Yamm

營業中

休息中

d甜品冇驚喜 冇一款好味 連基本的芝士蛋糕也很難食 雪榚...我比550蚊去食....同7仔買一樣味道既雪糕...生蠔細隻到喊...一d鮮味都冇.... 食物質素同個價錢完全唔fair $550仲要加一勁唔抵 唔推介去食 300左右就ok 既...= =

滿心歡喜可以去一間咁高級餐廳食, 但係一行到入去已經好失望,好細嘅地方,仲要好嘈.....接著行去拎食物,唉.................點解我俾$550都只係得咁少野食,行一個圈就睇哂.....心諗可能重質唔重量呢....好.....我再俾多次機會自己放開成見try try 再講..... 冷盤 ~ 生蠔 ~ 太細隻你有近視可能搵都搵唔到隻生蠔係邊 . 龍蝦 ~ 我拆極都拆唔到d肉出黎食(痴)哂殼. 牡丹蝦 ~ 難身難頭 海膽 ~ 好臭 Parma Ham ~ 長期缺貨,要等好久先有一轉,得一款.......唉~~~~~熱盤 ~ 串燒 ~ 即燒即食都ok嘅(不過就太多醬汁) 咖哩雞 ~ 冇味道 豬頸肉 ~ 還可以 甜品 ~ 冇特別好衝動去食,因為又做得唔靚,味道好奇怪..... 環境 ~ 空間太細時常聽到隔離講野 & 放食物地方太迫,有人排隊拎串燒,但係串燒前面又有熱食根本難以取食物,地上還會(痴痴立立)

見好多人話呢度既buffet好食，甜品多選擇，今日同屋企人黎試下佢既tea buffet。熱盤選擇唔到，仲要係d低價食物：薯條、咖哩角、春卷，好似中學生開party咁。生滾粥都冇，得白粥，好一個清腸胃既buffet！湯烏冬算最好食，不過得一片薄薄牛肉，慘過乞米。師傅一路煮一路咳，冇戴口罩，仲黑晒面，唔知想點。問佢筷子0係邊，佢叫我問waiter，下？？屋企人講笑話佢係裝修工人借調過黎幫手 (酒店做緊裝修)甜品試左好多款：貝殼蛋糕仔、焦糖布丁、曲奇餅，有d連名都唔記得。嘩！冇一樣甜品好食囉！係冇一樣好食！唉~~最好味又唔使受人氣既應該係雪糕，但係我比$200出去食到唔食啦！最好笑問佢wi-fi 密碼，佢用張爛紙寫上去，我以為自己去左茶餐廳~~~

初次到 yamm buffet, 有小小起出望外!!時間為 3:30 - 5:30, 我同朋友已於 3:15 到達.入到去被安排坐近 dessert 既位置....嘩, 天堂呀!!! 好多款不同既 dessert, 我食左 cheese cake, 真係好好食, 任食 ice-cream 啦, 有個 mousse 都好好食. 值得去咖!!熱食都好多嘢咖, 不過...我食 dessert 多!下次會食 dinner, 睇下d 嘢新唔新鮮!!

一大棚人到此慶祝, 食物新鮮但選擇种類不多, 一眼睇曬。好在地方寬敞, 座位排得鬆, 坐得唔迫, 大笑大叫都ok。魚生新鮮, 蠔比較瘦 (唔知係咪種既問題)。 甜品種類多, 生果也不錯, 雪糕好食。總括來說, 食物是ok的; 但收呢個價, 唔抵。感覺上三百零蚊會叫fair d 。

不需多說, 要款式多及環境舒適, 都是再次來臨Yamm吧! 於是book了年卅的brunc, 果然沒失望似乎近年朋友及家人喜歡的buffet都離不了這裡, 而且刺身及海鮮還比以前新鮮, 而沙嗲都頗有水準, 天婦羅新鮮炸粉漿不太厚, 難得!

如其他日本公司一様我哋每年都會有個忘年會,即係年尾聚餐啦,當然係公司數出,所以我哋每逄年尾都好期待,老細會由我哋出主意想去邊度食,咁我哋就揀一D自己平時想食但又覺得貴的地方來食呢個年夜飯.於是在OPENRICE揾吓有咩好地方,最後大家投票結果係YAMM12月初打電話BOOK都已經好多日子FULLY BOOKING,最後選了12月16日,還要我們落DEPOSIT,滿懷期待的去到了,可是真實BUFFET的枱很少,沒有想像的多,也許真是圖片只供參考,先說刺身是要向板長ORDER要什麼的有例牌的三文魚,帶子片吞拿魚等,叫了一回是不夠新鮮然後是天婦羅,有蝦有東姑,蕃薯但炸粉太厚,涵太薄沙律吧只有蔬菜蕃茄等以為會有數款的伴好的海鮮沙律又或什菓沙律的可是沒有,另外有蝦湯麵 以為是如泰國的蝦湯麵 點知個侍應滾完個麵之後唔係落湯係落羊肉汁???同蝦油麵好唔夾囉諗住食番個即製什菓CREPE,但CREPE皮太薄了,吃不到一口已經裂開了,至於海鮮有長腳蟹,涷蝦和螺,味道尚算是鮮甜的總觀這個價值六百元的自助餐真係無咩好食如果食呢度環境一半價錢還可以考慮吧

