Yummy (已結業)

自己和朋友是酒鬼，最喜歡發掘隱世小店，這次偶然發現了這間還在試業中的yummy，意外地十分驚喜！Bolo cocktail ($68)其實好合適女士飲，有鮮甜的橙味，但酒味一樣咁香濃，好易入口，真的非常推介！龍門（$78）手工啤是這間店的主打之一，那當然要試試，據說，是因為味道清甜，就像游於水中的感覺，才叫龍王的！個人感覺幾好，入口非常清爽，對女士而言，是非常不錯的選擇呢！整體而言，店面都幾一應俱全，有飛標玩，也有主食和甜品等，店員又友善，下次如果經過，都想再黎幫襯呢！

天氣回暖，與好友到新寶戲院後街吃雪糕，惜兩大人氣甜品店比平常的等候時間還要長，最後我們選了這間位置隱蔽，寧靜舒適的小店吃飯後甜品 ~店內裝潢華麗高雅，座位舒適。3.6 北海道牛奶寒玉雪奶，頂層3.6牛奶雪糕奶味香濃，下托香甜幼滑的忌廉，底層則是綿綿細膩的牛奶冰粒，奶味香濃，入口即化，加上色彩繽紛的朱古力粒及香軟多汁的荔枝魔芋，口感豐富，果香與奶香相互交融，味道襯絕，甜美可口~邪惡雙層朱古力黑白雪奶，頂層雪糕球朱古力味濃郁，底層同樣使用奶味香濃的牛奶冰粒，加上煉奶/朱古力醬/白朱古力弹/可可粉，滿嘴朱古力香及奶香，美味絕配~Creme Brulee，面層的焦糖甜香焦脆，底層燉蛋質感綿密較紮實，富濃厚的蛋味及奶油香味，甜而不膩。整體甜品保留原材料的味道，沒有坊間一貫的不死甜，而是甜而不膩的，又不用等位太久，值得再來~

今日又成功約到好姊妹D，因為佢今晚喺油麻地上堂，所以我地決定去旺角食宵夜～D因為上堂、溫書、做功課、測驗考試無限循環而好攰，希望佢食完呢餐會開心一下啦！由於我地唔太肚餓，所以只叫左一個辣肉腸薄餅（$68）一份夏日芒果雪奶（$78）。薄餅餅底夠薄夠脆、辣肉腸加埋芝士好惹味！雪奶份量多，我同D兩個人一齊食一份都食唔晒XD雪奶好香滑、入口即溶，再加埋鮮芒果，正！D飲雪碧（$28）味道唔洗講大家都知XD我就飲香橙菠蘿冰（$38），味道酸酸甜甜夠清新～特別推薦雪奶，去開旺角想食甜品可以試下食佢！

同朋友食飽飯 就去廣華街揾甜品食 果幾間甜品店都食過哂 行下睇下有冇其他甜品舖 見到有間新開嘅舖頭 開頭仲以為係酒吧 點知佢係有甜品食嫁 亦都有酒飲嫁 我地叫咗個士多啤梨芭菲 賣相好吸引啊 好足料啊 士多啤梨超級多 亦都好清甜 加埋玄米米通 好有口感 另外好配合反酒吧嘅係橙酒做嘅啫喱 好特別呢Cream比一般甜品舖嘅濃郁 侍應話係用咗3.6牛奶整嫁 真心推介 吾錯🤟🏻栗子紅豆拿破侖拿破侖餅底好鬆脆 栗子同紅豆係十份夾嘅 Blow job 老闆好nice 我地想飲少少酒 佢介紹我地飲呢個 blow job 真係好好玩 第一次試呢 喝的時候，把酒杯放在桌子上，雙手背負在背後．嘴巴盡量撐大，頭低下去把整個酒杯含住，也就是說把嘴唇整個蓋住杯緣地緊緊含住．然後，頭往後仰，把酒灌進喉嚨

今日同朋友聚餐過咗嚟呢度食野，呢度嘅環境好好，企喺出邊就已經俾佢吸引住！呢度嘅環境好靚天花板嘅水晶吊燈喂呢度嘅環境增添左唔少氣氛～^_^每張枱都有個蠟燭，好適合同情人過嚟食飯，好浪漫呀！首先我哋一齊叫咗個pizza食，店主推介，食完真係覺得冇推介錯，佢芝士味道好濃郁，比起出邊嘅Pizza佢都算足料！唔好睇小個Pizza，兩個人食嘅話好夠㗎啦！然後我哋又係叫咗一個黑松露蘑菇飯，分量唔算太多，但都算飽肚！上面有好大個切片蘑菇喺度，賣相好靚，個飯好creamy，拍得住酒店級嘅黑松露意粉大利飯！係我食過最好食嘅黑松露飯啊！

