樓下冰室

Open Now

Now Closed

樓下冰室-性價比高港式冰室門面白色瓷磚底配上懷舊的綠色鐵框窗框的圖案，上面有著紅字的樓下冰室四字。店內充斥著舊時荔園式的設計，特色的花紋磚、發光的霓虹燈光和港式白底紅藍字的掛牌，滿滿港式情懷。特色蕃茄濃湯公仔麵配牛乳炒蛋加招牌瑞士雞髀樓下冰室必試的特色蕃茄濃湯，濃郁足料的湯底，香滑的牛乳炒蛋，最後還有大大隻的招牌瑞士雞髀，雞髀炆煮得非常入味，瑞士汁完全融入在內。特色蕃茄濃湯螺絲粉配牛乳炒蛋加牛油多士再一蕃茄濃湯系列，但是今次的主角換上了螺絲粉，蕃茄濃湯滲到螺絲粉的罅隙當中，每一口也是滿滿的蕃茄味，再加入叉燒後，蕃茄湯底滲到叉燒肉當中，兩者非常夾！西多士港式小食名列前茅的西多士，厚度十足的多士，即叫即炸，炸得香脆，內裏夾著粗粒的花生醬，再配上牛油和蜜糖，有口感之餘味又惹味。焗芝士肉醬熱狗超邪惡的熱熔芝士加上派濃的蕃茄肉醬，熱狗包經過烘焗之後脆口鬆化，中央再夾著脆皮香腸，豪華版本的熱狗。

在鰂魚涌港鐵站A出口的對面，有一間樓下冰室，地點非常方便，而且非常抵食，食物又有質素。所以無論咩時間，我見好多街坊幫襯。餐廳入邊嘅裝修充滿懷舊港式冰室嘅風情，但食物除咗傳統冰室提供嘅款式，仲有一啲新式嘅選擇。樓下冰室出名食蕃茄湯底通粉和瑞士汁雞翼雞髀，蕃茄湯底我就留返下次先試，今日同朋友試咗幾樣好味嘅菜式。咖喱牛腩飯：雖然唔係樓下冰室嘅招牌菜，但我覺得呢個咖喱牛腩飯值得推介，佢哋嘅咖喱好香好香，而且牛腩炆得剛剛好，佢唔會諗到散晒，牛腩嘅形狀仲保持完整，但食落又好易入口好林，薯仔有大大嚿，冇得頂呀！樓下三寶飯：三寶飯即係有大大件免切叉燒，一隻大大食瑞士汁雞翼和煎蛋。免切叉燒肥瘦適中，煮得好林，所以就算唔使切都好容易咬。瑞士汁雞翼係全翼，非常大隻，瑞士汁都整得好味，甜甜地。奶油豬仔包：非常大件，而且好鬆脆，落咗牛油好香，加埋奶油又甜甜地，好味道。炸雞翼：呢度啲炸雞翼真係超級大隻，佢係大size嘅全翼，仲要有三隻，三十幾蚊真係超值。雞翼炸得好香脆，熱辣辣，味道唔錯。紅豆冰和菠蘿冰都好值得一試，尤其菠蘿冰，真材實料，我未飲過一個菠蘿冰菠蘿多過汁，真係好正。

今日咁岩黎到鰂魚涌見到有間新開既冰室就入去試下，好彩唔係lunch time黎因為都知道個啲時候係鰂魚涌好難搵到野食，面面同店內既裝修都好懷舊，坐又唔會太迫，幾好👍🏼我叫左個煎蛋蔥油豬扒飯，隻蛋煎得好靚有小小燶邊入面仲係半生熟既😋而下層既豬扒都好大塊同好厚👍🏼👍🏼味道都唔錯，唔會太咸啲肉都無雪味杯奶茶好夠茶味又香又滑，下次可以再去👍🏼再睇番原來荃灣已經一早開左，只怪太遲知道😂下次要試下佢個招牌瑞士雞翼先😋😋😋😋

原來荃灣的樓下冰室開到鰂魚涌，剛好經過就同男友吃一頓冰室晚餐。懷舊冰室裝潢很有feel!餐牌圖片吸引多選擇，只要點了主食就可以飲品半價優惠。忌廉紅豆冰 $15去冰室又點少得名物紅豆冰。華田脆脆 $12特意叫了少冰份外濃郁，脆脆好有麥提莎夾心口感。焗芝士西蘭花 $40除芝士外還有粟米忌廉湯口味醬汁～瑞士雞翼 $38/3隻上碟已經飄來陣陣香料味，瑞士汁選用了頭抽、桂皮、八角等調校而成。 食落外皮層次豐富，肉質嫩滑。冰室炒意粉 $60 蕃茄味酸甜濃郁到噴發出黎，大人小朋友都會喜愛的味道。自家製蔥花叉燒飯 $55叉燒大塊紮實、滑蛋綿滑有蛋香，加埋秘製甜豉油超滿足。以同類型食物黎講價格都算親民高質。

