德國餐廳 (已結業)

一入到餐廳，就要走上閣樓坐，閣樓沒開冷氣，好悶！坐左10分鐘都沒人上來開冷氣，點餐等，5個人給4杯水問你夠未。全場都好似得一個店員，全餐飯都無加過水點了西班牙火腿沙律，法國生蠔半打，德國香腸，德國豬手，意粉，....等等生蠔被店員老點話好大仔，又話肥，簡直大話精！仲收你$218沙律收你$128，都是物非所值德國豬手唯一可取的是皮趣，不過唔夠味三文魚香草意粉，香草味好特別，不過唔係人人懂欣賞

午餐去左試呢個德國餐廳，其實佢都開左一段時間都未試過。有一次經過見到個午餐好似幾抵食，終於有機會試下。佢午餐嘅配搭似港式西餐，有扒配菜/飯/意粉同埋有一個香草忌廉海鮮意粉。以港式西餐計唔算貴啦！佢另外有類似All Day Breakfast嘅餐，下次先考慮再試下啦！我地叫左一個吉列雞扒一個牛扒。本身兩個都係配意粉嘅，後尾店員攪錯左，個雞扒變左跟飯。由於個雞扒已經等左好耐，所以照要。西冷牛扒係正常西餐野，呢個價錢你都唔會期望佢俾d好靚嘅牛扒你，叫做食得下啦！牛扒有少少“un",都可以接受嘅！至於雞扒炸得好脆，裡面亦唔會覺得乾，又大大塊咁，唔錯啊。餐飲叫左杯凍咖啡，唔會好似茶餐廳咁甜，都算Ok嘅。下次可以真真正正咁試下佢嘅德國野！

黎元朗搵fd食飯，今次試左Das Bier德國餐廳。一黎到門口已經見到有個爐烤緊豬手，望到已經流口水，好想快些嘗試。另外，餐廳亦有啤酒特價的推廣，呢鋪正啦！店內擺設十分綠化，周圍都放置左植物，再配上一點圖畫，襯托下好舒服。一場黎到，當然我點左本店出名的德國鹹豬手，初時會諗住成隻豬手上。原來店員會切開一片片上，等顧客一啖放入口。呢隻德國鹹豬手香脆可口，而且吾會太肥，配合店舖的獨特醬汁，非常美味，值得推介！差不多我到那裡西餐都愛點卡邦尼意粉，呢間店的卡邦尼意粉份量十足，同埋用料一點唔會少。意粉上面有幾塊Ham，而且芝士份量好多，岩曬我呢d芝士迷！簡直每一啖都有豐富的芝士味！

happy friday同朋友去左德國餐廳聚會下，餐廳特式既裝修已經比到人悠閑舒適既感覺所以我地今次就揀左lee度，慢慢食慢慢傾下計，飲下啤酒！ 墨西哥香蔥芝士薄餅，薄薄地烤得好香脆可口，中間夾住溶溶地既芝士餡同蔥，真係好好味！ 岩晒飲啤酒既我地！ 德國鹹豬手拼酸菜，豬手大大隻，外皮烤得好脆卜卜，豬手肉調味岩岩好，唔會過鹹配埋酸菜同特製既同特製蜜糖醬汁更加好味！烤豬肋骨配薯條，豬肋骨烤既時間好好唔會韌，又入味配上醬汁甜甜地好似BBQ咁，粗薯條炸得黃金脆口，份量又多！火腿拼盆切得薄薄一片片味道非常好味之餘配埋水果蔬菜一齊食好夾！德國腸拼盆份量十足，啖啖肉口感好好，配埋薯角夠唒飽！芝士焗薯，勁多芝士加少少蔥花煙肉碎，雖然少少漏但超好味！慢慢歎埋杯黑啤，真係唔得輸！

食得多日本野、泰國野，自然想轉下口味行行下又俾我搵到呢間德國野，見個鋪位都佈置得幾好feel，於是就入去計下，順便慶祝爸爸生日入到去位置都算寬敞既，個格調都好舒服，有種可以係坐底吹水放鬆既感覺。野食價錢算中等多okay多選擇，當然德國啤酒種類都好多啦。總體來講係幾好食既，又可以輕鬆吹水，都算唔錯啦

