樓下冰室

Open Now

Now Closed

今日同家人黎左e 間新開嘅冰室食晚餐😍冰室個招牌已經好有懷舊嘅味道🤓一出地鐵站就睇到😝裝修有d 似以前嘅冰室感覺以綠色加白色為主，加上主題壁紙另有一番風味，座位方面以卡位，亦有大桌子，適合聚會😌睇返餐牌，以蕃茄湯同瑞士汁雞脾，雞翼為主，仲有唔少港式小食同飲品。最後我地點左蕃茄蛋螺絲粉配雞脾餐。一隻雞脾一碟雞翼同西多士，加左華田脆脆同熱菜蜜。蕃茄蛋螺絲粉，食落唔太酸唔係好假嘅湯底，真係用蕃茄溶去做😋拌埋蛋一齊食好正👍🏻😋螺絲粉吸左佢嘅湯汁，啖啖蕃味😌連我咁怕酸都食哂，真心唔錯😍瑞士汁雞脾同雞翼都係煮得好入味，食落甜甜嘅，仲要全部都好大隻，而雞翼係雞全翼😋雞脾就啖啖肉👍🏻我地仲留意到有人外賣雞脾同雞翼😆西多士，係厚版嘅多士食落外脆內軟，仲加左個牛油係上面而糖漿就自己落，可以跟返自己口味落幾多😋入面有花生🥜醬，好香🤓華田脆脆，凍華田上面有華田嘅糖脆脆，唔平時淨華田咁單調。熱菜蜜，飲落甜甜地，幾滋潤😌

同朋友收工行經過鰂魚涌，見到很多間新開的西餐廳，其中一間最吸引我地的，便是這間充滿懷舊港式風味的冰室。入到去同朋友坐咗係卡位，座位寬躺，坐得十分舒適，同埋原來餐廳入邊的環境都很用心，很多個位置都有本土和懷舊的感覺。食物種類不單只有常餐，還有很多不同選擇。我同朋友各自點了一些店內推薦的食品。第一款 : 常餐~蕃茄炒蛋湯意粉。湯底十分出色，用咗新鮮蕃茄黎整，相比用茄汁黎整當然味道上會自然好多，而且用嘅蕃茄不會太多，令湯底微酸卻帶點甜味，真係好開胃,重點係不含味精。第二款 : 跟餐配菜~瑞士雞髀。呢間瑞士雞髀真係一流，因為有啲店舖既瑞士雞髀通常都係豉油味好重，搞到隻雞髀好咸，但呢間冰室既瑞士雞髀真係好瑞士感覺(哈哈)，個瑞士感覺係指豉油汁既味道唔會咸，而瑞士汁果種甜味唔會太甜，非常適中，最重要係連隻雞髀都好大隻，啖啖肉，真係堅正！第三款 : 朋友叫嘅三寶飯。首先第一寶係瑞士雞翼。口道如同瑞士雞髀，不過我朋友留咗雞翼尖比我吃，係咁啜啲瑞士汁相當開心(雞翼尖迷)。第二寶係蜜汁叉燒。呢間叉燒同燒味嘅叉燒有好大分別，因為吃得出用咗豬嘅不同部位黎整，但我不清楚什麼部位。不過吃落去好有咬口同埋一啲都不硬

荃灣其中一間人氣茶餐廳係鰂魚涌開分店東面的朋友表示興奮即刻來試試炒蛋番茄湯公仔麵配瑞士汁雞髀 | $55一個套餐試齊呢度招牌貨瑞士汁雞髀 好大隻瑞士汁偏甜但好重香料味 味道濃郁但雞髀肉就唔係好入味 要靠點返碟上的汁先有味肉質亦唔夠嫩滑 應該需要再煮耐一點另一招牌番茄湯就幾唔錯好香濃鮮茄味 配的炒蛋炒得幾香滑一齊食係正既👍🏻另外的常餐番茄湯可以配豬潤份量足亦煮得剛剛好 不錯不錯但奶茶就認真差 既不厚亦不滑 茶底唔濃下次飲檸茶算數

