德國餐廳 (已結業)

專登入元朗食飯就要揀啲特別啲今次係第三次食徳國菜兩個人叫左4樣野炸魚薯條，魚柳炸到脆卜卜，有一隻手掌咁長，皮脆肉嫩，配沙律醬，正！薯條份量又出奇多，新鮮炸起，熱辣辣徳國辣肉腸配風乾火腿，火腿配芝士，有三款火腿，唔同質感，咸咸地，好滑，好味！徳國腸拼盤，有四款香腸，包括豬肉腸和羊肉腸，好好既係羊肉腸竟然唔羶，而且味道剛好，唔會太咸，配芥末醬或茄汁都得，如果都覺得太咸可以點醬中和重點又點可以唔少得豬手，呢個係傳統徳國白豬手，豬皮唔會好似咸豬手咁脆，呢個係軟身，但豬肉一樣咁滑，唔會好難切，肥膏份量剛剛好，食完都唔會太膩，司華力腸就普普通通，反而可讚之處就係有個未經調味既薯仔，可以中和一下味道叫了兩款飲品 👍🏻👍🏻👍🏻

聽朋友介紹話元朗朗屏附近有間唔錯既德國菜餐廳，於是放工就同女朋友去食下。餐廳裝修都幾有心思，入到去真係有種去左歐洲既感覺。我同女朋友叫左四道菜，前菜係炸魚薯條，炸魚外脆內軟，配合沙拉醬味道一流，薯條落左小小鹽，加埋新鮮炸起，口感無得彈！跟著黎既係德國腸併盤，除左平時食既豬肉腸之外，重有平時好少機會食到既羊腸，加埋芥末同茄汁，俾到我一種新㯋既口感。西班牙辣肉腸火腿，配合芝士同青瓜，雖然芝士，肉腸同火腿都係鹹味，但因為佢地既鹹味不同，所以俾到我不同層次既口感與味道！最後最後，黎德國餐廳點都要點既德國豬手，呢味德國傳統白豬手，肉質鮮嫩，另我食到樂而忘返!一間餐廳除左食物外，氣氛亦相當重要，Das Bier既裝修俾到我溫暖寧靜既感覺，另我食左一餐好enjoy既德國大餐！

好耐之前，同朋友去過DAS BIER(大埔分店)食過一餐德國菜!那時，與朋友在舖頭外食下野、飲下酒，感覺非常良好!偶然得知，DAS BIER 依家起元朗開左分店，就立馬搜查下分店起邊! 哦! 原來剛剛好就在我家附近，那就好了! 以後搵食就多左個地方，唔使再走黎走去其他區搵野食了!拎起熟悉的MENU，即刻就揀到今晚晚餐同阿哥食咩好了!本身我同阿哥都餓著肚子，所以兩個人叫左個MAIN (燒雞)+ SNACK (腸拼盆及蒜包)，再配上小麥啤酒!其實，德國菜本身份量都唔少架，叫左先怕我地兩個人食唔食得曬呢!點完餐後，就不其然地拍起照片來! 大埔分店既DAS BIER係似德國水手酒吧，相反元朗分店就充滿西餐廳風情既餐廳，睇黎DAS BIER 老細都會為不同區既店設計左不同的元素同特色起入面喎!可能算係成餐飯減左少許分既地方，就是焗蒜蓉包焗得太耐啦! 香草的香味及味道因為焗到過左時間而失去左，吃落去當然地係好硬!  希望廚師下次會留意時間吧!肉汁仍在的烤雞：廚師烤到隻雞係脆面，香口的! 可是，依家處理手法就剛剛好，因為仍吃到柔嫩的肉質及烤焗下還保留著的肉汁! 仲要點都比你起老麥或肯德爺爺食既雞多左

一直也有光顧大埔總店的Das Bier ，很喜歡放工後相約朋友去食，一邊豬手一邊啤酒，一大樂事。最近才知道原來元朗也開了分店，恰好又相約朋友到元朗逛逛，便順道嘗嘗元朗分店都豬手。元朗分店的位置比較僻，人流不多，避開元朗密密麻麻的人群，環境清幽，有屬於香港人的空間，不再跟水貨迫在一起。店員亦很熱情接待我們，可能我們在閒日較早的時段進餐，店內不算多人。環境佈置也很有心思。地方比大埔的寬闊，坐得比較舒服。餐牌上的食物與大埔的一樣。當然點了招牌的德國豬手（它的豬手分了炸豬手和白豬手，未嘗過白豬手，興趣不大，比較喜歡炸豬手，即叫即炸，切件上，又方便食），其實德國餐分量一向大份，其實一份豬手夠兩人食用了。炸豬手的水準仍保持著，豬手皮香脆可口，豬手的肉質亦剛剛好，皮與肉之間的膠質亦重（骨膠原啊～）口感一流。豬手的咸香，陪上薯仔沙律及酸菜，中和了它的咸度，開胃之餘亦剛剛好。腸亦很juicy，肉汁豐富。它的啤酒亦有很多選擇。如果想嘗嘗德國菜，又想跟朋友飲啤酒聊天，Das Bier是個好地方，環境舒服，價錢亦合理。

