在佐敦白加士街，見到一間新開的外賣店-珍一料理，原來是食川式料理、涼拌、手撕雞。可以當小菜買回家加餸，也有飯盒、涼拌麵等等。 . 在玻璃窗見到有超過20款食物，包括夫妻肺片、豬耳、雞翼尖、五香牛肉、牛腱、泡椒鳳爪；素菜有五喜烤麩、腐竹、藕片等等。望著很吸引，有不少街坊圍觀。 豬耳、金錢肚、豬肚條，爽彈之選，味道不會太濃，恰到好處。辣的食物辣得過癮，夠麻夠香，好正。 腐竹、牛腱、五香牛肉、牛筋凍，食得出有川菜的精髓，夠香夠脆涼，吃食極不膩的那種感覺，很惹味。推介牛筋凍，似啫喱，又食到牛筋的彈牙，滿滿骨膠原。 . 手撕雞超好食的，份量很多，少少麻油帶起雞肉味，我買完之後，很快就沒貨了。不會太肥，雞肉嫩滑。 . 正值夏天，食這種涼涼的小食令人心曠神怡！ 見到涼拌麵好抵食，$38包一款肉及一款素菜，清涼美味，加上惹味醬汁，十分開胃呢。 飲盒都不貴，$40左右就有，價錢貼地。推介東坡肉，冰清糯腍。 . 餐廳裝修年輕化，很衛生，餐牌design又好潮流，今次可以放心食川菜了。

- 🦄INFINITI C @infiniti__c - VEGAN BOWL Hkd128 Rating🌕🌕🌕🌕🌑 - 二訪堅尼地城分店嘅 @infiniti__c 佢哋仲未轉新餐牌 所以同我上次食嘅都一樣 不過都唔緊要 因為我仲有好多嘢都未試架 一早Bookmarked咗食呢個Vegan Bowl 純素啱哂我 然後我又好想叫多個Bibimbap沙律又或者菇菇前菜 不過店員聽到我要叫兩份嘅時候 可能都有啲嚇親😂 因為兩碟加埋可能好大份會食唔晒 其實我食到的🤫 不過最後 我都係聽店員講 叫住一份先🤣試吓先 我次次去餐廳食嘢都叫咁多…終於有一次嚇親人😆 VeganBowl好豐富呀 澱粉質方面有軟淋淋嘅南瓜 南瓜唔係十分之甜 不過勝在口感好軟綿綿🎃 旁邊有富豐富維他命A/C嘅彩椒 話說我都好耐無食嚕 仲有平時食沙律成日都會見嘅Kale Kale真係好好食 不過我就略嫌佢有啲過鹹同埋油 可能咁啱落多咗鹽 椰菜花都好好食 呢個口感啱啱好 唔會好硬咬唔開 不過椰菜花都係 相對於其他蔬菜係比較油膩 而我最鍾意嘅就一定係炒菇菇啦 Juicy又好食😋 食完呢個Bowl之後大約70%飽啦😆夠架啦 始終佢都係有澱粉質 可能再叫件蛋糕會完滿啲 整體來講 食材配搭唔錯 營養豐富又好食 讚👍🏻 期待堅尼地城分店都會快啲轉新餐牌 嚟食新嘢 -

M5和牛任食盛宴 今日星期一，平日出街食飯又冇咁多人，優惠又多，今日食了一個M5和牛任食的火鍋放題， 由於早左一日預約，加上whatspp訂座，所以有優惠。而今日又星期一至四，所以有買一送一。 日式火鍋放題最近越開越多，個人覺得最緊要一大班朋友食得開心，大家都找到自己喜歡的食物就好。其實有90分鐘、120分鐘及150分鐘可以揀的。150分鐘就岩曬大家吹下水，就算大家食飽飽，都可以飲住野然後傾下計。 食物種類十分多，日式放題首先黎個剌身先，三文魚、甜蝦等等都十分新鮮，令人一開始等火鍋水滾之際都可以食住等。 另外，亦有大量日式炸物、壽司及熟食等等。天婦羅、炸茄子、肥牛金菇卷等等。仲有最鐘意食既鹽燒雞翼添呀。超級正。而且炸物都係新鮮炸起，唔會凍曬，每一件都好脆。 而主角火鍋亦有唔同湯底可以選擇的，今日壽喜燒汁，正正可以食出食材原味道。首先，海鮮拼盤方面，有大扇具、大蜆、海蝦、蟶子、青口、魷魚、螺等等。我地急不及待先煮曬所有海鮮，趁湯底未有油,黎一個海鮮餐。 食物質素唔錯，海鮮有鮮味。 份量都好夠，每次下單亦好快，蜆、蟶子亦可以再叫。 至於牛肉方面，先有一碟日本和牛送，係超級好味，肉質一流。而我個餐本身係M5和牛任食，叫了兩次,一碟份量都好多。仲可以叫黑豚片，豚腩肉，美國肥牛等，岩曬一大堆人齊齊食。 其他火鍋料，麵，烏冬、丸當然都唔少得啦。 而菜類，好鐘意佢菇有好多，蟹味菇、秀珍菇、雞脾菇、冬菇都有!

