Yummy (已結業)

同朋友都幾中意食西餐，係openrice見到依間餐廳新開，價錢又貴，就去左食。點知俾我發現到寶，發掘到依間又平又好食嘅西餐廳，可以下次gathering再同朋友黎食過！餐廳嘅中央位置放在一盞好大嘅水晶吊燈，感覺好高貴。晚飯套餐最平138就有交易，如果想食据個扒都係加多幾十蚊，好抵食！田園沙律作為前菜，酸酸地幾開胃！普普通通嘅忌廉餐湯估唔到湯中都有好多材料。餐飲加左$15轉lime soda 特飲，好有青檸味。平平哋揀咗個$138晚飯套餐，點選左龍蝦汁海鮮大蝦天使麵。大蝦有成部iPhone咁長，好厚肉，入口啖啖肉，非常好味！天使麵用上龍蝦汁一齊煮，非常入味，隱約中仲食到龍蝦嘅蝦膏味！最後甜品係士多啤梨奶凍。士多啤梨果肉加上士多啤梨醬和士多啤梨奶凍，真係好重士多啤梨味唷！奶凍入口質感很滑，入口溶化，好香奶味呀！

每個星期，最大運動量就係星期六行街行街同行街！行到夜，行到攰就自然去食好西，哈哈！可惜旺角太多人太嘈，想搵個地方食飯坐耐啲都難！於是，我同朋友就行遠少少去咗油麻地附近搵野食，經過宜間cafe見佢幾抵食就入左去試下。set dinner 由前菜食到主菜，再食到去甜品，再飲埋杯飲品麵係$138非常抵食前菜係沙律...同朋友各選了是日沙律同田園沙律。是日沙律有鴨胸，很吸引呢！雖然係前菜但沙律份量都幾大份，食極都仲有咁。餐湯係忌廉湯，質感很濃，很喜歡！龍蝦汁大蝦海鮮天使麵睇個名就已經覺得材料好豐富。開邊嘅大蝦很容易剝殼，又煮得更入味，岩唔想剝蝦殼既我。青口唔算大粒，但都幾鮮味。來到最重點就係個天使麵！！個天使麵一啲都唔野少，老闆同我地講真係用咗新鮮龍蝦去製個汁，難怪味道咁鮮咁惹味，真係好味都不得了！另一個主食係黑松露意大利飯，黑松露一向都係我同朋友食西餐嘅首選唷！意大利飯很香松露味，飯粒比正宗的煮法較軟身，冇咁頂胃。甜品係士多啤梨奶凍，粉紅色的，很少女唷！奶凍入口即溶，士多啤梨同奶味比例均勻，味道品太甜唷。同朋友食完飯坐左好耐傾計都冇俾人趕走，傾下傾下又肚餓，點左個朱古力雪花冰開心share！

旺角美食的確好多, 當中有好多質素都ok, 今日同朋友行去廣華街搵野食，本身朋友去開間餐廳倒閉左，剛好見到附近有間Yummy好似幾好，OP 左一輪，全部都笑哈哈，可以試下喔！Yummy 以紅白色裝修，的確好新，見老細仲整緊大餐牌及店內裝飾！我地一人只左一個Set, 因為set 比較抵食。 是日沙律 - 沙律醬蛋好食，上面鋪了層辣粉，多了一重口感，沙律菜加麻醬，冇得輸。餐湯 - 海鮮忌廉湯，味道係可以的，但我個人比較鐘意濃d。黑松露野菌飯 $138/set - 淡淡的黑松露味道，加上頂層的燒野菌，好好味！ 燒野菌口，帶點兒煙熏味，好特別，大愛！飯的軟硬適中，粒粒飯都有黑松露味，正！咸豬手拼炸薯條 $206/set - 咸豬手焗得超級香脆，肉質嫩滑又夠咸味，估佢唔到啊！薯仔都加左辣粉，好食！是日甜品，不過不失。我地叫左蜜瓜奶雪$68， 蜜瓜味雪糕好香濃滑滑，蜜瓜超甜又多！奶雪味道好特別，可以一試！

<韓式雪奶 🥛加上 罕有既士多啤梨心太軟 🍓好正！>😍旺角廣華街呢間yummy食既係西餐 好似扒 意粉等等 除此以外仲有手工啤🍻 同甜品 都幾多樣化😃 因為啱啱食完飯 見到出面一閃一閃既宣傳架話有精美甜品食 於是就黎試下佢😋🍴韓式藍紅莓雪奶 68 蚊🍓🍧🍨外表好精美 以上面一個紅莓雪糕做中心 下面充滿住韓式既刨冰 雪糕有好香濃莓味😃 側邊既藍紅莓十分清甜 喺上面放上煉奶 花奶 🌸🥛落得適中 唔會太甜 再加上 雪奶既係冰身口感好軟熟夠軟綿綿 盡吸奶同雪糕汁 😋好香濃好好味👍🏻🍴Yummy士多啤梨心太軟 68 蚊🍓😍 真係第一次食士多啤梨心太軟 聽講好難整所以冇乜人整🤔 用士多啤梨切成玫瑰甘做伴碟 🍓🌹另一邊加上士多啤梨雪糕🍓🍨 加上心太軟 外表唔錯 , 雪糕口味偏甜 士多啤梨味都算出 而心太軟表層厚度適中 香脆得黎入面又帶點綿 口感好好😋 每啖都好香士多啤梨甜味 , 一整開d 心太軟醬漏哂出黎👍🏻 個味好好 唔會太甜 密度夠高 而且帶有少少暖 撈埋雪糕一齊食更正😋🍦Score 平均分 <7.7/10>Taste 味道：👍🏻👍🏻👍🏻👍🏻👍🏻mPresent

