Tim Ho Wan, the Dim-Sum Specialists (Closed)

今日同屋企人去咗飲茶，最後我揀咗「添好運點心專門店 - 北角」；因為想避開繁忙時間，所以約下午3時30分才到達餐廳，這樣就可以不用排隊，直接入座，我們叫咗以下：1️⃣ 晶瑩鮮蝦餃 $322️⃣ 鮮蝦燒賣皇 $31 3️⃣ 酥皮焗叉燒包 $244️⃣ 韭王鮮蝦腸 $295️⃣ 豉汁蒸排骨 $216️⃣ 潮州蒸粉果 $187️⃣ 古法糯米雞 $328️⃣ 茶位 (4 x $5) $20整體來講：價錢相當合理，味道都OK，和酒樓差不多價格💰：$207…Read More

幾年前嚟過一次，好多人，因為前幾日想起雪山义燒包，想食，功夫吾係呢款，醒起呢間有....所以專登今晚嚟....今晚冇乜人吾駛等位……6點半到，印象中呢度D裝修同之前一樣，今次再來，感覺都舊了，同以前D茶居差不多---D地方枱櫈、杯碗筷子都覺得"肥笠笠"，吾太乾淨，環境都好嘈，吾係食客嘈，係伙計們傾計嘈.....我地2個人叫咗5樣嘢：酥皮焗义燒包 ($23)---夠熱，皮薄軟熟，好味 豉汁蒸排骨 ($20) ---一上枱時，心嘩一聲，得10粒排骨仔，粒粒切到細粒，難登大雅之堂，顯得碟大冇睇頭，味道OK ($20)土魷馬蹄肉餅飯 ($28) ---冇乜味，只食到少少魷魚的電油味潮州粉果 ($18)---味道吾錯，但皮薄到好似冇左D煙靭感蝦多士 ($24)---咬落脆口同夠熱，不過有點油整體一般般，食物OK不過環境有點污糟，我只想食佢個酥皮焗义燒包，這個就冇失望，其實而家已經開左好多呢D點心鋪頭、拔兄話可以幾年後先再嚟一次....…Read More

添好運嘅叉燒包賣到街知巷聞，今次嚟到都係為咗食佢個酥皮焗叉燒包。叉燒包依然好高質，表面脆脆地甜甜地，黎到既時候仲好熱。鳳爪排骨飯就等左一陣先到，飯都算乾身，份量足，整體都幾好食。服務質素方面有待提高，我入到餐廳都無人帶我埋位，坐左一陣亦冇人比點心紙我。…Read More

最犀利的肚，都有生病的一日。猴子這幾天都有點腸胃炎跡象，個胃「乸住乸住」。多得麥當當這兩星期搞甚麼特價優惠，脆雞加汽水、火腿芝士包 X 2都只係十蚊。貪心的猴子明明食飽，但一到十一時仍忍不住衝去麥當當買特價包，結果搞到食滯兼肚瀉。正想今日早些回家休息，頭號損友又突然話要今晚食飯……被損友及老細脅持到添好運點心專門店，心諗，肚痛唔食得多，但埋單找數又要share，咁咪好唔抵！？不過世事無絕對，當第一碟點心韮黃鮮蝦腸送上之後，事情有了180度轉變。這鮮蝦腸的腸粉皮的確極之嫩滑，豉油純粹吊出大蝦鮮味，唔似一般茶樓咁以咸味來「遮瑕」。其實唔單止腸粉，其他如蝦餃、燒賣、粉果等等，都係皮滑餡靚，以材料鮮味掛帥，令人食指大動。講到呢度，你或者會問：「乜猴子你唔係腸胃炎肚痛咩！？」真係講都冇人信，由食完條粉腸一刻開始，猴子個胃已經冇咁痛，而且越食越開胃！唔通呢間餐廳的點心可以醫腸胃炎？猴子唔敢咁講，因為冇科學根據，又或者只係巧合。除了例牌的蝦餃燒賣，我們還點了古法糯米雞、酥皮焗叉燒包、蒜茸蝦春卷、香脆韮菜角、紅油抄手、鳳爪排骨飯等等，全部都係水準之作，滿足感爆燈。醫完肚之後，埋單約三百，三個人食本應位位一百，殊不損友忽然大發慈悲話佢請客。唉！早知叫多幾碟！…Read More