香港人真幸福，任何國的菜式都基本可找到，今晚襯重陽節假又呼朋友共聚，齊齊摸杯底嘆德國菜。今次選了元朗Das Bier。來啤酒坊，少不免要啤啤佢。呢度的飲品冰涼透心不用說，自家品牌白啤Das Bier Weissiber的小麥加酵母味，幾特別又順喉及德國出名的黑啤，自然無走鷄點來飲外，今次試左二隻啤，一是Fruli另一是Boddingtons。前者是白啤溝士多啤利的比利時啤，送上枱時士多啤利果香撲鼻，飲落似仙地咁，麥的澀味遮掩了不少。後者是英國啤，仲係杯頂着一吋柔綿泡泡的順喉啤酒。同行有不飲酒的朋友，這裡也有多款新鮮果汁俾我地選擇。揀左新鮮石榴汁，鮮果肉打得如Smoothie般綿綿的，鮮甜度調得剛好。飲料選好，自然小不了它們的好朋友，這店的招牌菜……豬手。傳統白豬手及脆脆烤皮的兩款齊上，待應細心的起骨切好上盤，白的燉得嫩滑多汁、脆的肉汁也不少，同樣美味。德國腸名滿天下，怎可錯過，來個超級大併盤、盡嘗不同款式约特有味道。啤下幾巡，又怎可不配香脆的芝士洋蔥薯條呢。主食就來客卡邦尼意粉及即烤的芝士香葱薄餅。超級大滿足。

辛苦工作左一個星期, 岩岩果個周末老婆就帶左我去食德國餐, 我地叫左豬手, 燒豬仔骨同德國集錦腸, 真係眼闊肚窄, 估唔到份量咁大, 兩個人真係差d食唔晒燒豬仔骨既肉好嫩, 好juicy... 一次過可以食晒幾款口味既德國腸, 每一款我都好鍾意~鍾意食香腸既人一定會好鍾意~最後當然要叫下啤酒配呢d食物啦!慢慢飲慢慢食~   嘆下都幾唔錯~餐廳環境都唔錯~下次可以約朋友再黎飲下酒傾下計~

放工為左搵女朋友 尊登搭車去元朗搵佢順便係openrice 搵下有咩好東西好食發展依間德意時啤酒吧有啤酒飲又有豬手,腸仔.....岩曬我同女朋友既口味一於去試下裡面環境以綠色同啡色為主光線足充 而且比較寧靜最適合一對情侶 或者幾個知己係度一邊食野一邊談心等埋女朋友入黎就開始叫野食先叫野飲依款來自英國名為Strongbow既蘋果酒口味就似飲緊蘋果汁一樣酒味唔算突出輕輕一細口 飲落肚隱約嗅到蘋果香味而且清脆爽口怕飲酒覺得苦既朋友們可以試下點呢款Strongbow黎飲輪到我最喜愛食既豬手登場豬手處理成一件件放係碟上有埋薯仔容墊底就咁睇賣相已經相當吸引旁邊有蕃茄醬同黃芥末配襯可以點醬黎食外皮相當清脆 裡面肉質很嫩 很好食 一個人都可以食曬咁大份豬手原來仲有其他分店 有機會再黎試下^^

入開朗屏探朋友,見到有間德國餐廳，就試一試。座位幾寬敞，裝修簡潔有氣氛。令人坐得舒服。西班牙辣肉腸併風乾火腿：$148辣肉腸同鳳講火腿都好有質素，唔會過份油膩。好有咸香味。芝士普普通通，還可以。墨西哥香蔥芝士薄餅：$88薄餅入邊夾住芝士和香蔥，配上鷹咀豆醬，味道特別，出面未食過。不錯。依到除食正餐之外，同朋友係到飲下啤酒，傾下計都係一個唔錯既地方。

之前係屯門食過一次，今次黎到元朗揾食，原來元朗都有分店，好開心，唔使等位，太好了。 呢間俾屯門個間闊落，坐得較舒服。外面擺放了一個大餐牌，入黎前都可以睇下岩唔岩食先。 先叫左個小食，墨西哥栗米片，俾預期中好味，好香脆既栗米片，一定要點個汁一齊食，個汁好正，酸酸辣辣好惹味，好開胃。今次叫份牛排食下先，唔，要左五成都係有點韌，較難切，較難咬，不過都有牛味，面煎得脆脆，好香，配菜煎得好好味，好有層次感，好香，薯條好厚切，肥肥粗粗，好軟身，夠飽肚。 因為唔想飲酒，所以叫左呢兩支嘢飲，blueberry 仲怕佢好似药水味，好彩無，仲幾好飲潻， 甜甜香香有汽既blueberry ，不錯不錯。 lemon就會比較帶酸，不過都好清新。

