Yummy (已結業)

飯後，跟朋友找地方食糖水繼續聊天。但平時好多糖水舖因為太多人排隊的關係，冇得坐太耐就要俾人趕走。今次搵到一間隱世甜品店，有情調，環境舒適，重點係任傾唔嬲。同朋友一共叫咗兩個甜品，一杯飲品。首先個士多啤梨心太軟，實在非常驚喜。心太軟食得多，士多啤梨味嘅真係第一次試。開頭都好擔心士多啤梨味會太假，好似藥水味。但結果唔係，真係好好味！士多啤梨雪糕，配以流心嘅心太軟，甜度啱啱好，而且士多啤梨味都好香。另外都叫咗個北海道牛奶嘅韓式奶雪, 好大碗，份量好足!牛奶味香濃，奶雪入口即溶。同喺韓國食嘅有得揮!飲品都非常唔錯，叫咗個菠蘿香橙冰，唔會太甜，而且非常解渴！整體而言，無論環境同食物質素都好滿意，正評！

早幾日同朋友去完旺角經過一間又似酒吧有此甜品店嘅小店可惜當時太飽食唔落今日一於俾個機會佢試吓啦原來除咗甜品之外仲有晚餐㗎而且價錢都唔貴＄200樓下就有餐湯雪糕同飲品餐湯合格好可惜冇餐包朋友叫嗰份安格斯肉眼牛扒好靚下邊仲有個蠟燭仔坐熱估唔到配菜嘅薯角到一樣好好味好脆！牛扒肉味濃 一d都唔un藍青口煙三文魚天使麵天使麵煮得啱啱好唔會過淋海鮮全部都好新鮮而且啲蝦好大隻煙三文魚份量都好多配埋個汁好好味一流呀！飲品餐廳除咗甜品以外仲有好多唔同嘅手工啤酒仲有水煙食添啊好岩黎飲野傾計食甜品仲好有格調添！

有時候同朋友聚下係不用理由大家收工又累又眼訓輕鬆食飯傾下計 再食埋個甜品先肯返屋企甜品完全可以化解我嘅累氣同朋友係附近食完晚飯 黎左依間餐廳酒吧有主食 甜品同酒類飲品 都幾多選擇我地叫左兩款甜品同一支啤酒慢慢嘆先黎朋友點嘅焦糖燉蛋 份量尺寸比想像中大個先用匙羹整碎頂層焦糖 再連燉蛋一齊食唔會太過甜 蛋味幾香 而且食落唔會粘牙到我點嘅士多啤梨芭菲 又高又大杯頂層係我細個好鍾意食嘅家庭牌士多啤梨雪糕一食好有童年回憶 入面有好多士多啤梨片完全唔酸仲好甜 中底層有大量嘅脆米連埋忌廉雪糕一口食 好冰涼黎黎脆卜卜 愈食愈停唔到口食完甜品叫左支手工桂花啤一齊share飲飲落麥味都幾出 唔算太濃 係有清爽嘅味道 又好易入口 唔錯呢

今晚同朋友gathering，嚟咗旺角一間位置唔算太熱閙嘅酒吧餐廳，鋪頭雖然比較細小，但門口嘅裝飾已經非常吸精，見到都有衝動想走入去職員哥哥亦非常友善，向我哋介紹今晚有嘅set dinner同推介嘅甜品，佢話呢度係嚟自名氣酒店廚師👨‍🍳，所以無論係晚餐定甜品亦非常出色，另外佢嘅飲品系列亦顯得非常有心機安排過，除咗比較為人熟悉嘅cocktails ，亦有唔同名字嘅手工啤。我哋兩個女仔叫咗一個set dinner，龍利柳配鵝肝，一個北海道牛乳心太軟同埋一個疏乎厘，黎得呢度點都要試吓佢嘅手工啤，我就叫左個”港女”，朋友就叫咗個最新出嘅桂花味。我自己比較着重餐湯，如果餐湯好飲，基本上全晚嘅質素都不會太差，set dinner個湯係黑松露忌廉蘑菇，雖然不是一啲好特別嘅菜式，但小妹覺得真係好好好好好飲因為好容易黑松露嘅味道會蓋左本身嘅忌廉蘑菇，但佢真係做得好balance，令你飲完keep住仲想再飲！!龍俐柳亦係溫度剛好，入口鬆軟，而且份量十足！值得一試全晚已感到好滿足，但原來現在先係重頭戲佢嘅甜品，一試難忘，連普通一個伴碟嘅牛奶雪糕都非常香滑！！心太軟本身已經好好食，但小妹覺得疏乎厘仲更加好食佢

