Lai Bun Fu

已經不是第一次前往《禮賓傅》，是日家人出外晚膳的日子。港島區居住的我們，毫不猶豫再次提議此地；憶舊樂章滲透整個格局。場內無論裝潢都貼近小上海一樣，播著夜上海、玫瑰玫瑰等樂曲；爸媽都很喜歡是次的安排。永遠我都是負責點菜的那個，難得來到性價比高的《禮賓傅》確實需要享受一番；起碼報答父母的養育之恩，食材矜貴是基本吧！ 迷你鮑魚 首先到來的頭盤估不到是它-鮑魚，原隻迷你鮑魚已經有一種貴氣之感。底屬有一片烘焙過脆口多士，熱騰騰的配合鮑魚軟身又通透。再者兩者同吃確實香脆又富口感，第一道菜已留下深刻印象。 燕窩釀雞翼第二道菜式看似平凡的雞翼，原來絕不簡單。雞翼炸至脆卜卜相當飽滿，金黃色脆的外層可見即叫即整，完全保存新鮮味道。利用刀叉切開原來別有洞天，満滿燕窩在雞翅中央；看得出非常足料。看得出用料上乘，絕非燕碎而已，可見用心製作之物。 羊肚菌燉螺頭 平時在街上很少吃得到足料的燉湯，不過呢個是值得推薦。你要知道羊肚菌是需要長時間的洗淨，可算是需時很久花巧的功夫。羊肚菌燉湯加入螺頭及豬𦟌燉出細膩，羊肚菌吸收湯底的精華，長時間燉煮沒有太多油份，而且倍感清甜。 鮮蟹肉大良炒鮮奶又一手工菜全因炒鮮奶，是一種容易炒到熟透的一道菜式。香氣四溢的牛奶的香滲出，配合蟹肉完全吃出細味。旁邊有醋奉上但我確信首嘗原味為先，的確相當滑溜。加入香醋後立即變得不一樣，味道立即提升了很多；酸味較重的醋味帶動蟹肉的口感。 紅燒花膠 又一名貴食材呈現眼前，是我最愛的花膠。花膠原屬魚肚滋補又養顏，怪不得成為女性的恩物，多吃也無坊吧！花膠的厚身看出不是普通貨色，經過上湯燉製滿滿骨膠原在口腔中盤旋；吃後有一種幸福感覺。 南瓜燴安格斯牛腩 首次看到南瓜配上牛的食材，原來是那麼相襯的。首先安格斯牛腩紋理分明，一絲絲的牛腩相當軟腍；牛腩的湯汁精華與新鮮的南瓜入味無比，美味得連同湯汁都沽清。 素千層浸芥菜膽 吃過多款海鮮及肉類，係時候吃蔬菜平衡一下。千層的豆腐吸入高湯後相當入味，油份並不高相當好。最重要是旁邊有芥菜帶爽口而有味，還有少許杞子味道非常健康。 禮賓傅炒飯 能夠成為鎮店之炒飯，的確氣派不凡；只是飯粒的光澤已察覺是上乘之物。又是鮑魚的出現，內含帶子粒、翠玉瓜、鮮蝦等，顏色上已經相當色彩繽紛。每粒飯粒都帶有口感，增次分明味道超卓，令人想再吃的理由。 杏汁湯圓 最後是我最期待的畫面，嘗甜的味道。一家人抽空吃飯，這份湯圓確實有「團圓」的寓意。杏香滑溜與軟糯湯圓沒有半點抗拒的理由，湯圓內含芝麻香滋味無比。高質的食材令人吃出用心，再次重來是必有原因。 …查看更多