好耐無去過朗屏，發現很多食店也變得不同了。有條街以前係淨係食雞煲，而家竟然多了間西餐廳。俾它的門口吸引了過去，發現原來係食德國野。決定入去試一試。店內都幾舒服的。高高的樓底，令人原全沒有壓迫的感覺。還播住90年代常聽的英文歌。仲放了一大部啤酒機向門口做裝飾。先叫了一客墨西哥粟米片，因呢樣係我至愛食嘅小食。之前食德國野好像沒有墨西哥粟米片的。。。唔理了，照叫。沒有牛油果醬同 sour cream。但有我喜愛的蕃茄蓉醬。粟米片本身已有味。就咁食都已好好食。蕃茄蓉醬味道帶點微辣。不錯喔。一吃就停不了口。如果可以俾多點蕃茄蓉醬就更好了。很快就被我吃得光光的😌鹹豬手看似吸引，但自己一個食又有點太多了吧。所以決定叫隻燒春雞來做我的main courses。諗住無咁heavy 呀麻。點知送到來時，發現原來都幾大份！勁多薯角。不打緊，吃不完便打包吧。。。雞的味道不錯，很入味。外皮有一點點的脆，雞肉就好嫩滑。連雞胸肉都一點也不"鞋"。讚👍🏻薯角真係好薯仔。外脆內軟。好味得黎又飽肚。酒量太淺嘅我只叫了汽水黎飲。因為食薯條野，一定要飲返d有汽嘅野先得☺️下次要同朋友來試下呢度嘅豬手先得。因見隔離枱嘅客人有叫。

今天在朗屏附近找到間不錯的餐廳就在西鐵站步行5-10分鐘就到了~吃的是德國菜餐廳座位不是很多可是整個裝修跟環境都令人很舒服這個德國咸豬手酸菜及薯仔沙律($175)份量真夠大~咸豬手皮炸到脆一脆的~很香口!入面的皮味道剛好, 不會太咸~肉質也頗嫩~配埋酸菜同薯仔沙律, 解一解油膩, 不錯不錯!我還點了杯Hoegaarden$62 (9時前價錢會平一點)在這個環境下一邊吃著德國咸豬手,跟一杯大啤酒! 慢慢聊聊天~不錯的享受呢! 

生日前來慶祝食德國菜,距離朗屏西鐵站很近非常方便，這晩餐廳特意安排我們坐樓上位置感覺坐位輕鬆，悠靜德國菜必然點叫餐廳別具特式的豬手 肉質幼嫩,伴薯菜味道一流德國拼盤集合不同款式的腸，脆芝士心的併粗薯條墨西哥芝士薄餅是廚師推介，不單是蔥餅內脆芝心啖啖，熱烘烘的外脆口感芝心軟味道，非常可口美式燒肋骨併薯條，這碟係香烤上，燒肋骨的味道烹調入味，BBQ香烤汁滲進肉質鎖緊味道，令我再三回味飲品餐廳大部分都啤酒，但我就考慮點叫餐廳人氣的Esprit藍梅味果汁，清甜解渴

同朋友行完元朗廣場搵間德國野食下黎左Das Bier意大利餐廳舊址!上一手間意大利餐廳我日日幫襯估唔到呢度開左間Das Bier之後一樣令我一試難忘德國腸款式多，加上薯角既配搭，飲返杯啤酒又係三正知己談心既好地方牛扒肉質新鮮 食落唔會靭 配上黑醋，少少酸酸地，不失牛扒既鮮味豬手當然係餐廳既主打菜皮香脆，肉細嫩廚師好細心上碟前為客人預先切好讓客人食得方便舒適飲品方面叫左mango juice好fresh 芒果味香濃 真心推介

之前係附近食點心經過呢間，見到幾靚有啲想試，今日就去左元朗搵男朋友試呢間。平日下午去食，所以舖頭無其他客人，得我地兩個，好似包場咁，靜靜地，裝修仲要真係好歐陸feel，環境好好~我地叫左咸豬手，德國腸拼盤，一杯黑啤，凍檸茶。叫左menu最底果款黑啤，麥味好香，無普通啤酒咁甜，配油膩既德國菜係perfect match，但杯黑啤大到應該係完整一支既份量，$58係幾抵~如果兩個人唔係酒鬼，share飲都夠德國腸拼盤 配 薯菜 $128一共四款，由上而下，係豬肉腸，普通脆皮腸，羊肉腸，爆汁芝士腸。話明普通脆皮腸，真係好普通Haha，味道係平時係街食到既脆皮腸但其他三款真係好好好好味，爆汁芝士腸真係入面好多芝士漿，一切落去，Be~出黎，咬落去好大陣芝士味~豬肉腸同羊肉腸既香草都match得好好，羊肉腸點芥末更加好食！呢間餐廳有另一款貴啲既腸拼盤，但個人認為呢款整體質素其實唔錯，薯角真係炸得好脆口，唔係hea底求其炸德國傳統脆皮咸豬手 $175咸豬手係我好中意食既嘢，但其實唔係度度整得好食，仲要唔平呢到價單唔貴，但整得好奇地好食！咸豬手應該要做到既，佢全部做到，個皮夠脆，夠入味，肉質嫩得黎爽口唔