樓下冰室 (Closed)

自從和老婆仔去了澳門玩天浪淘園花了不少金錢住酒店後銀包元氣大傷最近都沒有出外吃稍為貴價的食物都是連鎖米線店、快餐店等今天我們在荃灣看電影雖然很想吃餐貴的但想起戶口的餘額只好不斷尋找較經濟的餐廳來到這裡美食街發現這間餐廳價錢合理又有不少客人所以馬上選擇了這間餐廳其實是被蕃茄濃湯吸引所以我們分別要了38元的素菜蕃茄濃湯通粉以及38元的叉燒蕃茄濃湯螺絲粉再加了杯11元的紅豆冰兩碗粉上都有牛乳炒蛋不過可能是浸在湯中的關係牛乳味不突出感覺只是似普通炒蛋素菜有菇類、生菜和蕃茄感覺很豐富而叉燒就有點肥而且較單調不過那湯底真的值得一讚很濃味蕃茄味很重酸度剛剛好老婆仔幾乎把湯底都喝了通粉和螺絲粉放在這湯底中也特別美味至於紅豆冰冰略嫌多了點但甜度適中在要節衣縮食的時候用紅豆冰代替甜品也是不錯的選擇

樓下冰室係一間尊食蕃茄湯同牛奶炒蛋的今日就嚐一嚐佢地招牌菜蕃茄米線配炒蛋$49蕃茄湯有甜甜的蕃茄味炒蛋好滑 同湯非常合襯湯入面仲有粒粒蕃茄 真材實料瑞士雞脾肉質嫩滑 味道濃郁 沒有雪藏味 非常新鮮

自從上次樓下冰室食過他的蕃茄湯通粉已事隔3個月沒再去幫襯睇下今次有冇退步先,蕃茄濃湯通粉配牛乳炒蛋加吉列豬扒$46除咗吉豬仲有12款可配搭真係梗有一款啱大家^0^蕃茄加蛋當然係絕配啦況且牛乳炒蛋質地剛好不硬也不瀉身,吸滿水準到家的蕃茄湯後超好味今次我還選了辣的蕃茄湯(加辣椒粉同煮)仲惹味 配上的吉列豬扒也不輸蝕看得到即炸,厚切得來肉質夠淋仲頗大件絕非大X樂的半件扒,味道也是我歡喜的醃料不過重推介啊~ 車爸爸的蕃茄濃湯通粉配牛乳炒蛋加咗樣大家都好難估到的餸係脆肉鯇魚,呢個餐$38脆肉鯇魚質素超高入口脆卜卜有魚鮮味有時我都買唔到咁正尤其夏天不過魚嘅分量少咗DD啫~這兒沒有套餐所以飲品要另加$凍飲加$9熱飲加$8但水準不錯架

我很喜歡有特式的港式茶餐廳，樓下冰室有舊香港式裝潢，除了坐位比較窄一點外，食物及環境都算不錯。一定要推介的是它們的茄湯！湯底是用新鮮的蕃茄製成的，鮮甜味美。香濃味遠勝於一些以茄汁調製茄湯的食店，再配上嫩滑炒蛋，這茄湯無論是搭上通粉或是公仔麵，爽口的豬潤或是香脆的吉列豬扒，整體味道不錯！當然可以揀加不同配料和餸菜的。而且那杯茶餐廳凍檸茶都值得一讚，甜度適中無苦味，絕對要一試！

今日去左試依間以懷舊做主題既餐廳。佢地個招牌菜就係以蕃茄濃湯做湯底既縲絲粉，所以就叫左一個蕃茄湯縲絲粉+鮮奶炒蛋依個組合其實係黎自中國其中一個出名既民間菜蕃茄炒蛋。咁當然依個係蕃茄湯炒蛋，所以期望唔可以太高。茄香好香，幾開胃。炒蛋都幾滑幾香，雖然蕃茄味成份高D，不過都好食既。我地依D食肉獸冇可能淨係叫齋通一碗架嘛，所以都叫左一碟鹵水雞脾，不過就麻麻地，可能瑞士汁會好食D。我地叫左最懷舊既野就係紅豆冰睇圖都知啦！紅豆份量幾多，而且紅豆夠粉，所以好好飲！