禮賓「傅」 讀音上 第一印象就係香港特首嘅官邸 同屋企人講book咗位去禮賓「傅」食飯嚇到佢哋以為要頒大紫荆勳章 有問使唔使着禮服使唔使着晚裝 大家都誤解左 禮賓府過府字其實係師傅個傅 苦過弟弟個弟 .......其實禮賓傅係一間中餐嘅餐廳 位處中環 地理位置極佳 旺中帶靜隔離就係蘭桂坊啦 先到門口已經發覺個感覺係極之有民國時期感覺 有一種好親切好溫暖嘅感覺 高級得來又唔會令到你唔舒服 價錢亦都係相當合理 質素上佳 用料講究 門外很多別緻擺設 古色古香 民國時期\既感覺好強烈內部裝修 吊飾 掛畫 以至餐具都好配合個氣氛 唔會OVER 氛圍舒服牆燈仲發現有紳士帽既蹤影 幾有特色各擺設同裝飾都好吸晴迷你鮑魚多士第一道菜就用咗鮑魚來做多士 感覺就係不得了 鮑魚大細用來做頭盤啱啱好 有趙口又彈牙 鮑心做得通透 多士亦都熱辣辣啱啱炸起 一齊食個感覺就由單眼又吹口又香口層次好豐富 邊個話鮑魚一定係主菜 用佢做頭盤絕對無甩拖 燕窩釀雞翼第二道就用左燕窩喇 看似平平無奇既脆炸雞翼 外型相當飽滿 色澤十足 望住佢都知佢新鮮炸起當你用左刀叉去品嚐呢隻好似好平凡既雞翼已經知道一啲都唔平凡刀叉侍候 一切便知龍定虫  切開之開一絲絲通透雪白既燕窩 每一絲眼見都非常大條 並唔係平價燕碎 連平日食開燕窩既我一家都覺得制作用心起碼係會用上一定價格既材料制作 抵讚!!!!!!!羊肚菌燉螺頭食左兩道前菜之後 要濕濕口先得喇燉湯唔會太強烈又夠滋潤口嚨 可以食更多好物MOREL 羊肚菌係菌類當中算係味道強而不嗆既一種獨有既香味 令到湯本身更香更甜 而且羊肚菌制作相當廢時 因為泥土既覆蓋令到每一粒羊肚菌都要好用時間去清洗曾經自己都制作過 清洗時間係整個過程既三分二時間 配合埋螺頭同豬蹍肉同其他材料 長時間既燉煮 整個湯老火味好強 好有家庭感覺 清甜無比!!!!每一粒既羊肚菌 係好完整同埋大粒 食落唔會食到不乾淨 吸晒湯既精華 令人精神暖心鮮蟹肉大良炒鮮奶白雪雪 香噴噴 蟹味同牛奶味都好強 香味令我口水流流又係一款考手功 廚師功力既一道菜 又唔可以炒到熟晒令到奶同蟹過老 但又要控制到滑溜溜未加任何調味先試一下原味好香 真係好香...........啖啖蟹肉加埋牛奶既濃香味 整個口腔都係香味加上醋去食原來係會變成另一道菜味道即時提昇好多 原本好濃味既蟹同奶 忽然比醋改變方向變得好低調但慢慢浸出香味 而且蟹鮮係提昇好多 蟹成為左主角感覺好神奇紅燒花膠飽參翅肚 何其珍貴 但現今年代我地要環保食 翅都已經比燕窩慢慢取代 可再生可繼續食用既我地要珍惜 花膠級別既魚肚 由重量厚度年期去畫分 我地唔好咁數據逹人最緊要好食 眼見呢塊大大塊又好似書咁厚既花膠 都知唔係少野咬落去膠質好重 骨膠原既好處我深信唔洗多講 大家都會明白去到呢個年紀食多兩舊都唔會少 有咬口 相當入味 用上雞湯燉煮幾個鐘 而且仲要係事前一日一夜浸開塊花膠事前既野唔講真係唔會知 原來呢幾分鐘既幸福同滿足係用左好多時間建構南瓜燴安格斯牛腩首先我係唔太鐘意食南瓜既 不過呢道南瓜燴牛 我又真係想試下 聽聞係相當唔錯每一粒牛既條紋十分之突出 而且牛既味道陣陣飄來極度鬆軟入味 夾起上黎啲肉就好似自己慢慢分離咁入口有啲慢慢溶化既感覺 一絲絲好容易消化 南瓜味係有 但唔會蓋過牛味 而且出奇地夾蘇千層浸芥菜膽肉肉子 都要食返蔬菜平衡返 碧綠如翠芥菜都係我其一種比較鐘意既菜爽口清熱 有少少甘味 幾健康  而且湯底用上清雞高湯 飛去面油 鮮甜入味不過主角係「蘇千層」千層豆扁 有啲似豆泡 不過佢係好實在 因為係由師傅一手一腳咁用一塊塊既豆扁 疊合而成 完全將高湯吸收晒 一放入口第啖感覺係口感好滑 高湯由口中爆出味道同新鮮感都高度讚好!!禮賓傅炒飯來到主食既最後一道 當然係中國人主要食糧 五穀之首「米飯」我又唔算係一個飯桶 無飯不歡 反而我就比較偏向食包 餃子既北方口味作為禮賓傅之名既炒飯 絕對唔會失禮飽魚作前又作後 首尾呼應既感覺就係令你會回味第一道「鮑魚多士」鮑魚當然繼續鮮美 彈牙 無可挑剔其餘會係翠肉瓜 原隻鮮蝦 帶子粒 全部都好新鮮 爽口 而且每粒飯都分開晒同有煙 令到整個炒飯既口感更多變椰汁燉官燕官燕會係甜品 原因係全家人都係好此道的人尤其女人們 久不久就會家制的一道糖水每次食到會自己整既食物個陣 都會有不同既意見可以係讚都可以係挑剔 但論到今次呢個就有讚無彈喇燕窩分分鐘仲多過椰汁 份量既吸引力 以至每一條絲都係相連 而唔係碎上用料用心大家都感受到 而且甜度不高 健康食最好不過清潤香口 用最好的感覺結束完滿的一餐 …查看更多

