What The Food Cafe (已結業)

之前睇雜誌介紹嚟食過一次，見佢環境舒適，食品性價比高，單拖再萬聖節就到~好有氣氛，連waiter都有相應裝扮。雖然服務員遞上餐牌時有介紹較多人點嘅菜色，餐牌係黑板式設計，但都有D字較明顯，看似推介食品已經向我招手。餐湯一款羅宋湯，香草味好濃，酸酸甜甜好開胃。餐飲叫咗青蘋果梳打，貪佢有燈得意D，主食叫咗個意大利飯，帶子煎得表面金黃，仲有4粒咁多就仲正今次係較乾身嘅意大利飯，配濃郁黑松露味，飯間有珍珠菇，西蘭花同洋蔥粒，味雖濃但唔覺好漏，食到最後有D唔夠喉添

聽朋友說有一間精美西餐係粉嶺工業村，上星期係粉嶺行完山後順道試下。工廈裝修就麻麻，不過餐廳入面既裝修就有d驚喜，簡單工業風，坐成個下午都得。食物方面，多款主食都係幾十蚊起，有湯，加10零蚊有餐飲，都算ok.餐湯跟餐包， 餐包不是普通的餐包， 有芝麻，算有d特色。大蝦温泉蛋卡邦尼意粉，蝦炸得香，醬汁夠濃，如果意粉更乾身會更好。士多啤梨奶昔，有果用唔太甜，不錯。最後，士多啤梨千層酥窩雪糕，夠晒酥

咁大個人食親牛扒通常都係㨂肉眼西冷或者T bone不過講到威靈頓牛柳就真係第一次食因為整佢嘅step又多而且預備功夫又煩所以唔會有太多餐廳肯做呢個菜式不過朋友話見到呢間有呢個菜所以佢就拉咗我入來試吓呢個菜餐廳雖然係工廠大廈入面但係去到平日晚飯時間都係爆滿證明食物質素好可以吸引到好多人入到去一坐低就梗係點返個威靈頓牛柳之後加左杯飲品菠蘿益力多碎冰菠蘿味香甜之外仲有啖啖益力多味唔會呃人而且飲落透心涼一開始上咗一個羅宋湯鮮紅色嘅羅宋湯十分之足料唔單止入面薯仔十分之多入面嘅新鮮蕃茄蓉亦都唔可以錯過用個湯泥點埋個麵包更加夾更加好食之後就到我期待已久嘅威靈頓牛柳外面包着將菠蘿包一樣的酥皮入面係雜菇醬再加上一層薄薄的芥末然後就係厚厚的牛柳威靈頓牛柳難整之處就係外面酥皮好容易窿入面個牛肉又太生又或者入面個牛肉已經老晒而酥皮重未焗香不過呢度一切開之後就已經話俾你聽廚師掌握得啱啱好酥皮覺得脆卜卜而入邊的雜菇醬亦都非常之香再配合啱啱五成熟的牛柳滋味無比最後食完主菜之後叫多咗一份甜品九層芭菲杯最上面係有芒果雪芭下面仲有一層一層嘅cream同埋吹博博嘅谷物仲有主打嘅綠茶雪糕同埋紅豆蓉一見到綠茶雪糕筒紅豆蓉呢個嘅

見網上北區美食推介, 就黎一黎食....餐廳位置比較難搵, 但沿途問人都知道, 我諗都幾多人到過響門口好得意既係畫哂D公仔 WELCOME 你到來餐廳環境比較暗, 但幾岩朋友傾傾計周圍擺哂好多擺設晚餐點左SET DINNER~ 法式羊架伴白松露意粉羊架肉厚, 汁睇黎好似好多, 但食落係岩岩好, 肉係厚但熟度剛好的嫩滑, 羊羶處理得剛好並不令人覺得過濃, 醬汁配上羊肉不至於過咸意粉入口淡淡白松露香, 加上羊肉的配搭, 令菜式高檔次了不少士多啤梨奶昔, 粒粒果肉舗面, 用鮮士多啤梨打成飲品, 士多啤梨味認真夠香濃, 加上果肉粒有咬口之餘, 雙重口感, 令人更覺滿意前菜既面包不得不讚... 黑芝麻餐包, 包非常鬆軟, 新鮮出爐, 經已夠香, 加上黑芝麻味, 令個包更香飲埋餐湯, 響下雨天的時間, 暖胃又飽肚, 的確不錯