低調的餐廳，東西不錯喔 和朋友一起叫了黑松露蘑菇飯、夏威夷披薩、和西冷牛扒加左兩杯特飲：西柚蘇打和香橙蘇打，最後還有一個士多啤梨心太軟！對於兩個女生來說份量有點多！哈哈！ 最喜歡黑松露蘑菇飯了！很香而且不膩！下次來還會再點！pizza超多芝士！熱辣辣！趁熱吃超級好吃！牛排不錯，還有不少份量的配菜！好健康！大多數餐廳都是配薯蓉，他們家比較特別喔！配的是紫薯蓉，香香甜甜的！味道不錯！飲品也是吃飯必備！最後的甜品，甜而不漏！還有雪糕！超可愛的陪了個🐷小豬臉！值得一試喔！

住喺附近見間野開左一陣入咗去試吓。可能因為新開始終啲嘢唔係溫得好順，嘢食你都擺錯位要自己調返。本身對間野冇乜希望，但係食物竟然有驚喜。用嘅食材真係唔錯，最緊要係真係冇落味精，而家真係好少係咁。個三文魚啱啱好，個皮仲好脆。跟住叫埋個甜品，雪奶真係好多生果，仲要係真生果唔係罐頭！啲本地手工啤真係幾特別，有好多出邊冇嘅味道！埋單覺得都幾抵食，西餐來講都唔算好貴，平過附近幾間。我應該會在去試吓其他野，但係最好個冷氣開大D因為真係唔夠凍😂

又到食飯時間，邊行邊搵野食~離遠見到有個好醒神嘅螢光粉紅「Yummy」招牌！即刻去睇吓係咩嚟先！原來係間新開嘅Cafe~唔止有晚餐食，仲有埋甜品添！晚餐不能沒甜品！一於入去試吓有幾Yummy！手工啤酒真係越出越多！呢到嗰幾款手工啤真係夠晒出位！又港女⋯又第三者⋯仲有蜜麥、孫悟空閻羅王添！聽完介紹話蜜麥係最易入口嘅～就叫支「蜜麥」試吓啦！簡介到寫著蜜麥係用有機蜜糖製造，帶你重溫和另一半嘅最甜美回憶！聞落去都幾重麥味，但飲落去入口甜甜地有陣香味，而且又唔會有我最怕嘅苦味！即使少飲酒但都覺得好易入口！果然無介紹錯！*提外話：嚟到記得要睇吓手工啤酒張餐牌，特別係對「港女」嘅描述，真係笑咗！飲酒絕對要叫啲小食送吓！煙肉芝士薯條超大份！用粗薯條再加大量芝士醬已經夠哂吸引！仲要疊到座山咁高，仲有好多煙肉粒！咁大份都係$58蚊！抵食！黑松露多士同我想像中嘅又係好唔同！佢地整到好似三文治咁，入面啲菇菌就多到爆出嚟！菇粒混合咗沙律醬同松露醬已經好香，加上兩片麥包又擦咗好多牛油！真係又邪惡又好食！晚餐叫咗兩份大家一齊分～晚餐有埋餐湯，可以加$10配飲品或加$48轉手工啤！白湯係周打蜆湯，好足料！有好多薯仔、

旺角行完街，本身想揾個地方好好坐低hea下，費事番其他地方揾野食，一上openrice就見到呢邊多左好多間新舖頭，於是就去左揀下有邊間好食，行行下見到呢間舖個名叫yummy，睇落好似幾正咁，就簡左呢度開飯喇。芝士肉醬薯條薯條有口感，夠晒脆身，加埋佢配嘅芝士醬同埋煙肉碎本身果種嘅咸味，入口非常惹味，而且份量唔會小，真係令人有驚喜。黑松露多士未上枱之前已經非常香，入口令人感覺脆身好夠黑松露味，不過入口又唔會太油膩，如果鍾意黑松露味嘅人就岩晒喇。澳洲安格斯肉眼扒首先餐廳用大銀盤真係幾心思，火喉控制亦都唔錯，入口夠肉汁唔會乾，而且唔會有陣陣雪藏嘅腥臭味之餘，牛肉味都算濃。手工啤酒餐廳除左野食之外原來仲有好多唔同嘅手工啤酒架，好多都係本酒廠，好似呢枝蜜麥就非常之易入口，因為加左蜂蜜都釀造所以唔喝酒嘅我都可以喝下雙重朱古力雪奶最後當然要食個甜品喇，餐廳嘅雪奶即叫即整，甜度岩岩好唔會太淡，加埋朱古力真係夠晒香濃，等客人係咁熱嘅天氣涼番下，餐廳比起一般嘅舖頭所有野都做得好更到位，食材亦都更加新鮮，有機會都要再黎先得

做完野係旺角周圍行，本來諗搭巴士走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。 黑松露意大利飯意大利飯入口夠晒黑松露香味，一啲都唔會乾味道亦唔會太咸，而且意大利飯上面的大蘑菇又燒得夠晒香，幾值得一試。香煎三文魚扒三文魚扒最重要嘅一點係外皮夠脆，內裡嘅肉入口要夠滑，餐廳呢碟三文魚扒入口外皮夠脆，肉夠嫩，而且份量足唔會太細件，不過我覺得如果再濃味啲會更惹味。3.6牛奶雪奶牛奶雪奶最緊要夠凍夠甜味，餐廳整得唔錯，又份量十足。個人係雪奶嘅粉絲，餐廳絕對值得一讚因為味道夠平均又唔會甜。本地手工啤酒餐廳有好多本地嘅手工啤酒，老板推薦左一款叫（港女）嘅啤酒，入口有多種層次，非常特別而且唔係太多地方喝到，真係有驚喜。