「夜上海，夜上海，你～是個～不夜城」，如果有留意歌詞，《夜上海》其實是形容三四十年代的夜總會。當時的夜總會類似現在的clubbing等地，人們在那裡醉生夢死，醒來走出門口又要面對現實。當然我們不可能在酒吧或clubbing聽到這首歌，如果有，那場所應該早就執笠了。但以《夜上海》這首歌來營造懷舊的氛圍卻不錯，地點不一定要是酒不醉人人自醉的酒廊，其實一間餐廳只要能讓食客忘記當下的煩憂，即使只是那麼的一頓飯時間，那裡就是我們的夜上海。＊＊＊＊＊＊＊＊＊＊＊＊＊＊＊為了預祝媽媽大壽，是夜我們選家了中環的禮賓傅作為我們的夜上海。你冇聽錯我冇講錯，是禮賓傅，而此禮賓傅當然不同彼禮賓俯。禮賓傅是一間懷著中菜廳，甫進店內就聽到《夜上海》悠揚的樂聲，令時光好像倒流了六十年一樣。禮賓傅走高雅路線，以西餐廳格局作裝潢，氣派中又不會流於俗氣。甫到時還未有食客，約晚上7:15食客開始多起來。以西式咖啡杯代替中式茶杯，而筷子旁邊亦放上刀叉，但毫無遺和感。侍者第一件事先問飲甚麼茶，一般中式茶樓的茶這裡也有提供。餐廳晚市有單點和套餐提供，套餐以人頭計，有$580和$680兩款，但見兩者只差$100，但菜式較為特別，而且人少單點不能試太多款式，就點了$680的套餐。迷你鮑魚多士迷你鮑魚多士的的的骰骰，剛好一口一件。鮑魚下面是青瓜和炸多士，鮑魚有嚼勁而不韌口，多士香脆又不會過油，而青瓜又可中和多士的膩感，整體配搭不錯。燕窩釀雞翼雞翼燒得金黃，色澤均勻，鼓鼓的入面釀滿燕窩，矜貴得來又特別。雞翼皮薄而微脆，入面的雞肉全部挖空，以燕窩釀滿。燕窩本身無味，但釀在雞翼內烹調卻吸了雞的香味。羊肚菌燉螺頭燉湯以青瓷製樹幹形燉盅盛載，造形特別之餘亦帶濃濃中國風。燉湯非常燙熱，每碗內有螺頭和兩大塊羊肚菌。羊肚菌是一種非常稀有和珍貴的天然食材，在中醫角度有補腎、壯陽、補腦和提神等功效，長期食用據說還可以防癌，雖然不知是否有如此神奇功效，而且我等平民亦沒可能長期服用，但平時沒有機會食用，今晚在這夜上海就做一晚大爺吧！燉湯非常清香入味，即使只是簡單下了少許鹽吊味已經很好味。鮮蟹肉大良炒鮮奶蟹肉大良炒鮮奶賣相有點像賽磅蟹，上枱時連醋汁一起奉上。炒鮮奶滑不溜口，奶香味中透出淡淡蟹鮮味，加上醋汁後味道更為突出。紅燒花膠紅燒花膠伴以芥蘭，茨汁濃稠有至。花膠都厚身大塊，不會因為煮得過久而變腍，仍帶點彈口，和著茨汁而吃味道不錯。南瓜燴安格斯牛腩牛腩通常配白蘿蔔，配南瓜配搭新鮮。安格斯牛腩軟腍中仍保留一點彈口，不會因為太瘦而黏牙，腩汁空口喝雖然有點偏鹹，但以牛腩蘸上腩汁而吃則非常美味。南瓜比白蘿蔔味道更為香甜，與牛腩都算搭配。素千層浸芥菜膽素千層就是類似腐皮的東西，下面佐以芥菜膽和杞子，顏色艷麗。素千層吸滿湯汁，既簡單又美味。芥菜膽味道帶苦澀味，不是我杯茶，但媽媽就非常愛吃。禮賓傅炒飯禮賓傅炒飯小小一碗，但卻非常足料，有龍蝦、帶子、芥蘭和黑松露。炒飯炒得夠乾身，粒粒分明不黏口，味道亦足夠，非常美味。鮮百合合桃露鮮百合合桃露奉上時很香合桃味，入口合桃味亦濃，只是稠度略為不足，杠體都不錯。總結，食物精緻又特別，非一般食到厭飲宴賀壽菜式，雖然價錢貴一點，但一年一次陪老人家來也值得。…查看更多

禮賓傅之前已聽過佢個名，一次係前特首曾蔭權爵士判刑前黎食，另一次就係睇報紙介紹「禮賓府前廚出黎開檔」。呀dee都係一個孝順仔，咁父親節正日一家人食，咁父親節翌日梗係同daddy食餐好，我仲專登提早幾日打去訂位。佢個位置都幾好搵，地鐵站行過去都係五分鐘到，不過就係斜路，行上去第一個路口轉左就係。一入門口就見到個大鐘，就知自己去岩地方！雖然地方唔算好大，但係好闊落，好岩business dinner 或者一家人黎，佢仲有間vip room，我諗平日lunch一定好爆。一坐底就問你飲咩茶，雖然茶唔係cheap cheap野係有d失望係茶包茶。我地兩個人就嗌左個套餐，650/位，呢個價錢係中環都算合理（咁父親節點都要洗下），同埋有鮑魚、燕窩同花膠都算性價比高。迷你鮑魚多士唔洗十分鐘就上第一道菜，佢似中西mixing做法，佢個鮑魚唔會好un。多士係好香脆，一淋一脆配得岩岩好，細細件作為頭盤岩岩好。燕窩釀雞翼上到枱就諗起【個樣咁日式手羽】，因為成個樣都好日本釀雞翼，唔同釀雞翼都試過，但係燕窩就第一次。個燕窩就真係冇咩味，但係個雞翼整得唔錯，同埋真係好足料，口感一流。羊肚菌燉螺頭一間中餐最緊要試下個湯，有d中餐廳可以sell燉湯sell到有湯包，證明大有市場。個燉湯好夠熱，同埋冇偷工減料。個湯都好鮮甜，唔會好咸。鮮蟹肉大良炒鮮奶呢個係招牌菜，所以期望都幾高，睇個樣同賽螃蟹一樣，但是食落完全唔同。佢亦冇令我失望，佢蟹肉一條條，所以口感好好，炒鮮奶亦好夠滑，加埋個醋就一流！呢個真係必食。紅燒花膠係外面食花膠最怕煮得唔夠耐，好似「趙香口花膠」咁，但係呢個整得岩岩好，唔會太冧或者太硬，但是嫌個汁唔夠重口味，期望紅燒應該可以重口味d。禮賓傅炒飯應該係upgrade版海鮮炒飯，食到有鮑魚同帶子。炒飯最緊要夠乾身，最好食到一粒粒米，佢個炒飯整得夠乾食，粒粒分明，加埋足料海鮮 ，成個炒飯就一流。呢到係fine din好地方，傾計就岩岩好，雖然個度冇景，但是整體個環境同埋食物都好高水準。同埋父親節梗係要孝順下父親，間唔中都要同佢食餐好，帶佢威。佢亦對於呀dee搵到間咁高質中餐廳口裏話多謝心裏（我相信）佢都好感動個仔都幾生性。…查看更多

