樓下冰室 (Closed)

今晚和朋友到這間冰室晚飯，內裏都有很多位，不過再夜點就多人都要等位了。兩女子叫了:兩碗招牌蕃茄通粉配招牌瑞士雞翼同雞脾蕃茄湯真係好濃，用新鮮蕃茄煮的，真係大讚啊！雞翼同雞脾同煮得十分入味，咬落去d用好滑，好juicy,出菜時仲係熱辣辣架！連平時唔食雞翼尖的我都食得一乾二淨！另外叫左個芝士肉醬焗薯角，份量多！好多肉醬同芝士，薯角又好大條的。最後餐飲係“紅豆咖啡”同“紅豆冰”。d豆好粉，一咬即溶，兩杯都不錯，我飲既紅豆冰仲係有奶味的（即是奶多過水），真係真材實料！

男朋友非常喜歡蕃茄，看這間冰室的標誌似乎和蕃茄有關，我們就來這裏試試吧。　　我們都點了常餐，有蕃茄湯底牛肉公仔麵、餐包和炒蛋火腿，餐飲是熱奶茶。　　蕃茄湯底牛肉公仔麵的蕃茄湯很濃，而且蕃茄也不少，它也沒有很鹹，所以吃過後不會很口渴，很不錯，但公仔麵的麵質卻軟軟稔稔的。　　火腿炒蛋方面，蛋炒得很滑，不算老，我把火腿和蛋夾在剛烘好還熱的脆脆的包中間，十分好吃。　　但奶茶雖然大杯，卻是多奶，我勉強喝下了整杯，真的太膩了。　　環境方面，人比較多，而且十分擠，因此即使是和坐在對面的人談話，嗓門都要提高，又因為人流多，上餐比較慢，聽到鄰桌的食客投訴她點了餐大半小時都還沒有上菜啊。

雞翼埋相好好，一睇就知好肥美漲卜卜咁, 單睇賣相已經覺得好正, 咬落去同樣有好多肉汁流出黎,瑞士汁雞翼整得非常入味！！雞翼都大大隻， 雞翼香甜入味得黎唔會過咸或過甜，味道同火侯都剛剛好，口感非常之好離遠已經聞到好香好濃既蕃茄味呀！！我自己本身都鍾意蕃茄湯酸酸甜甜既味道既！做湯底黎配合通粉好鬼醒胃! 講真呢碗通粉既份量都真係唔細架！食完都幾飽下！湯底入口充滿住蕃茄香，湯入面都有唔少蕃茄肉，好足料丫，牛乳炒蛋炒得幾滑，唔會太多蛋，份量適中，碗野都真係幾好味，食得出係用新鮮蕃茄煮成，唔係用茄汁溝水黎整，最後連個湯都飲哂丫哈哈！豬扒唔係薄切豬扒，係厚厚既炸豬扒，炸得好脆又唔乾！我覺得豬排麵包糠厚度岩岩好，整到外脆內軟丫，正蛋治非常唔錯，厚厚既滑蛋，炒得又香又滑， 三文治真係好鬼厚切，差不多有成4cm厚，食到白麵包既香，包得好好 ，完全唔會一路食一路跌 ，推介

最近天氣非常反復，時熱時冷，天氣冷的時候，最喜歡食碗熱辣辣的湯粉。所以這天放工後便選址荃灣這間以蕃茄為主題的「樓下冰室」晚餐。.冰室的環境很色彩繽紛，以紅色的椅子作主調，配搭了不同顏色的牆壁，感覺懷舊中又帶點新潮感，牆上還貼了些很有懷舊感覺的餐牌啊!.看看餐牌，食物大多以蕃茄為主，也有以餐廳為名的炒飯、肉燥飯、咖啡飯等!.凍檸樂 $11 及凍紅豆咖啡 $13 (飲品跟套餐半價).焗芝士肉醬薯角 $35炸得香脆的薯角上放了肉醬和芝士拎去焗，入口熱辣辣好香口，又有濃郁既肉醬味，份量頗多，這組合無得輸!.蕃茄濃湯通粉配牛乳炒蛋併招牌瑞士雞脾 $46雖然小妹不太好蕃茄，但對於蕃茄的湯底卻十分喜愛，喜歡其酸酸甜甜的味道，做底湯非常醒胃! 這一碗通粉份量不少，湯底入口是充滿蕃茄香，酸酸甜甜的，湯裡還帶有蕃茄肉，但蕃茄味可以再濃點；牛乳炒蛋炒得是頗滑的，不錯。.這瑞士雞脾頗大一隻，用瑞士汁浸過後整隻變成深啡色的超吸引! 皮和肉都很容易就分離，配上甜甜的瑞士汁不錯!