終於俾我揾到間唔限時,仲要係新界區既餐廳喇,可以慢慢傾下計店既位置如果第一次去,有點難度,做足資料搜集就無問題啦。餐牌選擇也不少,意粉,飯,沙律,漢堡,牛扒等等,飲品與甜品也很吸引羅宋湯味道濃郁,餐包外脆內軟鵝肝黑松露薯餅漢堡店員介紹漢堡是手打的,麵包果然鬆軟。黑松露與薯仔混合成的薯餅,配搭新鮮,既香又脆還有新鮮沙律菜及薯塊而且份量也不少。蒜香大蝦温泉蛋卡邦尼意粉這客卡邦尼味道偏濃,與温泉蛋混合再吃,味道剛剛好。還有最愛既大蝦,十分香口美味。水果茶 朋友選擇既水果茶,係紅茶内有藍莓,士多啤梨粒,桃肉,龍眼肉及玫瑰花。味道清香,又有生果,感覺好fresh喔草莓奶昔香香的粉紅草莓奶昔最後仲叫左個甜品,喜出望外既好味,千層酥十分鬆化,配上吉士醬及綠茶雪糕,不錯店位置雖然較遠,但就係因為咁可以慢慢與朋友傾計談心既好地方

見完客真係唔想再周圍行去揾好野食咁啱見到what the food 嘅banner即管上去會一會呢道野食就一版睇哂不過其實都好多款搵大概可以分為扒類 意粉 飯 漢堡同沙律不過今晚一個人所以最後都係揀左意粉類不過淨係意粉已經好多款最後㨂左蒜香大蝦溫泉蛋卡邦尼意粉貪佢材料豐富一上枱已經俾佢大大隻大蝦吸引咗廚師好細心已經預先將蝦的倒刺及勾勾剪去咁樣食埋個蝦頭都唔會整損口大蝦先用蒜片煎香煎得合時蝦的外皮香脆而且令到成個意粉更入味肉質新鮮彈牙個溫泉蛋弄破後蛋液流出更加令意粉增加綿滑的口感另外意粉弄得剛好完全做到al dente食完個意粉已經好滿足飲品叫左草莓奶昔奶味幾香果然有真士多啤梨肉最後甜品叫左一様特別野食就係龍眼西米椰子雪芭呢款甜品唔會太甜啱哂我因為可能用上原汁椰子所以清甜到爆椰子迷必試

位於粉嶺的What the food cafe,是一間在工廠大廈裡的餐廳今天和好友一同遠水路來到粉嶺，特意試試傳説中的饅魚飯從粉嶺火車站來，不算太遠以前中學在這裡讀書，重回這裡懷念從前的中學時光每個餐包餐湯，面包餐湯為羅宋湯，以甘筍，西椒，薯他，牛肉粒煲成，味道濃郁足料而餐包為芝麻包，滿佈芝麻雖芝麻味不濃，但面包鬆軟蒲燒饅魚蛋包飯$76價錢便宜的 饅魚蛋包飯，是我來的目的蒲燒饅魚半大條放在飯上，貌相吸引饅魚撒上紫菜，不算太肥美。這裡的蛋包飯以滑蛋蓋飯，蛋汁滿滿，滑溜極濕潤易入口內裡的飯也絶馬虎，以饅魚汁炒過，味道香濃但饅魚汁過多，吃光光有點太膩Wtf 燒醬豬肋骨$76價格也不貴的豬肋骨，可自選兩種味道朋友選了Bb醬和蜜糖芥末醬汁非常稠身，醬汁霑滿肋骨我們較愛蜜糖芥末，少許攻鼻感，刺激引人沙律菜酸度高，吃後減底油膩感心太軟$40朱古力心太軟配上抹茶雪糕，心太軟焗至流心採用的朱古力可可度高，因此較甜但抹茶雪糕抹茶味不足，可能選其他較好朋友和我很滿意是次午餐，雖有點遙遠，但也值得下次又來而且餐廳客人極多，令我們很驚訝