行街行到悶悶地，就想大凍天時食冰女人街行遠少少，有條街專多甜品鋪，就走左過去唔知係太耐無黎，定呢間Yummy真係新開呢唔緊要啦，未食過就試試佢因為呢到除左甜品，仲有正餐，所以裝潢係半酒吧既餐廳千層蜜瓜雪奶有好多蜜瓜波波，賣相一流，雖則凍令味覺無咁敏銳，但蜜瓜仲係好甜而同行友人有去過韓國，就話呢到既雪奶同韓國好似，一細條幼條，係香港食過最好，同埋冰本身亦有甜味，唔洗只靠洒上既煉奶調味朱古力Beileys心太軟呢款就係我叫既，作為朱古力達人，就當然去到邊都要食朱古力 （其實餐廳仲有草莓、牛乳味等）心太軟賣相都係好靚，兩款甜品既display都好好趁熱破開，朱古力溶岩慢慢流出，因為較為稠身，所以速度唔算快蛋糕鬆軟，外有少少脆口，一啲都唔厚實唔錯溶岩唔會太甜，食到最後都唔膩唔濃兩款甜品都超水準，價錢合理，推介

係旺角行完街好想食下甜品,行下行下見到呢度有得食韓式雪花冰坐低睇餐牌先知原來呢間餐廳乜都有,主菜到甜品,仲有酒都有得飲宇治金時綠茶雪糕上有球紅豆蓉下面冰既部分就有抹茶粉同雪奶所以唔會因為食左面個層抹茶粉得番啲冇味既冰啲冰非常細滑,好綿,佢入面加左好多奶,味道都好突出心太軟呢個心太軟入面加左Baileys,而且係即叫即整所以出黎係非常熱辣辣最鐘意就係食心太軟時,加埋雪糕,食到凍熱交替既感覺入面既baileys一開始食個時都幾突出但始終酒精味道係唔會維持好耐所以食到中段已經同普通心太軟都冇咩分別啦

Happy Friday, 跟同事放工後, 齊齊到旺角覓食, 正式晚餐完後, 當然要找個地方談心啦~一直走, 見到槍街附近有一間小酒吧, 有甜品又有手工啤, 而且感覺都不錯, 所以我倆都決定試試!由於晚餐份量不少, 即使我倆應有另一個胃放甜品, 但都放不了太多.所以我們只點了一客甜品跟一杯手工啤.甜品: 朱古力Bailey心太軟因為我愛心太軟, 又愛有酒香味的食物, 所以這個是必點的!朱古力流心真的很治癒呢~流心部分甜度適中, 可能加入了Bailey, 味道不會太單調, 但略厭酒味不足!手工啤: 玉帝選"玉帝"是因為簡介中提到"味道偏苦, 但苦後帶有甘香".其實我是怪人, 喜歡食苦瓜飲人參烏龍, 正是愛它們的先苦後甜.玉帝入口時花香味很濃很香, 第一感覺是美妙的.第二感覺是啤酒應有的苦味。。。比較失望的是, 苦味持續了很久很久, 都試不到苦後的甘甜。。。味道其實不錯, 只是不是我杯酒啦