今晚想試新野，又想食得特別d，經過尖沙咀科學館道見到呢間新開既小食店就膽粗粗入去試下，其實完全係俾小食店個名吸引左，“一字記之曰心”，個名好長但好特別。 查實有咩食呢？大部分嘅小食都係炸物，都有串燒，魚蛋同丸。小食基本上賣$18一份，兩款平啲賣$34，三款再平啲只要$48。
我哋一行二人，叫左三款小食再加一份薯條分享。等左十分鐘左右就有得食。食店冇座位，要出去揾位食。
脆炸金針菇天婦羅，脆皮懷舊炸鮮奶，極尚可口椒鹽雞軟骨 $48

脆皮懷舊炸鮮奶一件一開二，外脆內軟少少流心唔過甜。
極尚可口椒鹽雞軟骨炸得香脆可口，最欣賞佢啲椒鹽夠輕手，唔會過鹹，而上面只係灑左少少七味粉調味。如果啲雞軟骨大粒啲就好啦。
脆炸金針菇天婦羅 一大一細。我第一次食金針菇天婦羅，菇身有啲難咬開，而啲菇條好似炸粉多。炸完上面再灑上少少七味粉。
香口辣味薯條 $38

自選醬汁配薯條有芝士肉醬，蜜糖芥末，煙肉車打芝士，黑松露，我哋揀左香口辣味。店員將啲炸好嘅薯條放喺隻大碗度加上香口辣味粉，再蓋上另一隻碗之後shake shake。薯條唔粗唔幼，炸得香脆，香口辣味粉唔太辣，好似北京燒羊肉串落嘅七味粉。



食呢d小食好香口，不過唔可以成日食。

去到一個星期嘅中間 個人特別易攰🥺 令自己精神嘅方法有好多種 而去cafe chill一chill就係我嘅慣常作風☕️ 今日就去咗附近依間良心cafe💛 - 佢地依家有set提供 $128可以係homemade bread度揀一款🥪 再配black / white 因為依度杯Delux Dirty太出名 所以我再補$26轉依杯限量供應嘅咖啡🤣 - 🥑Norway smoked salmon & avocado salsa 軟身且有一定厚度嘅sourdough 配上牛油果蓉同海量三文魚 意外地飽肚 - ☕️Delux Dirty 牛奶選用咗濃縮奶 真正做法唔太清楚 但的確比平時嘅奶更濃滑🥛 頭幾啖充滿著濃烈嘅fruity味 然後越飲越多奶味同甜味 的確別有一番風味🤓

小越廚呢間越南餐廳好味得黎價錢都好抵，有二人套餐包兩款小食同飲品，絕對食得夠曬飽，小食既選擇都好多🤤  
二人套餐（$168）  包兩款四十八蚊或以下既粉麵/飯/法包，過左既話補翻差價就得。另外可以係八款小食入面揀兩款，仲跟兩杯二十五蚊以內既飲品。  
1⃣️蟹膏湯檬粉（+$8）呢個我好推薦，好大碗，湯底係海鮮蟹膏湯底，飲落好鮮甜，有啲蕃茄味🍅入面有好大片蟹膏煎蛋，好特別😲第一次見，食到蟹膏既鹹香。另外仲有兩片越式扎肉、豬紅同埋豆卜。豬紅唔腥，豆卜好索味，成碗麵食完好滿足😌  
2⃣️青咖喱牛腩飯呢個就普通啲，首先個賣相已經麻麻🙈見到啲椰汁係面，青咖喱既香味唔係好夠，椰香味都唔算好出。牛腩正常，冇乜特別。對比個蟹膏湯檬呢個失色好多。  
3⃣️河內炸春捲夠曬脆，入面既餡料有啲豬肉、胡蘿蔔咁。  
4⃣️越式蔗蝦
有三件，蝦肉夠紮實🦐  
5⃣️牛油果奶昔（+$20）牛油果奶昔見好多人推薦，所以就嗌左。牛油果好creamy🥑食到啲沙沙地既質感，感覺好足料，推薦要嗌。  
6⃣️泰式奶茶
泰式奶茶茶味好香，而且夠奶夠甜😍  
7⃣️米紙蝦卷（+$42）呢個好好食🤩米紙既皮煙韌而且唔會好厚，入面超足料，大大隻既鮮蝦🦐加埋啲米粉、九層塔等等，清淡得黎又食到啲鮮味。而且不得不說，佢碟秘製既花生醬點埋黎食真係超正～花生醬味道濃郁，入面仲有啲蘿蔔絲，有少少酸酸甜甜既感覺，點個米紙蝦卷食真係一流！  

