Yummy (已結業)

星期三夜放工約左去尖沙咀食飯，飯後緊係要去食一食甜品，早排聽人講旺角有間特色甜品店，又可以啤一啤，啱哂想坐低慢慢食下野傾下計嘅朋友仔，職員又有禮貌，唔會好似普通果啲甜品店咁，食完就拿拿聲收哂啲嘢，好似想趕你走咁門口粉紅色，一轉入廣華街頭就見到夏日芒果雪奶，雪奶使用法國牛奶在-18度環境抽乾製成，感覺好綿好綿味道唔會甜到溜上面球芒果雪糕邊邊放滿鮮芒果同平時食果啲綿花冰唔同（必食）士多啤梨心太軟，第一次見到有人用士多啤梨做心太軟，平時多數都係朱古力，綠茶味，感覺很特別（必試）另外仲有香港手工啤都值得試試，啤住傾下計真係一大樂事，依款係閻王四川啤，有煙燻麥芽香，四川花椒辣味，如置身地府之火玉皇大帝啤，天庭之尊也，酒精甘冽，柑果鮮，花芬芳，麥芽味濃孫悟空琥珀啤酒，桃味香濃，孫悟空大鬧天宮都係為左飲佢龍王啤酒，海上之皇，蜜柚西柚甘露味濃，清甜微酸綴以鹽晶，清甜水果味重老闆話遲下會加入外國好流行嘅水煙（多種口味）另外仲有set Dinner 多款特色甜品

放工約左朋友出旺角食飯，食飽飽行左陣，又有另一個胃食甜品行行下就行去左廣華街，睇下睇到間yummy幾特別咁就入左去試下啦招牌用左粉紅色都十分顯眼，店舖雖小但都佈置裝潢都很有情調原來不只甜品還有晚餐食架，可惜食左飯，下次可一試首先，坐下睇下有咩甜品正，我地就選擇左1）芒果雪花冰🍧我都好耐無食過雪花冰，雪花冰超級軟棉棉，好似雪咁軟好好味，用牛奶去做食落富有奶味又唔甜2）草莓心太軟士多啤梨既心太軟都係第一次食，好特別呀，好靚既粉紅色味道唔甜，好清新既感覺，餅皮又超鬆化唔會太厚，掌握得好好食完再嘆下手調啤酒🍻，好特別全部都是made in Hong Kong 🇭🇰🇭🇰🇭🇰咁我地就叫左幾款大家share試下港女（ABV 7%）起初會聞到陣陣荔枝香氣，淺嘗就會帶有焦糖麥芽甜味，細味就會有種回甘既味，最後會感到花椒辛辣味這能表演出現今女性的堅強！港男（ABV 7%）比較濃列的麥味，煙熏多層次的味道能感受到男士抽煙的煙熏感覺蜜麥（ABV 7%）代表着甜蜜嘅感覺，以有機蜜糖製造，能重溫與伴侶的回憶甜蜜的畫面第三者（AVB 4.2%）帶酸的口感，用酸梅釀製很特別甜甜酸酸的感覺，如做第三者的感覺仲新推出左水

其實跟朋友喝酒吹水也不一定要去酒吧，今晩飯後便與友人去試試旺角新開的西餐廳，吃甜品和品嘗香港本土的手工啤酒。朋友的『閻王』($78) 雖然只有 5.4% 酒精，還以為味道會偏淡，但原來有濃郁的煙燻味，真有驚喜。啤酒帶有麥芽香，更有四川花椒的微辣，味道非常特别，令人如置身地府之火，難怪稱為閻王我的『玉帝』($78) 有 7% 的酒精，但竟然不覺苦。啤酒帶有柑果鮮和花香味，麥芽味濃，回味甘，酒清甘冽。比『閻王』更易入口，很適合女士喝。平時在甜品店常吃朱古力和抹茶心太軟，但這裡竟有士多啤梨心太軟 ($68)，不得不試。即叫即整的心太軟賣相極之吸引，切開後士多啤梨醬湧岀來。士多啤梨味很濃郁，而味道不會過甜，很合我口味。外脆內輡的心太軟再配上士多啤梨雪糕，一冷一熱的吃十分滋味。連伴碟的士多啤梨也雕刻成花的形狀呢～很掋食呢～