聖誕將至, 又係商戶搶錢既時候啦!!所以我地呢班朋友, 決定係聖誕節加價前同班朋友去食自助餐預祝聖誕!!(又可以慳返D^^)於是呢一日, 我地一行九人去左The Mira酒店既Yamm 到食lunch 自助餐!!一個一個慢慢到, 由11點開始, 到1點都有人哩~~哈哈~有d咩食呢…有呢d︰有一個放麵包同芝士既位置, 芝士lover一定喜歡~有好多款沙律, 有成六七款比你簡~三文魚刺身, 同埋其他刺身常客啦~~壽司唔算好食, 可能係d飯唔夠醋味, 所以比較唔ok…天婦羅, 你要咩佢夾比你~~串燒有雞肉、豬肉同埋牛肉~~唔知係咪太耐無食過~~覺得好好食!!甜品款唔算多, 叫做有d選擇囉, 不過都叫ok既!仲有勁多生果比你簡呀!最重要係…有haagen dazs 既杯裝雪糕!!我地九個人, 食左十五杯…都咪話唔勁!!

食完後，再想番起邊樣最好味最令人回味，竟然想不起......生蠔：即開，開三隻放在冰上，極速地不見了，生蠔可能有數款，因為我食到苦，鮮甜，淡口，但鮮味不足。全場的廚師，我覺得開蠔個位師傅 辛苦，由頭開到尾，未停過手，人龍都未見短過。壽司刺身：三文魚不肥美，油金魚的甘味無了，劍魚就魚味極淡，海膽味苦，記得問師傅拿舊飯，一起進食仲好。整體刺身鮮味不足。 溫泉蛋個汁好味，蛋就凍了些，可以熱食就好喇。壽司好睇唔好食，飯又硬又凍，醋味不足。甜品：Häagen-Dazs細小型，有三款味，就食了三杯，朱古力、咖啡、士多啤梨。班cake整完幾靚架，但個皮又厚又乾，粉落得多了， 不好吃，唯有淨食餡料。火焰焦糖布甸，真的有火，幾特別，但布甸味道奇差，個塊焦糖反而最好味。棉花糖樹，外表吸引， 用朱古力黏附棉花糖，但棉花糖味奇差，口感不佳，下次想食時買包伊華棉花糖仲好，係碼好好味。好多款甜品蛋糕賣相極討好， 但無一不是「金玉其外，敗絮其中」，不要太大期望。熱食：串燒令人失望，肉un，本身的肉味不見了，不香。天婦羅若然材料新鮮， 師傅工夫到家，炸得香脆而

網上激讚,訂位訂了一個月,五位以上又要給Deposit,心想點都唔差得去邊,點之:食物種類少,又唔見得品質特別高貴,都係一般自助餐貨式,失望標榜即開生蠔,只得一款,又唔見得有幾鮮美求過於供,永遠都有人排隊魚生並不是即切,早已切定放在盒內,每次師傅從盒裏拿出三片給客人,又係每次都要排隊,既是這樣,倒不如放出來給客人自取,而且那位師傅好像不太願意做,粗聲粗氣,態度極不友善人手不足,最初吃了兩輛也沒人執拾,枱又小,幾狼狽所謂生日優惠送蛋糕及香檳,但只可堂食,不能拿走,試問自助餐有那麼多的甜品,又點樣立即吃完一個一磅蛋糕,既是已出之物,又何必那麼小家呢?而且,香檳也沒有給我們:huffy整體而言,三百多元的brunch,還較lunch 少食物,不知為何會那麼爆!

