影片
港鐵尖沙咀/尖東站 N2 出口, 步行約1分鐘
繼續閱讀
電話號碼
37217700
開飯介紹
供應「即時烹調」自助餐、地道美食及特色飲品，以「即時烹調，新鮮製造」的經營理念，既能欣賞廚師烹調技巧，顧客亦品嚐到最新鮮的美食。
繼續閱讀
營業時間
今日營業
06:30 - 22:00
星期一至日
06:30 - 22:00
公眾假期
06:30 - 22:00
*早餐 供應時間 星期一至五：06:30-10:00；星期六、日及公眾假期：06:30-10:30
午餐 供應時間 每日中午12時至下午2時30分
晚餐 供應時間 每日晚上6時至10時
以上資料只供參考, 請與餐廳確認詳情
有關獎賞計劃
相關文章
3470 瀏覽
近幾年的農曆新年，團年或者開年飯都習慣了同屋企人食自助餐，今年的「兔龍交接」繼續維持傳統，於年廿九晚揀了尖沙咀凱悅酒店的【Cafe】大啖五星級酒店自助餐。位於酒店內的老牌馳名法國餐廳【Hugo’s】旁邊，可能因為這個原因，裝修風格也有點相似；咁當然，級數及陳設裝潢仍然有分別。尤其其中一角座位區同樣以深啡色木材為主調，配合高樓底、大吊燈，帶有歐洲大宅書房風情。以自助餐標準來講，裝潢優雅。價錢同其他五星級酒店差不多，但又未去到最貴（如 Regent Harbourside、JW Marriott Cafe）級數，回本菜式也相對較少。星期一至四自助晚餐成人 $748 / 小童 $368，星期五至日貴啲，但就多啲回本菜式；另一個吸引之處係食足四個鐘(晚上6:00至10:00)，足夠時間回本！最近一兩個月，很多酒店自助餐推出折扣優惠；估計因為太多香港人北上消費，要諗辦法留客。【Cafe Hyatt Regency TST】也有類似優惠，只要提早兩日訂座並付全數就有六五折；儘管是年廿九晚的自助餐，也有此優惠。受室內空間限制，食品區的佈局比較分散。尤其是甜品區，雖然位於Cafe範圍內，但設置在店門口附近，與用餐區及其他食品區分隔，有點奇怪。整體來講，菜式種類及款式選擇比同級自助餐少，最大賣點就是任食即烚新鮮可持續發展波士頓龍蝦。自助餐一定有刺身及壽司。就算是最貴嘅五星級酒店自助餐，壽司一般也不會好吃，食材質素其一，全部預先做好防入雪櫃，飯糰也變得難吃。至於刺身，以自助餐來講，質素算相當好，尤其生赤蝦及帆立貝，可以追加；至於鮪赤身及三文魚就可以不試了。凍海鮮稍為普通，只有翡翠螺、青口、沙白、越南凍蝦、小龍蝦及松葉蟹腳。尤其松葉蟹腳很瘦弱，又只有很鹹的海水味及水份很多，欠缺蟹肉鮮甜。意料之外竟然有中式冷盤花雕醉雞翼及陳醋雲耳。只嫌所選雞翼品種太大隻，雪藏臊味亦辟除得未夠徹底，幸好有花雕酒香及出色調味掩蓋了雞翼的臊味。陳醋雲耳較好味，夠爽脆。預制沙律只有兩款，自助沙律吧的配料選擇也不多；與其他同級酒店自助餐比較，就給比下去。芝士象徵式有兩款口味凍海鮮稍為普通，只有翡翠螺、青口、沙白、越南凍蝦、小龍蝦及松葉蟹腳款普通芝士及一款藍芝士，亦欠缺介紹銘牌。凍肉只有四款：煙三文魚、Salami ham、切片凍火腿及Parma ham 配哈密瓜；款式未夠多元化。回本菜式一定係任食即烚活波士頓龍蝦，刻意將一盤活生生的波士頓龍蝦展示出來，證明絕不欺場。望着廚師不停將新鮮滾熱辣、剛剛烚熟的原隻龍蝦開邊上碟，客人排隊取龍蝦，每次半隻。龍蝦相當大隻，每隻大約400g，仲要蝦膏滿瀉！肉質鮮甜、爽口彈牙，果然係新鮮活龍蝦，遠勝只有海水鹹味的開邊凍龍蝦。即烚波士頓龍蝦吧旁邊係印度美食區。除了羊肉咖喱、雞肉串燒、咖喱角、薄脆、咖喱雞等常見印度美食，多了蒜味烤餅 (naan)。另外，亦有印度街頭隨處可見的印式脆球 (panipuri)，配搭青咖喱醬，口味地道，其他自助餐罕見。 西式美食以燒烤為主：慢燒有骨肉眼扒、燒羊腿、燒生蠔、楓糖燒火腿及馬賽魚海鮮湯 (Bouillabaisse)。最受歡迎一定係有骨肉眼，比起其他自助餐的原條燒牛肉（除非係澳洲 M6+ 級數或以上的頂級自助餐出品）多了脂肪，所以也更油潤、更好味；不要貪心只食燒牛肉，盡量要取得連骨的一條牛肋排，雖然肉少，但肉質較軟、較油潤，亦更美味。馬賽魚海鮮湯係傳統法國南部普羅旺斯風味，賣相一般，味道尚可。而且只有一鍋鑄鐵煲的份量，作為自助餐菜式，似乎太過細鍋了。