成日都係IG 見到人share WTF cafe 既相今日終於去試下啦不過真係好隱世！餐廳有好多特別既裝飾！有膠神出現！餐湯係雜菜湯，有好多蔬菜，味道濃郁，好易入口！好飲！餐包係手工製！上臺時係暖粒粒的！麵包軟身，有啖啖的香甜味！甜甜地好香好好食！法式羊架伴白松露意粉雖然上碟唔算好靚，不過係味道一流既實力派！羊架烤得剛好，味道香濃，唔會好so，而且仲係好多汁！最好食係個白松露意粉！意粉彈牙，有好口感！白松露極度惹味，醬汁味道豐富，又唔會好油！好吸引人一口按一口咁不停食落去！

之前已經聽聞粉嶺一間咖啡館好食，今日終於有機會放工去食。餐廳環境真係好靚，好後生feel。叫左個威靈頓牛柳食。熱檸水既杯都幾特別，攞起隻杯個手都唔會辣親，因為隻杯分開左兩層。幾有心思。餐湯係羅宋湯。羅宋湯入邊好多牛肉，好正，好足料，第一次飲到咁多牛肉既羅宋湯！麵包都好香，雖然冇牛油，但麵包本身就有陣好香既味道，唔洗牛油同埋唔係溝埋湯都好好味。等左十分鐘，我既威靈頓酥皮牛柳終於黎了。原來威靈頓牛柳係一個pie黎既，真係第一次食。食一啖酥皮，好香牛油味，好鬆軟！加埋牛柳一齊食，個味道真係好夾，唔怪得呢間野咁出名。真係好滿足！牛柳係六成熟，保留住牛肉既甜味，加埋牛油酥皮，口感一流。而且牛柳係真係超級厚切！抵到爛！再食側邊既沙律，佢個沙律醬都好好味，唔會好酸，呢個酸甜味夾得好好，個人非常鍾意。今日返工忙完一輪，收工可以食到高質野，正呀！下次會黎試下其他野！

聽聞朋友仔公司附近工廠大廈開左間cafe, 見無野做就約佢出嚟食個lunch 先。一去到，雖然會覺得工廠大廈環境有d舊舊地，但係呢間cafe 環境裝修得都幾有情調架。一落完Order之後，侍應會送上兩種味道餐包，一款係黑芝麻味，另一款係蜜糖味。餐包送上枱既時候仲暖暖地架。我個人比較like 蜜糖味多d，食落去甜甜地，相反，黑芝麻味味道比較普通，唔太突出。主菜叫左個威爾頓酥皮牛柳配薯菜食，牛柳我要左8成熟，食落去都仲好鬆軟有肉汁，配上酥皮，口感豐富。但係食曬成個餐就有少少膩既感覺。唯有食埋D 沙律菜希望減低肥膩既感覺。朋友就選擇左呢個黑松露帶子意大利飯。成碟飯聞落都好香黑松露香味，配上煎香左既鮮味帶子，令成個意大利飯味道配搭都唔錯。餐飲方面，叫左一杯侍應推介既綜合水果茶。茶係用左玫瑰花茶，飲落去好香玫瑰花味，再加埋多種唔同類型既水果， 味道又俾人一種好夾既感覺。又試左少少士多啤梨奶昔，飲落好香士多啤梨味，又有少少果肉，味道幾清新。

今日返工做到嬲嬲地就相約幾位同事過隔離飯堂食餐好嘅去慰勞自己😡呢間小本經營嘅餐廳都算易搵⋯初初聽同事講仲以為佢地講粗口添呀！黎到先知原來佢地玩「食字」😂睇睇餐牌先～原來都幾多野揀喎！👀我地好快咁就叫左三個set lunch~因為費事諗，快快趣趣食完就返公司搏殺😲先來個足料的餐湯-羅宋湯餐湯入口酸酸辣辣，等我地開開胃⋯刺激下條脷。值得一提的是⋯佢地啲餐包味道都幾特別，因為是每天新鮮自家制的～很有心思吧！有蜂蜜味、黑芝麻味⋯⋯主菜來了～事關我個人偏好蒜香味，所以就叫呢個試試，大蝦剪左個角，令客人食嘅時候唔驚刮損口⋯細心喔！味道方面，除了有濃濃嘅蒜味外，仲食到咸香味～而份量適中好岩我地啲OL食！唔使驚嘥野～餐飲就揀左佢個草莓奶昔⋯事關同事之前飲過覺得味道幾清新、特別！入口有粒粒新鮮草莓果肉👀佢地都送飯後甜品添架！（日日唔同）今日就送啫喱杯😍