呢間冰室每到食飯時間都大排長龍~但係普遍等15分鐘都可以入去㗎啦🤫俾少少耐性等一等啦😛今次嚟到繼續係嗌蕃茄通粉🥰因為之前食過實在係太好食啦🤩我嗌咗豬膶蕃茄通粉加炒蛋多士😋蕃茄湯底有好多蕃茄蓉，食到係好足料咁去煮呢個湯底，酸甜酸甜，夠哂開胃🤗豬膶薄切，食落去口感爽口，好好味😆整體嚟講，個通粉夠哂大碗，一個女仔正常應該食唔哂🙊建議可以同人share，咁就可以試多啲其他嘢啦👍🏼至於個炒蛋都幾香滑，多士食落去都脆口，滿意！重點係連埋嘢飲先係$48😱好抵食🙌🏼

返屋企總係會路過呢間新開嘅冰室，終於搵到機會黎試唔記得咗影餐牌唔好見怪煎蛋免治牛肉飯。呢樣預咗冇咩驚喜，正常發揮，太陽蛋煎得好靚，滿意！招牌瑞士雞髀配番茄通粉。瑞士雞脾好入味，上色好均勻，味道偏甜，雞肉嫩滑，有驚喜無失望蕃茄湯唔錯，都幾濃蕃茄味，通粉有少少偏硬，上面嘅滑蛋非常軟滑，重蛋香味

《樓下冰室》長期滿座，所以嚟之前都相當期待餐廳店面唔算大，但坐起上嚟又唔算迫。而且裝修仲好靚，充滿舊香港風味。上菜速度夠晒快，嘢食仲好有質素，值得一試！特色蕃茄濃湯通粉配牛乳炒蛋 + 招牌瑞士雞髀 ($55)餐廳推薦度最高嘅兩款食物！！蕃茄通粉令我喜出望外，滿滿嘅蕃茄肉令湯底十分濃郁，一啲味精嘅鹹味都無；雞髀都唔錯，瑞士汁滲透雞肉，非常入味。以呢個價錢嚟講，性價比極高！公司三文治 ($55)唔似平時茶餐廳食到嘅公司三文治，得生菜蕃茄火腿呢啲普通材料，仲有豬扒、厚蛋，同滿滿嘅沙律醬，超推薦！！焗芝士西蘭花 ($40)奶油脆豬仔包 ($20)

After rushing a large project at office, it was already very late, thus my colleague and I decided to have dinner nearby before heading back home. 樓下冰室 was located at King's Road, just opposite Quarry Bay MTR.They served a wide variety of food such as snack, rice, noodles and drink etc. Red bean milk tea - Red bean was chewy and sweet, and milk tea was fragrant and has strong tea taste.  Ovaltine special - It has thick and strong ovaltine taste, and was sweet and creamy as well. Deep fried potat

鰂漁涌搵食唔容易，今日2個人揀咗樓下冰室。餐廳啱啱裝咗排隊機，下次可以遙距取票。6張枱等唔係好耐就有位。點咗餐廳招牌蕃茄濃湯通粉。有粒粒新鮮蕃茄肉，配上炒滑蛋的蛋汁，味道一流瑞士汁雞脾係另一招牌菜。瑞士汁夠濃，夠多。切開雞脾再點吓啲汁，正

蕃茄是很有營養的食物，含有豐富維他命之外，當中茄紅素更有抗養化作用，有益健康。特色蕃茄濃湯通粉是樓下的招牌菜，來到當然要吃。每日用新鮮蕃茄，豬骨及雞骨烹調制作而成，蕃加味香濃，通粉煮得軟腍，吸引了濃郁的蕃茄湯。加上香滑牛乳炒蛋，十分夾配。瑞士雞脾已是另一招牌菜，用上頭抽瑞士汁豉油，加入八角，桂皮等多種香料調效出的醬汁。雞脾大隻厚肉，肉嫩多汁入味，甜香惹味。店舖裝潢充滿舊香港味道，加上香港地道粵語用詞，吃味道之餘還能吃上懷舊香港情懷。

我好鍾意食瑞士雞翼，鰂魚涌樓下冰室的名物之一正正就係瑞士雞翼，所以黎到必點啦！瑞士雞翼可以單點（$38/3隻），或者跟餐（$58）有餐飲、沙律及牛油多士。跟餐划算啲！雞翼夠熱夠入味！咖喱牛腩飯（$58）午餐價，咖喱夠味，又唔算好辣，味道調得剛剛好；牛腩份量好多，絕對夠飽肚！鹹檸七（跟餐加$10）懷舊風裝修：都幾旺場！午餐時份的餐牌：單係午餐都有13個餐，非常多選擇。除了瑞士雞翼，仲有番茄濃湯通粉都係呢度皇牌，下次要食了！