旺角廣華街美食多，今晚去食左呢間Yummy。除左有main course之外、亦有snack同甜品、韓式雪花冰即是主打甜品。而飲品，則是近期非常熱門的本地手工啤酒。鋪內播放熟識的流行曲，有格調而且氣氛放鬆，很有共鳴。由於晚上九時多，肚子也餓了。先點了柚子梳打冰($38)、蜜麥($78)。蜜麥散出淡淡香麥味，飲落蜜糖味較重，酒精量不多，較容易入口。不消十多分鐘，店員快速端上 溫泉蛋卡邦尼意粉 ($78)。一見就覺份量很大，材料即非常十足。食落意大利粉非常彈牙。醬汁偏黃，芝士味平衡到。食到最尾都剩左好多餸。隨後，煙肉芝士薯條($58)亦上。這碟薯條灑上辣BBQ味粉，再由店員淋上一層又一層軟滑芝士。芝士控又失控啦！很滋味！下單的蜜瓜雪花冰($78)也麻煩店員一拼送上。數數蜜瓜粒，原來都一共有廿粒之多，粒粒都好甜多水分。底下的雪花冰很滑、牛奶味重，，入口即融。這個雪花冰很少冰塊，味道沒有被溝淡。蜜瓜雪糕底下，有些甜甜的粒粒，很有口感。menu 如下：

今日帶母親大人去旺角行街，行到晚飯時間，母親大人見到Yummy 個招牌好靚，我地就決定左要食呢間了！一人一個晚餐，份量十足啊！前菜的沙律，我最愛頂層的辣粉沙律蛋！下面有沙律菜配芝麻醬。忌廉湯不過不失。主菜一： 松露香菇意大利飯，上層的烤香菇係成碟飯的精隨，睇上去的普通大啡菇烤得香香脆脆！松露味重，意大利飯質偏硬，岩晒我！主菜二： 德國豬手，兩人也吃不完....好大隻！外脆內鬆軟，咸香度適中，唔洗點芥末醬汁都好好食，是必選的！薯條都唔錯！甜品： 士多啤梨慕絲，一般。

臨近萬聖節🎃，同埋三五知己一聚！選擇左呢間氣氛相當唔錯既餐廳。一入座即刻揀到要食西冷 ，因為聽講呢間既西冷幾好，同行既就食左肉眼。頭盤沙律仲有湯，主菜西冷，甜品加特飲$200唔洗。餐湯係忌廉湯，濃厚得黎又有料！西冷真係落幾多成熟出幾多成熟（有好多餐廳落7成比5成），仲有個細蠟燭暖住個扒，好貼心既諗法。另外甜品更係一流，剛賣完士多啤梨奶凍，所以只好試下原味奶凍，真係好凍好凍！凝固得好好，好滑。真心希望可以有機會再試士多啤梨味！期待下次

今日原本懷著興奮嘅心情去慶祝朋友生日，揀yummy係因為見之前啲食評唔錯，所以早幾日前就book定，點之完全失望而走☹️去到坐底叫左個芝士薯條，普普通通無特別。而酒煮青口好咸，蓋過個青口味，無酒味。Main course 叫咗個西冷同豬手，等左差唔多一粒鐘先上菜。其實我係俾個西冷吸引而過黎，點之叫5成熟，上菜個陣變左78成，無哂啲汁，又乾又硬。而個豬手上碟個時係靚嘅，不過始終煮過頭，又硬又乾，我地無食哂好浪費。唯一得個海鮮天使麵叫做好食，其他完全係伏。Set dinner 有個甜品送，係3.6牛奶布丁，但係好勁雪味，叫人點食落口呢？而今日最難過係個生日甜品-士多啤梨心太軟，等到忍無可忍之際，佢地話我知，個焗爐壞咗😤焗唔起個心太軟。明明係想同朋友生日，諗住有個小驚喜，但係結果的確好驚喜，等左咁耐先同我地咁講，勁無奈，所以只好係Tiramisu前架個生日牌。最後係唔明點解啲侍應明知有人生日都會喺大家面前講個生日甜品就上架啦🤦🏻‍♀️我完全冇眼睇點解可以咁識做。可能今晚個廚師唔係之前個廚師啦, 所以可一不可再我唔會再幫襯yummy👎👎👎一個"伏"

