330
97
68
港鐵尖沙咀/尖東站 N2 出口, 步行約1分鐘
繼續閱讀
電話號碼
37217700
開飯介紹
供應「即時烹調」自助餐、地道美食及特色飲品，以「即時烹調，新鮮製造」的經營理念，既能欣賞廚師烹調技巧，顧客亦品嚐到最新鮮的美食。
繼續閱讀
營業時間
今日營業
06:30 - 22:00
星期一至日
06:30 - 22:00
**早餐 供應時間 星期一至五：06:30-10:00 星期六、日及公眾假期：06:30-10:30 午餐 供應時間 星期一至日及公眾假期：12:00-14:30 下午茶自助餐 供應時間 星期日:15:30-17:30 晚餐 供應時間 星期一至六及公眾假期前夕:18:00-22:00 星期日及公眾假期:18:30-22:00
以上資料只供參考, 請與餐廳確認詳情
有關獎賞計劃
食家推介
相關文章
-𝙃𝙮𝙖𝙩𝙩 𝙍𝙚𝙜𝙚𝙣𝙘𝙮 𝙏𝙎𝙏 🍽️每次同朋友有大事發生就會食番個自助餐慶祝 哈!生日食buffet 轉左新工當然都要食buffet!近排尖沙咀凱悅酒店做緊以海膽龍蝦為主題既自助餐 岩晒中意食海膽龍蝦既朋友仔☺️！餐廳環境闊落舒適 食飽傾計傾到唔捨得走✨ Mon - Thu Dinner Buffet ($748/adult）- 1個時段: 6pm -10pm 特色海膽菜式✨海膽豆腐:海膽差唔多有整粒豆腐咁大! 甘甜清爽!✨海膽味噌炒蛋軟包多士:新鮮即叫即製 廚師即席將熱辣辣蛋多士放上海膽食落口感層次豐富 鮮味十足 貪心既我想將整個多士都鋪滿海膽呢!✨海膽炒飯:意外既係 雖然睇唔到海膽真身 但食落係有勁香濃既海膽味 加上有魚子 鹹鮮味滿滿!✨即製海膽軍艦: 海膽色澤橙橙黃黃 味道甘甜 質感細膩 入口即溶✨巴馬臣芝士海膽闊條麵: 廚師將忌廉闊條麵加上海膽汁放係整個熟成12個月既巴馬臣芝士入面撈勻食落每條闊條麵除左芝士味之外 仲有沾上濃烈既海膽汁 味道非常突出!平時食自助餐好少可會拎意粉食 但呢個真心不錯!冰鎮海鮮區海鮮黎講都真係好多選擇 源源不絕咁供應每款都係非常新鮮 鱈場蟹腳肉質軟嫩多汁 有海水味唔係死鹹; 波士頓龍蝦鮮甜味美; 青口肥美鹹鮮; 翡翠螺肥厚彈牙帶有嚼勁;✨ 美國野生捕獲波士頓龍蝦✨越南養殖海蝦✨加拿大野生捕撈翡翠螺✨新西蘭野生捕撈青口✨阿拉斯加鱈場蟹腳 ✨青口／沙白蜆✨新鮮刺身及壽司熱食 - 包括日式 / 西式 / 中式 / 印度天多利/ 精選天婦羅 / 燒烤 / 即煎鐵板燒 / 即切肉眼扒 / 香草烤羊架 / 避風塘炒龍蝦鉗等等當晚個人認為最有特色既係各款龍蝦菜式 全部食落都係非常新鮮肉質結實啖啖肉 忍唔住都食多左幾round! 中湯都係好足料 飲落甘香又養生~✨即煮新鮮波士頓龍蝦✨蒜蓉辣椒牛油燒龍蝦✨日月魚湯甜品 - 有好多各式各樣賣相精緻既小甜品整體黎講都好多選擇又出色 包括:🍨蛋糕: 自家製千層酥 / 巴斯克芝士蛋糕🍨特色甜點: 豆腐花 / 雪糕 / 芒果糯米飯 / 窩夫 / 水果等等
繼續閱讀
可能自助餐競爭也不少，所以連凱悅這高級酒店嘅餐廳都要同OpenRice合作，訂枱有六五折優惠食中午自助餐。所以買單只是三百幾元，可算是性價比高。一直以來光顧尖沙咀凱悅都覺得不論是咖啡廳或毗鄰的Hugo出品也有一定的水準。三年疫情過去自然要去再試一試水準有沒有下降。但當然大堆頭製作的自助餐總會有一點讓人批評做得不好的地方。飲品材料咖啡或茶，還提供兩款飲品，分別是藍莓薄荷水和蜜糖薑特飲。藍莓薄荷水味道和清水清水沒有分別。而蜜糖薑特飲味道偏淡，有薑味，但沒有辛辣味。海鮮冷盤方面，品種不算太多。但中午自助餐有小龍蝦出現，我個人覺得已經合格了。他不可能期望有生蠔出現吧！