母親節到了，盡點孝心安排了一餐高質中菜同媽媽一齊嘆下，預先訂左枱更安心呢！環境好有氣派！坐得仲好舒服～先係一啲小食開始，迷你鮑魚多士細細的新鮮鮑置頂，下面仲有清新既青瓜同埋脆口既多士。鮑魚新鮮所以係比較彈牙仲好入味，加上青瓜爽脆仲帶點糖粒，口感好豐富！另外多士處理無馬虎，整塊都係好平均既脆身，好香口！之後就係燕窩釀雞翼，好豪華既感覺睇落脹卜卜，表皮好脆入面係如假包換一絲絲燕窩，填滿了整個內餡！燕窩無作調味處理更突顯其原味，比平時食的燉燕窩更好！跟住係湯品，羊肚菌燉螺頭很補身既感覺，頗清甜的，菌味很濃！鮮蟹肉大良炒鮮奶本身以為平平無奇，但食落係好滑，只用蛋白去炒，同絲絲蟹肉融為左一體添！不過都有一兩塊仔既蟹殼，但無礙既紅燒花膠紅燒既汁剛好，令花膠既原味上添了一層茨，花膠滑嘟嘟，食完我諗我塊面都可以滑嘟嘟的haha南瓜燴安格斯牛腩肉類是不可少的，依個安格斯牛腩燴得好腍嫩！好似最近成日講既慢煮甘，都係好嫩口！而南瓜都好香好夠腍，仲增添左啲飽肚感！素千層浸芥菜膽食完肉剛好有個菜中和下，素千層幾彈口，芥菜膽帶少少爽又幾甜禮賓傅炒飯一奉上就香氣撳鼻，係黑松露既香！仲有好多海鮮，所以係幾高貴既一個炒飯，有帶子、蝦等等最後食埋糖水作結就最完美了，係冰糖雪耳！飲落好潤喉，吾會過甜！…查看更多

在周末時終於與朋友一嚐鼎鼎大名的禮賓傅午餐。之前想與朋友吃的時候又碰巧她考試，所以直到她考完試來嚐嚐，順便慶祝。禮賓傅食物都是以「小」「巧」為主，正合朋友小嚐心意。意想不到象拔蚌仔配粉皮挺搭配，象拔蚌沒有過多的調味，細緻的肉質，最能吃到它的原始鮮甜。加上滑溜的粉仔讓口感更潤滑，吸收象拔蚌的精華，好不滋味。麻辣花膠雲耳秋葵不枉是開胃的前菜，雲耳，花膠酸酸脆脆的，名麻辣其實一點也不辣，秋葵清爽，而且有益腸胃，多吃無妨。龍蝦湯好喝還是桂花魚老雞燉咸酸菜湯好喝? 我們都各有心頭好，我喜歡龍蝦湯，朋友則喜歡桂花魚老雞燉咸酸菜湯。龍蝦湯味道非常強烈，幾乎把龍蝦的精髓全都濃縮在湯中，而且湯裡真的蘊含飽實的龍蝦肉，每一口都是濃縮的鮮美。我覺得小杯份量剛好，美味淺嚐就好了，份量太多反而失去原本的滋味。桂花魚老雞燉咸酸菜湯以桂花魚與老雞共同燉煮出雙重鮮美的湯來，加上咸酸菜佐味，這湯味道喝起來酸中帶點香甜，雞肉經過長時間燉湯，也變得相當軟嫰。欖角蒸斑骨配蘿蔔糕組合新穎，斑骨很新鮮，欖角的鹹度也得宜，事實上斑骨經欖角一蒸已融為一體，肉質軟腍，鹹甜味剛好。蘿蔔糕表面煎得焦脆，絲毫油膩感也沒有，飄進鼻裡的香氣，還是吃進嘴巴的香氣都讓人喜愛，蔔糕內裡口感軟綿，臘腸，蝦米豐富了蘿蔔糕的味道。沙汁明蝦球裹酸甜的汁，外表有著誘人的金黃色澤，蝦球亦十分新鮮，吃起來爽脆又香，沙汁與蝦球絕對是絕配，不愛吃是騙人吧。鮮嫩入味的南瓜燴安格斯牛腩嫩中帶著勁，咀嚼中有股香氣慢慢釋放出來，細緻的南瓜甜而清爽，其甜香融入牛腩中，增添風味。現今飲食也講求環保，禮賓傅亦迎合潮流，以蛋，芽菜，豆腐，素翅香炒。雖然菜式名字叫桂花鮑魚炒素翅，但其實是素食來的，菜名自取其型。嫩滑的雞蛋快炒成桂花狀，加上爽脆的芽菜與彈牙的素翅，口感豐富亦清新。禮賓傅炒飯應該是它的招牌炒飯? 炒飯除了有顆大鮑魚粒外， 還有帶子，蝦肉，蔥花等，滿足我這個海鮮控。炒飯粒粒分明，而且不油不膩，頗具水準，帶著鍋氣的香，美味可口。蛋白杏仁茶煮得甘醇不苦澀，具濃純的杏仁香氣，絲滑又暖胃，每一口都喝得到滿瀉的嫩滑蛋白絲，值得為它著迷。天山雪蓮燉雪耳燉煮時間蠻久的，糖水香甜，雪耳的膠質已融入整杯糖水中，滑順好入口，紅棗軟而不爛，味道極好，個人蠻推的一道養生甜品。…查看更多

