樓下冰室 (Closed)

樓下冰室是茶餐廳的格局, 卻有不少招牌食物, 例如蕃茄通, 瑞士雞翼等, 在競爭激烈的路德圍殺出一條血路.下午五時半到達, 既不是下午茶時間, 亦不是晚飯時間, 餐廳仍然客似雲來, 未吃午餐的我, 興致勃勃的點了蕃茄通配合瑞士雞脾, 作為晚餐都好適合.蕃茄濃湯通粉 配牛乳炒蛋 配招牌瑞士雞脾 ($46)大大碗的蕃茄湯通, 份量足夠我頂兩餐. 最討喜的是足料的蕃茄湯底, 啖啖都是蕃茄精華, 味道天然, 略帶微酸, 並沒有人工化茄膏, 茄醬的味道, 已經是合格有餘了! 再加上滑捋捋的牛乳炒蛋, 蛋味香濃, 沒有摻入粉漿的感覺, 簡簡單單但相當好吃! 通粉表面光滑, 並不是可以更為吸湯的”坑通”, 是唯一的扣分之處.蕃茄通除了可以配牛肉, 午餐肉, 火腿等大路配料外, 亦可以選配招牌瑞士雞翼, 瑞士雞脾等. 一個價錢可以吃盡兩款招牌菜式, 夠貼心!瑞士汁的由來不多作介紹了, 總之就是港式的甜豉油, 港式西餐廳最喜歡用它來製作”豉油西餐”, 話說鼎鼎大名的太X館餐廳, 其招牌菜就是豉油西餐了! 一道瑞士雞翼動輒過百, 就裡一個午餐的價錢就可以吃得到, 你說是不是賺大呢?瑞士雞脾色水深, 明顯用

這晚特意前來，讓味蕾重拾回憶！店內空間不算大但是規劃上卻獨具巧思，還特別設有超長卡位裝修走懷舊路線價格相當親民選擇也很多，看圖片也相當吸引! 招牌菜瑞士汁雞翼瑞士汁味很足，帶點甜味裡面的雞肉十分嫩滑兩個人分來吃剛剛好！芝士焗西蘭花份量十足，西蘭花爽甜翠綠炸海鮮芝士豆腐 一客六粒，配上沙律醬炸魚蛋口味，內裡更有淡淡的芝士濃茄牛肉燴意粉酸甜的蕃茄把膩感降低，牛肉也來得嫩滑不錯吃下回再來 定必再嚐它們家名物番茄濃湯通粉跟炒蛋店家資料：荃灣路德圍14-18號B舖電話：35654599 如你喜歡,請給個LIKE^^DULL LIFE宣傳你的專頁

上星期同個朋友去左荃灣行街, 荃灣不嬲都多好野食, 今次我地選擇試呢間餐廳~ 差唔多7點3到去到, 門口都有人等緊位, 不過等左大約5分鐘到就入得, 都算快。 佢個MENU 有好多野食揀, 仲有唔同套餐有唔同配搭既然呢間餐廳英文名叫做 TOMATO CAFÉ, 當然要叫番D 蕃茄食品試下啦~我地揀左個特色蕃茄濃湯通粉餐, 配招牌瑞士雞翼, 再加左個奶茶紅豆冰~ 蕃茄湯好濃郁, 好夠味唔會好似水咁稀👍🏻👍🏻👍🏻通心粉亦唔會煮到好冧, 軟硬度剛剛好! 最重要係湯夠熱! 瑞士雞翼好大隻! 仲要有2隻! 知道有D餐廳整瑞士雞翼個汁會整到好甜, 但呢度個汁唔會好甜, 岩岩好, 而且好入味! 最重要, 又係夠熱!平時都係飲傳統紅豆冰, 今次試新野, 奶茶紅豆冰! 有哂2種摯愛~ 奶茶同紅豆比例一半半, 唔會好甜, 又唔係好多冰, 好解渴 食到好飽, 價錢合理埋單都係$50幾蚊, 下次會再去!

