營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
食家推介
杉玉係日本迴轉壽司過江龍壽司郎的姊妹店，行日式居酒屋路線，裝修精緻，氛圍舒適。定價比壽司郎貴少少，酒及食物價格大致在HK$38 - HK$88之間，人均大概HK$250-HK$300左右，算可接受範圍。 🍻🍣主打壽司及天婦羅，欠缺日本居酒屋常見的串燒，但菜式品項琳瑯滿目好多元化，壽司及刺身質素水準與壽司郎相約，性價比高，而且好多十分適合打卡的菜式，聚會一流!!🍣🍤- 五點刺身盛 HK$118 🍣長鰭吞拿魚腩，天然藍鰭吞拿魚，鯖魚，鯛魚，油甘魚- 灸燒鮟鱇魚肝拌柚子醋啫哩 HK$38 🐟- 韓式辣醬醃鰈魚鰭邊 HK$28 🐟- 醬漬真烏賊鰭 HK$28 🦑- 超滿足天婦羅盛合 HK$38 🍤蝦，魷魚，茄子，蕃薯- 海上鮮島 HK$68 🍣- 海膽三文魚子和牛軍艦 HK$68 🍣- 忌廉蟹肉可樂餅拌他他醬 HK$38 🍣- 香蔥鹽醋漬鯖魚 HK$38 🍣- 超滿足吞拿魚 HK$33 🍣吞拿魚，生拌吞拿魚軍艦，蔥花吞拿魚軍艦- 超滿足蔥充衝 HK$33 🍣池魚，沙甸魚，鹽醋漬鯖魚- 天然九繪壽司 HK$60 🍣- 烤鰆魚壽司 HK$20 🍣- 天然海膽牛油鮟鱇魚肝壽司 HK$30 🍣- 炸吞拿魚心頂 HK$38 🍤吞拿魚心臟- 鮮榨橙汁梳打酒 HK$58 🍺
繼續閱讀
係沙田行下順便食晚飯，上網見到沙田有壽司郎居酒屋-杉玉，即想去試下，6點幾到冇乜人，之後越來越多人。用餐時間1.5小時...雖然係居酒屋但都係有限時..都唔知叫唔叫酒好因唔可以慢慢坐。店子面積頗大，木系設計感覺和風，坐位闊落，感覺舒適。餐牌，見盛合都算幾抵。柑橘碳酸特飲，$30，友人的。特選檸檬梳打酒，$38，檸檬味清淡，冇乜酒味。炙燒海膽牛油安康魚肝壽司，$60，有海膽鮮甜及甘香，整體有點似海刺。大切黃鰭吞拿魚三味，$33，原味、醬油漬及麻油鹽漬三款水味，試了醬油漬，味道太鹹。王道三貫，$30，沙甸魚及油甘魚兩件，油甘魚爽口鮮甜。上玉盛合，$108，有8款壽司，大吞拿魚腩、吞拿魚、三文魚、油甘魚、魷魚、熟蝦、海螺及沙甸魚。並玉盛合，$88，有8款壽司，中吞拿魚腩、吞拿魚、三文魚、油甘魚、魷魚、熟蝦、帆立貝及玉子燒。壽司飯加入黑醋及意大利香醋，米粒粘性唔易散，但個味道太濃郁，個人麻麻個味，刺身尚算新鮮，同壽司郎一樣。魚子醬壽司‧圓鰭魚魚子醬，$38。賣相有特色，原個罐上，上層是魚子醬，下層吞拿魚腩蓉及壽司飯，口感豐富，鹹鮮味不俗。杉玉特製南蠻炸雞，$42，入口香脆，雞肉幾滑又多汁。炙烤喜之次魚腩，$38，肉質軟滑幾香口。食物上壽司同壽司郎差唔多，係個飯唔同左，多左小食及有酒飲、格局上坐位闊落舒適有個人空間，但居酒屋來講用餐時間太有限制，想把酒談歡也太難。
繼續閱讀