旺角多餐廳係人都知，今天要找一找甜品吃，順便又睇吓模型，於是就行到廣華街，見到有幾間餐廳。其中Yummy的裝飾頗吸引，你ok我ok。辣肉腸Pizza，由於有朋友仲餓，所以我們點了一個Pizza。上枱，賣相很吸引…無他，因為芝士夠多，一口咬落，芝士的咸香配上辣肉腸，真的是絕配，而餅底也不錯，有機會，下次試埋其他的晚飯。3.6北海道牛奶寒玉雪奶，賣相很吸睛，但味道如何？冰面上除了雪糕、煉奶，仲有有好多彩糖碎碎，而啲冰仲係用牛奶製成，味道真係大滿足。孫悟空（桃味），朋友說過，願意和你一起飲酒，代表了今餐很盡興……剛巧這裡有很多款的手工啤酒，又點可以錯過。我們選了西遊記的主角，酒中的桃味香濃，入口的淡淡桃香。

Yummy喺廣華街嘅盡頭有一間新開嘅甜品酒吧店，呢兩個配搭都好新奇，晚市餐牌好豐富，價錢都好合理。店舖以紅色為主調，仲有飛鏢機添。不過今晚食飽晚飯，就試下呢度嘅甜品。玫瑰花香奶凍＄38呢個甜品真係好吸睛，玫瑰花嘅造型好配合少女心。雖然粉紅色有點人工嘅感覺，但係甜品嘅玫瑰花味好清新，亦都唔太甜，望住呢個甜品都賞心悅目。宇治金時芭菲＄58呢款芭菲層次分明，每一層都各有特色，最頂層嘅綠茶雪糕，綠茶味十足，最頂嘅cream好誘惑，有3.6牛奶加吉士打成，紅豆亦都唔太甜，中間亦都玄米米通，最特別係橙酒果凍，口感比啫喱更佳，口感不錯。Cosmopolitan $68由vodka, cointreau expensive, lime juice 同cranberry juice 組成，個酒杯好特別，酒味唔算好濃，配上兩款果汁，更加容易入口。同埋呢度服務都好好，啲侍應都好有禮貌讚

地理位置好方便容易搵到，就係地鐵站附近嘅地方。門口有大大的個佢地鋪頭嘅logo投影燈投射到地上，打卡必去！^_^內裡係開放式廚房，設計簡單韓風型格路線。我就十分推薦它啲手工啤酒，款式好多，睇到勁開心。每款都有詳盡的說明其成分、味道和特色，一目了然唔使估估下。好吸引啊！而且每款的名字都是配合其味道而改的，十分用心和特別。這次試了旅行、港女和玉帝。每款的甜度、果味和麥味都不一樣，適合唔同人因應自己的喜好去選擇。另外，甜品都係一流，今次點左士多啤梨雪糕刨冰，新鮮爆多嘅士多啤梨加上甜甜地嘅練奶，好幸福啊，停唔到口！

啱啱食完飯仲想繼續吹水咁就揀咗響旺角其中一間做手工啤酒好出名嘅地方飲嘢呢個地方都算容易搵 響廣華醫院嗰邊就搵到一打開佢本Menu見到佢用嘅材料同埋改嘅名都非常特別最吸引嘅就係佢杯港女 第三者 孫悟空同閻王本來好想試佢杯閻王但見佢用到四川嘅花椒驚太刺激最後揀咗一杯有香濃桃味嘅孫悟空一打開個下已經聞到好濃郁嘅香桃味跟住就再揀咗一杯叫旅行係用雲呢拿同埋班蘭葉飲落去味道比較淡亦冇咩啤酒嘅苦味我哋揀咗bottle size連張卡紙都會對應返支啤酒 好用心突然記得朋友就生日想慶祝埋咁就叫左一個牛奶心太軟試下職員仲好好咁問我地要唔要上面寫生日快樂鍾意食甜嘅朋友點呢一個就一定冇錯服務態度又好 下次同班朋友想飲嘢都會再考慮呢一到

食完晚飯最好梗係最好嘆番個甜品，今次要同大家介紹就係位於旺角廣華街呢間Yummy...真係yummy yummy!大家記得要先like yummy嘅fb page，即刻送多球雪糕架! 餐廳除左有甜品，仲有其他主食同埋出名手工啤，雖然我今次淨係試左甜品，但係大家下次不妨約埋三五知己一齊食埋飯，再試埋佢地手工啤同甜品。而我今次揀左嘅係芒果雪花冰、朱古力雪花冰同草莓心太軟，份量都好夠大，其實兩個人share一份已經好足夠。雪花冰系列唔係棉棉冰嗰種，而係韓國近年最流行食嘅雪奶。雪奶味道好香，朱古力mix埋雪奶嘅味道好好味，不過芒果雪花冰就更正，芒果味好夠濃，加埋一口一口嘅雪花冰，perfect match。草莓心太軟比較特別，通常出面食嘅都係朱古力心太軟。本人係超愛吃心太軟，見親心太軟都必定係心點之選。如果鍾意食士多啤梨嘅你，呢個係必試。一切開，士多啤梨漿急不及待流晒出黎，配合埋一口士多啤梨雪糕，味道超正!