🌸Aᴏ̨ᴜᴀ Sᴀᴋᴜʀᴀ Bʀᴜɴᴄʜ🌸 I always love the view and vibe of Aqua. Sooooo relaxing and chill to have great food and enjoy the spectacular view of Hong Kong at the same time. 😌 My friends and I are alcoholics lol we started our day with free flow of Champagne and Coffee Martini 😍 🔺Tuna, hamachi, salmon, Sakura squid sashimi 🔺Sakura seared Salmon ikura roll, fried Sakura ebi with scallop sushi, seared eel and avocado roll, fried Sakura with minced Fatty tuna oshi sushi 🔺Sakura prawn kakiage and zuwai crab leg tempura 🔺Risotto parmesan and amarena cherries 🔺Sakura platter Pan fried Hokkaido scallop, chicken yakitori, beef tonkatsu 🔺Pork gyoza dumplings with Sansho pepper and ponzu sauce 🔺Aqua dessert platter To be very honest, we were a bit disappointed about the food quality. We expected it to be much better. We had been to Aqua for a several times and the food provided in this Sakura brunch did not meet their usual standard. It was a bit overpriced. However, we enjoyed the good weather and the superb view. ☀️🥂

要哭了!! 成一年半都未得去旅行!!
唯有在港覓食，尋找他鄉的滋味啦~
呢間起openrice評分都好高，當然就吸引左我呢個韓粉 小食沙律各一，再來多份年糕，今餐真係有幾盡食幾盡 鮮蝦沙律
一早就知呢餐肉食天堂
緊係落定個沙律清一清胃口啦
檸檬酸甜，果然開胃開胃
比想像的豐富係跟左3塊烘左既多士，同埋大量新鮮蝦肉 必食必點的韓滋味
有曬韓國小攤檔既風味
辣辣地，滿滿既芝士拉絲，軟度適中的年糕
就算明知幾咁會飽都要清曬佢
最好食既係跟左紫菜炸物，脆卜卜架 麥芽啤酒蝦
好特別架!! 一咬開D啤酒味滲曬出黎
作為唔食飲酒的我，都可以憑著呢味菜一嘗酒滋味
嘆嘆蝦肉，不可能不愛上吧
仲有薯角跟底，豐富吧!! 重點出場----韓式半半炸雞
辣醬炸雞+醬油炸雞
兩款味道一人兩隻岩岩好
炸到好脆，好入味，同個FD一邊吹水一邊講8掛一邊食
平時返工既壓力一口氣釋放曬 口水流之選--綠茶雪冰
重點講三次
綠茶好濃、綠茶好濃、綠茶好濃!!!
紅豆爆多、紅豆爆多、紅豆爆多!!!
好足料，真係開發個甜品胃