上星期去左一間係廣華叫”Yummy”既舖頭，原來佢唔只有甜品，仲有主食架。不過可惜個日已經食左晚飯，所以同友人只係叫左兩款甜品。一入到舖頭感覺同一般甜品店好唔同，幾有情調，暗暗地，有音樂聽，枱上面又有蠟燭，仲有得扔飛標添。原來佢除左食甜品，仲係酒吧泥架，有好多唔同既手工啤酒，D名都幾得意架，下次一定要再試埋。雖然個日好凍，但完全無阻我食凍野既心，叫左個宇治金時雪奶個冰底好軟綿綿，真係好似雪花咁呀！雪糕既抹茶味帶甜，而冰上面既抹茶偏苦澀，食食下，咦！咁得意既，酸酸地咩味泥呢？原來冰底入面仲加左乳酪粉，酸酸甜甜感覺幾得意！之後當然要食番個暧笠笠既心太軟啦，嘩嘩嘩嘩嘩！！呢個就係我一cut開個心太軟既反應喇，濃濃又暧笠笠既朱古力醬流到呢~ 個外皮焗得又唔會太硬、D朱古力醬、Cream加埋酸酸既紅桑子味道岩岩好，中和番個甜味無咁膩見其他客人叫了其他甜品，賣相都好靚哦原來個廚師是酒店大廚，難怪咁好食又咁靚啦

星期五晚又唔想排隊，又想輕鬆食個飯 chill 下，就經過呢間 yummy，見佢有 dinner set 就入去試下係咪真係咁 yummy 先！餐湯係甘荀忌廉湯。我揀咗龍蝦汁藍青口鮮蝦煙三文魚蜆肉天使麵 ($148) 為主菜，佢材料真係好豐富，有青口、蝦肉、三文魚同埋蜆肉，好足料。但係我覺得個天使麵煮得腍咗啲，同個汁都多咗，如果變為蕃茄湯天使麵可能仲正。餐飲唔洗補錢就有熱朱古力。最後甜品揀咗牛奶雪糕，牛奶味超濃郁，好香滑又唔會太甜，好食。

上次來了 Yummy 吃甜品嘆啤酒，今次來試試晩飯。比起繁忙熱鬧的黑毛街，Yummy 就較舒適，與朋人談天聚舊就一流了，還可以吃水煙唷。食物種類也有很多，價錢也合理。餐湯是甘荀忌廉湯，熱度十足，冬天喝很暖胃。雙倍墨魚黑墨汁釀意大利飯 ($138) 非常吸引，平時的意大利飯也是普通的放在碟上，但這個卻釀在一條大墨魚內，很有創意。意大利飯也煮得入味，口感煙韌有嚼感。甜品可選一款雪糕，我要了冧酒提子，還真有提子在內呢，味道不會過甜。餐飯是潤喉的熱柑桔蜜。餐廳還正在做推廣：新西蘭牛柳配紅酒汁 X 一杯紅酒 ($68)！實在太超值了，不吃也對唔起自己。可惜店員沒有問我們喜歡牛柳多熟，平常我也習慣吃七成熟左右，但這塊牛柳好似煮得太生了些，所以肉質未算很腍，而且有筋。但岀面一杯 House wine 也大約這個價錢，而現在是紅酒加牛柳，很掋吃呀。

位於旺角的Yummy，是一間提供多國菜甜品的餐廳。今天吃完點心放假，吃了超多鹹點，雖然很飽足，但未能滿足到甜品胃，所以我便來吃芭菲啦。宇治金時芭菲$58只需五十八塊的芭菲，價格並不貴呢。芭菲由上至下數起，包括:綠茶雪糕，小小紅豆蓉，小小忌廉，啫喱，大量脆米，忌廉，紅豆蓉。芭菲的雪糕一小球，脆米佔大半，是主打Yummy又健康嗎？吃掉整杯邪惡感也不大呢，哈哈。雪糕冰感較重，由於雪糕只有一球，吃到中間部份略乾，建議加多球雪糕和吱多點忌廉阿。

