What The Food Cafe (已結業)

128蚊點左個威靈頓牛排，樣就幾好不過牛排質素太差，食舊膠入口咁又無味，另外叫左個漢堡包，肉質都差，完全食舊假肉咁。好既係環境唔錯，設計唔錯，薯角好食，員工親切。

原本相約友人去上水某冰室，可惜遇上假期休息。於是立即快搜北區人氣食店。觀塘區工廈食店一般假日都會休息，想不到粉嶺這家工廈食店很勤勞地營業，好讓我們這些假日才有機會四周搵食的人，能夠試嚐。幸好先打電話去book位，否則遲一些就full house.附近有公眾停車場，當天假期，很多位⋯樓下的大廈入口很難想像藏了一間型格食店一出lift, 見到很有心思的「壁畫」下次如果訂座，我會指定窗邊位⋯ 窗外開揚景致，配上假日氣氛，絕對可以hea住食夠一個下午這個餐牌似乎不會常常轉⋯ 因爲跟其他食評者的內容都一樣⋯是日我們4大3小；共點了5個餐。首先出場的餐湯，很真材實料⋯ 超多渣好飽肚⋯ 我個人希望湯多一點⋯ 這個鰻魚蛋包飯，外觀非常日式洋食feel.... 味道 其實似蛋蓋飯多些⋯ 炒香的滑蛋，入口軟綿綿，配上鰻魚汁的飯；我2個囡爭住食這個是大蝦溫泉蛋卡邦尼意粉，也是very good 把溫泉蛋打散拌均整碟意粉，那種每根意粉都被濃濃醬汁包圍的感覺，不會太over, 超滿足。我女兒是芝士控，一個5歲小朋友都可以食哂成碟的份量⋯ 是似乎少左少少反倒我點的帶子黑松露意大利飯；除帶子外，令我感到很失望⋯ 沒

前身為多利飯堂，遙身一變成了WTF CAFE，環境靚左，乾淨左，不過價錢都貴左，值唔值就等今日試下佢。餐湯係羅宋湯，仲有個餐包仔，味道ok，湯濃，小小酸，個包仲暖㗎。食左牛扒意粉，塊扒啖啖肉無筋，都幾大塊，意粉都多，夠哂飽。要左益力多沙冰，好大杯，好多凍，正。甜品係曲奇，咁奇怪嘅？曲奇呢D飽肚野黎喎。

公司附近冇啖好食所以大時大節齊人通常會食what the food。近期興工厦大改造，而多利除了what the food外仍然徹徹底底是工厦，衛生環境真心只可比一粒星星，餐廳內裡目測是整潔的，正所謂眼不見為淨，出得黎行就預左… 食過很多次有感食物飲品種類多了，是有心有力去改善之前的不足。午餐由餐湯到甜品齊全，和同區的威x餐廳都是西餐，自覺wtf比威x好食，不過價錢貴過威x，自行衡量吧。這裡永遠是紅湯，但足料，餐包烘過，和港式老西餐有分別吧。 主菜由扒類到海鮮到沙律都有，朋友點的我沒試過就不多介紹了，我的帶子黑松露意大利飯，很漂亮吧！帶子三大隻，兩邊煎至焦香！但略嫌煮過龍，所以稍韌。黑松露忌廉意大利飯香味四溢，意大利飯煮得不錯，稍稔，如果硬一點會比較對胃。不過我覺得口感這回事很個人，朋友就覺得剛剛好。 飲品加錢換了特飲！一直想試這個焦糖咖啡沙冰！沒想過焦糖是焦糖脆脆！滿足視覺和味覺的一枚，必飲！ 甜品今天是曲奇，最近來過幾次都是曲奇…其實都好吃的，只是覺得已經很飽了幹嗎還要吃餅乾而已。如果餐廳見到這篇文章，可以送之前的咖啡奶凍嗎？ 粉嶺工業區之首選，這句話應該沒有人異議的。

星期六,返左公司做D野,跟住就可以收工,突然友人話不如去試下粉巔WTF CAFE,因為之前係FB都見過好多人講,橫掂都唔太遠,下午又無野做就去試下,去到第一件事就俾佢貼係走廊既公司吸引左孖寶兄弟呀!!跟住盡頭見到呢個Simpson牌包無去錯喇去到唔洗等位,但已經8成滿,好彩我地早少少到,因為之彼已經爆左場!!好講返用餐先:我揀左B肉眼要5成熟,友人揀左G鰻魚旦包飯店好喇開始等開餐喇!拎起餐具,發覺唔係好潔淨,有D餐具仲有D跡係度,心諗唔通中伏好快個湯同個包到左,食落好彩,又幾好味,個包軟硬適中,可惜得兩個!同朋友影下相,吹下水,飲緊湯既時候,份肉眼居然到左,心諗有無快左D呀! 唯有即刻試下個扒先,5成熟剛剛好,煎得好香,配上黑椒汁,但汁太多蓋過左牛扒味,跟住再繼續飲埋個湯,飲完再食已經涼左少少,係呢度有D遺憾,但D配菜就好好味,D菜係有加上沙律醋,唔係就咁普通配菜,讚!另外友人點既鰻魚飯,呢個睇個樣都覺得好正,食落好好味,D旦好滑,下面D飯有用鰻魚汁撈過,D鰻魚無鯹味!好味埋單朋友請,所以唔知幾錢,但睇餐牌唔算平,不過食完坐係度傾計,覺得環境好舒服,間中試下HEA下都唔錯!!總結: 食