呢間德國餐廳同其他德國餐廳的食物種類差不多.不同的地方如下:德國咸豬手 - 外皮烤好脆,  預先切好一件件, 大少適中, 再砌回豬手形, 方便食.餐廳通常用熟椰菜及薯蓉做配菜, 但呢間用了酸椰菜絲及薯仔沙律, 沙律加入少少黑胡椒同酸瓜粒, 可以除去豬手的油膩之餘, 仲好醒胃.德國啤, 有少少苦味, 正.順帶一提, 逢星期一至星期四點德國咸豬手, 都會送2杯德國啤. 法式蒜蓉包蒜蓉包有別於一般，佢加入左少少的辣粉，愈食愈想食!此外，佢好大片，有啱啱食完的豬手骨咁大!抵食!餐廳內的裝修也不錯, 有德國feel, 好似置身外國, 身樓底又夠高。 置身餐廳內，令人忘卻香港的煩躁生活!建議如果係晚餐時段去, 最好預先訂位, 因為餐廳內的座位不是太多 ^^

媽咪超愛食生蠔，冇意中見到呢間餐廳有生蠔食，就帶媽咪試下!一嚟硬係立即order半打生蠔，佢立即幫你開蠔! 生蠔比想像中更大隻，有手掌咁大隻呢，配上少少檸檬汁同茄汁, 絕配呀! 生蠔下面有大量冰塊墊底, 咁就可以keep 住溫度, 又可是慢慢亨受呢 ^.^生蠔清得乾淨, 有少少鹹鹹的海水味，肉質爽口彈牙，鮮味同甜味都好突出，好好味呢!食完生蠔, 我地都飽飽, 叫左墨西哥香蔥芝士薄餅! 呢個芝士薄餅估唔到佢咁好味, 薄餅熱辣辣, 裹面有少少香蔥, 好香, 好味, 外脆內軟, 必點!

超喜歡食蠔,那天和朋友經過元朗屏會街的德國餐廰門口寫住一個蠔set,半打生蠔送一枝白酒,於是即管入去試下,除了蠔還有式各樣啤洒供應,氣氛也不錯門口環境很吸引很有心思生蠔算新鮮可惜支白洒太甜,飲了兩像糖水一樣，放棄了,是因為我最怕食甜，其餘火腳拼盤一般,沒有特别,沙津也是一般

Das bier 這餐廳之前已略有所聞(大角咀那間)，是日約了中學好友敍舊，發現元朗也有分店，於是就終於有機會一試了餐牌選擇多，實在令人眼花撩亂，每樣我們都想試。最後兩個人叫了四款不同的美食。德國餐廳當然少不了德國腸拼盤及德國咸豬手，另外還點了墨西哥香蔥芝士薄餅及沙律中和一下肉類的油膩感。先端上的是芝士薄餅，薄餅新鮮熱辣（一定要趁熱吃），芝士是可以拉絲的，雖沒有其他材料，但只是很rich的芝士，味道濃濃的已經加分。(不點醬汁已很好吃)沙律配料也不算少，份量夠兩個女孩子share。西班牙風乾火腿加上新鮮的沙律菜，少少鹹，更能帶出凱撒沙律很fresh的感覺。(最喜歡不是沙律醬的沙律)德國超級香腸拼盆，有豬、雞、羊的。羊肉腸味道特別濃郁，但不會太重羊膻味。有一款我覺得像台灣蜜糖腸，另外脆皮腸亦很香口，整體不錯。最後最後，期待已久的重頭戲-德國咸豬手，雖然是碎上，但豬手份量十足(可供兩三人食用)。豬手香脆的外皮，像燒肉皮一樣，咬下去”葛”一聲哈哈，真的很脆。豬手肉比我想像中沒那麼咸，味道剛好，肉質嫰滑，膠質亦頗重(會黏著唇)。伴碟的薯仔沙律有薯蓉及薯粒，吃得到兩種層次。酸菜微酸，但很開胃。我們