可能因為這樣，所以每位客人都送一份芝士焗龍蝦，獨立由侍應送到枱面。不過龍蝦細隻，肉的份量較少，感覺只是吃了一啖龍蝦肉。凍肉和芝士拼盤，貴精不貴多。沙律方面選擇亦不太多，調配好的沙律只有兩款。可能因為考慮到香港人多不重視自助餐的沙律。自助餐照樣有中湯西湯，西湯的蕃茄湯讓我有驚喜不是常常遇上的酸味太重反而做到味道平衡的感覺。中湯是放在一個大蒸籠內。如果說是燉湯感覺只是整色整水罷了。因為肯定是煲好的湯再放音樂大碗內一併在蒸籠內。可惜湯的味道偏淡，連主角-粉葛味道也不突出。中式燒味味道只是一般其實不吃也罷。那泰式咖喱蝦，咖喱味道偏辣，整體吃不出下的任何味道。中式蒸魚不是我喜愛。沒有吃。不過開始自助餐不過15分鐘已經不見了不邊魚肉。另外一樣有驚喜的是章魚大阪燒。不過天婦羅其中一款用了粗條「粟米仔」口感強差人意。燒牛肉和羊㗎味道一般。而廚師妹妹竟然用帶了手套的手將切片的肉放在碟上。不少廚師都用刀和大叉協助直接將肉片放在碟上，看來她並不專業。即煮芝士蟹肉意大利飯，鮮、香味齊全。好吃。甜品方面我因為太飽沒有吃太多。但值得推薦是鬆脆的拿破崙和嫩滑的豆腐花。而另外一樣嘢較特別的是台式刨冰（但我沒有吃，亦不多人吃）。有一樣特別提出的，相信放置食物的櫃檯是特別設計為了食物衛生，但因為裝食物的盤和煲也有一定的高度，所以令拿取盤或煲內的食物有點困難。沙煲煲蓋也十分重，往往因煲、盤相貼，空間有限，不知煲蓋要放到那裏。
繼續閱讀
好耐無食自助餐啦, 最近上網見到尖沙咀凱悅酒店做緊海膽主題嘅海鮮自助晚餐好似幾正咁, 於是就book左今晚試下! 餐廳環境幾大, 位與位之間空間寛闊, 坐得都幾舒服, 燈光柔和舒適, 打卡一流, 自助餐晚市由6點食到10點, 可以慢慢食無限loop😍 食物種類繁多, 主打就緊係海膽同龍蝦啦!凍海鮮區除左有蟹腳外, 仲有翡翠螺／青口／沙白蜆／凍蝦／小龍蝦, 還有多款新鮮刺身及壽司, 全部都好新鮮啖啖肉! 同一區亦有壽司同即製海膽軍艦, 海膽入口即溶, 味道甘甜鮮味!另一必食號就係海膽味噌炒蛋軟包多士, 新鮮即製, 熱辣辣嘅蛋多士配上海膽, 鮮味十足, 口感豐富!仲有賣相好精緻嘅海膽豆腐鰹魚湯, 旁邊仲有醉雞翼同雲耳!最邪惡菜式一定係巴馬臣芝士輪海膽闊條麵, 廚師先將忌廉闊條麵加上海膽 再係熟成12個月嘅巴馬臣芝士論中拌勻, 每條闊條麵都均勻沾上芝士同海膽, 食落咸咸地幾惹味! 自助晚餐另一重點推介就係波士頓活龍蝦,包括即烚波士頓龍蝦/蒜蓉辣椒牛油燒龍蝦/避風塘炒龍蝦鉗, 食落肉質結實啖啖肉, 車車都忍唔住排左好幾round呢～ 除左主題美食之外, 仲有燒烤美食／中式／西式／印度嘅熱食, 廚師即燒唔同烤肉／海鮮／天婦羅等等!中式廚房就有燒味／蒸魚／老火燉湯／小炒, 車車最愛就係日月魚燉雞湯, 超足料 , 仲要擺係蒸爐保溫 ,所以比平時更熱, 車車仲飲左3大碗添🤭 至於甜品area當然有唔少細細件賣相精緻嘅甜品, 整體做得相當出色, 車車都食左幾round😆特別喜愛自家製嘅千層酥同Tiramisu, 前者酥化可口甜而不膩, 後者食落濃郁得嚟質感唔會太濕! 而最期待嘅係刨冰, 職員會先用大大舊嘅冰攪成沙冰, 旁邊會有水果／愛玉／唔同味道嘅糖漿可以自己mix&match, 食完透心涼啊☺️
繼續閱讀