總有啲時間又會掛住第二個家鄉，今次「饞•台式幸福食堂」真係令我有返咗台灣嘅感覺😭，表示非常感動！一人套餐菜式都好豐富，加配埋飲品連甜品都係人均100蚊，食到台灣嘅味道🥰，非常建議其他思鄉嘅朋友仔試吓！
————————————————
👅藥膳排骨($80)
👍🏻 甘甜藥材湯底有好滋補嘅感覺，即刻諗起係饒河夜市食一碗熱辣辣嘅藥膳排骨湯🤤！單食排骨可能有啲單調，但味道好獨特嘅沾醬一定唔會令你失望，最後藥膳湯仲比我飲晒~hahahaha~~
👍🏻跟餐有台式酸辣湯/青檸愛玉凍，酸辣湯非常足料，有肉絲、豆腐絲、木耳絲、紅蘿蔔、蛋絲⋯酸辣度剛好😮‍💨，係開胃湯品之一
👍🏻為食如我，加咗$18轉手撕台灣走地雞肉飯，走地雞肉味濃🐓，如果有雞肉汁撈飯仲正
.
👅海鮮芋頭米粉湯 ($88)
👍🏻 配料有香菇肉絲、爽口蝦仁同軟Q小卷🦑，第一啖湯就覺得好鮮味，米粉又索湯，飲真啲會感受到芋頭沙沙地嘅口感同陣陣芋香，真台味！
👍🏻 青檸愛玉凍有少少蜂蜜甜味🍋，青檸味清返口腔食物味道，啱啱好嘅小甜品

👅滷水豆腐 ($25)
👍🏻 原來係涼拌菜，同平時食嘅熱豆腐好唔同，蜂巢豆腐好似海綿咁🧽，吸飽淡而不寡嘅湯汁

👅蒟蒻球百香果綠茶 (跟餐$12)
👍🏻清爽解渴，自然百香果配爽爽地嘅晶球，有時百香果配紅茶🍂，紅茶味就可能會蓋過百香果味，但清淡嘅綠茶更能突出清新百香果味
.
👅仙草奶茶 (跟餐$12)
👍🏻滑不溜「口」嘅仙草同奶茶有幾夾就唔使多講啦！
————————————————
🚩總結：必定回頭再食！
————————————————
🌟注意：不設加一服務費，店內多數係二人座位，都有少部份四人位

因為自己係食肉獸，所以今晚行經旺角,同friend shopping買完嘢之後，就打算嚟哩度鋸下扒，佢哋嘅晚餐menu選擇好多樣，而且仲有dinner set,有埋沙律同埋飲品，非常高質。我叫嘅牛扒同樣好好味，因為自己鍾意生啲，所以選擇咗七成熟，微辣嘅黑椒汁，更加能夠體現牛扒嘅肉香。簡單製作都食得好滿意，品種豐富，環境舒服，不妨係平日or weekend 同friends gathering chill chill 小聚之選。

慕名已久，終有緣相見 ... 見水吧前扑後繼的出送出用紙袋盛著的外賣，想必是“咖央多”！ 屁股還未坐暖，馬上點一個十年前在星洲生活時常吃的早餐精選， Kaya Butter Toast 及 Teh Tarik。唔 ... 相似度已有八分，雖然咖央不夠甜，但多士焗得夠脆，加上咖央及牛油，一軟一脆，口感一流！ “三層肉肉骨茶”的豬腩肉，入味、暖糯，口感不錯，更難得的是，秉承原產地傳統，有淡淡藥材味及熱辣辣的肉骨茶源源不絕， 任添任飲，腩肉還未上已喝了兩碗！ 舖上炸蒜的通菜賣相有點普通，但原來底下還有亞參醬，撈勻再吃，很有風味。 要返兜！

平時坐車經常經過，今晚還是第一次和朋友去尖沙咀戲曲中心吃中菜，感覺非常之新鮮。餐廳非常寬敞，坐得舒服，店員服務亦熱心。前菜要了青瓜，味道和一般手拍青瓜有點不同，酸酸甜甜，好開胃。燒腩仔皮脆肉香，肥瘦適中。胡椒蝦有四大隻，很新鮮，很香口，肉質彈牙。金沙苦瓜和魚皮很惹味，苦瓜苦中帶甜，甜中帶鹹。而魚皮脆卜卜，食之上癮。杞子糕則不過不失。是次中餐不僅環境優美，食物亦不馬虎，下次可以與家人來共聚天倫之樂。