朋友有好介紹，就算幾遠都會不辭勞苦去試下。What The Food café位於粉嶺聯和墟的工業區中，而其室內設計都彌漫工業vintage既氣氛。牆身有不少裝飾和設計，餐廳內更有破舊的電單車作擺設，還有以copper顏色為整個主題，影相係一流的。食物方面，餐包同湯已經令人滿意，自家制的味道，前菜已經加分。Main course叫左一個農夫包同薯菜，意粉或飯任君選擇。農夫包塞滿了7成熟的牛肉，牛肉同麵包真係最好既配搭。而薯菜也不錯。飲品好特別，有閃光燈係杯內，成個café格調令人回味。

上水人、粉嶺人一定聽過呢間CAFE~餐廳名已經夠出位, 聽講食物質素也不錯中同GATHERING~ 就在此敍舊~餐廳位處較偏, 加上平日夜間到訪, 會諗住少D人, 點知都係咁多人好彩我六點幾到, 唔洗等位餐廳環境都幾闊落, 寧靜 佈置也挺有特色拍拖同GATHERING 都係好OK既地方點了威靈頓酥皮牛柳 配薯角先來前菜 - 紅湯配黑芝麻包個人較喜歡白湯, 但湯只有紅湯的選擇, 就一嘗吧 發覺紅湯也不錯, 不會太酸令人抗拒, 反而開胃之餘, 令人眼前一亮配料豐富, 入口香濃湯汁, 不咸也不酸, 配上芝麻包, 鬆軟的包, 陣陣芝麻香點上湯連食, 別有一番滋味覺得這道菜好特別, 非一般CAFE可以有, 所以點了這道菜酥皮包牛柳焗, 酥皮香脆, 切下去牛柳厚度驚人, 抵食之餘, 亦有香濃牛肉汁入口不韌嫩滑, 熟度剛好, 配上酥皮, 有外脆內軟之口感 中間且有黑蒜等配料 , 味道層次更豐富, 帶出牛柳的肉味, 令人更覺回味菜式夠特別又出色, 的確是不錯的選擇飲品就點了雜果賓治雜果賓治的杯子都別有心思, 杯底有光亮著, 響環境較暗、有情調既CAFE~ 感覺更浪漫

有人話粉嶺係美食沙漠，今次呢間工廠café就可以帶來新既景象。地點就真係遠左點，就算係粉嶺火車站你都要識行過去，同埋路程都10多分鐘，不過食完你就知值回票價架啦。因為lunch所以直接叫左set lunch, 首先會有湯同餐包，餐包令人驚喜，而羅宋湯味道濃郁十分開胃。一份grilledshort ribs ，有得自選味道，我就簡左芥末同蜜糖，ribs多汁，肉質亦都唔會老，不妨試下。另外卸有得配意粉、飯或者薯菜。咁我就因為唔想食太飽叫左薯菜，剛炸得香脆送上，仲會燙口添。另外叫左一杯山渣玫瑰茶，清清甜甜，岩哂食完較為重口味既食物。

得知公司附近的工廈有一間cafe,於是相約了同事們去品嘗一下。雖然餐廳位置於舊舊的工廈中，但餐廳特別的裝修佈置，加上暗暗的燈光，令人感覺很有情調。忙碌了一個上午後，在這環境下午餐，不禁舒壓了不少呢！我們每人各自order了一個set lunch,先來的是餐湯和餐包。餐湯是羅宋湯，看到滿滿的雜菜跟牛肉，就知道味道一定濃而不淡！餐包有2款味道，一款是芝麻味，另一款是蜜糖味。我們都覺得蜜糖味比較好味！輪到主菜，我選了黑松露帶子意大利飯。一向我都很喜歡意大利飯的質感和味道，加上黑松露的香味，和新鮮嫩滑的帶子，很滿意呢！同事們分別選了一個卡邦尼大蝦意粉，和酥皮牛柳配薯角。大蝦意粉的大蝦很大隻，肉質爽滑。而牛柳配上脆脆的酥皮，口感豐富，但亦不會覺得膩！至於餐飲，我們點了店員推介的草莓奶昔和綜合果茶。整杯粉紅色的草莓奶昔，只是看顏色已經令不少女生著迷，加上味道真的不錯！最後，還有一個小甜品。Lunch來說，這間cafe有點少貴，不過值得一試！