對上次去樓下冰室食 印象唔錯 突然想再返黎食多次今次叫蕃茄濃湯麵+滑蛋同埋代表作瑞士雞翼 湯底今次酸中帶甜 蕃茄味仍然同上次食個碗一樣濃郁 無變過 好味今次叫左麵 咬口唔易斷 又唔淋 煮到剛剛好👍滑蛋都係甜甜地瑞士雞翼 肉質keep得到嫩滑 今次真係滿足到我胃口了

古老當時興,裝橫懷舊的冰室越開越多,但食物質素參差不齊,想不到以米線,小食店為主的荃灣,有一間味道不錯的冰室,叫樓下。路德圍附近有很多食店,午市晚市當然坐無虛席,樓下當然亦不例外,眼見許多食客點了碗蕃茄湯粉配瑞士雞脾,相信這兩款食物是該店主打。瑞士雞脾真是該店主打,雞脾肉煮得淋,而且吃不出雪藏味,連皮,肉,瑞士汁一啖啖地吃,好味呢兩個字足已形容。蕃茄雞蛋湯通粉,這一款除了通粉選擇外,米粉,意粉,即食麵也可選擇,自己卻選了通粉,感覺配蕃茄湯味道較匹配。果然小弟冇選錯,甜甜的湯底,一口一口地喝下,雞蛋煮得香滑,通粉烹調時間剛剛好,不會過硬或過淋,單以這一份蕃茄湯通粉已略勝過老店勝香園。既然來得冰室,一杯冰凍的飲品是小不免。綠椰冰是今餐之選,椰汁配綠豆對我來說可算是新組合,椰汁甜度適中略帶椰香,綠豆數量多不勝數,吃下一杯足以飽肚。間中吃一份充足的晚餐,用數十元,已很實惠。

番茄湯係呢間冰室主打,叫左番茄蛋米線。黎到先飲一啖湯,好濃番茄味,鮮甜的,唔似罐頭湯咁。而且炒蛋食落好有牛奶味,同一般茶餐廳唔同,提升左成個濃茄湯既層次,造成味蕾上對比。瑞士豉油雞脾,豉油味同一般茶餐廳不同,好濃郁同香,又唔會太咸,好惹味。一啖食完又想一啖。而且望落去雞脾都知腌得好,非常深色。雞肉又唔un,值得一試