上星期同朋友去左鰂魚涌買嘢，走果陣經過一間門面充滿懷舊風味既「樓下冰室」，比佢門口招牌蕃茄濃湯吸引住，於是大家決定係度食埋晚餐先歸家餐廳唔止門面懷舊，連店內裝飾亦充滿70、80年代影子，我們被安排坐了四人枱，空間充足唔會有逼夾感！餐廳很新，環境、餐具亦很乾淨餐牌非常吸引，其實好多好多款我都想試不過最後都係決定試左招牌菜式先瑞士雞翼果然是招牌嘢，雞全翼夠大隻多肉；瑞士汁甜度適中，帶有多種香料味道層次豐富，最最最重要係，非常入味！！而且入味之餘雞肉唔會鞋口！外間很多瑞士雞翼一係就唔夠入味，一係就入味但肉質很鞋呢道既瑞士雞翼卻拿捏的很好，非常好味德國什腸，一次可以試到四款腸！芝士焗西蘭花夠芝士味，加埋粟米粒食落更有口感，焗完個底亦唔會太多水蕃茄濃湯配牛乳炒蛋炒蛋口感夠滑有蛋香味，蕃茄湯底非常鮮甜夠味，配通心粉或公仔麵亦非常夾，絕對係必試之選華田脆脆味道很濃郁，入口幾滑，但又唔會覺得好甜菠蘿冰用既係新鮮菠蘿，非常清新解膩整體呢間樓上冰室都幾有水準，食材同味道都令人有回頭既意慾

經過鰂魚涌，看見一間新開的冰室，一直也想找個機會去試試看。今天時間剛好，當然要去是是最馳名的番茄湯底！番茄湯底為主的套餐有幾款，我們是試得是瑞士雞髀/瑞士雞翼/豬扒套餐（$55），連番茄湯通心粉（你也可選螺絲粉/意粉/公仔麵或其他麵類）和牛奶炒蛋，可惜這個套餐不連飲品，你可以以半價的價錢來order。番茄湯底真材實料，有很多番茄粒，清甜得來，味道也很足夠；瑞士雞髀瑞士汁很濃，雞俾肉滑又大隻，整體上很不錯！肥仔波指數：3.5/5分

今日咁啱去咗鰂魚涌開會見到有一間樓下冰室價錢非常之平民所以就入咗去食我見呢度最出名嘅就係蕃茄滑蛋通粉所以我哋就叫左一個嚟試吓而且仲配埋呢一個瑞士汁雞髀個雞髀非常之滑唔會煮得太老而且啲瑞士汁都好甜如果通粉同埋個滑蛋就好似食緊蕃茄炒蛋一樣 我覺得味道超級夾所以我哋成班人都好鍾意有其中有位同事就叫咗個煎蛋免治牛肉飯睇嚟呢間餐廳嘅蕃茄菜式都好出色佢哋呢個免治牛肉蕃茄汁 非常之惹味好容易就食晒成個飯而我認為呢度嘅餐飲亦都做得幾好

話說今日去探望長輩，他是住在鰂魚涌舊區那邊，中午就在家中與家人細訴舊事，到傍晚左右就沒有留在長輩家中食晚飯，於是我就和媽媽離開。但是，我們家中亦沒有煮飯，那倒不如在鰂魚涌附近看看有什麼好餐廳跟媽媽吃。我和媽媽剛落樓下，行幾步就發現有一間「樓下冰室」，我們又不熟附近，那就剛好落樓下去樓下冰室吧。原來「樓下」是主打舊式香港情懷，有不少老牌霓虹燈，例如有近排大家一定聽過的「金宵歌舞廳」等等。我和媽媽都忍不住影幾張相，send 給長輩看看。既然是舊式冰室，這裡以瑞士汁雞髀、叉燒滑蛋飯聞名，那我們就看看餐牌，一於看看所謂冰室的懷舊食物。∶ 1. 自家製蔥花叉燒滑蛋飯一直以來都很想在冰室品嚐一下真正的叉燒滑蛋飯，今次終於可以試一下。首先，樓下的叉燒非常甜滑，幾乎不用大力的咀嚼就能咬下，雖然這個並不是燒味的肥叉燒，但咬下去的感覺亦與肥叉相似。另外，滑蛋亦煮得很好，再加上甜豉油，果然能吃得出滑蛋叉燒飯那種甜滑味道。∶ 2. 招牌瑞士雞髀（配牛油厚多士及粟米雜果沙律）第二，當然要感受一下這裏的瑞士雞髀。雞髀肉質已經煮得非常入味，很有瑞士汁那種香甜但又帶點鹹味的感覺，但略為味道較為濃，有點重口味。厚多士及