德國餐廳 (已結業)

同老公撐枱腳，本來卜左元朗餐廳，但臨時先收到電話話餐廳前日已經冇左😑，要去到屯門分店，預左食豬手就照去吧。去到德國餐廳竟然見到有新出既奶蓋Apple cider，酒都可以芝士奶蓋🤣 即刻叫杯黎試飲，又唔錯喎!! 當然仲有必食既脆卜卜既德國咸豬手，仲有芝士墨西哥薄餅同最愛既卡邦尼意粉，樣樣都勁好味呀，好滿足既一餐😋 唔知點解元朗冇晒2間分店，以後要食都要去其他地區了，希望老闆見到快啲開返係元朗先啦🙏。

德國鹹豬手首先，嗰層外皮非常之脆,以及甘香。加上他們特製的醬汁以及芥辣醬,味道非常好，好有深刻印象。其次肉質非常清甜保留肉汁嘅香味, 配上黃芥辣簡直就係perfect match.而鹹豬手亦有其他蔬菜配搭, 例如豆角以及carrot, 食落唔會再有油膩嘅感覺。配上特製嘅cocktails, 我要將味道提昇。他們雞尾酒有很多款式, 有很多沒有酒精的飲品。例如意大利礦泉水aqua panna

想試好耐既一間餐廳，一開始比佢有啤酒飲同又有正餐食而吸引。然後咁岩聖誕節唔想同人迫就去左食呢間，一開始入去無人，以為好伏，可能我六點半去太早。我地兩個人叫左兩樣野食，以為會唔夠食，點知最後都好飽，因為份豬手超級大份，好好食，個德國腸又係以為好少，點知切完都好多，配埋啤酒飲仲正因為當日係聖誕節，正常餐廳都會好多聖誕裝飾，但呢間餐廳無，而且員工都無特別招客同埋無做埋啲咩聖誕套餐，要比個，因為咁啲食物先保持到水準

會揀依間餐廳完全係比隻豬手吸引左! 大概七點到,有一兩枱客,唔洗等位就入得,到大概8點開始多人,仲開埋2樓我地2個人就叫左德國咸豬手配酸菜及薯仔沙律+肉丸黑松露意大利飯+2杯啤酒配菜同醬汁都不錯,芥末醬d芥末味剛好,唔會太攻鼻但又辣,好解膩；配菜就2款都好,個量多d就好了。豬手方面, d肉好嫩好滑,味道剛好,可惜d皮望落就好脆,但實際好硬,咬落"角角"聲,可能白豬手無脆皮反而仲好。飯就正正常常,好食既,d飯帶少少硬但唔會太生,不過就無咩黑松露味,整體唔算太膩。我地兩杯啤酒大概$14x,但3杯就$150,如果飲得落既真係抵好多!✨整體: menu 唔太多野揀；服務ok(主動告知啤酒優惠)；味道ok,但豬手皮令人失望。✨

Lunch-C的牛肉不韌，肉質非常腍滑，而且切得挺薄的，牛肉味仍然保留在肉內；被洋蔥汁的「包圍」下，使這道菜的味道更讓人垂涎三尺，另外不得不提一下這道菜的意粉，其實每次見到意粉上面有很多綠色的香草，基本上可以在腦內預設這意粉上的味道非常香，除非煮意粉時下的鹽份過少。而這意粉下的鹽份份量沒有令人失望，而且又與洋蔥汁、牛肉混合，味道自然不會差。Lunch-E的魚柳挺香的，但味道偏淡，忌廉汁的味道也不能起輔助作用，香草的味道不是太特出，配上飯吃真的不太能接受，我想下次還是配有鹹味的意粉好了，味道應該會不錯。法蘭克福腸帶Chewy，肉味濃郁，個人建議不要加醬，直接吃這腸，這樣才能吃到這法蘭克福腸原本的味道，不過如果喜歡吃熱狗的人，那就蘸醬吧。PS:可樂和法蘭克福腸的配搭非常棒!

我個人本身就唔會食豬手豬腳，因為我見到一大隻豬腳會覺得好嘔心，所以之前都無食過呢類菜。而今次就因為個朋友話好好食架，同埋佢會切開黎架嘛 唔會見到隻豬腳架，我先願意點呢個菜😂😂😂第一次食德國豬手，如果間餐廳整得唔好食，就會破壞我對德國菜既第一印象（因為德國豬手係好有名既德國菜）咁又好好彩，我朋友帶我食呢間餐廳整既德國豬手整得真係好好食，真係脆卜卜，雖然係有d鹹，但聽店員講德國豬手就係鹹既～而呢個咸度又係我可接受範圍。另外，我地都點左個燒排骨，都係好食既😋😋😋我覺得係個汁好味 哈哈整體黎講呢間餐廳既菜都唔錯，無破壞我對德國餐既印象，個德國豬手仲加左印象分添😆😆😆

