德國餐廳 (已結業)

最近天氣好熱，突然間想飲杯啤酒食下炸野。去左元朗食呢間德國野。個餐廳真係好有feel，適合坐低吹水！氣氛真係可以一杯啤酒吹成晚。叫咗個德國豬手，一上菜已經聞到香噴噴既味道！一入口，個豬皮真係好香脆呀！而且豬手唔會太乾，入邊仲有好多水份！超級正！好鍾意豬手同honey mustard一齊食既味道！好香而且mustard唔會太辣，岩岩好！再叫個燒春雞，呢個燒春雞真係好鬆軟！外脆內軟，好香！燒春雞隔離仲有薯角，真係超飽！燒春雞既香料好足，雞肉燒得好香滑！而且餐廳野食既份量係真係鬼佬size，好彩唔係叫左好多，食完已經好飽。今日真係超級滿足，一間細細間既德國餐廳，悠閒既氣氛，加埋無敵既野食，今次真係超幸福！

今日係元朗收工收到好夜，諗住搵下有咩好野食醫下肚，但突然發現呢間餐廳未食過，而食嘅野又好似幾好喎，所以就同同事去左喇。墨西哥香蔥芝士薄餅薄餅係即整嘅，上枱嘅時候仲係熱辣辣，入口皮薄裡面仲要超多芝士，真係拉到絲架。。。香蔥芝士焗薯角芝士嘅量真心驚人，成個盤都有芝士嘅存在，薯條又夠晒熱，不過味道就稍為淡左一點，但對於一個芝士迷絕對係唔錯嘅選擇

同朋友踏完單車就去啤一啤Rosee真係好鐘意飲依隻咪有果香好易入口香蔥芝士焗薯條 好大份 個芝士好牽絲 芝味十足不過我最鐘意有埋蔥粒一齊食 好食德國腸餐 有四種香腸 我特別鐘意黑椒腸 因為肉味濃 好正最長果個香腸都好好食 香濃肉味左上角既蜜糖芥末醬配薯角好正

之前已經想黎呢間食，但係成日都就唔到腳，今日知道左佢地原來係元朗都有分店就當然即刻要去食下喇德國咸豬手配酸菜及薯仔沙律豬手外皮香脆，但有點偏硬，不過有一點必須先讚一下餐廳，餐廳將豬手切成一小件方便食客食用，呢樣野真係好貼心嘅，另一方面，肉質入口都算嫩滑，份量足夠兩人食用。西班牙風乾火腿配凱撒沙律沙律菜入口夠晒爽脆鮮甜，風乾火腿唔會太肥，配合沙律一齊食，火腿嘅咸香味同沙律菜非常配合，令味道更有層次

今晚收工約左媽咪係屋附近食埋飯先返屋企。成日晏晝行過呢間德國菜餐廳，覺得環境幾舒服，今晚特登去左試！一入到去就比店內既裝修格局吸引住喇係我中意既外國風，好簡單幾幅掛牆畫作，一個好多植物既綠色環境，一邊食飯一邊享受。呢度既食物種類唔算多，不過德國招牌菜豬手同香腸都有^^ 我地點左個西班牙火腿凱撒沙律同炸豬手。有生蠔食架~~不過我唔食生野 哈哈。愛蠔朋友可以試下喔。跟啤酒價錢都好ok~仲有呢度9pm前有happy hour好開心，我同媽咪都叫左兩round Hoegaarden(仲要有粉紅色rosee味) 飲下。**西班牙火腿凱撒沙律**火腿既咸味適中，唔會好似parma ham咁好咸，配上羅馬生菜做沙律 清清地好好☺令人期待既豬手~~~~真係無令我失望！呢個豬手既皮炸得超級鬆脆！！豬手既肉質煮得岩岩好，仲係好嫩滑，一d都唔漏仲要一讚既係廚師好細心，將豬手及豬皮切好，方便進食。豬手中間仲有薯仔沙律，拌埋豬手，點上甜甜酸酸既honey mustard, 好美味今晚同媽咪傾計食飯好開心，地方舒服，食物又超水準，我好滿意！哈~

放工同朋友去元朗行街，就到晚餐時間就周圍行下搵野食，見到呢間德國餐廳停左落黎！附近好多餐廳行過都唔想入去，但呢間裝修有心思，環境舒服，一於入去試下。餐廳內好多綠色植物，播放住輕快既音樂，燈光都好柔和，好舒服～ 本來想試德國豬手，但見隔離枱好大份，我地驚食唔晒。最後我就叫左生蠔同卡邦尼意粉！ 生蠔一份有六隻，睇落去好肥美，中間有茄汁，老闆仲好有心思放左d洋蔥粒系個汁度，仲一d都唔酸！生蠔唔會太濃海水味，容易入口，好鮮甜！意粉貌相美觀，頂鋪左一d火腿，老闆落足料！唔係得果兩三塊火腿裝飾下！個汁好濃，意粉煮得岩岩好！ 下次放工一定要叫d同事黎試下！多d人黎食試多d野！

