樓下冰室 (Closed)

好有懷舊味道既膠牌，坐位都唔算迫😚😚幾舒服叫左一個番茄湯麵餐，瑞士雞翼下午茶，再加隻瑞士雞比😋😋😋番茄湯通粉配埋個牛乳滑蛋，仲揀埋吉列豬扒做餸，超好大碗！兩個女仔食都得呀！豬扒仲要唔係hea底薄切豬扒，係厚豬扒，炸完入面又唔乾！瑞士雞翼既擺盤好靚，好有heart，並非一般既茶餐廳！不過係雞全翼，令我呢d懶人食得有d麻煩，有d攰！下面隻雞比就正啦，啖啖肉！人地下面個d鹵完就會變成好細隻，但佢仲係好大隻！

茶餐廳在香港已經有好耐歷史，以前叫冰室,以前冰室不會講究裝修，最近興起一堆叫冰室熱潮,早前同阿媽去了荃灣行街,最近抽時間陪伴阿媽，在路德圍附近見到一間餐廳名字好特別，餐廳叫樓下冰室，我同阿媽入去樓下冰室試下啦 ，這裡地方不算好大,座位尚算舒適，我同阿媽好快点了蒜蓉多士炒蛋同番茄牛肉通粉和奶油豬仔包,2杯椰汁冰,我平時返工去下茶餐廳，對於服務不會太高要求，反正茶記不會期望有超好服務，我同阿媽坐下之後亦有店員主動走來寫野 ,服務態度又幾好,樓下冰室裝修格局感覺好簡約，先講下番茄牛肉通粉,番茄牛肉通粉的番茄湯底十分濃郁，湯頭味道亦不會太咸，牛肉亦都味道不錯，奶油豬仔包亦都烘得幾好吃 ,牛油似乎少咗些小，蒜蓉多士炒蛋反而味道一般，蒜蓉味較淡,炒蛋夠滑,椰汁冰就好好飲，椰汁並不會太甜 ，平時不飲甜野阿媽都話幾好飲，價錢大眾化,兩個人只是吃了120元左右,樓下冰室的出品是水準幾好 ，可以下次再來

走入荃灣，新開一間茄通餐廳，朋友都熱推～今日難得走入荃灣，就去食呢間～一入到去，懷舊裝潢，令人覺得走入冰室～環境舒適，坐得舒服嗌左個午餐（瑞士雞翼，沙律，蒜蓉牛油脆豬仔包）& 蕃茄濃湯通粉配牛乳炒蛋加牛肉同素菜，飲綠椰冰瑞士雞翼係餐廳招牌菜，朋友嘅午餐一上枱，我毫不客氣拎左隻瑞士雞翼黎食～ 瑞士雞翼好大隻，上色均勻，上枱已經好香，食落咸甜度適中～ 滋味度十足沙律係鮮果沙律，蘋果新鮮爽甜，個豬仔包烘得好脆，唔燶，蒜香味重之餘，亦唔咸成個午餐配野飲$42，好多野，唔算貴～蕃茄濃湯通粉配牛乳炒蛋加牛肉同素菜，餐廳另一招牌係茄通，熱推嘅當然要一試啦！ 一上枱，d料足到嚇親，素菜同牛肉好足料，牛肉食落幾嫩身幾滑，素菜炒香上，又有不同菇類，好岩素食人士👍👍 菇類香而爽脆，亦有蔬菜，素菜真係幾多款～牛乳炒蛋，口感係滑入口，蛋香濃，加上茄湯，味道酸酸的，更令人覺得回味蕃茄湯係用蕃茄煮溶，茄味濃，可以配螺絲粉，入口螺絲粉口感較強，配上蕃茄湯酸味，開胃之餘，健康又飽肚，不得不試！👍冰室通常有紅豆冰之類懷舊飲品，餐廳不但有紅豆冰，更有菠蘿冰同綠椰冰選擇😋綠椰冰，係用綠豆蓉，豆蓉香，我唔鍾意豆蓉也毫不抗拒，椰