朋友生日飯，6個大人加2個小朋友，要搵個好地方需要符合以下標準:1)     地方要夠大又乾淨2)     食物份量要夠因為壽星想食西餐所以就黎德國餐廳試德國菜。餐廳環境真係唔錯，座位唔會太逼，食物又大大份，唔怕唔夠分。加上大家都住元朗天水圍，食得夜D都唔怕返屋企太夜無車搭。6大2小點左4樣食物卡邦尼意粉估都估唔到，最受歡迎係卡邦尼意粉XD 小朋友勁鍾意食，要自己食一碟，所以要叫2碟大人先有得食XD 德國鹹豬手配酸菜薯仔沙律食德國菜又點可以冇德國鹹豬手呢，最適合配啤酒德國超級香腸拼盤德國出名嘅香腸都要一試 烤焗BB豬肋骨呢個真係重點，因為有優惠XD黎德國餐廳一定要飲德國啤酒，發現”烤焗BB豬肋骨+2L Hoegaarden 生啤套餐”有優惠，原價$486，優惠價$298 ，唔點對唔住自己XD總結黎講，餐廳環境同食物都唔錯，下次一大班人聚會可以再黎過。

地方不大但座位舒適，有閣樓是開派對理想的地方！交通也算方便不難找！有多種手作啤酒供應！小食以德國肉腸為主打，但沒多大特別，墨西哥芝士薄餅作為飲酒前菜打打底，脆皮德國咸豬手為招牌菜，上台時溫度適中，伴以酸菜和薯蓉，肉質平平，唯芥醬可能有人接受不了，若有其他芥末供選擇就好了！有觀鄰台所選的午餐set lunch,份量較大價錢合理，為青少年學生的最佳選擇！元朗店兩位侍應，笑容可掬，待人接物，提供非一般服務，包括提供WhatsApp 給學生客人預先定位及下單，節省客人到店的等待時間！值得一贊！如果廚師們在小休時不站在店門口抽煙，形象可更高一層！整體來說，值得一試的食店！

因為玩Facebook的遊戲送了一份德國腸拼盤，所以就打電話預約去店換領。本來打算淨係食嗰份免費腸，去到見到原來啲SET LUNCH都唔貴喎，所以就揀左份「黑椒紐西蘭西冷牛扒」。職員都好友善，就算係黎食免費野都招呼周到。先黎份牛扒。牛扒份量都算大，不過質地麻麻，有啲un。意粉唔錯，幾香，有浸牛油味，硬度適中。之後黎咗主角德國腸拼盤。依份腸跟餐牌既話要$128架。個樣好唔錯，薯角份量都唔少，腸有4款，紅皮既兩款，灰皮既兩款。有一種係中間有芝士醬，有一種係辣汁，另外兩款就簡簡單單既肉。份腸配有兩種汁，一個係茄汁，另一個係黃色芥辣醬。我本身係唔中意茄汁的，但個芥辣醬啲味實在太勁，所以主要都係點茄汁。店內幾舒服，雖然細細間，但氣氛幾好。店外都有高枱可以坐，適合帶住狗狗既人。

元朗都幾多德國餐廳🤔，最近見到元朗食街開咗呢一間，又入去試吓😍入面唔算大，不過都幾寬敞，都幾有外國餐廳嘅感覺，再加埋一份外國feel 十足的大型Menu兩個人嗌三樣嘢估唔到會食剩要打包$88芝士薯條好似有啲貴，但想食都照嗌，點知上到泥係噤大盆，仲要勁多芝士，又香又脆，如果三五知己過泥happy hour 真係必嗌，配埋呢度嘅draft beer 真心正豬手當然係德國餐廳必定要點嘅美食啦，不過都試過好多間，唔係間間都好食，有啲騷味實在太利害啦，始終都係小店做得有心有驚喜，外脆內軟，多重口感，又唔會好肥膩，最驚喜係切好左先上枱，非常貼心！配埋則邊啲薯仔酸菜真係無得頂！另外嗌左個ribs, 無失望，味道啱啱好，最怕果啲太濃味，食到要係噤飲水睇埋openrice 先知原本已經有七間分店，下次想食應該緊有間係左近😛😛

7點幾入去間餐廳冇咩人 幾驚有伏😂芝士薄餅($88)薄餅表面烘香 入面芝士多到漏出嚟仲有個dip 但蘸完冇咩特別香腸拼盤($142)有4種腸...超級嘅話就有6款...配薯角同酸菜carbonara($128)意粉個汁已經好濃 上碟個陣仲加埋芝士粉食完好飽滯 有埋parma ham真係勁濃味鹹豬手($208)配酸菜 薯仔沙律皮脆肉爽有𡁻口 酸菜酸度適中——————————————————————————另收加一服務費德國餐廳元朗屏會街19號幸福樓1期地下16號舖