今日咁岩放假，同左媽媽去荃灣行街，行左成大個朝早，於是就想搵間野坐低慢慢食野傾下計。要簡好野食，識去一定要去路德圍個頭，唔單只有各樣美食，而且仲近地鐵站同商場！去到路德圍，行左一個圈，見到有一間冰室都幾爆場，而且裝修好特別，有一種懷舊風，於是決定去試試ｄ下午茶！一入到去，侍應為我地安排左卡位。餐牌也很特別，除左食物圖片吸晴外，ｄ字也夠大粒。岩哂媽媽有老花，容易睇唔清楚既人士！餐廳的主打是蓄茄同埋瑞士雞翼。於是我就毫不客氣咁ｏｒｄｅｒ左一客瑞士雞翼同埋一個蓄茄餐肉通粉！而媽媽就ＯＲＤＥＲ左一個皇牌咖哩牛腩飯。坐左一陣，Ｄ野食好快就到。估唔到食物既賣相都非常之吸引，除左大件之外，外型都十分吸引，睇到都流哂口水。媽媽既咖哩牛腩飯，十分之足料，牛腩大大舊，絕冇偷工減料！而且煮得入味之餘又十分林身！唔算太辣但味道又好，符合香港人口味。而我叫既蓄茄通更是十分大碗，蓄茄肉又多，湯底濃，黎到既朋友一定要試試！餐肉大大塊，唔似得其他餐廳咁，比一小塊你。食食下個主餐，見ｄ食物質素咁高，於是叫多一個焗芝士西蘭花小食同埋瑞士雞翼。之士西蘭花上面鋪左一層厚厚既芝士，而且都係焗得好林，一入口就覺得好正，可以值得一

上次去咗一趟金記冰室懷緬一下當年今日，從住晌荃灣嘅朋友口中得知，荃灣都有一間懷舊冰室，佢話樓下冰室，我話你屋企樓下無嘢食喎 ，佢補充多句話間餐廳叫「樓下冰室」 。趁住星期六晚過嚟上堂，簡簡單單一支公嚟食個飯，嘆吓奶茶。雖然，裝修無金記咁多懷舊花巧嘢，相反，其實算幾摩登，不過，仍見唔少舊式產物，勾起少少童年回憶。雖然話懷舊，但樓下冰室喺以蕃茄為主力產品 ，佢哋有個掛牌喺講蕃茄對人體有幾好，就連個招牌都以蕃茄為圖。攤開張餐牌，有咩好食就一眼睇晒，主打就喺蕃茄濃湯通粉餐，其次，仲有多款小食及特色主食。除咗通粉餐、下午茶餐，就無乜套餐， 皆因點任何飯類，都可以以半價點飲品，變相喺一個套餐嘅選擇 。 熱奶茶 $16（配飯優惠$8） 嚟茶記或冰室嘅心水選擇，杯奶茶好有茶香，落奶嘅比例亦好啱我，只喺絲滑度未喺最好，但亦已好有水準。 焗鮮茄豬扒飯 $50 雖然佢哋嘅招牌喺鮮茄濃湯，但小弟反而好想食佢個焗豬。首先個鮮蕃茄汁底好正，茄味香濃，酸香鮮活，配合個炒飯底，淨喺茄汁撈飯都好食呀 ；豬扒雖然唔喺好似一哥嗰啲厚切，但有3塊之多，一般呎吋嘅有骨豬扒，質感好鬆軟，醃得入味 。佢哋

荃灣一向好多美食隱藏魚鱻米線隔離原來都有間好味既舖個feel幾懷舊,好岩啊爸啊媽拍拖,不知幾浪漫.我叫左個午餐,我想試下菠蘿冰,佢吾係用糖水菠蘿,用左新鮮菠蘿,食落去有新鮮菠蘿既嗱嗱地舌頭既感覺.朋友叫左我最怕既羅漢果,我聞聞覺得好重味,但朋友話係幾甜,試得出係自己煲.兩個湯都好濃好似自己煲,豬骨湯會加入小小薑,感覺會好舒服,冬天佳品.蕃茄湯都幾濃,頌好似有小小陳皮味,感覺用心製作,牛肉都好好味，吾會un. 炒蛋都好食,但我個人會比較想食生d,個包烤得脆，幾外脆內軟，如果加多d蒜蓉就爽了。雞脾煮得好入味，個汁好濃，而且隻脾吾諧幾滑。呢個不得了，個粉漿吾厚，炸得岩岩好，配埋個醬一流😍😍😍😍呢間值得再食