母親節那一陣子忙著要溫書，正日當日更要母親大人煮飯洗碗，為了補償她，便預訂了中環的禮賓傅晚餐。門口的銅鑼霸氣十足！氣派不凡！*Tasting menu ($680/位)不想挍盡腦汁，又想多試不同菜式的話，最好就是點tasting menu；份量小但款式多，女生一定夠飽！-迷你鮑魚多士細細隻的鮑魚，炆得又淋又入味；多士炸得香脆；食落有兩種不同的屠次。-燕窩釀雞翼雞皮炸得香脆，但又不會油淋淋；中間釀了燕窩，口感爽口，沒有經過調味；主要的味道都是來自雞肉。-羊肚菌燉螺頭清甜，又充滿海味味的湯；味道不太咸，又沒有落味精，真材實料！螺頭彈牙，又吸了湯的精華。-鮮蟹肉大良炒鮮奶適合佐飯吃的小菜，偏咸了一點；清楚看見一絲絲的蟹肉，乾脆沒有殼碎；質感稠稠的。-紅燒花膠花膠非常重海味味；彈牙中又帶點煙UN的口感。-南瓜安格斯牛腩牛腩又淋又入味，而且份量不少，有三四舊；帶點酒的味，牛的味道還很濃呢！-素千層浸芥菜膽吃完肉，再吃素；素千層吸了很多汁，但味道不會過咸；芥菜膽煮得淋，但又不會變老。-禮賓傅炒飯炒飯的配料很多，多數是海鮮；飯粒粒分明又不油；飯底很有海味味。-鮮百合合桃露合桃露不會太甜，但合桃味不夠濃。*茶芥($30/位)夜晚飲茶怕睡不著，所以點了菊花。…查看更多

剛剛既母親節,同媽咪去左中環一間中菜廳食晚飯, 餐廳標榜由前禮賓府大廚主理, 令我對呢度有信心保證, 唔會失禮。餐廳內裝修很雅緻, 我地點左幾款餐廳推介既美食試試。每款美食都以細細份分好給每位客人。【迷你鮑魚多士】多士香脆而不油膩, 鮑魚雖然細細隻, 但依然多汁鮮甜爽口, 中間夾左一片青瓜, 帶點清新感【燕窩釀雞翼】賣相脹卜卜, 表面炸得金黃香脆, 無骨雞翼內有大量燕窩, 口感豐富【羊肚菌燉螺頭】超級清甜, 螺肉彈牙, 羊肚菌帶微微既菇味, 好林【鮮蟹肉大良炒鮮奶】半熟雞蛋有豐富既蛋汁, 口感好滑, 甜甜地, 其實原味都已經好好食, 但加上少少醋, 令混合中既蟹絲味道更加鮮【南瓜燴安格斯牛腩】牛腩同南瓜都?得林而入味, 南瓜吸左D汁, 覆蓋左南瓜本身既既味道, 牛腩肉汁更為鮮甜豐富【紅燒花膠】花膠略帶點膠質, 茨汁好杰, 味道似鮑汁【素千層浸芥菜膽】芥茶味道甘甘地, 很爽脆, 千層素索左個汁, 甜甜地, 口感同面根一樣, 層次豐富【禮賓傅炒飯】很有穫氣, 炒飯粒粒分明, 有點濕炒, 飯質唔會太乾, 當中有飽魚粒、蝦粒、帶子粒【椰汁芝麻湯丸】呢度既野食正到就連糖水都帶比我驚喜!!椰汁味好重, 甜度剛剛好, 芝麻丸細細粒, 沒有搶到主角椰汁既味道。 整體黎講, 無論食物質素同埋呢度既待應服務態度, 我地都非常滿意, 有機會一定會再來!!!…查看更多

與朋友途經中環隨意找來這菜館用膳是時六點半人流還未算多侍應安排我們坐於角落位置我們要了兩位680元的套餐是次頭盤是鮑魚多士鮑魚體積雖細了一點但味道卻很好質感非常軟稔接著是燕窩釀雞翼燕窩塞滿了雞中翼的部分雞翼外皮也炸得很香脆再來的是羊肚菌燉螺頭湯頭十分清甜吃得出沒有添加味精再來的是大良炒鮮奶這道菜充滿了家鄉味接著是紅燒花膠花膠體積稍為細了一點但仍可切成三件安格斯牛腩比較普通有點小失望素千層浸芥菜膽有驚喜腐皮吸收了上湯味道出眾然而菜膽仍有一點苦味但感覺仍是十分清新然後來點碳水化合物炒飯比較濕潤最後以合桃露作結結束了這一餐精緻的晚餐…查看更多

今日預早慶祝母親節，選了一間特別有派頭，要令母親滿意的菜館不易，朋友介紹中環禮賓博，於是訂位同母親吃。餐廳位置不易找，行了一圈才發現，原來娛樂行斜上第1個街口就是了，行多了路都擔心母親不高興。到達5/F 服務員帶位，2人坐4人人座位，水晶燈下很漂亮，裝修真的很高級又有點懷舊，像老闆級，幾百萬上落的人先食得起地方，餐牌每款中菜都係名貴的材料，非常矝貴感覺！有鮑魚，燕窩，有燉湯，有花膠，安格斯牛腩，桃膠……只係$680位， 母親都覺得好有牌場。第一道菜： 迷你鮑魚多士 鮑魚煮得香軟入味，咬起來有彈性，下面有一片青瓜和炸多士，炸多士脆而不油膩，有點懷舊蝦多士變奏，以鮑魚就高級得多了。第二道菜： 燕窩鑲雞翼雞翼去骨啖啖肉，咬落滿滿燕窩在中心，燕窩真的很多，雞翼炸得皮脆金黃，實在很適合母親。伴碟小花很精緻，食落酸酸地。第三道菜： 羊肚菌燉螺頭湯第1口覺得比想像中濃味，見湯很清晰，有螺肉，瘦肉，羊肚菌，羊肚菌賣得很貴，所以這款湯母親都很滿意，我曾懷疑有味精，因為平時飲燉湯味道清一點，不過飯後2小時我都沒有口渴，証明真材實料，應該湯頭用了很多材料。另外燉盅綠色荷葉的造型很漂亮。第四道菜：鮮蟹肉大良炒鮮奶材料很多蟹肉，鮮奶很嫩滑，海鮮味道，面層有些咸香的碎粒，味道提升了。第五道菜：紅燒花膠一食就知用沙窩炆出來，紅燒汁同花膠絕配，服務員換上刀义，据花膠我都係第1次，花膠都有4mm左右厚度，咬口軟腍，配2條菜芯，健康清新。🍽第六道菜： 南瓜燴安格斯牛腩牛腩粒大件，口感軟腍有牛味，很香酒味和南瓜香甜。第七道菜： 素千層浸芥菜膽廚師將葉部份除去，只用最嫩爽口芥菜身，以上湯煮成，菜膽顏色碧綠，素千層以多層腐皮造成，粒狀吸收了上湯精華，非常入味。第八道菜： 禮賓傅炒飯炒飯內有蝦肉，菜芯粒，一粒鮑魚係飯面。味道上應該用鮑汁蠔油炒，炒飯材料豐富，味道非一切餐廳可比。最後的甜品 木瓜燉雪耳桃膠桃膠很滑溜，木瓜鮮甜，雪耳爽脆，非常清甜滋潤，母親讚不絕口。服務員很專業，飲一口茶就酬一次，每道菜食完再上另一道，係700價錢一位，除了矝貴一，環境和服務都讚，朋友介紹得太好，母親很喜歡…查看更多