經過荃灣買水龍頭順便黎試下好出名既蕃茄湯粉麵同瑞士雞脾冰室好現代化入去好多座位，乾淨企理由於12點去到，未有太多人唔洗等就有位到我走嗰時已經好多人等緊位一睇個menu就好快決定到揀咩食因為有一個$46既餐有哂蕃茄湯粉麵配瑞士雞脾滿足哂我想試呢2樣招牌菜既慾望我地叫左2個餐一個配瑞士雞脾，一個配吉烈豬扒瑞士雞脾真係好吸引，好大隻雞肉嫩滑，個瑞士汁好濃郁雞脾吸收哂瑞士汁既精華，又唔會好咸或太甜味道啱啱好不過佢隻碟好細😂切雞脾有少少論盡吉烈豬扒都好大塊唔會好厚粉不過雞脾上左先對比的話吉烈豬扒普通一點可能試瑞士雞翼會更加正蕃茄通粉~ 蕃茄湯濃濃的，有好多蕃茄蓉飲完都唔覺得口喝，應該冇乜味精通粉份量好多，我直頭食唔哂足夠男士夠飽通粉仲配有牛乳炒蛋，蛋有重重既牛乳香食落好滑身，估唔到茶餐廳都食到呢種蛋另外再叫多左個焗芝士肉醬薯角 $35熱辣辣新鮮焗起，上面好多芝士薯角炸得啱啱好，撈埋肉醬食好惹味凍檸茶正常茶餐廳檸茶，甜度適中茶味啱啱好呢度份份都大大件，幾抵食

荃灣一直冇咩蕃茄湯底專門店，難得開左間係路德圍，朋友食過一次話吾錯，所以今日早上諗住食早餐，11點已到達剛開門，原來已經有人係門口等食...嘩...咁誇張？入到去位置坐得都舒服，裝修以簡單同少少香港舊式味道作特色。野食選擇都好多吾同選擇，最後我地當然食蕃茄螺絲粉餐和瑞士雞翼。瑞士雞翼$30：差不多桌桌都有叫就知吾差，上桌見到色澤濃心諗仲咸爆...點知食落味道都剛好，吾太咸，豉油味夠入味但雞肉仲嫩滑吾鞋口。午餐$40：蕃茄濃湯味道吾叫好濃，但食到真材實料新鮮味道，肉方面我地選了牛肉和豬膶，煮得吾硬而有回原本肉味 。螺絲粉份量都多吾淋，食完都已經超飽 。到12點已經坐滿晒餐廳，認真利害！結帳：$110 ，每位$55都抵食，因為仲有少少食吾晒添...都係新鮮同冇味精既選擇。

上星期六趁放假, 入了荃灣探朋友, 並跟了佢去路德圍的樓下冰室食番個TEA.我點了個套餐. 當中配搭也有不少選擇. 朋友話這裡最出名就是蕃茄濃湯粉和瑞士雞翼或雞脾.所以我點了蕃茄濃湯螺絲粉配牛乳炒蛋, 瑞士雞翼,飲紅豆冰.首先, 店員送上瑞士雞翼.原來是全翼來, 一共兩隻, 而且都幾大隻.瑞士雞翼最重要是醬汁調教, 這裡瑞士汁甜度適中, 不會太淡或太甜.而雞翼不會外皮有味, 連肉也入了味, 所以會好味好多.蕃茄湯螺絲粉配牛乳炒蛋.上枱已聞到蕃茄味道.湯底幾香濃, 充滿蕃加味, 即使飲多幾啖, 也不會覺得口渴.當中牛乳炒蛋是重點所在. 由於蛋中加入牛乳, 入口時夠滑身外, 就是多了一份牛奶味, 所以較平日食的滑蛋有點不同.而螺絲粉吸收晒湯的精華, 特別好味.來到冰室, 怎樣也會點一些經典飲品, 紅豆冰對我來講是其中一款.紅豆冰我較鍾意多紅豆, 這裡的紅豆還可以. 而紅豆軟硬適中, 飲的時候, 可以趙下紅豆, 雙重口感.

朋友係荃灣附近工作，路德圍附近都有好多嘢食...於是入左去呢間樓下冰室，見個名幾得意同埋係用我最愛嘅番茄做主角，所以揀左佢。2條友太肚餓於是都嗌左唔少嘢....見佢話招牌，緊係要試下啦！份量都唔少架@@"番茄湯唔會好酸，午餐肉仲要厚切，炒蛋都幾滑，雖然呢個組合係好多餐廳都有，但唔係間間都有水準，呢間算唔錯！雞脾大大隻好好味!!瑞士汁唔會太甜，不過食雞翼就有啲麻煩，因為佢全翼又大大隻，食嗰陣要小心，唔係就好易整到污糟晒架啦！一上枱就聞到好香!而且好足料...重點係啲意粉唔會好腍！酸甜味適中...一流！岩岩新鮮焗起，熱辣辣，見到啲芝士溶晒...賣相一流!啲薯角無炸到過左龍，仲食到啖啖薯蓉，係咸左少少，但非常可口唔知點解去親冰室叫杯紅豆冰好似係常識咁...食紅豆冰最怕咬落啲紅豆發現入面仲係硬芯，呢間冰室啲紅豆我覺得整得幾有水準，粒粒紅豆之餘仲要起晒沙，好好味，就係甜左少少啫大大份，食飽飽離開，下次會再黎！