樓底極高，仰望著感覺就像在下層般，取名為「樓下冰室」絕對無誤！平日晚飯時間來到，全城滿座。裝修走懷舊路線，感覺就像在八九十年代冰室般。主打蕃茄濃湯通粉，可搭配一款小食，亦有其他飯及麵食可供選擇。價格相對大眾化，只看圖片已相當吸引! 先嚐一口蕃茄湯底，濃郁香醇不在話下，帶著切碎的蕃茄，增加新鮮口感。選擇了普通的通粉，煮得軟硬適中，管內載著美味蕃茄湯底，讓人禁不住一口接一口。而面頭舖上的芝士菠菜炒蛋，絕對是佳作，簡單的炒蛋，添上配料後，瞬間將美味昇華！不消一會便全數清光，連湯底也一滴不留。同樣為招牌菜的還有瑞士雞脾，點上了一式三樣，定價52元。非常濃黑的瑞士雞肶,Size及表面的潤澤度，令人滿意！以冰室/茶餐廳來說，這肉質的嫩滑度令人驚喜！比起炸雞肶，更愛其不油膩及惹味。中間的沙津亦有驚喜，吃下去是爽脆清甜的生果，薯仔大粒粉感十足，感覺不是普通罐頭貨色耶！不知是否櫊置已久，豬仔包不脆了夾兼凍冰冰，然而面層的蒜蓉牛油很香，還是不錯吃的蒜蓉軟包~額外點上了這款茶餐廳少見的小吃 - 焗芝士肉醬薯角。用肉醬取代蕃茄點醬，配著有皮三角薯條吃蠻不錯耶! 整體帶微微辣度，芝士密封表面來焗，牢牢鎖住熱氣。

午飯時候經過呢間名字非常特別既「樓下冰室」，又知佢主打蕃茄食品，就入左黎坐低試下啦。非常鍾意食蕃茄通既我揀左呢個$40既午餐，有奶油豬，火腿，牛乳炒蛋，蕃茄螺絲粉同埋一杯飲品。蕃茄螺絲粉個湯新鮮冇味精，仲好有濃郁既蕃茄味道，可以成碗飲左佢，配埋香滑既牛乳香蛋同火腿真係越食越開胃。

在荃灣搵食，一諗就諗到路德圍一帶，排晒長龍的糖水舖。有日下午一個人想食個下午茶，就去左路德圍搵食，今次唔係食甜河品，正正經經食個特餐下午茶。最吸引我的不是懷舊裝修，反而係好多人客枱面上的大雞脾，坐低睇睇餐牌，簡直不得不點特餐:蕃茄濃湯配炒蛋+招牌瑞士雞脾+飲品 $46。抵食夾大隻!蕃茄濃湯配炒蛋我揀左螺絲粉，賣相不錯，size夠份量，，蕃茄湯味鮮甜夠濃，食到有碎蕃茄粒粒，真材實料。螺絲粉身好彈牙，浸林左都唔會散! 最欣賞係個炒蛋，雖然唔太勁牛奶味，但蛋幾滑，撈埋個湯好好食。招牌瑞士雞脾上枱熱辣辣，有汁伴住，雞肉很幼滑多汁，唔太乾身，很入味，令我諗起兒時媽媽拿手的鼓油淋雞，下下都係心機!這雞睥配蕃茄湯粉最夾，plan緊下次再去食!

同朋友去荃灣摸完酒杯底，見有d肚餓，正當諗緊夜媽媽唔知有咩好食之際，見到樓下冰室，被佢既蕃茄湯底通粉吸引左入去。我就叫左個蕃茄湯底滑蛋通粉再加個瑞士汁雞脾餐加多個芝士焗西蘭花。個通粉個湯底果然名不虛傳，蕃茄味好濃，酸酸甜甜，連我唔太好蕃茄都覺得正，而且個蛋炒得好滑，生熟剛剛好，配合蕃茄湯，一流。至於個瑞士汁雞脾，瑞士汁味好香，好入味，雞脾切落啖啖肉，平時唔食雞皮既，由於好入味，甜咸適中，忍不住食埋!至於個芝士焗西蘭花，西蘭花焗到林林地，唔會太硬身，而且芝士味不太濃，不會太溜，啱哂咁夜食。賣單每人都唔洗$70, 仲平過杯酒. ^_^

冰室 - 一個懷舊的記憶，訴說著茶餐廳過去的歷史。而樓下冰室，不是一般傳統的冰室，帶著復古的味道而打造的新潮冰室。在細節位可見店主盡顯心思，看那天花上的擺設，看那墻上的掛畫，是否有一剎那覺得時光倒退，回到以前？墻上獨有的飲品推介牌，腦海中一幕幕關於冰室的電影片段重現眼前。樓下冰室主打番茄濃湯，看食評，為它點讚的人數不少。另外，看到每枱顧客都會點的瑞士雞髀，當然不可錯過。招牌瑞士汁雞髀 & 番茄濃湯通粉 配 牛乳炒蛋 - $46不愧是招牌湯底，番茄味濃郁，酸酸甜甜，十分開胃。不得不讚炒蛋，嫩滑中帶有香甜奶味，就算泡在番茄熱湯中，而不影響它鮮嫩的口感。雞髀入味，但不會過鹹，肉質嫩口，每啖都充滿瑞士汁的香味，香甜而不膩。香煎雞扒 & 香濃豬骨湯 配 牛乳炒蛋 - $46想不到普通的豬骨湯也令人驚喜，加入薑絲，薑味令豬骨湯更清，更香。雞扒煎至香脆，但如果內里嫩滑更好，三大塊雞扒，吃到最後有點撐。炸海鮮芝士豆腐 - $30炸魚蛋的口感，加上淡淡的芝士，作為小食是不錯的選擇。最後忘記了為雪糕紅豆冰拍照，甜度剛剛好，大大粒紅豆，煲至少許起沙，如果在夏天，一定是一流的消暑飲品。