難得和朋友酒會，剛好經過這間試業中的yummy，發現比想像中正呀！港男（$78）自己一直喜歡手工啤酒，而且不喜歡太甜的酒，難得這個有酒味而不苦澀，非常不錯！Long tea island 這杯真的讓人幾驚喜，最怕long tea island淡到無味，但這杯卻是有香濃酒味，非常爽口，十分高質，重點推介！其實這間店真的是宵夜的最好選擇之一，因為不但有酒，而且還有甜品，對於女士來說是一次滿足兩個願望呢！下次有機會也想吃個甜品呢！

旺角一向係我揾食的地方，今次就黎到近旺角東站的一間bar，其特別之處在於他有酒飲，仲有雪糕食， 如此mix and match一定要試下。餐廳裡面除了bar枱，還有幾許的台櫈。場內播於著流行歌，燈光映照下特別有氣氛。蜜瓜雪花冰 $78蜜瓜波在蜜瓜之上砌成小山，賣相極吸引！中間有牛奶雪花冰，雖然不算特別幼滑綿密，但細緻度還是不錯。蜜香份量都算多，而且香甜可口，雪奶就不算太甜，奶味都香口。吃下透心甜美。雪花左水再加多點奶就更為香甜。Ladykiller $78Ladykiller 由Gin、orange juice、 Cointreau 等製成，橙味清新！ Gin 的spicy口感，難怪叫ladykiller. 一大杯的酒因爲可口，不消一回就完全被消滅掉！牛奶雪花冰 68一個蜜瓜雪花冰還不夠，再來一個牛奶雪花冰。雪白的冰上全是色彩班爛的彩豆，好不活潑！牛奶味香濃。雖然是凍入心，但都值得一試。

平日生活太繁忙 有時都想靜靜地同朋友談下心可惜香港都真係冇乜呢個空間估唔到最近俾我發現到旺角有間小店 符合哂呢個條件😋呢間小店係近油麻地出口離地鐵站🚇要行少少路 但都屬於易搵既裡面裝修幾靚 播住歐美歌好有氣氛想chill下仲可以玩埋飛鏢食物方面 估唔到個湯幾有驚喜好香松露味🤤🤤我點左個墨汁意粉 都幾香口下架🤤裡面有唔少魷魚圈🦑相當足料我再加錢點多個梳乎厘咁就chill左一晚喇🥂價錢可以參考呢度 人均消費$200左右啦😊

今日同朋友食到飽一飽，想找個地方傾下計，但朋友想飲啤酒，而我又想食甜品，甘點搞呀？幸好，行行下就發現呢間店舖居然有手工啤酒，又有雪奶主打的甜品，梗係就即刻入去坐坐啦~~原來係間新開的 Café，有手工啤酒、有甜品雪奶之餘，原來仲有晚餐食！朋友話淨係見佢手工啤酒的名，已經好猛！孫悟空、龍王、閻羅王、又有港女、第三者，夠唔夠勁？孫悟空先聞聞手工啤的香味，再入口品嚐，帶有桃的味道，餘味充滿果香，甘苦餘韻十足，能突顯出啤酒本身應有特質之餘，細緻的味道，層次也豐富。邪惡雙層黑朱古力雪奶友人飲啤酒，我就食甜品，就點個邪惡雙層黑朱古力雪奶一齊 “些牙”！又邪惡又雙層朱古力，原來就係雪奶上有朱古力粉、、朱古力碎、朱古力醬、朱古力雪糕，對於我朱古力控，簡直係 “味” 力沒發擋！軟綿綿的綿冰，係用牛奶冰做的，加埋煉奶，令味道更突出，當然配上朱古力就絶對係無敵啦！坐下傾下，又過一個夜晚！下次可以試下個晚餐先~~