嚟過禮賓傅一次覺得唔錯，呢次再嚟先知原來佢哋出咗個週末午餐。同一般嘅中菜有啲分別，呢度嘅菜式係位上，有啲西餐嘅感覺。先嚟嘅係兩款涼拌小食，麻辣花膠雲耳秋葵口感爽脆，辣度輕微。象拔蚌仔配粉皮，粉皮入面有切片象拔蚌仔、青瓜同肉碎等等，幾鮮味。然後就係兩款湯品，桂花魚老雞燉鹹酸菜，湯色清澈，同埋加咗啲唐芹，味道清香。龍蝦湯，味道酸酸哋，同埋仲有龍蝦肉，估唔到可以晌中菜館飲到呢款比較西式嘅湯品。沙汁明蝦球，蝦球炸得外脆內彈牙，醬汁酸甜。欖角蒸斑骨配炒蘿蔔糕，斑骨肉少但惹味，蘿蔔糕切成一口大小，食起嚟幾香口。南瓜燴安格斯牛腩，牛腩軟腍有牛味，南瓜又夠香甜。桂花鮑魚炒素翅，廚師將蛋黃炒成桂花咁，入面就仲有芽菜同素魚翅。禮賓傅炒飯，用鮑魚角、龍蝦肉等等炒成，同埋用咗黑松露同青蔥提味，米飯炒得粒粒分明又夠乾身。甜品一碟有兩款，蛋白杏仁茶，味道討好又養顏。天山雪蓮燉雪耳，雪耳軟中帶爽，甜味啱啱好又順喉。呢次試嘅菜式之中，我哋就比較鍾意沙汁明蝦球同南瓜燴安格斯牛腩。…查看更多

