275
76
54
港鐵尖沙咀/尖東站 N2 出口, 步行約1分鐘 繼續閱讀
電話號碼
37217700
37217701
開飯介紹
供應「即時烹調」自助餐、地道美食及特色飲品,以「即時烹調,新鮮製造」的經營理念,既能欣賞廚師烹調技巧,顧客亦品嚐到最新鮮的美食。 繼續閱讀
附加資料
現時為D類處所 (最多100%入座率,每枱最多12位賓客,客人必需使用「安心出行」手機應用程式。 16歲而沒有成人陪同,及65歲或以上可選擇填表格。每枱至少三分之二顧客已接種第一劑疫苗)
營業時間
今日營業
06:30 - 22:30
星期一至日
06:30 - 22:30
付款方式
Visa Master AlipayHK 支付寶 現金 AE 銀聯 JCB Diners
其他資料
網上訂座
餐廳運作模式 - D類
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
當面支付
有關獎賞計劃
食評 (483)
第一次食尖沙咀呢間Hyatt Regency buffet 晚市 星期一至四$668+1最特別一定係可以任食新鮮可持續美國波士頓龍蝦😍😍超級新鮮爽滑仲有龍蝦膏😍😍🤩.🔥新鮮火焰鴨肝鴨肝入口即溶 最值得一讚嘅係蒜蓉包真係非常香脆 脆卜卜! .除咗各款熟食之外最特別嘅係8:30有新鮮乳豬出爐!職員會敲響叮噹🛎提醒顧客出嚟領取乳豬🤩🤩😋乳豬外皮香脆肉質鮮嫩多汁 好食😋.海鮮冷盤區方面有蟹 小龍蝦 青口 蝦個人認為唔太吸引蟹亦都唔算好多肉食 真係揀唔落手唔好預期係有麵包蟹咁樣😂😂所以我都係集中食返新鮮龍蝦😇.可能適逢係夏天嘅緣故當日仲有芒果糯米飯😋😋🤩充滿泰國風味好懷念😍😍另外甜品亦都有唔少選擇!港式奶茶口味70度厄瓜多爾朱古力🍫貓山王榴槤風味芒果糯米飯風味等都相當特別😇😇.不過總體嚟講我覺得佢嘅食物都係比較淡口味可能要自己再落多啲調味我自己就有點配薄荷醬同青瓜乳酪 提升食物嘅口味~不過如果想食新鮮即開龍蝦 呢度真係可以食返夠本🤪🤪😋 繼續閱讀
(以上食評乃用戶個人意見 , 並不代表OpenRice之觀點。)
暑假Staycation最後一擊,揀左尖沙咀凱悅酒店,包標準客房1晚,雙人自助早餐同自助午餐,平日入住,總數$1345.9。自助早餐都係Cafe,分時段,每個時段有1小時15分鐘。我預先預約左9:15到10:30。一齊睇下有咩食啦!首先一入門口仍然係傳説中既多款卷蛋,唔知如果問服務員比唔比你呢?卷蛋隔離就有瑞士凍麥片,巴西莓碗,同四款自製乳酪(原味,芒果,草莓,藍莓)。要請服務員幫手攞。我食左巴西莓碗。好似草莓乳酪加新鮮草莓同藍莓,上面加左少少籽類,味道正常。自製乳酪係原味乳酪加果醬係面,我無試。隔離就係麵包布甸,同牛角包兩款(原味,朱古力)。亦有蜜糖,草莓同杏果沾比你自己畢。鮮莓朱古力蛋糕:居然比我發現麵包布甸對面有鮮莓朱古力蛋糕!早餐食朱古力蛋糕真係好少何。我想講呢件蛋糕係非常好食又唔膩,忌廉好輕盈而朱古力味適中!鮮莓朱古力蛋糕下面有三款無麩質糕點。椰汁沙冰:我相信好多食客都會miss左呢個自製椰汁沙冰,要自己係部機禁出黎。椰汁沙冰既椰香味濃,而且好滑溜,我一人隊左兩大杯。隔離個杯係芒果奇亞籽布甸。點解早餐都有甜品食既?尋日午餐見到既奇亞籽布甸今日都有,仲有四款口味(原味,雜莓,芒果,穀物乾果)。我食左雜莓同芒果,好好味道呀!沙冰有兩款,係黃薑香蕉同豆腐杏仁。豆腐杏仁怪味。不過黃薑香蕉帶淡淡既薑味,都可以。不過兩杯都唔係沙冰,無冰架。雪櫃仲有小麥草芒果汁,同益力多。附近仲有多款麵包,包括墨西哥麵包,軟麵包,菠蘿包,白麵包多士,全麥多士,丹麥酥,同其他麵包。老實講,款式就唔算特別多,不過夠食。