375
68
7
港鐵油麻地站 A2 出口, 步行約8分鐘 繼續閱讀
所有分店 (2)
電話號碼
27960082
開飯介紹
旺角以黑色為主調的咖啡店,充滿神秘感。不單裝修及餐具都是黑色,連食物都是黑色。如黑森林梳乎厘班戟及炸豬扒黑咖喱等。 繼續閱讀
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
Visa Master 現金 Apple Pay Google Pay
其他資料
電話訂座
加一服務費
以上資料只供參考, 請與餐廳確認詳情
食評 (488)
等級4 2024-05-25
10 瀏覽
一向知男朋友對「空氣餅」(即係疏乎厘班戟)情有獨中,所以我經常都會留意邊度有得食,仲要多好評先帶佢去,因為佢越食越咀刁。內外都係一身黑色,好酷!地方唔算大,十多張枱,但好整齊,仲有個吧枱位,睇到飲品師係度調製飲品。供應菜式唔少,有意大利粉、沙律、漢堡、飯和多款甜品等,仲幾創新。凱撒沙律 ($92) 非常新鮮爽脆,加入脆卜卜嘅麵包粒,鹹香芝士和煙肉條,另上沙律醬,自己鍾意加幾多就加幾多,正合我心意!自家製蘑菇忌廉汁貓耳朵意粉配慢煮口水雞扒 ($128)係中西合壁的菜式,好有創意呀!貓耳朵意粉口感一流,好有嚼勁,沾滿香濃嘅蘑菇忌廉汁,煮得入味,再加埋爽口嘅雜菌,非常好味!雞扒煎得金黃,肉嫩入味,香辣惹味,好得!焙茶麻糬窩夫配蜜糖脆糖味雪糕($74)賣相好豐富。窩夫切成小件,好柔韌,唔會太硬,啖啖黑糖味,如果焙茶味再重啲就更吸引。最鍾意將熱辣辣嘅窩芙加埋香甜冰凍嘅蜜糖脆糖味雪糕一齊食,冷暖交融,好正!法式千層酥日式疏乎厘班戟($96)靚到令人興奮。震震震,好輕盈!滿充蛋香,唔淋糖漿更好吃,加埋香甜嘅忌廉更滋味!法式千層酥都好有驚喜,非常酥脆,好有牛油香,正!百利甜酒朱古力鮮奶咖啡($65)以黑朱古力、百利甜酒、奶和濃縮咖啡調製而成,味道甘苦,濃濃的朱古力味,最鍾意加咗啲朱古力薄片,又靚又好味,但百利甜酒就唔係好夠,味道唔突出。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-07
564 瀏覽
Black Coffee走黑色型格風,坐在玻璃窗旁,靜看繁華的街角。坐在木椅,吃著豐富brekkie,感受Friday Night慢活的步調! 香煎三文魚配檸檬汁忌廉芝士意大利飯 148Black Coffee走黑色型格風,坐在玻璃窗旁,靜看繁華的街角。坐在木椅,吃著豐富brekkie,感受Friday Night慢活的步調! 煙三文魚班尼迪蛋配自家製荷蘭汁 98班尼迪蛋必點推介,焗得香脆的多士,令人食指大動。刺穿水波蛋,金黃蛋漿洶湧流出,多士吸收蛋漿後,香滑濕潤,配上鮮香的三文魚及菠菜,口感相當豐富。髒髒提拉米蘇 68提拉米蘇表面鋪滿可可粉,還有朱古力流心,貼合“髒髒”的主題。Tiramisu口感輕盈,濃濃朱古力甜香,手指餅完全吸收咖啡香,配上朱古力脆餅,啖啖醇厚的芝士和咖啡香,邪惡誘人。蜂巢奶油日式梳乎厘班戟 96軟綿綿的梳乎厘,像雲朵般填滿空氣,用叉輕輕按壓,質感震騰騰。入口陣陣蛋香,配上順滑的忌廉,奶香柔滑,伴以蜂巢醬,滿滿幸福感。莓果花茶 48放在咀邊,已經聞到清新果香,莓果花茶芬芳花香中帶微酸,喝後清爽解膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-21
864 瀏覽