這間名字都是由前幾年開始知道，那時應該係報紙報導邊間新年糕點好食，及從我舊同事post去FB的相而認識，不過從未去過……原來北角都有分店，今晚有機會試下，其實之前都有睇過啲食評，有好有不好，我並沒有什麼期望，因為今日胃口還是有滯的感覺，所以只食咗三款點心……1. 古法糯米雞~可能我冇特別記得以前糯米雞有咩料，但呢度的糯米雞好多料，如果糯米飯多番啲仲好，又熱辣辣，吾錯，不過略嫌啲肉硬咗啲……2. 酥皮焗叉燒飽~皮薄叉燒餡料足，又juicy，又熱辣辣，好食3. 蝦餃~皮薄，味道一般…Read More

入圍米芝蓮既點心當然要試試，應該好多人都知最出名戈間系深水埗，而我既第1次就比左北角呢間；人流都算多，亦見到有啲外國人系度食。添好運既style比較港式都系有蝦餃燒賣等等，我本身都幾中意食蘿蔔糕，蘿蔔糕系煎出黎，有3件，入面有臘肉，軟硬度適中，糕身偏厚所以咬落有飽肚既感覺鳳爪排骨飯相信都系香港人到酒樓/ 點心店多數會叫既野食，排骨既數量比鳳爪多，鳳爪易吮亦濃味，排骨同飯則比較油。酥皮叉燒包系新興既包類，當然要達至最好既層次系外脆內軟，而呢度既酥皮叉燒包都算做到呢個效果，口感略似菠蘿包既外皮，裡面叉燒既份量亦充足。…Read More

唔乾，唔錯正常發揮牛肉腸正常發揮，糯米雞真係好大個！多餡個皮真係幾脆，叉燒幾好食又唔肥，不過成個包太甜！另外有叫馬拉糕，又係太甜！:(最深刻印象係：啱啱到，枱面同地下都好污糟好多垃圾，杯又洗唔乾淨，有啲好似鼻涕嘅野係上面。廁所好濕好逼，老人家去得唔方便。總結：已經係餓住咁去，以為餓住食野會覺得更好味，但完全冇驚喜，又污糟，印象麻麻…Read More

平時總是朝早吃點心，這次卻在晚飯時分突然想吃，於是來到家附近的添好運。平時這家店10點開門，總是門口大把排隊客等候，現在已經夜晚7點，來到果然沒有人排隊，不過店裡還是坐滿8成位置。我和男友點了這家的特色菜式6道，其實添好運的選擇並不多，但勝在幾乎沒有會中伏的點心。一來是酥皮叉燒包，好久沒來吃了，記得以前的酥皮是像菠蘿包一樣，現在竟然成了白色，而且外皮偏甜了一些，可能是換了配方。叉燒餡還是一樣好吃！！！再來是鮑汁雞腳，燉得夠爛，而且雞腳的趾甲被很貼心地事先處理掉了。但不知道為什麼湯汁沒有粘稠感，如果粘稠一些我會更愛。接下來是我最愛的馬拉糕，無論去哪裡吃點心我都會點上一份馬拉糕，添好運的算是不錯，不會太甜，也足夠鬆軟，熱騰騰的真是美味啦！記得以前在稻香吃點心，蝦餃上桌總是蒸過頭，連皮都爛掉，添好運這樣的價錢，蝦餃確是好漂亮的造型上桌，所以說大食肆真應該反省自己！除了造型已經贏了一局，吃起來味道同樣讓人滿意，不會乾身，蝦肉也彈牙，贊·~~~男友愛吃辣，最愛這道煎釀虎皮青椒。青椒去籽，肚子里包上肉餡，煎過之後淋上豉油，夠惹味。最後是相當於主食的，荷葉糯米雞，上桌已經覺得是好大一份，打開來更覺得滿滿當當全是糯米！糯米用荷葉蒸鍋本來就已經很香甜，肉餡的湯汁滲透過之後更好吃。但是糯米雞的肉餡太大塊了，應該切成小塊包裹住，吃起來才更方便，希望可以改進呀~這一餐吃得很飽，因不收茶位費或服務費，所以真的很划算！！！一共花去135元~不得不說住在北角真是好………Read More