其他西式美食還有意式燴雜菜、香煎鴨胸配香橙汁、炒法式邊豆。三款菜式味道皆很一般。究竟烤龍蝦是否都係用新鮮龍蝦？望見廚師將已預先烚熟了的開邊龍放在鐵板上面燒烤，淋上牛油汁引起火焰，造成燒焦後果，提升香味，好吸引！另外一組美食區有香煎虎蝦、廣東燒味（白切雞、叉燒、燒肉、燒鵝）及天婦羅（蝦、沙錐魚、番薯、秋葵）。港式粉麵有三款湯底：豬骨、喇沙及清湯，總有一款啱口味。材料款式都算多：菇、蝦、魷魚、丸類、豆卜、青菜。粉麵檔旁邊係中式燉湯：松茸螺頭燉雞。燉湯竟然只係一碗碗，並非一盅盅；唔係用燉盅嘅湯，還算不算燉湯？還好，燉湯味道仍然清甜。其餘就是中式美食：辣酒煮海鮮、龍蝦伊麵、清蒸花尾躉、羊腩煲、瑤柱扒時蔬、避風塘炒蟹、黃金魚皮。龍蝦伊麵將伊麵、上湯炒龍蝦鉗及上湯醬汁分成三盤，方便客人按喜好自行調配；醬汁味道鮮濃、龍蝦鉗亦好味。避風塘炒蟹居然做到了坊間炒辣蟹專門店的7、8成水準，抵讚！最大弱點就係唔夠熱辣辣，始終並非即叫即炒，很難進一步改善。黃金魚皮脆卜卜、鹹蛋黃醬味道香濃，水準之上。甜品較為失色。雖然有牛角窩夫、麵包布丁及芒果糯米飯等特色即制甜品，但五星級酒店自助餐應該做得最出色的西式甜品，竟然令人失望。西式精緻甜品款式少，味道又唔夠突出；唯一比較好味只有雲呢拿拿破崙及朱古力慕絲杯。如果係原價，唔算吸引，因為貴價回本菜式選擇唔多；除非只係不停食白烚新鮮活波士頓龍蝦。但如果只係為了食龍蝦，又缺少了自助餐大快朵頤的暢快感。尤其鍾意食甜品的話，亦會失望而回。如果碰到折扣優惠價的機會，姑且不妨一試。
繼續閱讀
一定要同大家分享這份非常適合冬日及聖誕節的下午茶, 一杯dark rum令甜品滋味百倍, 而且增添節日氣氛. 「冬日滋味下午茶」共有3款咸點、5款甜點及鬆餅, 飲品可選咖啡或茶, 若選熱蘋果特飲或杏仁朱古力也不需另收費. 喜歡肉桂的我, 飲品當然選熱蘋果特飲, 散發誘人的肉桂香味, 識飲的話, 不妨加兩至三匙dark rum, 添加層次. 感到凍的時候, 就會想起熱朱古力, 這杯熱杏仁朱古力更具聖誕氣氛.甜點大部份都有朱古力, 其次是香橙及紅莓, 這個配搭營造了滿滿的節慶感.一個小驚喜, 原來下午茶包每人一小杯dark rum, 酒精度頗高, 每次呷非常小口已足夠. 甜點之中我最喜歡香蕉拖肥批, 細細件既banoffee面層是香滑的呍呢拿忌廉, 內裏是香蕉冧酒慕絲, 本身已好好味, 喝小口dark rum再吃, 更香滑.另一款與dark rum好匹配的是64度朱古力吉士杯, 先吃酸甜紅莓醬、黑醋汁及可可豆, 然後直接把兩匙dark rum倒入, 與濃郁朱古力一混合, 那種絲滑、扣人心弦的感覺一觸即發, 太美味!自從在坊間吃過Saint-Honore泡芙, 不自覺地愛上了, 剛好這份下午茶的焦糖泡芙內餡是伯爵茶忌廉, 外脆內軟, 一小件就是有點吊癮~最後兩款誘人甜點是香橙瑪德蓮蛋糕及杏仁曲奇配朱古力醬, 不要忽略碟上的糖漬乾橙片, 全部都好美味~一般下午茶都有鬆餅, 這裏也不例外, 而特別之處是換上自家製香橙果醬, 好足料的醬, 有果肉, 甜度適中. 香橙蔓越莓鬆餅都夠鬆軟, 無論配香橙果醬或濃縮忌廉都好得~咸點有三款, 先來香煎吞拿魚配全粗麥麵包, 厚身柔軟而帶微辣, 口碑不錯~ 我自己就鍾意肝醬三文治及香脆牛肉批, 好惹味~Winter Delights Afternoon Tea, 供應期由2023年11月1日至2024年1月31日, 逢星期一至日, 3pm-5pm, HK$538+10% /兩位用, 網上訂購更有8折優惠~
繼續閱讀
今日我,太太,外父和外母相約往尖沙咀君悦酒店咖啡廳食自助晚餐慶祝生日,自助餐食物豐富,這裡有冷盤,凍海鮮,刺身,熱食和甜品,冷盤有沙樂美腸,食落咸度適中 ,凍海鮮有龍蝦和青口,食落新鮮,口感鮮甜,刺身有三文魚,希靈魚和帶子,三文魚食落新鮮有油花,希靈魚和帶子肉質鮮甜彈牙,熱食有柚子煎虎蝦,酥皮三文魚和美國肋骨牛肉,柚子煎虎蝦肉質鮮甜新鮮,酥皮三文魚食落有油花,美國肋骨牛肉肉味香濃美味,西湯有龍蝦湯,飲落有濃香龍蝦味,口感香濃,期間每枱奉送酥皮蝦,酥皮蝦食落彈牙,酥皮香脆,期間有鐘聲響起,原來有油甘魚翅身,油甘魚食落味道鮮甜,甜品款式多有豆腐花,豆腐花味道香滑,haagan dazs雪糕我選了朱古力,味道香濃,食落口感滿足,酒店有凍奶茶提供,飲落奶味香滑,酒店座位舒適,食物美味,冷盤, 凍海鮮和熱食美食,食了一頓好食生日自助餐