今日去左想打卡好耐嘅black coffee,餐牌上嘅食物款式都好吸引帶點fusion感👍🏻餐廳環境以黑色做主題,坐得舒服好岩同朋友傾計🥢雙重芝士炸薯條🧀🍟係我喜歡嘅粗直薯條,面頭芝士醬係半溶狀態,旁邊仲有兩個醬汁可以點,好芝味😋🥢自家煙燻豬腩配黑啤意大利飯意大利飯用左煲仔去present,有小小似梅菜扣肉嘅煲仔飯😆不過呢個係西式味道,煙燻豬腩整得好軟腍,面頭有小小青蘋果粒帶酸甜,中和左豬腩嘅油膩感👍🏻🥢Black coffee breakfast全日早餐十分豐富,好吸晴,沙律菜新鮮,啲生果好甜😋喜歡個吐司,好有口感,炒蛋腸仔煙肉份量都好夠,滿足。🥢朱古力麻糬窩夫朱古力雪糕甜品好有驚喜,整得好靚,落枱已經聞到好香朱古力味,窩夫切好哂一件件,咬落中間夾住煙煙韌韌嘅朱古力麻糬😍好好味呀!🥢朱古力咖啡飲落啡味濃,唔會太甜💯🥢竹炭黑芝麻鮮奶黑芝麻鮮奶調配得味道岩岩好,有黑芝麻香又有奶香味😋 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-15
655 瀏覽
小店於2020年創立,主打咖啡、甜點同西式餐飲,其中嘅日式梳乎里班㦸同髒髒提拉米蘇大受歡迎👏 主食方面亦有唔少選擇,餐廳環境唔大,以黑色為主調,平日晚上都座🈵,建議唔好peak hour去,睇嚟都頗有名氣^_^ 前菜有芝士蕃茄焗肉丸,如同個名所講嘅真係crazy cheese,上面鋪咗層厚厚嘅芝士,鹹香味十足,番茄酸甜可口,肉丸軟腍帶點咬口,有IKEA feel好開心😗 輕食類要咗Egg Benedict,賣相一流,水波蛋動L,有流心效果,上面搭配芝士,下面係煙三文魚、菠菜同麵包,配上自家製荷蘭汁,層次感豐富,多重口感同味道,性價比高🥚甜品有好多選擇,個人大大力推介Hojicha Moffle,味道簡直係驚為天人,麻糬夾喺窩夫中間,外層酥脆可口,內裏煙煙韌韌,雙重口感,焙茶味好出,配上蜂蜜脆脆雪糕,鹹甜口味🍵Mixed Berry Mille Feuille適合打卡,千層酥比一般嘅厚身好多,但估唔到咬落即化,十分鬆脆,帶點空氣感,好神奇,雜莓酸甜,中和膩感🥰 仲有好多其他口味,一定有款啱你心水!招牌有提拉米蘇,果然好dirty,酒香氣濃郁,有料,食落濕潤綿密,cream嘅份量比出面多,相反蛋糕就唔係好覺,如果鍾意食忌廉嘅應該fit爆🤣 飲品要咗Black Sesame Milk,奶味出過黑芝麻,下次都係飲返咖啡~ 繼續閱讀
(以上食評乃用戶個人意見 , 並不代表OpenRice之觀點。)
Lunch time旺角食晏有咩好選擇❓想同朋友坐低靜靜地傾吓偈再嘆杯咖啡☕️揀咗位於廣華街嘅Black Coffee,全黑設計夠晒型格獨特🤟🏻🔹雙重芝士炸薯條炸至金黃香脆嘅薯條面頭再淋上芝士醬,如瀑布般嘅賣相好吸引🌟加入煙肉碎增加口感,邪惡得過分🤪🔹凱撒沙律配煙三文魚新鮮爽脆沙律菜份量十足,配帕馬森芝士、沙律醋、麵包粒等,再加上四大片煙三文魚🍣 入口甘香濃郁、滑順絲柔,帶著點煙燻風味✌🏻🔹自家製忌廉蘑菇貓耳朵意粉好耐冇食過貓耳朵意粉,見到有即刻叫黎試吓🤪意粉煮得啱啱好,煙韌有嚼勁,掛滿香濃忌廉醬汁,配埋蘑菇片同食,增添口感~🔹班尼迪蛋配自家製荷蘭醬賣相一流嘅班尼迪蛋超級高質👍🏻 一切水波蛋即流出滑順蛋黃,配以菠菜、煙三文魚,層次豐富!面頭淋上濃稠帶點微酸滋味嘅自家製荷蘭醬,絕佳組合💖🔹午餐套餐加配餐湯香茜蕃茄湯酸酸甜甜好開胃🤤🔹意式鮮奶咖啡(凍)充滿濃厚香氣,口感絲滑順暢✅🔹澳白咖啡(熱) 面頭有綿密細緻奶泡,咖啡味道醇厚,入口豐盈綿密🥰Black Coffee🌟📍旺角廣華街3號地下3號舖 繼續閱讀
(以上食評乃用戶個人意見 , 並不代表OpenRice之觀點。)