茄牛通午餐連凍飲（$43）好特別嘅一間餐廳，以舊香港懷舊風格為主嘅一間新式冰室。餐廳以蕃茄食品為主打，我就叫了一個茄牛通粉午餐：有茄牛通配蒜蓉包同火腿炒蛋。先講茄牛通，賣相唔錯，份量都好足夠，食落蕃茄味重，牛肉質地唔差，但味道有點失望，而通粉軟硬度適中，還好。湯方面，我覺得係整個午餐最值得留意的地方。蕃茄味好重，令整個通粉生色不少，但味道因此較重，如果怕味濃的朋友可能對這個通粉有保留。另一邊蒜蓉包同火腿炒蛋，蒜蓉包可以為大食嘅朋友多一份飽肚感覺，食上來都說是香脆，味道同坊間的都差不多，無甚特別。炒蛋不是炒得太熟，吃上來的確是「滑」蛋，味道亦和其他的差不多。總括而言，這個價錢算是差不多，味道的確係濃，餐後有點渴，但餐後吃得很滿足、很飽，不錯。

因為工作緣故，今日來到荃灣，在路德圍繞了一圈，發現有一間不太一樣的冰室。叫樓下冰室，單是名字已經充滿玩味。店方將「蕃茄」和「懷舊」兩種元素扯在一起，雖然個人很喜歡蕃茄，但感覺好似不太搭。店內菜式以蕃茄為主，牆上掛了不少紅艷艷的蕃茄圖片，以及列舉了茄紅素對身體各種的好處。點了鮮茄湯牛肉通粉配火腿蛋和蒜蓉牛油豬仔包，前者大大碗，湯底很甜，似乎欠缺了蕃茄原本自然的酸味。牛肉有點韌，通粉非常滾燙，火腿煎蛋和豬仔包卻是涼涼的。豬仔包只是微脆，面層塗了濃濃的蒜蓉醬，香草味突出但似乎有點過鹹。炒蛋表面結實，內裡卻水水的。忌廉紅豆冰正價$28，跟餐只需加$10。紅豆冰頂部加忌廉其實有點奇怪，因為不夠挺身，忌廉下塌速度很快，不過溶掉以後的味道又有點像兒時舊居附近那所冰室的味道。從懷舊的角度欣賞，抬頭望向角樓方向可以看見一些鐵皮玩具、大紅花暖水壺、糖果玻璃樽等的擺設。另外，牆身亦掛了一些黑白舊照片，當中包括荔園遊樂場中擲階磚贏白箭香口膠的經典場景，還有舊式九巴和老香港的模樣，但不知道是照片太小還是其他原因，總覺得店內的佈置可以再細緻一些。

午餐同老公去路德圍搵食，最後決定食蕃茄，上次食過蕃茄通都唔錯，不過瑞士雞脾就一般，今次要試下其他小食。蕃茄通 炒蛋可有可無，唔係太特別，蛋味俾蕃茄蓋過，蛋都唔算滑，但係主角蕃茄通茄味濃，齒頰留香。蕃茄麵老公話最衰冇得加錢轉一丁，麵質當然失色吉烈豬扒好大件，炸得好香脆，超驚喜吉烈魚柳一樣都係好大件，炸到外脆內軟，配埋沙律醬超正，比吉烈豬扒更驚喜菠蘿冰用新鮮菠蘿整，好fresh好鮮甜!P.S.下次再黎要記得叫佢將豬扒同魚柳碎上,自己切會散晒。

行過路德圍見到間樓下冰室有我大愛的蕃茄湯底便拉車爸爸入去食lunch go go go~凍檸茶午餐加$9唔澀有茶味滿意的,而個茄通包有熱奶茶車爸爸說也不錯呢~蕃茄濃湯通粉配炒蛋&瑞士雞肶$46~瑞士雞肶味道不錯如果能嫩滑些就更添美味了~蕃茄湯果然濃稠炒蛋浮游在湯內吸盡蕃茄精華蠻好吃喔~另外叫一個午餐$40~蒜蓉脆豬香脆可口,火腿炒蛋炒得頗juicy好吃~湯粉可選蕃茄濃湯或豬骨濃湯,有豬膶,叉燒,牛肉3款餸選擇更有多達6種粉麵可選我揀咗豬骨濃湯豬膶通粉,豬骨濃湯好對味加上薑絲豬膶令整碗通粉也滋味無窮我覺得比維記更做得好出色~此店絕對可以返兜~

今日經開荃灣 見呢間樓下冰室都幾多人食 就同朋友入左去醫肚啦我叫左碗招牌「番茄湯飯」配肥牛 碗野一黎到果下 我真係嘩左出聲 因為真係好大碗 番茄湯連埋入面既飯就黎滿瀉咁濟😂不得不讚個番茄湯👍因為真係好鮮甜 甜甜酸酸好開胃 可以話係成個餐既靈魂 啲飯由於浸係番茄湯入面好耐 米飯索哂湯既味道 食落好鮮甜 好好味又夾！至於旁邊配料既肥牛就唔係話好特別😂係我地平時打邊爐都食到既味道 但係隔離既炒蛋都滑好香 即使浸左係湯咁耐都依舊好好食！👍