香港的禮賓府是個有超過150年歷史的古蹟，亦是歷屆港督及特首的居所，但禮賓府為何與食評有關呢？只因一家高級飯店以禮賓傅為名，主理人鍾建良先生，曾任禮賓府主廚十多年，自己的飯店，貫徹＂禮賓＂的宗旨，即是＂細意款待＂的意思，而取其同音的＂傅＂字即是＂師傅＂，就是廚師之意，一家細意款待客人而又有＂衘廚＂功力的飯店，我當然有興趣試試。位於中環黃金之地，面積不大，桌椅亦比較麻密，但不失古典華麗氣派，門面擺設，以至室內裝潢，皆有尊貴及中西糅合的感覺。倚牆的燈飾，仿民初年代的衣帽架。每張桌上皆放了一個如十八世紀的古航海小物，例如這個指南針及定位儀，有趣！送上餐牌，先見到有兩張單紙的 tasting menu 套餐，第一款的菜式精緻有新意，另一款是時令蛇宴，適合初次光顧或商務客人，不必費心選菜，便可以一次過淺嚐多款，實在可以考慮，更可喜的是價錢，在一處這麼有體面的食肆內用膳，每位才$580，十分合理。但我們豈是常人，為吃往往不厭其煩，決定細閲尊貴的皮套餐牌，選出自己心頭好，餐牌內有各款傳統粵菜佳餚，我相信自己的估計錯不了，昔日禮賓府就是以這些菜式宴客，特顯粵菜的手藝，精緻不油膩，而又少不了鮑蔘翅肚等富貴材料，我們就憑想像，自設了以下散點菜式，務求把自己當作府上客，吃得豪一點，善待自己！一眼看中是日燉湯、五味炸子雞、時令松露菜式及炒飯，傳統的紥實工夫，宜人的口味，卻又不失創意及做型，不愧為高檔食府。黑松露煎蓮藕餅 順德菜的家鄕煎藕餅，我從小吃到大，因為祖藉順德，嫲嫲的手藝至今未忘！一般煎藕餅並不難做，豬肉攪碎至起膠，蓮藕切幼粒，混合搓成餅狀煎香至熟便成，但每一工序，皆是為家人做菜的心意，暖暖的藕餅，洋溢溫馨的感覺。禮賓傅的黑松露煎蓮藕餅，自然是個精裝版本，四個肥肥胖胖圓圓的藕餅，煎至金黃顏色，企理整齊的放在長碟上，一端放上酸甜醬汁；與別不同之處，除了有加進黑松露油之香外，是底部多加了一片蓮藕作承托，好看亦倍增爽脆；調味適中，味道豐富並不過鹹，添加一些醬汁，少許甜味突出鹹香，豬肉蓮藕之組合令口感富層次，香惹有咬口，美味無瑕！是日精選燉湯－花膠燉螺頭相信款待禮賓府貴客的菜單上少不了燉湯，因此我們亦入鄉隨俗選擇是日精選燉湯，來個滋陰養顏的花膠燉螺頭，燉湯以仿玉湯盅盛載，確顯身價。湯頭極度鮮甜，嚮螺居功不少，完全不泛油光，湯清味甜之最高境界；湯水份量多，附上少許湯料可以淺嚐花膠、瘦肉及螺頭，唯湯頭並非想像中的膠質豐富，用上的花膠只是一般貨式，現在靚材料有價，沒法子！碧綠炒蝦球帶子 傳統粵菜的宴客菜式，中菜西吃，送上來已經分成兩份，用漂亮的雲石花紋瓷碟載著，三片黑松露非常觸目，香氣撲鼻。黑松露一向只有香氣而沒有味道，嚐一片，沾了少少蝦甜及醬汁之味，軟軟的質地，沒有怎樣。用新鮮蝦肉做的蝦球，略為煎香，大只肉厚有彈性，並非用硼砂弄至極爽口的新派做法，反而更可保持傳統，吃出蝦鮮，香甜滋味！帶子選材同樣上乘，新鮮厚肉，鮮甜口感佳。五味炸子雞（半隻)招牌菜式，早已在雜誌見介紹過，創作的確有心思，讓客人可以一次過嚐到五款不同味道的炸子雞，五味分明，味蕾感變化。五款調味醬汁分別是抹茶淮鹽，青綠色的，容易認出，炸子雞一向以淮鹽相伴，添了鹽鹹是熟悉的香味，而抹茶也許添了少許甘香，但不明顯，心理上有而已！水汪汪透明的是青檸汁，以為平平無奇，想不到效果很好，醮少許味道已經很出，有在吃青檸雞的口感。中央的是南乳醬，傳統伴雞的輔料之一，蘸一些吃，完全就是南乳吊燒雞，味道帶脂香及酒香，濃郁獨特。最後兩款醬汁最有新意及得我心，藍莓醬及洛神花醬，前者有中西合璧之感，因為法式鴨腿喜配甜酸味的果醬，有助提升肉香及減膩，現在以藍莓醬配炸子雞，相似的口感。洛神花近年大行其道，但做茶、飲料、果醬見過，蘸醬是首次，又出奇的匹配，食伴認為有些過甜，我卻喜歡這個鹹甜對比，濃郁一些更分明，正足我杯茶。炸子雞本身皮脆肉嫩，細細隻，但切件大，啖啖肉之感，份量比想像中多，雞胸位不算嚡，脾位當然非常滑。蝦醬芥蘭煲火喉十足，香味濃但含畜，沒有弄至全個廳皆是蝦醬味，黏稠的蝦仔及醬汁沾在芥蘭上，鹹香惹味討好，芥蘭炒至爽脆，熱騰原煲上，風味美食。禮賓傅炒飯壓軸出場豪氣洋溢，鮑魚、龍蝦肉及帶子炒出來的有味飯，沒有名過其實，豐富美味，吃得奢華，造型亦有特色，保持了龍蝦尾增動感。細看下，切粒鮑魚及黑松露醬在頂端，龍蝦肉環繞著四周，鮑汁炒飯，深褐顏色，收水出色有鑊氣，米飯粒粒分明且飽滿，集柔靱、鮮香、滋味於一身。天山雪蓮燉雪耳雪耳 是日天清氣爽，比較乾燥，宜滋潤一下，爽口清甜的天山雪蓮燉雪耳是不二之選，喝過後，甜在心，潤在。是日晩餐，水準平均，平實到家，紥實的工架，雖然並不驚為天人，但吃得胃納舒適，這可能就是最理想的宴客方案；服務方面，有如上賓的殷勤態度，配合環境氣氛，十分適合宴客的，而且物有所值。補充資料，設置貴賓房，可容12人，最低消費$8,000，合理價錢。我已經開始有自己的blog了，慢慢仲會加埋旅遊，請大家多多支持！Blogspot: gourmetivy.blogspot.hk ( IE食神俠侶的嚐味生活) Instagram: gourmet_ivyTripadvisor: gourmet_ivy…查看更多

我本人比較偏好中菜，今次飯局就選左自己一直想試既高質中式餐廳。雖然價錢聽落唔平，但都算係質素既保證，所以決定豁出去！禮賓傅既招牌下放有一個中式鑼，頓時感受到餐廳對於中菜嘅執著。至於整體環境高貴大體，每一盞燈，每一塊布，都是悉心挑選過。是一個有份量的飲局選址。新鮮既湯最能刺激味蕾。呢道羊肚菌燉螺頭湯火喉剛好，為我今晚既中菜大餐打開了序幕！我平時少食羊肚菌，但呢道湯既螺味就夠鮮，飲落一啲菌類既膻味都無！素翅要弄得像真的翅確實有難度，但這道桂花鮑魚炒素翅就做到了。口感食落去仿真度極高，配合鮑魚菇的鮮味，就像在食真的翅一樣！多士脆口但唔會太散，與鵝肝既口感形成強烈對比！而蝦肉好新鮮，咬落去彈牙且多汁，不錯！這一道酥炸安格斯牛腩真正做到外脆內軟。酥炸的皮很薄很脆，但不油膩，同時保留了溫度。而牛腩肉質又軟又稔，點下咖哩汁也輕易滲透到肉身，係一味佳餚！蟹鉗係蟹最肥美既部分，充滿新鮮既肉汁，幸好這道菜没有蒸去蟹肉本身既鮮甜，加上陣陣既花雕味，一試難忘。再來一道清淡既千層豆腐浸時蔬。豆腐夠滑，菜夠清甜，可以減去口中少許既油膩感。呢道炒飯真係睇得出餐廳既功架！飯炒得夠乾身，絕不油膩；配料夠平均，有嫩口既肉配合淡淡蔥香，有飽肚感之餘亦非常好味！最後以一碗香滑既合桃露作結。整體不會太甜，合桃味頗香，入口細滑，就連飯後甜品都有相當水準！能夠將每種中菜身材發揮其所特質，師「傅」果然係勁！…查看更多