添好運點心專門店, 是米芝蓮的常客, 廣華店曾經連續四年得到一星, 深水埗店一樣是連續四年得到一星, 而新開的大角咀店, 也成為必比登之選. 至於北角店, 去年是必比登, 這一年就跳升成為一星店了.是日自己一個人來到北角吃午餐, 就選了添好運這家一星店. 午市, 當然人山人海, 不過也不用等位. 環境方面, 當然不能有甚麼要求, 但就算是幾簡潔的.鮮蝦菜苗餃 $22: 8分, 先來客鮮蝦菜苗餃吧, 添好運的蝦餃是有水準的, 而新出品鮮蝦菜苗餃也是不俗的. 蝦餃皮夠薄身, 餡料是蝦肉配上菜苗, 蝦肉帶有鮮味, 幾爽口, 跟上菜苗之後, 會是健康一點的選擇.香滑馬拉糕 $15: 8分, 想飽肚一點的話, 就來客香滑馬拉糕, 一個人吃一客, 真豐富. 是幾有豬油香的, 很香口, 馬拉糕的質感很鬆軟, 氣泡明顯, 其實是我來添好運的另外一款心水.酥皮焗叉燒包 $18: 9分, 最後, 當然不能缺少的是酥皮焗叉燒包, 是日再吃, 水準依然是頂班的, 剛剛焗起, 熱辣辣, 帶點燙口, 面頭的酥皮很香脆, 而包身亦很鬆軟. 入面的餡料方面, 叉燒肉質不俗, 不會太實. 一個人連吃三件, 也不會覺得太多, 畢竟是高水準的嘛.常常聽到不少朋友講添好運水準下滑了, 其實在廣華街店時候已經惠顧了這個品牌很多遍了, 是日吃到的, 跟從前的水準委實是差不多. 酥皮焗叉燒包依然是頂班的, 鮮蝦菜苗餃跟香滑馬拉糕也令人滿意. 加上價位相當經濟, 想吃有水準的點心, 添好運還是其中一個必然之選.…Read More

早陣子聽到朋友說在北角開了一間 添好運點心專門店據說這間 添好運點心專門店 的點心是蠻有名的, 故親身來一嘗.酥皮焗叉燒包: 這個絕對得一試, 香味脆熱! 咬落有點像墨西哥包, 內裡卻是像叉燒焗餐包的味道. 最重要是夠熱煎蛋牛肉盅飯: 好懷舊, 份量亦好大, 一個人真的吃不完, 儘管吃了一盅, 也不能再食其他了. 味道一般, 但流出來的蛋汁可使蒸飯沒有那麼單調乏味. 不過不失.懷舊馬拉糕: 本人較喜歡這種傳統,甘香鬆軟, 熱呼呼的馬拉糕.....近年市面多以出售奶皇馬拉糕為多, 可是本人覺奶皇馬拉糕始終有點味道太濃,奶香卻乾喉的感覺......反觀這種懷舊馬拉糕卻可口得多....而添好運卻做到甘香鬆軟, 熱呼呼的....值得一讚!!!南瓜沙翁: :( 這個反觀有點失望. 雖則熱鬧鬧, 但太油膩......傳統的沙翁好吃得多.....還有它表面的是椰絲, 而不是沙糖...名稱吸引, 卻口感味道較為遜色....整體來說味道不俗, 食物等侯時間不長, 價錢尚可, 店內食客以內地人居多, 環境較嘈及擠逼…Read More

聽聞「添好運」係北角開咗分店, 另一半好雀躍, 要第一時間去試下...10點幾去到, 唔使等位, 直入... 門外有一排櫈比排隊嘅人坐, 我地今次用唔著...快餐店格局, 光潔鮮明, 招牌開放式廚房, 坐得近嘅客, 唔知會唔會覺得好熱嘅呢... 座位都相當迷你, 叫多幾個點心都放唔落...酥皮焗叉燒包 :)-- 必吃招牌菜!!! 脆脆嘅外皮, 包住甜美嘅叉燒餡料, Yummy~ 可惜餡料太少, 薄薄的一層, 有點美中不足...香滑馬拉糕 :)-- 招牌菜, 味道甘甜, 鬆化可口, 正!!!潮州蒸粉果 :) -- 招牌菜, 同出面d酒樓比較, 呢個點心嘅分別最明顯, 能夠明顯食得出切成方塊狀嘅白蘿蔔西芹花生, 真真正正有芹菜味, 餡料唔係一舊糊咁, 好味!!! 比個讚你!!!鮮蝦燒賣皇 :)-- 招牌菜, 蝦肉爽口, 豬肉鮮味, 以杞子點綴, 感覺好養生, 好味~黃沙豬潤腸 :(-- 同樣係招牌菜, 比之前幾款失色好多, 豬潤很少, 硬而無味... 好記得上次係深水埗包VIP房食私房點心, 一嚐佢嘅招牌菜黃沙豬潤腸, 非常美味, 質數拍得住西苑... 可惜今日滋味不再~問到職員呢度有冇提供私房點心嘅VIP房, 答案係冇嘅!!! 有d失望....…Read More