話說係早前都黎左尖沙咀凱悅因為都叫做食過唔少自助餐廳想試下未去過既又見L佛有推薦生日正日港女就揀左呢間酒店既自助餐黎食即係L佛係呢間酒店hugo's同cafe都算係大讚既但食完之後又真係同樣失望真係好在無黎呢度staycation自助餐廳咖啡廳就係希戈餐廳格離一樣都係大堂比較高既樓底就唔會有焗促咁二人檯自助餐黎講真係好大張問過侍應仲幫我地搬多張凳黎擺野頭頂同格離餐廳一樣有吊燈我地呢邊算係一個偏廳另外仲有唔少座位係熱食果邊以自助餐環境黎講算好好餐廳食物分類都幾清晰甜品區係近門口位前菜同凍海鮮係間中場然後熱食同廚房就分佈係左面長檯同右面邊L型檯前菜區係場中間既四邊檯刺身有五款帶子大粒唔錯其他都係普通放題級數刺身佢係格離放左條油甘魚原來佢地食食下會擊鼓之後師傅會即場劏魚然後係出面排左一大輪都只係得三塊油甘魚魚生唔係好明個特別之處而家魚就得一條切完就唔會再有refill刺身轉個灣就係凍海鮮得果三格仔d人長期就迫埋晒一齊懷疑呢度龍蝦係同格離hugo's係一樣另外仲有蟹腳白蜆青口同熟蝦龍蝦以外就正正常常無咩特出不過睇L佛話仲有熟龍蝦係呢個年代就已經消失得無影了另外佢出面仲有龍蝦湯放題但呢個就啖到不得了同theo mistral完全無得比不過試下加番隻凍龍蝦肉落去就會變得好飲左綠色前菜我就無掂過再格離cold cut得上下兩板勁少仲要放係個櫃入面好難先拎到出面有蜜糖水同烏龍菜任飲亦都有每人一杯單點野飲茶具又係同hugo's好似或者加錢仲有果汁啤酒任飲左面熟食由印度咖哩開始竟然都幾多選擇燒喜之次好似好型但完全唔好食既又難排唔知幾時先整好燒牛肉都算係入到口之後呢四格簡直係劣食之最八爪魚真係完全入唔到口羊架又蘇真係好少係五星酒店食到咁難食既野再過少少有焗蠔同意式菜叫做正常番少少右面既L型熟食檯鐵板燒淨係見到有鴨肝就從來都未見過有燒餅同埋天婦羅都唔係放左幾耐燒味部一般再過就係粉麵區今次我無quota食到中式燉湯呢個幾清易入口比個假龍蝦湯好飲好多再過都係中式熱食一樣都係劣劣地咁基本上主菜就係咁多都真係無一樣食得過話說發覺呢度d人食完都幾快走八點幾九點好多已經埋左單佢仲有呢d圖書館卡位好似比希戈餐廳果邊仲靚甜品區就係門口位仲大過前菜區焦糖燉蛋有位婆婆級廚師即燒仲勁nice食足幾round仲有好多原個蛋糕show埋比你睇原價幾錢同hugo's果邊都相差無幾隨時係同一堆師傅設計甜品蛋糕真係比主菜好太L多而且全部擺係雪櫃排得好靚仔要由廚師拎出黎都唔驚會切到爛晒不過相對地又好似唔敢會拎得太多仲有芒果糯米飯最後係唔知咩牌子雪糕六款同埋個生果櫃生日正日慶祝得到原個蛋糕一個咁就當然係唔會食得落拎走啦不過尾段侍應變到超級傻的嗎十問九唔記得唔知做乜L本身都好地地自助晚餐由六點食到十點折扣係openrice成日會見到七折但呢個七折只有前一日先會出現即係如果你想食果日full左既話就唔會出現好似我地今日就無既唯有用番新世界個會員優惠85折平日708蚊一位原價85折再加一後就平均六百七左右其實都幾貴環境以自助餐黎講真係唔錯坐得好舒服而且搶野問題唔算嚴重亦都唔會話好嘈不過服務就好飄忽廚師態度好好但係侍應叫左幾次想包起個蛋糕都走左去無再番轉頭可能真係凱悅酒店傳統黎甜品同hugo's同樣高質但係熱食就真係完全唔掂咁我都唔會為左個甜品而再黎
繼續閱讀
今日同朋友慶祝生日，去咗食自助餐，呢度最正係可以無限時段，由晚上六點食到10點， 仲包一杯餐茶， 出面仲有兩個飲品（檸檬或藍莓水）可以任飲， 清清地唔會太甜， 生日既朋友早一日通知餐廳仲會有個細蛋糕送。 野食方面， 冷盤有蟹腳，蝦，青口等，仲有沙律,Parma ham 芝士， 刺身， 壽司。熱盤就有湯麵， 蟲草花花膠雞燉湯，菜，肉，燒味熱盤都有，仲有印度野， 而燒龍蝦是必食既，長期都可以攞， 但蒸龍蝦就要等指定時間去排隊， 每次攞完又要等下轉，我覺得燒既整法好食啲！刺身部一敲鐘就要注意，原來有靚拖羅攞，攞晒就無！ 甜品有豆腐花，雞蛋仔，拿破崙呢幾樣都好食， 另外一般既cake 都有， 而雪糕就得6款， 選擇較少，不過食足4個鐘慢慢食都好夠，而且假錢唔貴，亦坐得唔迫！
繼續閱讀