元朗最新開了間德國餐廳，在水邊圍村附近，我同男朋友都住元朗，當然要黎試試啦。元朗的德國餐廳比較少，我也少食德國菜，所以今次專登黎食豬手。7點入到去，平日而且仲早所以唔算多人，環境光猛整潔，而且佈置有心思，樓底高有吊扇，座位都舒適。食豬手當然要飲啤酒啦，呢到有好多種啤酒揀，不過我對啤酒冇乜研究門口附近可以睇到咸豬手的爐，見到都流口水。我地點左德國咸豬手配酸菜及薯仔沙律$175, 豬手真係冇得頂，豬皮脆口得黎又帶點煙韌，豬手肉好嫩滑，而酸菜同薯仔沙律好開胃，減低食豬手的肥膩感覺，一食就停唔到口。男友點的啤酒$58，好大杯呀!墨西哥香蔥芝士薄餅$88，香口又鬆軟，芝士味剛好，配上特別的醬汁，食多幾件都不覺膩。一拎起好多芝士。法國燒春雞(全隻)$108, 雖然是燒春雞，但都唔細隻，仲配左薯角，好大份，而且好好味。睇下隻雞脾，皮脆肉嫩。總括黎講，呢到環境舒適，食物質素又好，如果想食德國菜就黎呢度啦!

復活節黎到親戚家聚聚，順便落樓下食個下午茶，本來諗住去飲茶，但無位，咁就不如試試新開嘅德國啤酒餐廳，見佢午餐set都係42蚊，仲平過茶餐廳。店不大，但樓底極高，感覺通爽。除了啤酒，似乎無乜其他飲品揀，跟餐可選餐茶，要了一杯熱咖啡同熱檸茶，味道一般。鮮茄忌廉煙肉意粉 $42有驚喜！仲以為set lunch都會好行貨，呢個意粉好得喎，條條粉，彈牙有麥香，靚意粉呢。最正係個汁，開頭見佢寫鮮茄，估係茶記個啲紅色汁，但完全唔係。呢度個汁除左茄味濃外，仲勁creamy，好多芝士下，揀直有卡邦尼汁嘅feel，抵食喎。香草炒什菌配芝麻沙律 $42嘩，誠意之作，竟然用羅曼生菜，呢種沙律菜好味過生菜好多，又爽又脆，帶蔬菜嘅鮮甜。加入炒過嘅雜菇，鮮嫩多汁，麻醬亦很對胃，評價不錯。香蔥芝士焗薯角 $78一上枱香噴噴呀，原來係薯條唔係薯角，無乜所謂啦。除左乾蔥仲用左新鮮青蔥，好香喎，芝士下得很多，加左七味粉等調味，條條薯條都占到芝士醬，又香口又好味，大大盤食唔哂添。德國鹹豬手配酸菜及薯仔沙律 $175黎德國餐廳，點都要叫返個名物啦，豬手皮脆肉嫩，好好味呀。個薯仔沙律勁酸，同豬手好夾，個酸椰菜唔夠酸呢。睇下幾靚，

估唔到上次喺佐敦食完das bier, 經過開元朗 會見到佢有分店喺度。 未食lunch既我 勁肚餓 於是就入去食個lunch加 tea , 食店係食德國菜 例如腸 豬手 小食等等， 另多仲有唔同種類既酒飲， hooagarden stella, fristenberg 有draft ，類其它都有一枝枝點既啤酒 而有d 特別既啤酒 因為香港稀有 所以唔係成日有貨， 好似我想點來自比利時 既修道院啤酒 都冇貨 於是我點左chocolate stout朱古力啤酒SAMUEL SMITH ORGANIC CHOCOLATE STOUT (9pm前 58蚊 後 68蚊)來自英國既stout啤酒 睇到menu話係制作啤酒既過程放入有機可可豆 . 所以啤酒朱古力口味濃郁。本身stout啤 已經味道偏濃 而落左朱古力既香味更強 聞落已有朱古力芳香， 啤酒呈深黑色 飲落 比較爽口，而 啤酒泡密度高 所好飲完會有d 啤酒泡喺咀唇上面 , 無論泡同啤酒 都充滿住可可味道 , 可可味 係口入面久久不散 ,係喺hk幾難飲到既特別啤酒德國咸豬手配酸菜及薯仔沙律(碎上) 175 蚊英式炸薯角 48蚊炸薯角 用藍色

聞說這邊惠康附近有新餐廳，原來原本那西餐又倒閉了，就一試新店。奶油雞 賣相不錯，輕帶奶白，看來不油膩，沒嚐到。紅酒牛腩 賣相不錯，大盆飯盛著小盆餸料。牛腩-沒想像中那麽軟淋，牛腩味濃但有點兒韌，咬到有些痴牙，硬而不太軟淋。紅酒味淡，只像普通西餐的燒汁，幸好汁醬不少夠佐飯。飯挺硬，硬身而味淡，沒甚麼香氣，而且不太夠熱，飯較差。食物質素比oliva差一丁點，環境亦不見特別舒適。飲料亦不覺出色，熱華田有色沒味道，比大快活更差。 聞說這兒易手兩個月，現在這家餐廳與洪水橋那德國餐廳不同，但亦有不少分店，集團剛剛五週年，送了現金劵。 現在的座位更舒適，惟樓上仍然樓底極矮，人人都得彎身步行。