小伙子下午要回校補課，中午問我吃甚麼，我建議到新近在北角插旗的「添好運」吃點心。約等了五分鐘，被安排了一個窄窄的位，相信來「添好運」的人都不會是來歎茶，目的都是來吃其有星的點心，吃飽就走。為免小伙子遲到，我快速地選了些點心，叉燒腸粉，蝦餃，酥皮焗叉燒包，又怕他發育時期，不可無飯到肚，加一個煎蛋牛肉飯給他。點心是即叫即蒸，最先送來的是蒸飯，用不鏽鋼盅原盅蒸好的牛肉餅飯，上面有一隻煎蛋，我著小伙子先吃，他試了一口，嫌牛肉餅調味很淡，加了點豉油，誰知豉油也很淡，一點鹹味都沒有，難道加了水？小伙子吃了大半盅，不忘叫我也吃些大家分享。說也奇怪，我自從懂事以來，最怕與人「分享」，如一罐汽水，你飲一啖我飲一啖，或是一碗麵，你吃一箸我吃一箸，就算我在兒時，就算很肚餓，爸媽吃過給我吃，我也不會吃，但是當我兩個孩子來到這世界，我竟然接受到他們吃過的食物，人大了會改變，也許這就是做了父親後，其中的一樣轉變。牛肉餅是牛肉球的版本，腍腍的，有些芫茜，幾香，也有些馬蹄粒，若是鹹些少會較好。蝦餃是小伙子喜愛的食物之一，這店也做得不錯，餃皮少少煙韌，蝦肉爽口。叉燒腸粉，又是豉油不夠鹹，腸粉拉得不太厚，有水準，皮也不算韌。酥皮焗叉燒包是這店的名物，不得不點一碟來試試，一碟有三個，咬一口，包身熱烘烘，聞到陣陣牛油香已令人神往，酥皮脆脆的，好好味，叉燒餡亦不錯，果然是名物，有空會再來吃。飽餐後，小伙子亦要趕回校補課了。…Read More

6月24日, 平民米芝蓮港式點心添好運真係好巴閉~ 預咗起碼要等一個鐘以上先食到, 但試過拜會旺角總店卻於下午4點已經宣佈派晒籌, 連等位嘅資格都無! 自此之後每次經過佢門口都無不被那大批人潮嚇親… 深水埗同中環店都唔就腳… 等呀等卒之等到北角店開張~ 決定要神心地約埋媽媽同妹妹一行四人嚟排隊飛! 今次, 終於等到喇!::: 酥皮焗叉燒包 ::: $17嚟呢度唔食過佢嘅鎮店名物酥皮焗叉燒包真係唔好話食過添好運! 基本上每枱食客都一定會叫一客, 亦因為咁所以店方一早嚴陣以待, 酥皮叉包供貨量極之充足, 可謂長叫長有, 源源不絕新鮮出爐~ 不過可能製作模式已經太系統化而忽略品質檢定, 有d包個酥皮都未上好色, 白雪雪咁都照上碟, 賣相扣咗少少分. 不過新鮮出爐, 豈有難食之理? 面層酥皮焗得香脆, 包身鬆軟, 叉燒餡肉汁豐腴, 鹹香有致甜度適中, 認真皮薄餡靚~ 果然名不虛傳!::: 晶瑩鮮蝦餃 ::: $22蝦餃都幾細粒, 但皮夠薄, 除咗望落夠晶瑩透出粉紅蝦肉外, 亦意味餡料亦不孤寒~ 煙韌粉皮內係粒粒爽口彈牙嘅鮮蝦! 成粒食一口咬下爆出鮮蝦肉汁, 真係好食!::: 陳皮牛肉球 ::: $14牛肉球肉質嫩滑唔油膩, 食得出係鮮牛肉做先有嘅軟嫩口感, 唔似得出面有d牛肉球好似舊橡膠波咁, 彈牙得離譜咁得人驚! 入口除咗牛肉味外, 芫茜陳皮亦滲出清香, 兩者比例平均, 唔會俾是但一樣蓋過另一樣個味.::: 潮州蒸粉果 ::: $12媽媽好鐘意食潮州粉果, 雖然好多地方都有, 但做得好嘅就真係好少… 好多時唔係皮太厚就係餡料唔夠正宗. 呢度嘅潮州粉果就好有水準~ 首先同蝦餃一樣粉皮相當透薄, 連入面d餡料都睇得好清楚. 餡料有齊沙葛、蝦米、豬肉、芹菜粒等, 而且都下得重手塞到成件粉果脹卜卜! 食勻北角酒樓d潮州粉果嘅媽媽都大讚呢度做得好!::: 沙茶金菇牛肉角 ::: $15估唔到呢個沙茶金菇牛肉角原來係炸嘅! 金黃色嘅牛肉角炸得非常鬆脆~ 尤其是頂頂d多層摺位, 炸完好脆卜卜, 一咬就碎到一碟都係! 不過咬開餡料就主要都係牛, 金菇比例好少, 沙茶味亦較淡, 而且食落有d油膩… 一般般… ::: 家鄉咸水角::: $14咸水角都係細細粒~ 勝在炸得夠香口脆身, 外層夠脆咬落又煙韌, 餡料鹹香惹味, 而且唔算好油膩, 唔錯~::: 古法糯米雞 ::: $25糯米雞唔算好大件, 但一打開已經荷香撲鼻. 糯米軟腍煙韌, 吸收晒雞件肉汁同埋冬菇香味~ 好味! 但美中不足係餡料同鹹蛋黃都唔夠多, 撈唔晒d糯米一齊食.::: 黃沙豬潤腸 ::: $18豬潤腸都係偏細條~ 但餡料闊綽, 每條腸粉由頭至尾啖啖都食到豬潤! 腸粉皮夠薄又夠爽滑, 食落米味香濃, 同油潤嘅黃沙豬潤交織著軟腍口感, 味道好夾~ 好好味!::: 香滑馬拉糕 ::: $14呀菲一向都好鐘意食傳統古法馬拉糕~ 奈何越來越多酒樓愛畫蛇添足, 又加奶黃又變千層等等等等… 搞到馬拉糕就得番個甜字. 呢度嘅馬拉糕就用番傳統做法, 啡色嘅切件式馬拉糕, 氣孔分佈大粒又平均, 質地十分輕盈~ 甜度食中之餘亦有陣少少嘅烤焦香, 好好味! 爭d好味到想叫多件! 推介~~~::: 白灼郊外油菜 ::: $16是日郊外油菜有西生菜. 以油菜嚟講份量叫適中, 但相比起其他點心呢個賣相算係幾求奇架喇… 生菜零零碎碎亂疊一通, 侍應淋豉油時又淋得孤寒… 好在d菜都算新鮮食落都清甜~ 食過旺角添好運嘅朋友自不免會拿兩者來比較, 然後都話北角無總店咁好味… 不過對於我地呢d第一次食添好運嘅人嚟講, 呢度嘅點心比起同區其他點心專門店或者酒樓已經算好好食啦! 而且價錢唔貴~ 絕對係北角居民嘅好食點! 平日會較少人, 假期就真係要攞飛請早喇~…Read More