Yumm食過自助晚餐,食物質數和價錢一樣咁高,朋友推介下午茶抵食.加上大量有質數的甜品,值得 一試,上星期日同媽咪前往一試.酒店環境一流,坐位與坐位之間留有會大的空間,可算是坐得最舒適的一間酒店餐廳.而且食客並不多,感覺好自在.下午茶每人二百両蚊,這種環境己值回票價,熱食方面需然沒有什麼高價貨.但樣樣都新鮮好味,當中驚喜之作是燒鵝,平時好少特登去食呢啲唔不健康的食品,居然能在酒店自助餐內食到皮脆多汁的燒味.另外總有平日很少會想去食的沙爹,英式炸魚柳...等,都能在這裹吃到,幾有滿足感甜品方面真係第二間無得比,各種蛋糕超有水準,由芝士餅到白朱古力都非常美味.還有各式布丁,HD雪糕真係滿足我甜魔的欲望和食量.最後奉上一杯香濃的咖啡,由3點到5點,一個滿足又快樂的下午茶.

11-12-2010(又來好長好悶的 buffet 食評喇, 今次仲要無乜相睇, 大家怕悶就唔好睇吧...)都講過好多次, 近年愈來愈唔鍾意食 buffet, 而 so far 印象較好亦只得 Intercon 一間 (http://www.openrice.com/restaurant/commentdetail.htm?commentid=2020322) , 但是日同幾位靚女朋友嚟到 The Mira 提早慶祝聖誕節及朋友 P 的生日, 竟然覺得好 impressed, 仲諗起以前最好的一次 buffet 經歷 (http://www.openrice.com/restaurant/commentdetail.htm?commentid=1918250):-海鮮冷盤當中食了有開邊龍蝦, 青口, 生蠔及蟹腳: 好多地方都話自己生蠔係「即開」, 但呢度的絕對係我食過的 buffet 當中最「即開」的, 因為睇住師傅每次最多只開 2-3 隻放到冰上, 等冰上嗰 3 隻完全消失佢先再開多 2-3 隻補上, 幾欣賞呢個安排. 食了 3 款共 6 隻生蠔, 雖然唔知係乜款, 只覺其中兩

以$550/位自助餐, 物無所值. 原本與太太慶祝紀念日, 去yamm食自助餐, 但想像不到這麼差, 詳情如下:1. 蠔 - 雖然即叫即開, 但無鮮味, 口感欠奉2. 龍蝦 - 淡而無味, 肉質粗3. 壽司 - 飯身乾又硬4. 甜品 - 好難食, starbuck d蛋糕好過佢5. 熱食 - 少款色6. 服務 - 有禮貌, 但無heart同你影相7. 取食物地方太窄, 時時人撞人以$550/位(還要加10% service charge), 實在有搵笨的感覺

朋友生日, 選了這裡, 我們便訂位給她慶祝 之前來過這裡, 但未有嘗試過這久聞的早午自助餐, 果然是很多食物款式及選擇, 還有飲品及香檳供應, 難怪很難訂位.. 在這吃這餐, 很像一邊吃亦吃之不盡的食物, 每次到buffet枱都能拿到不同的東西, 芝士counter有一整枱的芝士, 我生日的這位朋友很喜歡芝士, 所以很滿足.. 甜品方面, 位置搬到餐應正中的一張圓枱, 就水晶燈底下, 很獨立的範圍, 而甜品款式好像是比平時多. 客人穿梭於buffet枱, 甜品枱, 及另加的飲品枱之間, 人來人往, 難免有點不舒適的感覺, 可能今天是全場滿座關係吧.. 服務方面, 員工都已盡了全力, 眼見很多客人要這又要求那, 真令他們有點手忙腳亂呢! 似乎今天的客人與平日不同, 多是家庭包括長者及小童, 所以要求特別多, 環境亦較平時嘈雜... 與平日都商務客人及斯文情侣相比, 感覺截然不同是日還用了HSBC的蛋糕贈券, 由於訂位時已得知這是只能堂食的蛋糕, 我們六人都盡量完成了大半個, 反正都是送的, 無謂貪心吧, 留肚吃其也甜品好了! 以這贈券及其信用卡結脹, 我們亨用了八五折, 相當化算呢!

上個月中去食自己的生日BUFFET。好可惜，當晚沒有海膽，有點失望。 只好食帶子和鵝肝補數。帶子新鮮，鮮甜； 鵝肝質量不平穩，但都太薄身，所以難以煎脆。龍蝦有很多，而且大隻，但沒味道，只是另類凍肉而已。熱葷：幾乎沒有食，90%種類不吸引。行貨！ 沒有的最愛的蒸魚。DESSERT：選擇不多，質素OK -- 不突出。OYSTER： 品質不錯，一隻味濃，一隻較清，但限量取用，有點小家。全因為生日，心情好，有MACAROON，有DISCOUNT，而且有蛋糕和SPARKLING WINE送，否則一定回敬她平心而論，水準下降了很多，而且整體出品不值這價錢，還有很多選擇呢！