琴晚收工七點幾，同女朋友去旺角食飯，經過一間啱啱開嘅吧餐廳，俾佢出邊嘅甜品吸引住，我女朋友就拉住我入去就係呢個甜品餐牌，咁就俾佢拉咗入去晚餐嘅價錢都算合理晚餐有個忌廉湯都幾好飲香辣脆炸雞翼冇想像中咁辣，外皮炸到脆卜卜好香口紐西蘭香草羊架配燒汁同薄荷汁，估唔到水準都唔錯七成熟啱啱好，而且份量大大件男士都一定夠飽真係幾厚韓式千層蜜瓜雪奶又係大大份，蜜瓜鋪滿係碎冰面配蜜瓜同埋雪糕，我同女朋友都覺得好食真係甜到入心，佢入面有yoga粉所以食落口嘅口感有幾種唔同嘅層次 真係覺得食物幾好食，而且環境氣氛都好正，男女聚會好岩，因為佢嘅甜品真係幾特別女仔最鍾意，而男仔可以選擇手工啤酒，食飽飯跟住可以食甜品或者飲酒吹水

廣華街一帶各地菜式的餐廳林立，經過一間新開不久的餐廳，價錢看來挺經濟，友人想吃西餐，所以就去試試吧Yummy煙三文魚沙律：很特別、有心思的的沙律，一層層材料的擺放，牛油果在最底部，中間是蟹肉絲，上層是蕃茄粒，由高至低排列，壓得挺實，不易散開，旁邊亦有些新鮮的沙律菜，混入醋汁，不錯！黑松露多士：身為黑松露fans的我，很難會忍著不點它。未吃之前，黑松露香味已經很吸引，加上雜菌，烘至脆身的多士一起吃，十分滋味香口。西班牙辣肉腸鮮蝦扁意粉：意粉較乾身，不濃味不油膩，鮮蝦大隻香口，配上鹹鹹的辣肉腸粒剛好。去的當天，餐廳處於裝修尾聲，不過見到很多特色手工啤酒，加上別出心裁的名字，另外還有多款甜品及韓國雪奶冰，挺多樣化的選擇。

地理位置很方便很易找，就在地鐵站不遠的地方。門口有大大的投影燈投射到地上，十分漂亮，也不會一不小心錯過店舖。內裡的裝潢十分特別，亦有開放式廚房，透明度高。十分推薦它的手工啤酒，款式很多而且每款都有詳盡的說明其成分、味道和特色，看似每一款都很吸引啊！而且每款的名字都是配合其味道而改的，十分用心和特別。這次試了旅行、港女和玉帝。每款的苦度、果味和麥味都不一樣，適合不同人因應自己的喜好去選擇。另外，這裡的甜品也是一流，這次點了士多啤梨雪糕刨冰，新鮮的士多啤梨加上甜甜的練奶，令人有幸福的感覺，想一吃再吃！

某日 , 遊走在 旺角 購買 figure , 路經 廣華街 見到這一家西餐廳 " Yummy " , 當時心想 , 夠疆在旺角街頭開西餐廳 , 是否有一點勇字掛在胸膛的概念 , 於是就入去幫襯 , 一嚐究竟 ~Menu ~ 我點了晚餐 F. 澳洲安格斯頂級西冷 $ 178 ( 晚餐包括 餐湯、沙律、汽水/果汁 ) 先出場的是餐湯-南瓜湯 , 南瓜湯質地奶滑 , 味道清香 , 箄是不錯喝的 ~ 沙律 , 是很一般的雜菜沙律 , 味道偏向保守 , 但勝在蔬菜夠新鮮且溫度適中 ~澳洲安格斯頂級西冷 : 牛扒和薯菜用鐵盤端上桌的 , 鐵盤之下還燃點了蠟燭以保持溫度 , 這樣很有法式牛扒的風格 ; 我點牛扒的熟度是 medium rare , 看來廚師都掌握到了 , 這牛扒肉質軟綿鮮嫩 , 滿有牛肉香 , 配上燒汁很不錯吃 ~ 在 旺角 街頭的餐廳小店 , 竟然煮出這樣的水準 , 真是有驚喜 ~本篇完 ~