係附近搵野食，原來有間米芝蓮點心鋪好彩唔係好多人，我同朋友仔只係等左廿分鐘就有位了可以係等位既時候剔下想食既order，不過選擇唔多應該係剛剛出爐，熱辣辣~~ 一咬落去好香脆，個皮仲好乾爽!!~晶瑩剔透，但叉燒反而唔多，而且個腸粉皮有d 鞋口呢:(唔會好甜既馬拉糕，唔知係咪黑糖做既呢?!鬆軟可口，入口即融的喔服務態度就唔係太好，個樓面幾惡不過d 野食真係幾抵，又唔加一，唔錯唔錯:)…Read More

添好運開的第四間分店.四間分店的地區由平民地方深水埗,至高級地方中環也有.除了中環分店我每一間都試過.添好運的特色人山人海,位同位之間十分迫.今次北角分店也不例外.雖則環境大了,但位與位之間相當迫.如果少人光顧塔枱是必然的事.門口帶位經理,服務態度相當差劣.我向他說我一個人.佢眼神兇一兇我.之後叫我跟著人入.佢做完所有事,.我呆企5分鍾先理我.我吃完.只坐了3分鍾左右.在門口不斷眼望望.不知是樣兇,還是服務真是差?幸好其他店員服務不俗茶3元:是添好運最差的一環.但比深水埗的膠壺進步了.一壺茶同3位陌生人一起用,呢個經驗只有添好運才體會到.3元真是白給的.义燒腸18元:賣相精瑩通透,腸粉相當滑.米香味也吸引.啖啖的义燒肉香口得來.帶少許甜.肉質鬆化.相當吸引.蝦餃22元:乾身.粒粒有10摺以上細細粒.皮薄,蝦肉新鮮,爽口.不過只有蝦.沒有荀,有點失色酥皮焗叉燒包17元:添好運的招牌貸,隻隻熱辣辣,皮脆而香口.但叉燒真係少了很多,但香口的叉燒包加上鮮甜叉燒汁配襯下.呢個飽仍然無批評之處.埋單60元..若下次要去添好運.可能去中環..連中環也試完.就要留待 添好運有第五間分店再光顧,…Read More