花生醬,亦塗得唔係好多,令成個西多士唔膩,但可惜咁樣係唔夠味,不過炸功做得