爆辣冷麵？聽個名都覺得好爆，正值夏天晚上想食得清涼少少，冷麵是個好選擇。 爆多蟹籽冷麵 - 真心好爆，超超超多蟹籽，橙色一大堆，真實過真材實料呀。入口卜卜脆，一個字-爽！中學時間常常食冷麵，但份量總是剛剛好，今次可以放肆狂食冷麵，有種說不出的滋味。 果然真是爆辣，小辣都已經是好夠辣！ 因為太肚餓，所以現場食了一袋裝撈麵，中學回憶呀。 賽磅蟹杯麵- 冷麵用杯裝，有創意，又蟹柳及西蘭花。可以買定一杯去戲院看電影時食了！ . 生蒜油 - 有辣有不辣，香港製造醬油，當然要支持！很香，佐飯炒菜都得，而且又不貴才$20/$25 爆辣哥斯拉雞翼 $12 （兩隻）- 真心好正，香辣無窮。 爆辣雞軟骨 - 炒得很香，加上生蒜油爆炒香，勁惹味，當小食伴啤酒一流呀。 蟹籽沙律 - 如果想食得輕盈一點，可以買蟹籽沙律，同樣是有冷麵的滋味，有蟹子、超多帶子裙邊、粟米，下面是青瓜絲，感覺清新。

約咗朋友喺逸東酒店食飯，最鍾意入邊嘅一個小food court，不同種類嘅菜式應有盡有，尤其係越南菜，今次見到轉左餐牌，就決定食下新菜式🥰 餐牌設計得好清楚，仲有圖做參考，有不少新出嘅菜式~ 越式扎肉撈金邊粉~ 平時撈檬粉食得多，撈金邊粉第一次食，質感比起平時檬粉更煙韌，撈埋特製醬汁，按個人需要控制分量，味道酸酸甜甜的，調味剛剛好，不會過鹹~扎肉份量很多，絕不會唔夠餸，仲跟咗一隻煎荷包蛋同埋不少沙律，感覺好refresh，係炎炎夏日嘅開胃良菜~ 加咗少少錢轉左set，包左兩件春卷，同一杯飲品，春卷剛剛炸起，外皮仍然保持香脆，內裏的素菜即仍然是熱辣辣的，軟軟的質感與香脆的外皮形成強烈對比，點埋醬汁食味道更豐富~ 火車牛魔粉~ 越南菜怎能少得牛肉河粉，牛肉湯底尚算清甜，有大量不同的牛肉製品，滿足了喜歡食不同牛肉部位的願望🤤牛腩軟腍，牛柏葉則夠爽脆，而牛丸汁夠厚實彈牙，一碗麵食到不同層次的口感，配合嫩滑的河粉，即使係女仔都會不知不覺食晒成碗🤤 自家製手打蝦餅~ 驚喜之作，想不到賣相如此有光澤，而且剛剛炸起外皮依然十分香脆和熱辣辣，內裏的蝦肉則十分嫩滑，更食到粒粒彈牙的蝦肉，點埋醬汁酸酸甜甜更是開胃🤤 牛油果奶昔~ 🥑和🥛同樣是最愛的食物，今次組合起來為我帶來意想不到的驚喜，牛油果融入於奶昔當中，味道不會過甜，有清新的感覺，質感亦十分creamy，從喉嚨滑過時帶來透心涼的感覺，是消暑良品☺️

📍深水埗西九龍喇沙小店‼️ • 啖啖濃郁椰香🥥 -- 喇沙專門店🍜
·
#pigfoodiexhk_深水埗
#pigfoodiexhk_星馬菜
#pigfoodiexhk_黃店
========================
Bookmark咗西九龍中心嘅喇沙店好耐啦～上星期同男朋友嚟開呢頭終於可以嚟試下😚呢到嘅喇沙都有頗多選擇㗎，今次小編就試咗招牌嘅大蝦喇沙🤤
------------------------------
⭐️大蝦喇沙米粉 $48 (8/10)

喇沙係用高身嘅紙碗裝住，入面有超多料，除咗兩隻大蝦之外，仲有大量嘅魚片、豆卜、芽菜同半隻蛋😆

喇沙湯底飲落椰奶味香濃，只係帶輕微嘅辣味，好啱小編嘅口味😋❣️唔食得辣嘅朋友仔應該都接受到🙈

麵底我揀咗米粉，份量夠多，煮得爽身，帶少少咬口😋大蝦肉質爽口鮮甜，魚片彈牙，豆卜大大舊，索埋湯底一齊食好正！😛
------------------------------
整體嚟講性價比高，仲送埋汽水或紙包飲品㗎🤤有機會都會想再去試埋雞扒/豬扒/牛脷喇沙🥰大家去開西九都不妨支持下💛
------------------------------
賣相：7.5/10
味道：8/10
性價比：7.8/10
回頭度：7.8/10
------------------------------
店舖資料
名稱：喇沙專門店
地址：深水埗欽州街37號西九龍中心8樓10號舖
前往方法：深水埗C出口