相比日式、泰式的餐廳，德國菜一向不是港人的首選，更遑論是於處元朗這種新巿鎮的DAS BIER 德國餐廳。難得這天放假，特意避開巿區的密麻麻的人群，出走元朗探索一下。黃昏時候，剛好經過這條「食街」，周邊有各式的食肆，細意比較一會後，還是走進了這間清幽的德國餐廳。當然，女店員主動出門介紹，也令人盛情難卻。，由於德國餐的份量一向驚人，胃口不算大的我還是簡單點了 招牌的「德國炸豬手」和「三文魚凱撒沙津」。根據店員介紹，「德國豬手」可以有2種食法，分別是「白豬手」和「炸豬手」，由於炸豬手是切件後才奉食客之用，為求方便當然是選擇炸豬手。炸豬手應該是即叫即炸的，烹煮需時20分鐘左右，食客需要耐心等候。新鮮的德國豬手未放到枱面，我們已聞到豬油的油香，經過酥炸的豬皮仍舊呈現一層粉紅色，香口的程度令人躍躍欲試。淺嚐一口，豬手的調味適中，相比其他餐廳的德國豬手一般咸味較重，這反而能襯托出豬手的鮮味；而火候的控制良好亦使肉質淋而不硬。配菜則奉上經典的薯仔沙津和德國式的酸菜。三文魚凱撒沙津， 係德國餐廳食可能太普通? 非也。如果你是此沙津的愛好者，你會欣賞廚師的功夫和心思。因為沙津的調味中以「堤魚」作為主要材料

未試過德國菜既我覺得德國菜率直豪放，這天初嘗德國菜，原來可以好似食西餐咁有氣氛 。餐廳位於豐年路輕鐵站附近，步行四分鐘即達，對於我這個市區人都好易揾。內裏樓底高空間感大，天化有藤蔓吊燈吊扇作點綴，聽住輕快的音樂同朋友傾計非常舒服。呢度啤酒最出名，選擇非常多而且平平地已經有一大杯。單單飲酒傾計唔飽肚既，所以都要點返幾樣食物下酒。招牌脆皮豬手 $175 豬手有別於中式滷豬手，肉豐厚脂肪適中，份量都特別大添！豬皮烤焗得黃金，入口咯咯聲仲唔會油膩。豬肉濕潤可以輕易咬開肉絲，點埋蜜糖芥末醬好開胃！配菜有酸瓜薯蓉及酸椰菜絲，兩者輕輕的酸味恰好中和肉類的飽肚感，不錯～星期一至四仲有兩杯指定啤酒送架～煙三文魚凱撒沙律 $128朋友無菜不歡，雖然沙律唔係德國菜，但味道好比西餐廳的水準。羅馬生菜用鯷魚碎同橄欖油調味，而煙三文魚夠凍又新鮮。法式蒜蓉包 $48剛剛焗起仲熨手，蒜蓉味唔會太重反而帶有香草味同辣味，愈食愈過癮。最欣賞每片法包兩面都有調味，$48有五大片抵食。新鮮奇異果汁 $35果蓉份量頗多所以果汁有點像smoothie，食左咁多肉飲返一口酸酸甜甜既果汁，爽！我好鍾意飲奇異果汁，試過生果舖、連鎖咖啡

朋友係要見嘅，好野係要食嘅！幾個朋友幾經辛苦約咗出黎食好西，最後朋友介紹一間元朗德國菜，於是熱熱鬧鬧衝入元朗餐廳門口有德國風，而且睇有優惠推廣緊，星期一至四食一份德國豬手$174重送多兩杯酒，收工宵夜傾計一流，可惜今次用唔著。入到餐廳，牆上掛畫型格，睇得出老闆投放過心機。其實食物都係重點，我地一行四人叫咗招牌德國咸豬手，依個豬手不得了，開頭重估豬手會硬，一叉入去，皮脆肉質嫩一流，直得再黎食，而且份量絕對足夠二人食用。另外我地重叫咗美式燒排骨同香腸拼盤，排骨份量正常，足夠二人用，味道方面甜咗啲，可能自己鍾情淡口味，原味主意者。另外香腸拼盤有四種唔同口味，其中羊肉腸原汁原味，唔錯，不過朋友唔好羊就覺得好羶。飲品方面，除咗基本野外，餐廳有唔同歐洲國家介紹，德，英，意，瑞。。。我自問唔熟酒，好彩餐廳中英並重，有哂各種酒嘅基本介紹，最後揀咗一德國啤，艾丁格黑啤，入口唔太甜，配豬手，正終結，一行四人，性價比高，可以再黎