難得放假，回到舊公司同一眾舊同事食餐飯，選址舊公司隔離的WTF Cafe，唔係黎開呢頭返工都真係唔識搵。點了午餐set，有餐包送的，預先暖過有微溫，幾好味。是日餐湯選了紅湯，蕃茄雜菜湯，味道濃郁，用了很多蔬菜去煲呢。自己點了威靈頓酥皮牛柳配薯角，有沙律菜一大堆同薯角數條，加上酥皮，呢份餐都真係夠哂飽。酥皮不算太厚，挺鬆軟，吸了牛柳的肉汁好味喎，牛柳嫩滑，火候控制得不錯。餐飲點了紅豆沙冰，奶味十足，略甜。餐後甜品竟然係牛油曲奇，好飽啊。

一早就睇中左想黎呢度食架啦因為住左粉嶺甘耐，都唔知原來有唔錯既cafe店所以決定星期日去試lunch去到已經坐滿哂人係擔心要等住之際，店員姐姐就話有一張枱執梗，一陣就可以坐過去一早就睇左呢度既餐牌，已經決定左要試饅魚蛋包飯餐湯&餐包好多料，有甘筍、湯蔥、肉粒，本身以為係辣辣地既羅未湯，但原來係普通雜菜湯送上枱果陣仲係溫架! 外脆內軟兩款唔同味，其中一款好似蜜糖味，甜甜地，好好味豬肋骨配薯菜芥末醬比想像中既大份，佢有兩件豬肋骨。而且煮得好淋，個醬又夠特別 但個醬食得多會好滯，如果佢可以配鳶鴦醬會更好菜係沙律菜配汁，唔中意食菜既人都食哂佢，就知唔錯左益力多蘋果沙冰一開始飲果陣會好甜，甜得制，要等冰溶左溝返淡先冇咁甜綠茶latte 好濃綠茶味，又唔會太甜，好好味饅魚蛋包飯有唔少既饅魚，而且好肥美但由於個飯係甜既，所以好快就會覺得好漏 建議同人分享會比較好

從不起眼的偏僻工廈有間精緻cafe。餐牌如下，小小廚房做到咁多款式。注意，有加一。鰻魚蛋包飯有誠意，大塊鰻魚大碟蛋。不過蛋炒得有d水，軟得濟。麻油好濃。白飯另外用鰻魚汁炒過，做得幾細緻。Beef willington形狀好似菠蘿包，酥皮好脆，涵好足料，有菌醬。不過就因為太脆，一切就皮肉分離。牛柳亦熟左d，well done，而且唔夠香，野菌醬味都唔夠出。配菜薯角好脆口，好過自己整同M記。沙律同醬汁有誠意。要重質不重量，食物可以更進一步，雖然會整Beef Willington既cafe唔多。另外餐具亦好影響餐桌體驗，WTF cafe用膠碟多，刀又唔夠利。不過環境裝修加分不少。下次會再黎，因為好多款未試，而且好多甜品好似好吸引。

依家都好多餐廳都係工廈開，見呢間野好多人俾四五星所以黎食下，一去到感覺冇一般餐廳甘光猛，入坐都選擇窗邊坐，我地叫左兩個最多人食啲套餐試試加一份小食，先上芝麻麵包應該佢地手制，麵包皮超硬個芯咩味道都沒有，例湯係羅宋湯，買相十分好，但得色同香，都係淡而冇味，仲要係凍嫁，點飲，鰻魚飯同豬仔骨意粉到左食相十分之好，但個鰻魚蛋包飯食落都十分重油益味，食左兩啖都放棄，豬仔骨一Ｄ都唔入味，汁還汁，肉還肉味，（注明兩碟都係凍上，唔明點解），個小食芝麻雞翼都十分重油益味，到最後兩杯野飲啦，雜果賓治同莫卡啦，都唔會十分有好寄望，賓治係生果加糖水開，莫卡就有一種好怪啲苦味，咁樣食一食都三百理單，絕對唔會有下一次