早前搭車經過這間冰室，見到排長龍，加上聽說荃灣有分店並很有名，是人氣店，所以趁今天放假，把握機會來試試。步進這間冰室，被它的懷舊裝修吸引住，很有氣氛。坐下來後想也不用想，當然點了招牌的「番茄濃湯通粉配瑞士雞髀」。雞髀端上來的時候見到熱到出煙，熱騰騰的。切了一口，以為不夠諗，放入口的時候，才發覺很好吃，雞肉嫩滑外，還估不到瑞士汁的味道調配得啱啱好，濃郁微甜。番茄濃湯通粉果然也十分濃稠，配以滑蛋，好吃到全部食晒，一滴也沒有剩。

放假星期六來到鰂魚涌，近附開左好多新餐廳，朋友話附近開左間冰室，出名食瑞士雞翼，所以今次來食Tea。入到餐廳，茶餐時段唔洗等位，店面和內裏的裝修都好用心，在不同的角落都充滿本土和復古的味道。餐牌方面，用相片主導設計，一望就可以了解到分類和主打菜式。皇牌特色番茄濃湯通粉套餐和瑞士雞翼套餐。先來的係兩杯特飲，華田脆脆和熱檸蜜， 華田脆脆夠凍夠濃，面頭脆脆，帶來另一番口感。番茄濃湯通粉，湯底濃厚，湯裡面更有新鮮番茄粒一齊煮，新鮮甜美，通粉唔會過熟，剛剛可以掛上湯汁，每一口都新鮮滿足！到了招牌的瑞士雞脾和雞翼，顏色夠深，香味出眾，切開可以看到瑞士汁入味，而且保持住肉汁。食落甘香，肉質幼滑，八角和香料經過細意調配，果然係餐廳的靈魂之選。整體樓下冰室，店面光線充足，環境乾淨，店員數量充足有禮，如果下次去附近行山，一定會和朋友再來。

據聞呢度有幾樣野係必食㗎!見到附近好多人都食緊瑞士雞翼同雞髀再配個蕃茄湯通粉~我決定照跟!!雞髀好似大過隻手...而且話係用頭抽調瑞士汁，所以望到都覺得好入味呢，加$6轉都抵！而雞翼會連埋雞翼尖喎，有兩大隻😮味道就同雞髀差唔多啦~叫咗一碟小食，集合左四種唔同嘅腸🤣🤣再配埋沙律醬係一個幾有趣嘅配搭🤣我個人超鍾意茶記嘅特飲！所以跟餐半價叫咗奶茶紅豆同埋阿華田脆脆！港式奶茶再配上粒粒都好完整嘅紅豆呀！好推薦比大家~而阿華田好濃好濃，加埋啲脆脆好有咬口，鍾意飲甜野嘅一定好啱焗芝士西蘭花～焗到微焦咁好香😙

自己一個人食飯,所以喺樓下鰂魚涌食！當然去我嘅飯堂, 樓下冰室啦。咁夜都仲未收舖真係好, 就一於叫個快餐, 就係 厚切豬扒拼双煎蛋飯, 另外再叫一個冰西洋檸蜜先冰西洋檸蜜, 我都係第一次飲, 飲落去都幾清甜, 再加蜜糖, 非常滋滋潤, 係冬天嚟講, 飲檸蜜係最常最理想不過 之後就到咗厚切雙煎雞蛋, 我要咗白汁, 粟米白汁非常之香, 配飯食真係一流 , 而雞蛋煎到啱啱好, 將雞蛋打爛, 雞蛋王同飯撈埋一齊食, 非常之巨蛋香, 厚切豬扒, 一啖啖咬落去, 非常juicy好邪惡

是日收工趕住去睇七點半戲，就在鰂魚涌地鐵站對面果間樓下冰室食晚飯！呢度以懷舊風格裝修，幾吸引，地方都幾大，又卡位同吧枱，座位算寬闊、看餐牌點咗個蔥花滑蛋义燒飯（$55）加多杯柑桔話梅熱飲（$10）另外點咗一個金牌架厘牛腩飯（$58）加一杯我最鍾意嘅紅豆冰（$10）跟餐的特飲有優惠價！原價不止十蚊，所以覺得好抵！上菜速度頗快，先來兩杯飲品，話梅柑桔蜜這熱飲甜甜酸酸，開胃又潤喉！紅豆冰椰汁味，紅豆夠腍，是我的至愛！蔥花滑蛋义燒飯，滑蛋炒得好靚，份量又多，幾粒蔥花提升咗香味，义燒夠腍，調味好好，這個飯做得非常有水準！金牌咖哩牛腩飯，份量唔少，咖哩夠香而帶微辣，內有薯仔，吸收晒咖哩汁，好正，牛腩夠淋夠入味，佐飯一流的配搭！食哂咁多嘢埋單都係百三蚊左右，真係超值又好味！