去旺角火車站附近搵野食，行過見到間幾特別既餐廳，幾有格調，所以入左去，老闆好好人，介紹左我地食乜，佈置幾浪漫，適合兩個人拍拖去可以扮下燭光晚餐哈哈。嗌左幾樣野。。

上星期同朋友聚舊傾計，佢揀左呢間餐廳，佢話佢試過啲甜品好好味。 我哋六點嚟到已經有幾枱人，原來啱啱開張無幾耐，所以決定share 下叫咗一個dinner set，兩款小食同埋一款甜品，最難忘係甜品試下手工啤先～蜜麥：有陣陣honey味，唔算苦黑松露多士麵包烘得脆口，但仍然有軟熟嘅口感，餡料有好多雜菌，黑松露味十足！！香炸辣味脆雞翼雞翼嘅脆皮係我鍾意食嘅口感！炸粉薄，入面仍然好Juicy。面頭有好多七味粉同埋少少香料。個人覺得辣味唔夠，但係香脆的Dinner set有餐湯，好多蔬菜粒，幾creamy跟餐沙律有煙肉脆粒，沙律醬唔多，但每一塊生菜都沾到，對女士黎講岩好主菜黎啦！！澳洲安格斯頂級西冷我點左五成熟，上嚟啱啱好，無血水又夠粉紅幾有牛味。邊邊位有少少脂肪，食落好香口！ 薯條又多又脆朱古力士多啤梨薄餅一開始望個餐牌，好想食啲新奇嘅甜品，但又好猶豫究竟試唔試好？因為甜嘅Pizza都係第一次見，後來問問店員，佢話呢款pizza餅底比較薄，會比較脆。好啦！咁我就試下！！食完超鐘意！！！必推！厚厚的Nutella，面頭加上好甜嘅士多啤梨，個餅底係脆而煙韌岩我口味！好想自己獨霸呢間新開餐廳值得推

手工啤酒在香港愈來愈流行，不少餐廳開始引入放在餐牌上，這晚來了這餐西餐廳一試。我們點了兩份晚餐，餐湯是周打魚湯，材料豐富而沒有腥味。凱薩沙拉大大碟，新鮮爽脆。黑松露雜菌忌廉意大利飯份量十足，香濃的黑松露味配雜菌的味道很夾。挪威三文魚配牛油忌廉汁很大的一塊，外表煎得金黃色，肉質略微硬了一點，味道倒是不錯，薯條亦炸得很香脆。餐飲點了橙汁。韓式草莓牛奶雪奶是今晚的重點！牛奶冰綿得來又夠奶味，士多啤梨醬和煉奶份量剛好，配上酸甜的士多啤梨格多美味。我們點了一支叫旅行的手工啤酒，餐牌上食著有雲呢拿和斑蘭葉的香味，感到有清新的小麥味，很容易入口，適合怕苦的人。

今日來呢度同家人食飯，因為咁啱係呢度附近街，又唔想等位所以就入咗呢間度食，其中叫左碟牛肉同埋心太軟，比我想像中冇咁好食，牛肉有啲”un”，首先要讚下佢嘅賣相幾OK，所以可能就係咁抱住一個比較高嘅期望去食，但係真係普普通通！我自己真係成日食開心太軟，見佢有士多啤梨心太軟，我就叫左嚟食，食咗少少就唔想食啦，因為佢入邊同出邊都好唔OK，佢嘅士多啤梨味好膠好假，同埋出邊嘅皮好厚！所以如果你來呢度叫甜品食嘅話千祈唔好叫呢個心太軟！但係好食嘅都有嘅，就係佢嘅黑松露飯，係冇得彈，呢個絕對冇伏！