今晚點了蕃茄濃湯意粉配牛乳炒蛋，仲有招牌瑞士雞脾。雪白精緻設計精巧的湯碗裏，盛載着嫵媚明艷的蕃茄濃湯，濃湯之中充滿一絲絲幼滑誘人的意大利粉，意大利粉之上鋪上了金碧輝煌閃爍耀目的牛乳炒蛋。由於佢咁閃爍咁燿目，細心的大廚不忘灑了一點點又一點點綠悠悠的香草，猶如為凝固冰冷的黑夜，點綴了生氣勃勃的小星星，使人盡享視覺上的快感。蕃茄湯的表現比預期出色，啖啖自然清新的茄香的確無添加味精，喝罷也沒有帶來口乾的感覺。至於另一主角炒蛋，嬌嫩潤滑之餘又不失雞蛋獨特的輕盈舒爽口感，香草活潑的配合使整體表現更勝一籌，突出了整碗意粉的主題，使其背景意大利粉的味覺效果推上歷史高峰，令人無論從舌根到舌尖都能輕易捕捉到整碗意粉的精湛風味。瑞士雞脾絕對是今晚的驚喜之作。肉質層次分明又爽口又彈牙又滑溜溜又鮮甜甜。陰暗深沉獨特濃郁仲出奇地帶有一點普世歡騰甜薑醋味的瑞士汁漫不經心地喚醒了沉睡於源源肉汁內活潑可愛的鮮雞味。深信好脾不妨一食再食，下次一定叫兩隻打孖食。在晚飯時間甚為虛冚的情況下，店員的表現仍十分殷勤有禮。地方坐得舒服之餘，又裝潢着懷舊冰室風格，呢間樓下冰室絕對是必然再黎回味之選。

上次自己一個食呢間新開主張舊式食物既樓下冰室 覺得幾好味， 今次再帶朋友黎食一次環境餐牌唔再講 但我推介佢食番招牌蕃茄湯底同豉油雞脾 我點左原味茄湯通粉 加麻辣牛丸， 而朋友點左中辣蕃茄湯米線茄湯底同之前一樣甘濃郁 ,甜得黎好香蕃茄味 配以爽口既通粉 同粉狀既米線 兩樣配以蕃茄湯都有獨特既口感， 麻辣牛丸爽口彈牙 都幾辣， 而其中一碗既蕃茄湯米線係中辣 係同麻辣牛丸既辣味一樣 係算辛辣既一種， 只係溶入左喺湯 外表睇唔到， 順帶一提 兩碗都有一大pat煎蛋 . 蛋好滑 同湯一齊食 味道唔錯之後我地點左個跟餐 既蛋治， 蛋整得好滑而且厚切， 配以查左牛油既薄切白麵包 . yummy而且口感豐富焗西蘭花 用芝士焗得好香 西蘭花夾出黎有芝士痴住 好正芝士肉醬薯角 就係粗薯條 連埋肉醬同芝士一齊焗， 肉醬同芝士味夠濃 再配以熱辣辣既薯條， 正飲品 有綠椰冰 同忌廉紅豆冰前者係椰汁冰 椰汁冰 冇乜落糖雖然唔甜但有新鮮椰子味同 夠健康 , 再加上落左綠豆增加口感， 紅豆冰 味道都接近以前嗰d 冰室 夠奶味 而 紅豆都算林， 再加埋cream一齊 飲落十分軟滑如果下次有機會再黎 會想試下佢既意粉同炒

說起冰室, 大家總會想起上世紀 六、七十年代, 是玩懷舊 feel 的好題材 .... 然而, 這間 樓下冰室 卻是活力十足, 新派的冰室 ~ 午餐 Menu ~午餐供應時間 : 11:00 am - 6:00 pm 港式碟頭飯的經典之一, 煎蛋免治牛肉飯 $40份量特別大, 飯多、肉醬也多, 免牛肉醬的茄汁味道濃郁, 醬汁的味道是 6分酸 3分甜 1分鹹 , 而且略略帶有香草味, 免治牛味香純又夠咬口, 飯粒爽身, 要是煎蛋煎得好一些, 上桌時沒有爆黃, 就更好 .... 整體味道不俗 ~鹹檸七絕對是港式飲品, 就是把 鹹檸檬 + 7UP汽水, Double Fantasy, 其味無窮也 ~港式味道 , 本土情懷 ....明白的、不用解釋 , 不明白的、再多解釋也是徒然 ~ 本篇完 ~

以蕃茄湯 做主打嘅樓下冰室，果然名不虛傳，同朋友叫左個午餐（$40），入面包括鮮茄濃湯牛肉通粉、配火腿牛乳炒蛋、蒜蓉牛油脆豬仔包。 蕃茄湯底足料鮮甜，牛肉嫩滑，食得出好足料！🍗另外試埋招牌瑞士雞脾（$28），鹵得入味出色，肉質自然夠曬入味啦！ 另外加配了忌廉紅荳冰 跟餐加（$10）Creamy嘅忌廉配上粒粒紅豆，味道唔太甜，幾好味。 