最近同阿女在外吃飯次數多了，上星期同阿女去了筌灣，我同阿女在路德圍見到一間好特別茶餐廳，店鋪名字叫樓下冰室 ,冰室是以前舊有叫法,我同阿女入去光顧,我点了番茄牛肉通粉+椰汁冰,阿女要奶油豬仔包+椰汁冰,番茄牛肉通粉個湯十分濃郁番茄味道，牛肉味道幾好 ,椰汁冰好好味，服務亦幾好,環境好有懷舊感覺

荃灣工作完本身唸住去路德圍食米線 但發現左一間新開既茶餐廳 燈火明亮 於是俾佢吸引左入去食 . 食店都幾大 大部分都係長枱櫈同卡位 我自己一個坐左喺卡位menu大得黎彩色 有茶餐廳應有既茶餐 通粉類 或碟頭飯類見佢蕃茄類好似幾出名， 於是點左一個蕃茄湯底 要螺絲粉加一個瑞士汁雞脾 蕃茄湯底新鮮冇味精 . 蕃茄味鮮甜 可以成碗飲左佢， 螺絲粉 夠咬口 , 上面配有香滑既煎蛋同香草 推介 而瑞是汁雞翼亦十分好味 首先汁係好多年前嗰d冰室既味道黎，不太咸又夠瑞是汁味， 雞脾大隻 皮滑肉汁豐富 一咬落去d肉汁同油脂必哂出黎 正！最後飲品點左忌廉紅豆冰。 大大杯紅豆冰 冰算係夠碎 紅豆夠爛同林 而奶甜度適中 , 再加上忌廉令到成杯紅豆冰夠哂滑 yummy !若喺荃灣想食下茶餐廳 我會推介食樓下冰室

樓下冰室，看似是平平無奇的茶餐廳，但內裡絕不簡單！冰室一詞已經帶點懷舊色彩，再加上餐廳主打的蕃茄通粉和瑞士雞翼，絕對令人一試難忘！下午茶時間到達，餐牌上的特色食品花多眼亂，瑞士雞脾雞翼不多介紹，焗豬扒飯雜扒飯的賣相也很吸引，但既然一場來到就點了牛乳炒蛋蕃茄通，再加瑞士雞脾吧蕃茄通粉是餐廳的重點推介，蕃茄的酸甜度剛好，開胃醒神，入口令人一試難忘，冰室標榜食物不含味精，可見師父是用心調理過湯底！炒蛋亦都炒得香滑，一口通粉一口滑蛋也是絕妙配搭呢！再來就是瑞士雞脾，大大隻勁吸引，非一般茶餐廳的發育不良雞脾比得上，抵食！瑞士汁味道調配適中，不會過甜亦不會無味，每啖雞肉的沾滿瑞士汁也令人十分回味！食完酸酸的蕃茄通，再食甜甜的瑞士雞脾，更加令人胃口大增呢！

一年前，我倆來到這裡，曾與你吃這個餐，當時你選了配瑞士雞翼，而我選了什麼？不太記得了，只記得當時幫你將雞全翼起骨。今天偶然到荃灣，想起了你，於是進去將這個餐又吃一次，今次的我選配了瑞士雞脾。雖然你已不在陪我吃這個餐，但這個餐仍陪著我。當日，你還取笑這個炒蛋放在熱湯裏，會變得過熟，兩者根本不合襯。今天，我可以告訴你，炒蛋放在熱湯裏都可以保持香滑，炒蛋會進步的，何不給她一個機會呢？一年後的蕃茄濃湯，變得更香濃，可能是放了感情進去，越見濃情。瑞士汁也是比起上次更濃更甜，雞脾肉很滑很入味，很想與你分享，問問你比較喜歡雞脾或是雞翼。正當猜想著你的答案時，樓面姨姨問我蕃茄濃湯通粉到了嗎？我回答，到了，還已經吃完了。這一餐，欠的不蕃茄濃湯通粉是，欠的是一個人。完~P.S. 不談回憶，只談食物的話，的確是大有進步，由一年前我覺得$46不太值得，到了今天，水準之高令我覺得$46是有其價值