黎開荃灣做facial,做完剛好是午餐時間，就去左路德圍搵野食。本來食魚魚魚米線，但見隔離間「樓下冰室」有我最愛的番茄湯通粉就入左去食。打開menu發覺除左番茄湯通粉仲有我另一至愛瑞士雞脾同瑞士雞翼，仲要佢地係一個套餐，唔駛我散叫，正！我掙扎左好多耐，究竟配雞脾定雞全翼好但兩款都同價！ 師奶仔心態下，我選左大大隻的招牌瑞士雞脾！一黎個餐，我嚇左嚇！咁大份既！？碗通粉勁大碗同隻雞脾雖然係跟餐，但都係正常Size,完全無縮水！呢刻我就開始頭痛我究竟食唔食得晒！先講隻雞脾，D皮好嫩滑，唔會好似街邊賣的甩皮雞脾咁，而且肉質唔會好柴。但瑞士有些微咸左少少同有少少焦味，但味道都ok既。再講個通粉，滑蛋不錯，口感算係滑溜，只係熟左少少，如果再流身少少就perfect 。番茄濃湯底唔會太咸或太重味，算係濃得黎帶點番茄本身的酸甜味，而且佢通粉用左我最愛的滑身通粉（最憎食有坑紋果隻），而且煮得爽口彈牙，配上番茄湯及滑蛋就更加正！

冰室，據聞是茶餐廳的前身。只賣凍飲、雪糕、沙冰等，稱作冰室，絕無欺騙之嫌。隨著時代發展，面對競爭，為求生存，冰室售賣的食品越來越多，漸漸走茶餐廳的路線。時至今日，兩者已分不清。印象最深刻的，是中國冰室。電影愛到中國冰室取景，取其舊式裝潢、佈置和氣氛。一件咖央多，一份西多，一杯紅豆冰，憶起童年，讓人回味。傳統冰室幾十年歷史，幾乎沒可能複製那歲月留下的滄桑。倒不如把新簇看成一個賣點，同樣可以成功。冰室的設計，融合西式的潮流，來個crossover。整潔企理，模彷傳統風格的同時，添上玩味。午餐除了各式主食，最吸引的是鮮茄濃湯通粉。鮮豔的餐牌，尤其奪目。紅豆冰冰室不可或缺的一部份。可惜，第一代用刨冰的紅豆冰，已近乎失傳，都改用碎冰。一杯傳統不過，飲了廿幾年的紅豆冰，大概覺得不外如是。基本上都是一樣，但這杯紅豆冰不動聲色地起革命。現代人最喜愛講健康，港式經典菜色，如沙嗲牛肉麵、乾炒牛河、西多士，都被視為邪惡的食物。把紅豆跟糖煮成的糖水，加入淡奶和冰而成的紅豆冰，通常都很甜，也是營養師最討厭的對手。這杯紅豆冰沒傳統的甜，全靠控制煮紅豆的糖的份量。淡奶亦沒那麼濃稠。可能會有人認為是混了水，我卻覺得更

又來樓下冰室, 今次要食蕃茄呀, 我們叫左兩個餐, 蕃茄牛乳滑蛋通粉, 一個餐跟瑞士雞脾, 另一個餐跟火腿奄列蒜蓉多士.嘢食好快送上, 好大份的蒜蓉多士, 有四件的, 奄列好大份, 好多火腿及雞蛋, 應該等於平時的兩份份量呀. 然後瑞士雞脾, 都大隻及好多瑞士汁呀, 好吸引呀.蕃茄通粉都嚟埋, 開餐, 碗通粉好大碗呀, 好紅的顏色, 好濃的蕃茄味道, 好好食呀, 上面有些滑蛋, 通粉配蕃茄係絕配, 雖然係好濃味, 不過真的好好食, 通粉唔會過硬或過淋, 好啱口味, 滑蛋夠滑, 仲有些洋蔥, 好甜的. 瑞士雞脾好滑, 瑞士汁唔會好咸, 好好食, 啖啖肉呀, 我唔食皮的, 如果食埋皮仲好味. 同埋隻雞脾真係幾大隻, 跟餐抵食好多, 如果散叫就貴D, 28元一隻.蒜蓉多士熱辣辣, 好香口, 又夠脆, 好味, 蒜蓉唔算好多, 啱啱好呀, 火腿奄列好滑, 勁多火腿, 又大份, 食左好耐都未食完呀.我們三個人叫左兩個餐, 其實都夠晒, 因想食D疏菜, 所以叫左個芝士焗西蘭花, 因為即刻整的, 所以要等耐少少, 仕應細心的提醒我們啱啱焗出嚟, 好熱的. 好香芝士的味道, 同埋份量俾我想像多, 每件西