禮賓傅開業於安蘭街一商廈內，同廈有數間以中高階水準定位的食肆。踏出電梯的一刻，已能望見餐廳古雅的門面。要數最吸睛的擺設，當然是門外的大銅鑼；窗邊的蘭花綠葉，亦增添了一份優雅氣質。 踏入餐廳內部，即被一股古色古香的氣氛包圍，連帶餐桌上的擺設也甚具特色。作為一間高級中菜館，用餐的舒適度亦不用擔心，不論兩小口子晚飯或多人共桌聚餐也適合。 首次到訪，焦點固然落在餐廳的招牌菜身上。餐廳的總廚鍾建良師傅，曾是香港禮賓府的廚師，除了日常為特首高官烹調菜餚外，美國前總統喬治布殊及英國前首相戴卓爾夫人亦曾是席上客，令人期待！ 花雕酒是配搭海鮮的好夥伴，能豐富海鮮食材的味道。這道花雕蒸蟹鉗，以一只完整蟹鉗精製而成，肉彈味鮮，酒香洋溢，韻味十足。 蝦多士在很多舊式酒家都有供應，但內釀鵝肝則較少見。蝦多士炸得金黃香脆，蝦肉味甜，面上點點芝麻更有畫龍點睛之效。鵝肝是濃味之物，雖然好吃，但份量太多難免會搶去其他食材的味道。有見及此，鵝肝的投入量相當克制，只取其香，最後成就了這件可口的鵝肝蝦多士。 筆者十分喜愛美味的湯水，尤其欣賞火喉十足的燉湯。這碗羊肚菌燉螺頭，以打造成木頭狀的盛器盛載，除了賣相雅緻外，雙層玻璃設計更有保溫功能。羊肚菌是營養價值甚高的菇菌食材，性平味甘，有化痰止咳的功效。配合螺頭及豚肉一同肴煮，鹹鮮純厚的味道發揮理想。 從環保角度而言，魚翅菜餚不建議多吃，素翅則不一樣，多吃亦無妨。這碟桂花鮑魚炒素翅，雖然鮑魚味道不太突出，但炒蛋炒得甚香，掛滿清爽食感的芽菜及口感微彈的桂花翅吃味道甚佳。 酥炸安格斯牛腩配咖哩汁是一道值得推介的菜式，牛腩肉質紋理清晰，瘦中夾肥，口感鬆軟，味道濃密。以酥炸方式處理食材雖然香口，但亦容易造成膩意過高的問題。從牛腩的「金衣」可見，酥炸外層只是輕輕依附著牛腩表面，在脆感不減的同時，毫無膩意，製作十分出色。伴上菜式的是味道傳統的咖喱汁，用以蘸點牛腩吃另富風味，同樣好吃！ 千層豆腐浸時蔬是相對平實的菜餚，芥菜去掉外衣後，中心部份嫩綠，清清的味道有助洗滌味蕾，迎接最後兩道佳餚。 禮賓傅炒飯以店名命名，當然是鍾師傅的招牌菜。炒飯以龍蝦、鮑魚、金華火腿及松露油等拌勻上色炒製，用料上乘，味道相當豐富，當中又以龍蝦粒的味道最佳。飯餐最後以一碗鮮百合合桃露作結，合桃搶味濃郁，鮮百合只屬雅緻的點綴，有機會再品嚐合桃露的話，配搭湯圓效果更佳。 禮賓傅有名廚坐鎮，菜餚確實美味可口。配合古雅舒適的用餐環境及不俗的服務，整個用餐體驗理想。唯獨從價錢考量，明白名人不易做呢！…查看更多

黑色星期五，老公帶路黎到中環蘭桂坊附近~轉入一條小街之中，小街盡頭相當搶眼：18 On Lan原來大廈又唔少高質素餐廳~ 今日老公揀左食中菜，由於時間尚早~我地小倆口包場呢~ 裝修典雅配上背景中式音樂~連壁燈都好有特式~ 為典雅裝修添回一份挑皮今晚點左Signature Tasting Menu~花鵰蒸蟹鉗清湯唔會過濃，配上鮮甜的蟹肉~為今晚打嚮頭炮~鵝肝蝦多士賣相好靚，由於蝦肉比例多~說是炸蝦球比較適合 XD因為多士只有薄薄一片~另外鵝肝味道亦唔突出~但蝦肉彈牙，沾上少許蛋黃醬~ 已經夠滋味！羊肚菌燉螺頭湯入口好清甜，但完全無油~星期五天氣明顯轉涼~飲完靚湯，成個人暖哂~ 好幸福呢~鮑魚炒素翅~加入左芽菜、蛋去炒~較為清淡的一味~比較名貴的家常菜~ 因為有鮑魚絲呢~酥炸安格斯牛腩配咖哩汁全晚最清意的一道菜~因為外層酥脆，但一咬之下牛腩入口溶化~未食過咁易孰的牛腩~而咖哩帶d椰香~ 亦唔錯~~千層豆腐浸時蔬~剛才食完勁惹味的咖哩~正如沖淡一下味蕾~千頁豆腐吸了湯汁~ 鐘意清湯夠清淡~ 唔會過咸~禮賓傅炒飯老實講…小妹食到炒飯…已經好飽好飽… 8成炒飯都係老公幫手食埋~有鮑魚粒的炒飯~ 炒得唔算乾身~但勝在調味唔會過火~最後送上甜品~ 完結浪漫的包場體驗~百合合桃糊~清潤的中式糖水~ 鐘意佢少甜配方~…查看更多