隔離居然有即製班戟同窩夫,旁邊有香蕉片,芒果醬等比你自己加。班戟軟綿綿又夠濕潤,好好味道,真係喜出望外!我加左芒果醬同瓜子一齊食。之後就到冷盤區。首先見到三款原個水果,包括橙,梨,蘋果。隔離居然有椰子水!椰子水味道係正常。水果有切塊既西瓜,火龍果,哈蜜瓜,菠蘿,蜜瓜,質素正常。果汁色彩繽紛,有5款,包括橙汁,西柚汁,西瓜汁,蜜瓜汁,甘筍汁。我無飲,因爲忙緊飲椰汁沙冰!穀物有四款,包括粟米片,全麥片,脆米等。Toppings有南瓜籽,葵花籽,提子乾,燴西梅等。鮮奶有三款,分別係全脂奶,脫脂奶,同杏仁奶。杏仁奶好香杏仁味,不過好淡。凍肉有巴馬火腿,煙三文魚,同另外兩款火腿,隔離有Bagel同三款芝士(軟芝士,伊丹芝士,安達文芝士)。我試過煙三文魚同軟芝士,質素正常。同行友人話巴馬火腿好好食。沙律就失望啦,得一兜沙律菜,加幾款配料如車厘茄,粟米粒,青瓜粒等,同幾款醬料。青瓜粒無味。車厘茄同粟米粒就好少少。冷盤區之後外圍就係熱食區。熱食區分好多唔同菜式,除左一定有既西式同中式之外,仲有日式同印度區。日式食物有:大阪燒三文魚:幾好味又唔膩燒鯖魚:燒得皮脆肉香,我encore左幾次日本漬物日式紫菜白飯麵豉湯粉麵檔好似同午餐一樣,不過幼麵轉左米粉,另外仲有油麵,配料有牛丸,魚蛋,紅腸,豆卜,菜心,生菜。菜心非常鮮嫩,而同行友人話米粉好好食。點心有蒸饅頭,奶皇包,菜肉包,豬肉燒賣,珍珠雞。同行友人話豬肉燒賣好食。粥係肉碎粥。隔離仲有油炸鬼,炸素春卷,同豆漿。豆漿怪味,而油炸鬼唔脆。其他中式食品有XO醬炒腸粉,咖哩豬皮魚蛋,清炒時蔬,醬爆四季豆(係幾好味既),豉油皇炒米粉,肉丁炒飯。西式食物就係另外一邊,有:炸薯餅:香脆番茄汁焗豆Egg Benedict:可以自己夾,唔洗等。蛋汁流心,好好味,不過下面塊火腿就麻麻地烚蛋法式多士:超脆,加少少糖漿好好食!絕對要encore!雞肉腸:有兩款,白色個條麻麻地烤車厘茄炒蛋煙肉當然有即製奄列,不過要排隊,後期就唔洗排。有6款配料,包括芝士,燈籠椒,火腿等。好大份,要分享好d。芝士拉絲,略嫌雞蛋太熟。最後就係印度區,有5款,分別係印度扁豆咖哩,印度素菜咖哩,印度式炒飯,印度蒸飯餅,印式香脆薄餅。我無食。總括而言,今餐自助早餐真係好驚喜,我覺得野食選擇好多,連甜品,沙冰,同特別少少既肉類都有(如大阪燒三文魚,燒鯖魚),好多野食,而且好多野都好食。餐廳基本上坐滿,不過好多食物都唔洗排隊,夠時間食到飽飽,同埋夠鐘服務員都唔會叫你離座,會比你坐多陣。座位舒適,今次我地霸左四人座卡位,自成一角,裝修都特別。今次staycation過得好開心又唔洗同人逼,正! 繼續閱讀
(以上食評乃用戶個人意見 , 並不代表OpenRice之觀點。)
lunch buffet 冇生蠔就預咗,估唔到佢連長腳蟹、螺、鮑魚、龍蝦乜都冇。只有最cheap的青口、蜆仔、蝦(仲要唔新鮮)、冇肉嘅不知名蟹。信用卡折完都400蚊一位架喎,你淨係俾呢啲嘢食我?唔係呀嘛!?(10級驚訝+喊出黎)算啦諗住食下刺身啦,刺身得四款,見到吞拿魚個顏色都知你咩料啦,簡直同我心情一樣:灰呀!刺身量俾得好少,即使你只要一款魚生,佢都只俾你兩小片,個師傅仲要有啲寸。沙律都冇乜菜揀食返啲Cold cut好過。煙三文魚質素唔錯。算啦諗住食下熱葷,質素都好參差,拎住隻碟我嘆晒氣,唉~天婦羅全部喺粟米呀、菇呀,居然就連天婦羅蝦、假蟹柳都冇一條。炸野,例如炸魚柳完全係大家樂嘅水平。有好多肉類包括豬肚、豬扒都硬到哭泣,炒飯炒麵嗰啲下欄嘢我完全冇掂啦,不予置評。去到呢度我已經食到想喊,好彩燒味檔同印度咖哩係好食嘅,甚至比起其他酒店自助餐質素更佳。燒味檔即叫即切,試左佢個燒肉,皮脆到咯咯聲,正!仲有燒鵝食,不過有啲肥。