住係元朗嘅朋友應該知道除咗教育路 雞地一帶之外，朗屏幸福樓附近都有好多好野食。今晚黎過平時較少食嘅德國餐廳《Das Bier》，餐廳裝修別緻，帶點花園感覺，酒吧角落更設計成天窗，給人一種悠閒感覺。而且播放著輕音樂，係傾計，飲野，食飯嘅好地方。一講起德國餐，好自然就會聯想到啤酒，豬手，同德國香腸，所以今晚亦不例外，叫咗呢幾樣黎睇下餐廳真功夫。啤酒方面，我選了新出嘅Hoegaarden Rosee, 粉紅色係近期大熱嘅 pastel 粉紅，簡直係一眾少女至愛。一呷落就聞到桑子味，果味香甜，配合hoegaarden獨特嘅花香味，就連平時唔飲啤酒嘅，都保證愛上。另一啤酒Furstenberg Hell,色澤啡黃，且充滿小麥香， 麥味香濃，泡沫細緻，而且有獨特的回甘味，個人覺得有點似香蕉味，有興趣新口味的朋友一定要試。第一道美食係德國腸拼盤，此拼盤包含了五種口味的香腸，有牛肉腸，豬肉腸，各具特色，味道有濃有淡，個人最喜愛係白色的牛肉腸，香草味突出，多吃點亦不覺膩。香腸拼盤亦有炸薯皮以及酸椰菜，和別的德國餐廳相比，Das Bier的酸椰菜較爽口，亦無咁酸。第二道菜式係德國咸豬手。豬手份量十足，外皮

今日係元朗收工，記得朋友講過水邊圍附近有德國嘢食同有啤酒飲，最中意試新嘢既我梗係吾執輸去試下啦！ 去到已經見到好多人係度飲緊啤酒喇，好好氣氛，原來依度有happy hours 既優惠至到9點，咁我梗係即時叫返杯飲下先啦，一睇menu發覺生啤既種類都有好多，吾淨止德國，仲有比利時，英國都有。我就梗係叫返杯德國啤飲下，凍冰冰一啖飲落去，味道清爽，完全無苦澀味，令人一試難忘！ 食物方面我就首先叫左個德國最有名既香腸加薯條，香腸有4款,每款都各有特式，肉味濃厚，加上特製既芥茉醬，完全將香腸既香味特顯左出黎，薯條亦都炸得時間剛剛好，上枱既時候仲熱辣辣，香口到無得彈啊！ 主菜方面我就叫左個德國豬手，其實自己都食過好多次，不過今次真係有啲驚喜，首先個賣相已經好靚，食落個皮整得好脆，咬落去有咯咯聲架，肉質好鮮嫩，吾會感覺好老咁，廚師亦都好細心將啲骨整開曬，完全啱曬懶人既我吾洗再慢慢切開，值得一讚！ 今晚依餐飯食得我津津有味，朋友完全無介紹錯，下次入到元朗都一定再黎飲下食下嘆下！

喺元朗既德國餐廳唔多，咁啱今晚我同姊妹都想食腸，就喺呢度同佢啤啤佢。呢度個環境都幾骨子，同舖頭外面形成強烈既對比，同閨密喺度傾計好舒服。我嗌左hoegaaden Rosee 48 half pint 同 Furstenberg Hell 58，個 Rosee 有好香既果味，少少甜，好適合一啲唔太好酒既少女，個 Hell 就有香蕉加小麥既香味，都幾特別。德國香腸併盤158，有五款，各具特式，薯條軟身微溫，鐘意佢個芥末醬有埋芥末籽，勁鐘意呢個口感，伴碟既德國酸菜如果再酸啲同濕啲就好喇。德國鹹豬手配酸菜及薯仔沙律175，豬手塊皮硬左啲，薯仔沙律好食又夠哂凍，好食到要同姊妹爭住食。侍應哥哥待客認真嚴肅，反而廚房嗰個哥哥攞豬手出黎嗰陣個笑容幾親切可愛。

德國菜是幾個月食一次之選。入開元朗，就試此Das Bier。好幾款啤酒都非常吸引!!!今日不能飲啤酒，下次先飲麥啤吧!German Pork Knuckle w/Sauerkraut & Potato Salad$175皮脆肉嫩的德國豬手。大大隻，可供2-3位食用。豬手肉及豬手皮都切得細細件，易入口。豬手肉嫩，豬手皮脆脆的，加上芥末，非常好味。小女子也停不了口，火速食了半隻。酸菜不是食熱氣東西，也不想食。但食完豬手皮就剛好。薯仔沙律有驚喜，柔軟的薯仔蓉，用來伴著豬手食就剛好。Sausage Platter$128德國腸也不是四處也能試。Sausage Platter 有4條德國腸。我最喜歡最長的香草芝士豬肉腸。芝士添加了層次味，更肥美多感。脆皮的黑椒腸也肉質香濃哩!伴隨的芥末醬比較辣，食時又多1份刺激感。有Black pepper的薯角也厚身、熱、脆，好正呀!2款德國菜都價錢合理又好味!