係荃灣唔知想食咩，嚟路德圍就實無死。哩到聚集左各式各樣嘅餐廳同糖水店，行過想食咩就食咩。今日試下哩間新開嘅“樓下冰室”，裝修係好似懷舊茶餐廳。以蕃茄為主打，好似蕃茄濃湯麵、蕃茄焗意粉、蕃茄焗豬扒飯等。叫左個午餐同下午茶餐食。普通嘅午餐係跟脆豬同炒蛋，但為左一試瑞士汁雞脾，所以食$46餐。蕃茄濃湯螺絲粉配牛乳炒蛋都幾大碗，蕃茄湯就唔係濃湯，相反係清甜，味道幾似主家味，有蕃茄粒。去茶餐廳食總係味精多，因此嚟一碗鮮茄麵，感覺健康d。 招牌瑞士汁雞脾果然係招牌。雞脾肥大厚肉，肉質都算嫩滑，而且皮薄，無太多肥膏。瑞士汁味剛好，甜甜地，令人忍唔住一口又一口地咬。而且雞脾醃得入味，唔洗點太多汁都夠哂味。見在埸不少顧客都用手拎起食，果然食雞脾都係用手先夠滋味！可惜下午茶餐就相對失色，無蕃茄食物選擇，而且計返個價錢無食常餐咁抵。 厚切牛乳炒蛋治好大份，哩份三文治應該至少用左三隻蛋。不過炒蛋並唔香牛乳味，甚至連蛋味都欠奉，炒蛋又唔夠滑，實在令人失望。 另外，餐茶可以揀自家製羅漢果茶，清下濕熱肝火。雖然個蛋治唔得，但個蕃茄湯同瑞士汁雞脾都可以一試。

店名：樓下地點：新界荃灣(1) 蕃茄濃湯扭紋粉；(2) 牛乳炒蛋火腿豬仔包；(3) 鮮茄湯午餐肉牛乳蛋螺絲粉；本人先後在2014年11月8日、2015年3月11日及27日到此店吃晚餐及午餐。選擇此店的原因是他們煮的蕃茄濃味道濃郁可口，非其他提供同類蕃茄湯或蕃茄蓉的餐廳可以媲美，因為其他店舖通常只是放入一堆茄蓉而已，味道當然清得很。除了通粉外，款式也多，例如煎蛋免治牛肉飯、金牌咖哩牛腩飯、意式肉醬意粉、台式肉燥煎蛋飯等。其他食物的色香味如何：全部食物不算油膩。牛乳炒蛋夠香且嫩滑。環境：充滿懷舊色彩，地方雖然略為淺窄，但古典的地磚加上精美的牆上裝飾，故很有特色，而且算是整潔。服 務：很有禮貌。衛生：良好。抵食：如能便宜數元更佳。

一向喜歡蕃茄湯的我經朋友極力推薦而來到此店，原來冰室為名實際主打蕃茄湯，本來想簡簡單單試吓牛肉炒蛋湯通粉，但經樓面姐姐說蕃茄湯和瑞士雞髀是本店之招牌，（看它的餐牌寫不含味精）蕃茄湯上面充滿粒粒蕃茄真的超好味，它上面放炒蛋都好滑，另瑞士雞脾都堅正

經朋友介紹，今日終於試到啦，蕃茄湯底通粉，牛乳炒旦配瑞士雞肶。呢個配搭真係正，有驚喜，炒旦夠滑，蕃茄味濃，瑞士雞肶好有肉汁，吾乾，好新鮮。好好味，會再黎，吾只得蕃茄餐，仲有其他款西式野食

星期日同家人行完城門水塘，去荃灣搵食，行到路德圍十間着左八間都係食米線，突然老公發現有一間門口既menu好吸引，D鷄肶紅卜卜，佢以為係炸既，睇真D原來係瑞士汁，好啦就食呢間！我同個女食蕃茄濃湯通粉配吉列豬扒，飲綠豆冰，紅豆冰，老公同個仔食蕃茄濃湯公仔麵配瑞士汁雞肶，凍奶茶，凍朱古力，再加多個焗芝士肉醬薯角。蕃茄濃湯湯味濃郁，加上通粉煙韌，再伴以鮮奶炒蛋，豐富又健康!吉列豬扒鬆脆，瑞士汁雞肶略嫌咸左D綠豆冰用椰汁作底，綠豆煮得粉稔起沙的，而紅豆冰則以椰汁加淡奶作底，紅豆亦夠粉稔，兩杯都好飲~焗芝士肉醬薯角剛焗起熱辣辣的，肉醬芝士下得豪不客氣的，啖啖滋味~食飽飽，就這樣~