又同蝦餅黎個週末齊搵食，行極都無咩啱，之後見到呢間，有d人龍，應該ok，就呢間，拎定飛等蝦餅啱啱好呢間明顯賣蕃茄產品，不是蕃茄湯底，就是肉醬我為脆豬，最平40蚊既常餐，有粉，火腿，蛋同脆豬，跟熱飲，夠啦脆豬食到面脆，但包質太輕，太鬆軟，去不到脆豬的滿口脆脆，有點失望茶餐廳效率好高，呢頭落左加10蚊轉紅豆冰，嗰頭想轉同價轉既奶茶紅豆冰已經太遲，杯冰已到，算吓，有機會再飲紅豆冰比較都係奶同冰比較多，紅豆都夠淋同清甜，幸好糖水輕手，整體都ok反而茄通幾驚喜，茄味好出，酸酸甜甜，食到茄肉，牛肉好淋，無筋，分量仲有好多，抵食肉醬意粉好厲害，啖啖肉碎，味夠濃郁，醬夠稠，撈無調味的意粉啱啱好，份量都多，蝦餅都飽 

每次路過，都見到排隊人龍，我呢個心急人當然另外覓食喇. 但今天可能下雨天吧，加上已是兩點，沒有人龍，所以決定一試. 店內裝修如其名，俯首而望, 就是樓下冰室 ！ 餐廳主打蕃茄湯底，好健康喎! 我好容易揀到至愛既芝士菠菜炒蛋缧𢇁粉，蕃茄湯底，其實你可以選擇通粉，意粉，公仔麵，烏冬等，wow , 正😋 先講芝士菠菜炒蛋，芝士份量配合恰當，縲𢇁粉軟硬剛剛好，我個人不喜歡太軟呢，至於主角蕃茄湯都唔錯，甜酸度適中，嘻嘻我連湯都飲哂🙊

與媽媽行過呢間餐廳，就想去試因為我係超級愛蕃茄。我點左個煎蛋蕃茄肉醬飯，媽媽點左個菠菜芝士蛋蕃茄螺絲粉。菠菜芝士蛋出奇地好味！配搭十分完美，我同媽媽都讚不絕口。煎蛋蕃茄肉醬飯都好味，飯的份量特別多，差點食唔晒，但有少少過甜，不過整體都唔錯！

星期六去了荃灣, 晚飯的時候去了路德圍搵食, 行下行下看到這間茶餐廳, 原來係食蕃茄的出品的, 好似都好多選擇及夠晒光猛, 所以就入去了. 都幾多人, 不過唔使等位的.我們見隔離枱食的滑蛋好似好好味, 原來係常餐, 我們叫左一個常餐, 有一碗麵及另選一款配撘, 我們揀左意粉配牛乳炒蛋, 但不是蕃茄湯底,係豬骨湯底, 然後跟火腿奄列配蒜茸多士, 一碟餐肉火腿煎蛋飯, 一隻瑞士雞脾一齊食.意粉好淋, 可能浸得太耐, 唔係好得呀, 太淋身, 個味是OK的, 湯底係甜的, 火腿奄列就好大份呀, 好味, 足料, 蒜蓉多士都好香口, 夠脆及蒜蓉好香.那碟餐肉火腿煎蛋飯都好大碟, 好有童年的回憶, 普普通通沒有甚麼特別, 瑞士雞脾係必食的推介, 都幾大隻, 好多瑞士汁, 甜甜地好好味, 雞脾肉質夠晒滑呀, 好好味.這小店都幾有特色的.

夜晚成十一點幾先食晚飯 去到路德圍呢間menu幾好於是就入去食 叫左番茄湯肥牛通粉配牛乳炒蛋同冰室炒意粉 首先番茄湯超濃 都幾多番茄 好好飲 唔係太酸而且個炒蛋好滑 好香 但反而肥牛冇咩味 而冰室炒意粉都唔差 都幾多火腿煙肉 炒得唔太干 野飲方面 熱菜蜜較甜 但好夠味 雖然野食好味 不過,服務真係麻麻 因為唔夠人 有d職位黑口黑面 但有d好好 同埋我地坐既位置唔係幾口 好大陣消毒藥水味。