📍樓下冰室 🌟鰂魚涌🧚🏻‍♀日日都勁多人排隊既冰室 今日早左放lunch一於試下佢😚.🍅🍳🥫🍗招牌常餐set/💰55🔶 招牌瑞士雞髀 🇨🇭🚦必食🚦👅7.88/10好邪惡！😎瑞士汁比得超大方，包住成隻大雞髀，每一啖都非常惹味👅美中不足D肉有少少「嚡」不完美但可接受🖐🏻🔶番茄濃湯通粉配牛乳炒蛋👅8.23/10真材實料既#蕃茄湯㡳 🍅用上新鮮蕃茄、豬骨、雞骨去熬十小時，濃得黎唔係味精咸，仲有啖啖蕃茄粒，酸酸甜甜好開胃！😛超驚喜🤩 每一粒通粉都彈牙有咬口😀(最怕食到煲到爛曬既通粉😣)配埋奶香十足既滑蛋好滿足呀🥰.🔍裝修主打#懷舊香港🇭🇰，白色底配綠色窗框既經典場景打卡一流👍🏻🧞‍♂建議12點半前去就應該15分鐘內有位😇.地址: 鰂魚涌英皇道967號地下 (A出口對面)😋大家快啲去試下！試完同我分享下你地既食評喇😋

香港最近都開咗好多特色懷舊嘅餐廳、為咗支持本土今次就去咗樓下冰室佢哋嘅裝修好懷舊而且別具心思無論佢哋嘅海報同埋枱，椅子甚至係一啲小零件上面都好有打卡位。餐牌上面選擇好多佢哋主打係蕃茄嘅通粉係枱面度亦都會寫咗每一日新鮮製作用咗豬骨同埋雞骨。而且有幾款特別嘅飲品我都幾鍾意，例如菠蘿冰、綠椰冰。呢啲係普通茶餐廳都唔係好常見。而且擺設都好靚好有懷舊嘅氣氛。見到肉醬意粉好大碟，比起出邊西餐嘅肉醬意粉呢一度多咗一份人情味同埋港式懷舊嘅口味。麵條唔係好粗而且上面肉醬非常多。另外就當然要點下佢嘅招牌蕃茄滑蛋通粉。果然冇失望佢哋嘅滑蛋非常濃厚嘅蛋味，而且湯底濃郁亦有淡淡的蕃茄鮮味跟餐重點咗個腸嘅拼盤，左邊會放上沙律而且有四款唔同嘅腸仔，啱晒鍾意貪心食唔同款式嘅我哋。然後跟餐亦都可以再點嘢飲所以我哋就點左紅豆冰：我最後見佢哋特色食物入邊有口水雞，估唔到茶餐廳嘅水準都唔錯。份量都幾大，而且上面放咗啲同出邊普通嘅材料唔同醬汁。最後有香濃嘅焗西蘭花真係超正啊

又一個同媽媽撐檯腳嘅星期日，見最近鰂魚涌開咗呢間懷舊feel嘅冰室，價錢又幾正路，咁就不如試吓啦充滿懷舊感嘅美術設計，同室內裝修係一脈相承，好得意餐廳內部模擬舊時街道，店舖味樽都花咗心思我叫咗滑蛋茄通配雞髀，飲品跟餐就半價，好抵食叫咗田華脆脆（+$12），飲落好香滑同好多脆脆，冰碎得嚟唔會太多，正❤️雞髀好厚肉，瑞士汁甜得嚟唔會乸喉嚨，仲有少少香料味，好食👏🏻茄湯好香濃，微酸，仲有好多茄肉，好啱鐘意食蕃茄嘅我而炒蛋亦幾有奶香，唔錯👏🏻媽咪叫嘅花膠雞米線，其實都好抵食花膠都有3-4舊，啲雞件勁大舊同多肉食，亦好有油香個湯係雞肉嘅高湯，清甜又唔油，無預期會係咁好😂 好驚喜上菜快速，服務正常，味道唔錯👏🏻最好係價錢經濟，份量足，得閒一定會再嚟🙌🏻