天氣凍得很下午茶行過樓下冰室俾佢地個鮮蕃茄濃湯通粉套餐$46吸引咗入去醫肚一個套餐裏面有牛乳炒蛋或可以選擇滷水雞髀或者雞翼甚至可以選擇其他豬扒或雞扒 我當然選擇了他們的招牌瑞士雞髀瑞士雞髀十分大隻有如一個斧頭般大而且色水夠濃又不會鹵得太過火致肉質過老而主角番茄濃湯通粉餐廳用上新鮮蕃茄新鮮炮製而成絕非街外的化學罐頭食品不過其中的牛乳炒蛋竟然預先放進湯內雖然炒蛋可以吸收湯底的番茄香味但是番茄的香味卻蓋過了應有的蛋香另外叫多咗一個小食就是豬扒包這個豬扒包令我十分喜出望外麵包皮焗得香脆松軟而豬扒亦炸得十分入味入面夾有新鮮蕃茄及沙律醬 正到痺甚至比澳門的水準更佳餐飲我加了＄10轉飲特色飲品就是紅豆冰紅豆粒粒爆滿絕對值得加錢飲

喜愛懷舊港昔美食既我，一向都係冰室既FANS！講到荃灣開左間新冰室，我又點會錯過呢！佢既餐牌非常豐富，除左冰室必備既常餐外，仲有好多碟頭飯揀但講到第一次去一間新冰室，當然要試左佢地既常餐先啦～$46有一個蕃茄通粉，加一個小食，飲品就可半價購買難得咁既價錢有瑞士雞脾揀喎！當然去馬啦～個瑞士雞脾超大隻，仲好足味，絕對滿足到你既味蕾！但就要食得好小心，一陣啲汁整到衣服就唔好啦。。。另一推介係個炒蛋，食落去同睇落去一樣，都係嫩滑多汁！野食就真係好滿意呀，但始終都係冰室，所以地方比較迫，都係食完快快走，不過咁既價錢冇所謂啦：）

朝早11點黎荃灣 見到一間以蕃茄濃湯作賣點既餐廳便入去試下 周圍環境有點懷舊感覺 看見80 90年代香港既以及海報置身於舊式茶餐廳之中開始點野食嗌左蕃茄濃湯通粉+滑蛋 瑞士雞翼 奶油豬首先試試湯底 少少酸帶甜 蕃茄味濃郁 唔錯通粉煮得比較適中 彈牙滑蛋食入口帶有少少奶味 相信是用牛奶炒出黎 味道很甜👍瑞士雞翼 煮出黎既顏色很均勻 整隻都比瑞士汁包起來 👍 食入口肉質嫩滑 非常好👍奶油豬 有煉奶同牛油配上包 味道都可以接受 反而我覺得份量比較大 包可以細份少少基本上感覺都良好👍

去到路德圍食肆成行成市不過大部分主打米線同茶餐廳見到樓下冰室玩懷舊同蕃茄做主題 而且價錢又唔貴點都試下先見到主打蕃茄濃通粉眼看下差太多台台也會叫一碗不過今日實在太餓了所以叫咗另一款鮮濃蕃茄牛肉燴意粉$46 齋看這個意粉顏色已經知道冇叫錯完全唔係其他茶餐廳果D化學蕃茄汁一入口濃濃鮮茄係甜酸衝擊著每一寸味蕾加上輕輕走油的嫩滑牛肉更令成個意粉昇華另一樣出名食物就係此店的鹵水雞脾$30 色水比平時的深少少不過其鹵水味比其他更濃而且成隻超大而且有肉最後叫多咗杯紅豆奶茶（+$10） 粒粒紅豆十分飽滿