呢間餐廳有兩層雅座，環境充滿德國風情，可以見到別出心裁嘅裝修。今日難得一家人一齊食飯，當然要搵間唔係平時食嘅菜式餐廳。除咗大家都知道洪水橋嗰間之外，元朗屏會街呢一間不錯的選擇。七點幾入到黎已經見到好多人享用晚餐中，所以侍應安排我們坐閣樓的座位。德國鹹豬手當然重點必叫！配合德國風味酸菜和醬汁一起食，沒有那麼油膩！呢款鹹豬手不是皮脆，我們都好鍾意食豬皮因為超高骨膠原所以就選擇中式的煮法，皮不是脆的！全晚係咁食肉當然也要食返意大利粉啦！呢個菜式上菜比較慢一點因爲是即叫即煮，用心製作！

朋友介紹話呢間德國餐廳嘅鹹豬手好正 ，於是就去試吓。 淨係睇個餐牌已經好吸引，食物影得好靚， 價錢相宜 。同朋友一家叫咗几樣嘢，除咗德國咸豬手，仲有叫咗個個ribs，Carbonara意粉，仲有仲有，特登叫個既芝士焗薯條比小朋友開心吓!好少餐廳你叫四樣嘢四樣嘢都好食! 佢就做得到! 首先講下個德國咸豬手，個皮做得好脆，又冇咩肥膏 ，啲肉就好林，味道好好，唔會太咸!  餐廳仲比咗兩種mustard你點，真係體貼! 另外木板上仲放咗蛋沙律同蘿蔔絲，好味之餘賣相又非常十分之靚! Yummy!個Ribs既汁調得好好味，甜酸适中，最緊要當然係佢有燒的感覺，肉又易甩骨，制作一d都唔hea，比個super like佢。嘩! 輪到個Carbonara意粉，佢放咗朵巴馬火腿係意粉上面做裝飾，好有心思呀！食物一攞到黎就散發出好香既芝士味，但又唔會話蓋咗整個Carbonara既味道，好得。另外，不得不提既就係個意粉好彈牙㗎! 最後就講吓個焗薯條, 開頭睇落平平冇奇，（因為其他賣相好靚）但小朋友食咗少少其他嘢就全晚抱住盤焗薯條食，咁唔洗講大家知邊有几吸引啦！真心推介此餐廳，食物好味，全都誠意之作，環境舒適，店

經 openrice book 咗位 ，准時到達 ，一入門口，未見有人招呼，一位男士目無表情，完全無歡迎你光顧嘅感覺，對於顧客嚟講真係好唔知點，我覺得我地係好好人 😂 唔好老皮可能掉頭走 ，𣎴過我地真係有心想去嚐試𣎴同美食，所以對於呢位男士嘅待客之道都算啦，我去食嘢啫 😅 結果點咗個 $ 360 嘅套餐，店內環境好唔錯，食物出品都幾好，良朋知己摸酒杯底，飲吓啤酒，吹吓水，真係幾 ok , 到我地食完埋單，我個心都諗 ，佢會點送客呢 😅 當時佢地員工用膳中，到我地起身，個黑面先生都有起身送我地 😂 仲講句多謝，可能佢嗰晚真係有事唔開心 😅

買了團購特級二人餐，包括黑醋沙律、脆皮豬手、招牌腸、芝士薄餅、及啤酒。味道及份量是不錯，但服務十分不專業。一開始來了沙律，我們分到小碟時竟發現有頭髮，立即叫來侍應，指著頭髮問可否換過，侍應的反應是：吓？有咩問題？我們再指著話有頭髮在裡面，可否換過。侍應便拿著那小碟進廚房，我們再叫住佢話要全部換過吧！佢才有點反應的也拿走大碟沙律。這時我們還開玩笑會否只是拿走頭髮將沙律原碟拿出來。之後再上來芝士薄餅，味道很好的，有9片，份量足。吃著吃著，沙律再拿來，即使之前開了玩笑，我們也太放心沒有細意檢查，又再將沙律分到小碟吃，吃到一半，竟又發現有頭髮！實在倒了不少胃口！我們再叫來侍應，這次是年紀較大的一位，我們指著頭髮說已換過還是有頭髮，佢就將沙律全拿走，我們說已兩次都有頭髮，不想再要這沙律了，問佢有什麼可補償，因為我們是買團購，錢已付了但套餐內沒有了沙律。佢提議補回炸薯角，但我們的餐已有大量肉及薄餅，我們想要點蔬菜，問佢有無其他沙律；佢有點疑惑話沒有其他沙律，而且其實我們沒有証據話有問題！這句話也實在太過份吧！如沒有問題，你們為何兩次將沙律拿走？我其實很懷疑第二碟沙律其實就是第一碟，連頭髮也可能是同