尋日lunch 同事提議食樓下冰室，話聽聞個雞髀好味！但上次我食過早餐，味道麻麻地！但唔緊要啦，去試下午餐感覺又如何啦！去到叫左個雞髀番茄蛋通，又出奇地好食喎，係鹹左小小！食完先見到人地叫凍朱古力！其實呢個都係出名野飲！早知都叫杯試下啦

大眾化@樓下冰室鰂魚涌英皇道967號地下 G/F, 967 King's Road, Quarry Bay 自己一個人食飯可隨便, 但唔代表要放棄質素同美味, 香港式的茶餐廳同樣有水準和抵食瑞士汁好出名架, 即是中式鬼老西餐, 個汁同豉油加糖/冰糖 $30 一大隻雞脾, 雞脾本身脂肪多會好滑, 個雞皮上曬汁顏色同味道, 甜甜地又有陣豉油香!皮肉一樣嫩滑, 秒殺!$40 雞湯雜茹娃娃菜,想迫自己多食菜, 要了雞湯唔怕油!!!!$28 芝士煎蛋菠蘿包, 芝士/ 蛋 / 菠蘿包三樣我都好愛, 加埋怎可以抵得住呢$40 焗芝士西蘭花, 水煮熟再快速淋芝士焗到熔, 就唔怕受熱不均啦

樓下冰室-性價比高港式冰室門面白色瓷磚底配上懷舊的綠色鐵框窗框的圖案，上面有著紅字的樓下冰室四字。店內充斥著舊時荔園式的設計，特色的花紋磚、發光的霓虹燈光和港式白底紅藍字的掛牌，滿滿港式情懷。特色蕃茄濃湯公仔麵配牛乳炒蛋加招牌瑞士雞髀樓下冰室必試的特色蕃茄濃湯，濃郁足料的湯底，香滑的牛乳炒蛋，最後還有大大隻的招牌瑞士雞髀，雞髀炆煮得非常入味，瑞士汁完全融入在內。特色蕃茄濃湯螺絲粉配牛乳炒蛋加牛油多士再一蕃茄濃湯系列，但是今次的主角換上了螺絲粉，蕃茄濃湯滲到螺絲粉的罅隙當中，每一口也是滿滿的蕃茄味，再加入叉燒後，蕃茄湯底滲到叉燒肉當中，兩者非常夾！西多士港式小食名列前茅的西多士，厚度十足的多士，即叫即炸，炸得香脆，內裏夾著粗粒的花生醬，再配上牛油和蜜糖，有口感之餘味又惹味。焗芝士肉醬熱狗超邪惡的熱熔芝士加上派濃的蕃茄肉醬，熱狗包經過烘焗之後脆口鬆化，中央再夾著脆皮香腸，豪華版本的熱狗。

在鰂魚涌港鐵站A出口的對面，有一間樓下冰室，地點非常方便，而且非常抵食，食物又有質素。所以無論咩時間，我見好多街坊幫襯。餐廳入邊嘅裝修充滿懷舊港式冰室嘅風情，但食物除咗傳統冰室提供嘅款式，仲有一啲新式嘅選擇。樓下冰室出名食蕃茄湯底通粉和瑞士汁雞翼雞髀，蕃茄湯底我就留返下次先試，今日同朋友試咗幾樣好味嘅菜式。咖喱牛腩飯：雖然唔係樓下冰室嘅招牌菜，但我覺得呢個咖喱牛腩飯值得推介，佢哋嘅咖喱好香好香，而且牛腩炆得剛剛好，佢唔會諗到散晒，牛腩嘅形狀仲保持完整，但食落又好易入口好林，薯仔有大大嚿，冇得頂呀！樓下三寶飯：三寶飯即係有大大件免切叉燒，一隻大大食瑞士汁雞翼和煎蛋。免切叉燒肥瘦適中，煮得好林，所以就算唔使切都好容易咬。瑞士汁雞翼係全翼，非常大隻，瑞士汁都整得好味，甜甜地。奶油豬仔包：非常大件，而且好鬆脆，落咗牛油好香，加埋奶油又甜甜地，好味道。炸雞翼：呢度啲炸雞翼真係超級大隻，佢係大size嘅全翼，仲要有三隻，三十幾蚊真係超值。雞翼炸得好香脆，熱辣辣，味道唔錯。紅豆冰和菠蘿冰都好值得一試，尤其菠蘿冰，真材實料，我未飲過一個菠蘿冰菠蘿多過汁，真係好正。