繼續閱讀
今日食呢間自助餐，買二送二，食物種類中上。2. 龍蝦係主打，8點前每7分鐘出一次，8點後每11分鐘出一次。留意龍蝦位的倒數計時器就得，每次取半邊，想再取多半邊要重新排。今日是星期三，條隊唔長，有幸食到幾隻。8點前每次煮約8隻。8點後每次煮約4隻。3. 其他熟食冇點食，種類唔多，鮑魚每人只有一件。4. 海鮮／刺身都新鮮，蟹腳較細，但唔會死鹹。5. 上一次食過呢間係午市自助餐，當時有榴槤味甜品，感覺甜品很好。今日甜品水準麻麻，拿破崙蛋糕餅皮是淋的、芝士蛋糕溶溶地。6. 職員收碟快。臨完結想再飲多碗湯，廚師即刻5分鐘再煮俾我，覺得服務真係唔錯。尖沙咀凱悅酒店自助餐 The food selection at this buffet was above average.2. The highlight is the lobster, with servings every 7 minutes before 8 PM and every 11 minutes after. Keep an eye on the countdown timer at the lobster station - each time you take a half portion. If you need one more, you need to get back in line to take another half. Luckily, I was able to have 5 lobster tails today, as it was a Wednesday and the line wasn't too long. Before 8 PM, they cook 8 lobsters per batch, serving 16 people. After 8 PM, they cook 4 lobsters per batch, serving 8 people.3. The other cooked dishes were unremarkable, with a limited selection. Each person was only allotted one piece of abalone.4. The seafood and sashimi were fresh, with crab legs that were on the smaller side but not overly salty.5. I had been to their lunchtime buffet before, which had delicious durian-flavored desserts. The dessert selection today was mediocre, with the Napoleon cake having a soaked crust and the cheesecake being too soft.6. The staff were efficient in clearing plates. When I wanted to have another bowl of soup towards the end, the chef quickly prepared it for me within 5 minutes, which I thought was excellent service.Cafe, Hyatt Regency Tsim Sha Tsui
繼續閱讀
平時都比較少食自助餐，成日都驚自己食得少補唔到😂😂但今次凱悦酒店嘅自助餐，實在太吸引，因為有新鮮龍蝦，仲有兩款長腳蟹，蝦，麵包蟹等等，仲要有好多唔同好新鮮嘅刺身😍佢個新鮮龍蝦真係好正，因為佢有個魚缸養住啲龍蝦，即叫即蒸，通常新鮮嘅嘢清蒸都特別濃味，龍蝦膏又夠多，真係好正😍而長腳蟹，仲長過手掌，跟住全部都好鮮甜，而且最重要唔需要剝殼！！佢已經整好晒，你只要自己挑出嚟就得！又好食又方便😍
繼續閱讀