間間壽司郎都要等位，而這晚經過這家壽司郎旗下的居酒屋竟然有位，就去試試吧稱得上居酒屋，門面裝修當然會講究一點，讓客人放鬆心情爽脆青瓜配明太子. 蟹膏沾醬：青瓜切條點上微辣的明太子醬和鹹香的蟹膏，立即變成美味下酒菜牛舌可麗餅：可麗餅炸得香脆，裏面幼滑的薯蓉包著軟稔有肉味的牛舌粒，好香口灸燒海膽醬赤蝦壽司：海膽醬塗在赤蝦上，灸燒過格外甘香海上鮮島：其實不太像一座島，但六七種不同的魚生和壽司砌成一碟，還有很有看頭。乾杯炙燒鰈魚鰭邊：肉質超嫩滑，炙燒帶出鰈魚鰭邊豐富的油香。乾杯的意思是微微的酒香？王道三貫組合：無獨有偶又是炙燒組合，是三文魚/鰻魚/鯖魚。魚生的質素和壽司郎差不多，但三件才$33算抵食紫菜醋飯壽司：第一道菜剩下大量明太子醬和蝦醬，放上飯團再用紫菜包起來就是軍艦壽司了。醋飯用上陳醋所以帶紅色，味道適中不會太酸，而且有一點陳醋的香氣襯魚生很適合羅勒醬蒜香橄欖油煮魷魚蕃茄：完全是西班牙tapas的風味, 原隻蜆肉和魷魚粒充滿蒜蓉和羅勒醬的香氣，就連蕃茄也很入味，配附上的法包正好除了法包，還可以加$28加配「一拍即合，香氣四溢油拌麵」。理論上是把小砵內煮海鮮的欖油拌入，但麵底已有海鮮味醬汁，加上上面的香菜，撈勻已經很夠味。卡達拉娜：壽司郎的經典甜品，居酒屋版本就會盛在一個很有質感的盤子上，席前以火槍燒出上面的焦糖，感覺當然精緻，焦糖也彷似特別香脆，布丁口感綿密充滿蛋香後記🍶始終是居酒屋，食物份量偏少，男生大概要多叫一個拉麵獨食才夠飽🍶居酒屋沒串燒總有點怪
繼續閱讀
位處沙田中心 非常接近沙田港鐵站 好方便屬於大集團壽司郎既連鎖店居酒屋 新式居酒屋既感覺 ☺️和風設計 裝潢光鮮 空間感夠 乾淨整潔👍🏻以平板電腦落單 好方便易用👍🏻唯一不足 係限時一個半鐘 少少趕🤏🏻主打親民價既 魚生 壽司 居酒屋小食等有唔少相當抵食既料理🤩仲會按季節有季節限定既食材😁算係可以以較平既價錢食到唔差既日本野🤗杉玉既最大特色 莫過於有數款十分出名既日本酒提供新政 鍋島 飛露喜 寫樂等 香港往往都索價甚高🙃呢度可以用貼地價飲 好抵😄今次試左幾得意既野食有: 鮟鱇魚肝海膽壽司日本酒就試左: 一白水成 真係好似水咁 好易飲九頭龍 帶少少酒香新政 咁平點都要飲番杯方便指數: 4.5/5 環境指數: 4/5回頭指數: 4/5地址: 沙田橫壆街2-16號沙田中心3樓32A及69A號舖
繼續閱讀
呢間餐廳係壽司郎嘅高階版本，但其實食嘅嘢都差唔多🤣壽司郎有嘅薯條、卡達拉娜、壽司呢間杉玉都有，但就坐得舒服啲，而且都多左啲野食😌所以呢個post主要係講啲壽司郎冇嘅嘢食 杉玉薯仔沙律（$48）：幾特別，好適合打卡📸中間個綠色波波其他就係個舊薯仔沙律中間有隻溏心蛋，個沙律仲有子薑味 日式高湯玉子燒拌蘿蔔蓉（$48）：個玉子燒放左係高湯入面，係類似蒸蛋嘅texture但亦都因為有高湯，所以個味都淡左😅 蒸鮟鱇魚肝拌關東煮蘿蔔（$38）：個鮟鱇魚肝個口感好粉🫢仲有啲腥味，我個人嚟講接受唔到😖 杉玉鰻魚龍之卷（$48）：塊鰻魚其實好薄身，其實入面塊玉子個味仲搶過鰻魚味🤣 鹽昆布野菜沙律配芝麻柚子醋（$30）：好特別嘅配搭，成個沙律係集鹹、酸、甜、辣於一身，辣係因為佢落咗黑胡椒食落都幾清新，值得一試👍🏻 味道：🤤🤤🤤🤤/5性價比：🤤🤤🤤🤤🤤/5 菜式：- 王道三貫：$33 （3件自選壽司）- 特玉盛合：$168 （9件壽司）- 杉玉薯仔沙律：$48- 杉玉鰻魚龍之卷：$48- 鹽昆布野菜沙律配芝麻柚子醋：$30- 日式高湯玉子燒拌蘿蔔蓉：$48- 蒸鮟康魚肝拌關東煮蘿蔔：$38- 卡達拉娜：$28- 刺身盛：$98- 蕨餅：$10- 茶碗蒸：$28
繼續閱讀