少有嘅士多啤梨心太軟，一刀切落去流心真係好治癒，仲唔會覺得太甜❤️❤️❤️韓風襲港，連甜品都有韓國嘅影子，香港嘅雪花冰都有返咁上下實力！藍莓雪糕好好食！一啖食少少雪花冰再用匙羹"不"起下邊啲煉奶🤤🤤 無得輸🤓

今日約左好耐冇見的朋友食飯。食完飯意猶未盡, 唔想咁早回家, 就係附近搵間酒吧飲杯野。燈光氣氛都唔錯。本來以為係普通酒吧一間, 但竟然有甜品?見賣相幾吸引, 就嗌左一份。藍莓X紅莓雪奶  $68圖片實物相符，而且份量唔少，嗌左一份但兩個人都夠食！奶味幾香，而且口感滑溜，藍莓紅莓都好新鮮。冇諗過食甜品送酒，配搭幾特別！旅行　　$78第三者　　$78本來想飲的港女冇貨，店員建議呢兩款，所以試下。第三者係酸味好重的，苦味就冇乜，我覺得反而容易入口。而旅行就有少少班蘭香味，甜身Ｄ，淡淡地，適合新手入門。樽裝都會另外會上酒杯的。整體來說不錯，如果係旺角食飯，路過飲杯野都ＯＫ！

今日約左朋友仔去行街，行到9點口㾗㾗想食下甜品，於是就行左去登打士街附近去揾甜品食。我們最後行左入間暗暗地又幾有Feel的甜品Pub。睇到Menu有好特別的韓式雪奶另外，身為士多啤梨迷的朋友仔就叫左一份士多啤梨心太軟。口㾗的我倆仲叫左一份香炸辣味脆雞翼。新鮮炸起的雞翼，外皮炸得夠香，雞肉又唔算乾。意外地食沙律菜時，個沙律汁酸酸地又幾好味喎！士多啤梨心太軟到了！除左有流心蛋糕外，仲有一粒新鮮士多啤梨及士多啤梨雪糕。流了流了流了！無論係粉紅的外表還是粉紅的流心都非常吸引呀！同一時間，我的千層蜜瓜雪奶都到了！呢碗甜品份量唔細，而且有勁多蜜瓜！係雪奶的頂部仲有一球好香濃的蜜瓜雪糕，每口都充滿幸福的感覺。甜品的底層就係雪奶，由法國牛奶在負18度環境抽乾而成，食落的感覺有D似綿花冰。食到半路中途，隔離枱的食客叫左份芒果雪奶，等我下次又試下先

咁岩星期五放假，約埋朋友係星期四預早Happy Friday，去到旺角搵到間好有趣既甜品＆酒吧仔，甜品睇落都已經好吸引餐牌如果眼利既你，可能已經發現左十分吸引人入去呢間餐廳既特點！無錯，就係佢手工啤酒既名，呢間餐廳好得意，所有既名都係好本地化，例如「港女」、「窩居」、「第三者」等等而我同朋友就係因為佢呢Ｄ名而被佢吸引左入去請返酒吧內部先，主要色調係紅色同黑色，牆上有好多吊飾同海報（關於啤酒）仲有一個大吊燈係餐廳正中間酒吧既燈光特別用左藍燈而且上面既啤酒排得好整齊好有格調一坐低之後，店員就點著左呢個小蠟燭俾我地餐廳有Lunch, dinner, salad, snacks等等既野食，仲有非酒精飲品，但係黎到我自己既Happy Friday我點會嗌呢D呢～我同朋友分別嗌左一個甜品我嗌左千層蜜瓜雪奶$78首先想講既係，每一粒蜜瓜都係好甜有多汁！！！第一層係蜜瓜味雪糕、第二層係酸奶/乳酪、第三層係雪花冰（外層蜜瓜層層疊）口感十分豐富，而且雪花冰綿綿既口感，好容易夾到雪糕或者蜜瓜一齊食，整個唔會太甜，食落真係唔Heavy!朋友就叫左士多啤梨心太軟$68平時見朱古力、抹茶就見得多，但未見過士多啤梨

寒冰掌 又推甩兩件推出我寒冰掌 又卸去凶險 寒冰掌若果想約我即刻收線不想去 就算被欽點 就算你偏要出現無疑問絕對即撇即閃 今晚食完飯，好想食甜品，唔知係咪因為星期四近weekend,所以黑布街啲甜品店都幾full 吓，所以行左去廣華街睇，睇到一間食店幾靚。 雖然係立冬，但天氣仲係好熱, 所以食韓冰就正好了！叫左朱古力奶冰，依度既冰無以前食既咁易溶，朱古力雪糕夠滑， 朱古力粉很多，仲同啲奶冰好夾，做成朱古力奶，冰上面有啲白朱古力粒， 很脆。 朋友點了宇治金時，綠茶雪糕上有球紅豆蓉， 加上滋味抹茶粉同雪奶，似飲緊抹茶冰，但有食冰效果。 眼見有兩pair 外國客都食飲手工啤，有枝裝同draft beef 選，都聽到話味道特别，下次有機會都會試下！