8度餐廳

六月份係食芒果的最好時機,加上天氣熱又唔想食太多嘢,所以今次揀咗同老公去食港女下午茶,哈哈！正直見到呢一間酒店做緊芒果主題的下午茶,咁就不妨試下啦,餐廳位於酒店地下大堂轉彎直入,三點至五點鐘享用下午茶,一坐低除咗開以揀芒果主題的下午茶之外,另外有餐牌可以選擇果漾下午茶,我同老公啱啱好每人一set,可以試曬兩種口味,雖然都係爭少少錢,都係芒果主題下午茶最好食,鹹點方面有三文魚壽司及鰻魚壽司各一件,諗住冇乜驚喜,但係又唔係喎,三文魚厚肉而且係炙燒的,好味,鰻魚炭燒好味,另外鹹點我欣賞佢有個黑松露薯蓉,做得一啲都唔馬虎,有一粒粒薯仔後感,香濃芝士在加黑松露,入戲肉啦！芒果一層一層的肉夾雜海綿蛋糕,香甜適中,另外有一件芒果mousse蛋白蛋糕,mousse同蛋白蛋糕分明顯現,口感幾好,唯一敗筆之處,嘢飲要自己拎呢個都冇所謂,但係冇冰粒,檸檬係特濃檸檬汁,係貨你自己沖檸茶檸水,冇一片片嗰啲檸檬,我自己大頭蝦家多咗好多特濃檸檬汁,嗰杯嘢飲好酸,要另外加多杯茶溝淡佢！我用openrice七折優惠我覺得就抵食！