印度咖哩選擇多,香料配搭出色又正宗,配埋薄餅一流。燉湯都唔錯,是日係冬瓜湯。真正救番呢間野嘅功臣應該要數甜品喇,甜品選擇都幾多,而且好食嘅。本人平日最愛拿破侖佢有兩款,士多啤梨果款的酥皮係軟咗嘅,奶茶個款就keep到脆。貓山王蛋糕亦都唔錯,榴蓮味都幾突出。另外我幾欣賞嘅係佢的芒果糯米飯,芒果香甜,唔係度度有得食,加分!另一個有加分嘅喺佢個雪糕,本身諗著“又唔喺咩牌子野”所以冇乜期待。點知食落有幾好食喎,試左綠茶同埋雲呢嗱,香而不過甜,而且夠滑,好好味!去到呢度,原本喊緊嘅我已經笑逐顏開,同埋佢個餐飲都幾有誠意。服務方面都算唔錯,甜品哥仔好友善,切肉同燒味檔師傅都好有禮貌。然而,呢間野其中一個最令我不滿嘅地方,係佢冇打黎confirm booking. 咩卡有咩優惠都係去到先知,有咩海鮮更加係當日睇到先知。其實我提早一個月之前已經預訂,但去到發現座位安排極差。連帶位嗰個哥哥都feel到唔對路,連忙安排換位,後來的位置坐得尚算舒服。當日明明吉位都幾多,但晨早又block咗佢唔俾訂位、扮full, 理解不能。總結作為一個專注冷盤海鮮既覓食者,見到海鮮櫃同刺身既一刻,完全感到中伏,我既負評已經呼之欲出(心入面直升機已起飛:伏伏伏伏伏……)。我已經係問同行者:你覺得呢間差啲定上次我俾負評嗰間差啲?(係呀,係鬥"差")其實由佢啲碟既size比一般buffet細,已經睇得出間嘢有幾咁孤寒。不過佢有某啲菜色同甜品、雪糕挽狂瀾於既倒,最終拉回去“OK”一類。但我本人不會推介呢間嘢的lunch buffet俾任何朋友 ,畢竟同樣價錢尖沙咀大把選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-18
11463 瀏覽
約了幾位閨蜜來Hyatt茶敘,今期酒店推出港式仲夏下午茶☕️此回放棄了傳統的三層架,改為鹹點、甜點各一碟🍽、再加港式奶茶鬆餅🍪及雲呢拿杏仁蛋糕🍰🔸鹹點:花生醬西多士🥪配煉奶~~迷你版,牛油不吝嗇😘迷你菠蘿包~~賣相可愛😄炸龍蝦肉🦞雲吞~~肉有口感👍🏻芝麻蝦多士🦐~~感覺偏咸了一點😔🔸甜點:用上懷舊西餅造型🍰西瓜草莓蛋糕🍉🍓🍰~~中間那層是西瓜肉葡萄拿破崙🍇~~脆脆的,很好吃芒果蛋撻🥭~~芒果肉鮮甜香桃🍑雲呢拿忌廉吉士杯 ~~插在面上的蜜桃片非常香甜👏🏻陳皮朱古力~~沒特別最驚喜🌟的是最後奉上的蜜瓜軟雪糕🍦,真是非一般的軟雪糕㖿🤩單是賣相已很吸引👁👁每人有半個蜜瓜🍈,中間挖了洞放入雲呢拿雪糕,面上還有金箔😘雲呢拿味道濃郁,可能天氣太熱、雪糕有點開始溶😔餐飲🥤有三款選擇:港式冰鎮奶茶、懷舊紅豆冰、桃蜜茉莉茶。紅豆冰~奶的量偏多,紅豆份量極少且細粒😅桃蜜🍑茉莉茶~非常甜,喝了幾口便放棄環境寬敞、坐得舒適、但可惜到時間便請結帳離場🤫港式仲夏下午茶供應時間:星期一至六下午3時正至5時兩位 HK$488 另加一 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-20
212 瀏覽
我和朋友很喜歡去這間酒店吃自助餐的,因為這裡食物款式種類繁多又吸引。但近年再去感覺就一般,但甜品蛋糕這裡還是做得很出色的。法式火鍋第一次吃,牛腩燴得頗腍。蛋糕選擇有許多,朱古力蛋糕、芒果蛋糕、拿破崙蛋糕、栗子蛋糕、士多啤梨蛋糕,最驚喜這裏竟然有榴槤蛋糕,口感很棉滑濃濃的榴槤香味很吸引。件裝的也很好,有芝士蛋糕、香蕉蛋糕、鮮果撻等。冷盤海鮮有青口、蟹、海蝦同蜆。還有驚喜的就是這個燉湯,很夠火候味道鮮甜濃郁。扒類還有牛扒和脆燒腩肉卷。但天婦羅就有點愕然,因為只得粟米芯同冬菇,平常吃的蝦、魚柳、南瓜、蕃薯、茄子等均沒有。 繼續閱讀
(以上食評乃用戶個人意見 , 並不代表OpenRice之觀點。)