Sorry , 我唔係講緊粗口 , 而係我講緊我食緊間餐廳. 依間隱世食堂叫What the food cafe 講真 , 如果唔係我咁啱到粉嶺返工 , 我真係好少入到黎粉嶺 , 亦唔知有依間食堂 . What the food cafe 係粉嶺的工廠區入面 , 係地下亦唔見得有咩廣告牌底之類, 我黎依間都係因為我係IG Search #鰻魚飯 而見到 上到大廈1/f , 一開門已經有張A4紙指住 wtf 係右手面 , 包你唔會行錯路, 一行入少少就見到有好多公仔 (其實依個咁叫咩風格? 馬賽克風? 誤...) 當我去到果陣都得小貓3,4隻(11:50) , 無諗過未到12:30已經坐滿左九成......去到一點你真係唔洗諗 , 但可以留位 , 因為我見到有人留左位. 一坐埋位 , 每張枱都有張meun , 聽落係好基本 , 但每張都係手寫架! 我覺得好sweet ♥♥♥ 有成幾十個set 比你簡 , 真係花多眼亂 ,清到濃味都一樣有, 結果我叫左個香煎帶子配黑松露意大利飯 香煎帶子配黑松露意大利飯 $108 先黎左個湯先 , 係羅宋湯 , 勁足料! 蕃茄味勁濃 , 唔係味噌

同事生日，一班人早一星期便訂座What the food慶祝。由於大家都是粉嶺人，所以不難便到達目的地。甫到達，發現餐廳不大，環境昏陰，感覺比較適合情侶和知己细語，氣氛有情調，但我們都不理會了，因為有1.5小時用餐時限，所以馬上準備點餐，人多關係，點了幾個晚餐。法式羊架伴白松露意粉($168)，羊架好好味，味濃不騷，肉剛剛熟，非常推介！蒲燒鳗魚蛋包飯($76)，普普通通，蛋是夠滑，但味道平庸纽西蘭肉眼配意粉($86)，點了一個八成熟，一個五成熟，肉眼肉味合格，生熟程度控制很好，五成熟肉眼滑而淋，八成沒有了血汁卻不鞋，兩款配上意粉，是較抵食扒類之選蒜香大蝦卡邦尼芝士意粉($76)，大蝦尚算新鮮，配上蒜容和芝士，十分香口WTF燒汁豬肋骨，我沒有試，但同事話豬肋骨肉是很淋的，可以一試由於晚餐是單點的，不包括餐飲，所以另點了幾款飲品。綜合大家同事的意見，WTF特飲和抹茶咖啡是較好喝。飲飽食醉，大家便把注意力放在小臺上，有駐場歌手在演唱。客人們聽聽歌，聊聊天，滿寫意。ps:由於是工廠區，夜晚回程步行往火車站要注意路上比較偏蔽，女士們最好有男仕作伴。

之前見這餐廳既報導好幾次，已經想試下個鰻魚蛋包飯。今晚同女朋友特來試試，由粉嶺火車站行來需要15到20分鐘左右。相信不在附近或不是揸車既人基本上唔會來。今晚有live music，晚餐有音樂相伴。餐廳比想像中細，位子相隔得比較少，不過當晚坐滿了一半，所以感覺也不算迫。看看價錢，以cafe來說，晚餐價位其實很唔貴，大部分也是100以內，鰻魚蛋包飯$76連餐包餐湯野飲，另外叫了BBQ Ribs連意粉$7x，也加了$18改了特飲。兩杯特飲朱古力沙冰同焦糖咖啡冰沙味道偏淡，不過以加$18來說還是不錯。BBQ Ribs有3大件，份量算大份，意粉有白汁伴上，creamy，意粉剛好是我喜歡的有咬口有彈性。豬肉很林，一扯就扯開了，醬汁偏甜。鰻魚蛋包飯，蛋做得很嫩，配合煙un的醬油飯，不錯不過味道可以再濃點，鰻魚燒得有咬口不會太林。晚餐的價錢來說值得一來。

餐前會有紅湯同芝麻包奉上。紅湯很濃郁，芝麻包好香鰻魚蛋飯 - 蛋係滑蛋，入面包既飯唔係白飯，感覺似鰻魚汁加鼓油整出黎既飯。鰻魚屬於正常水平，冇咩骨。最正既係上面既紫菜超香，一上菜已經聞到紫茶味士多啤梨奶昔 - 感覺好似落左好多士多啤梨醬，而且似碎冰多d，冇咩奶昔既感覺🤔酒香蒜蜆肉意粉 - 超級濃既蒜味，加左小小忌廉汁，蜆既份量超級多👍🏻意粉本整得好陣牙。本身睇佢上菜既時候細細兜，但食完都幾飽下Lemon soda - 上黎都幾驚喜，因為下面透住藍光，心情都變得好d☺️ 下面有糖漿之類既野，要攪勻之後酸糖適中。大蝦溫泉蛋卡邦尼意粉 - 大蝦同意粉都好彈牙桂圓紅棗茶 - 個杯又係幾特別，設計可以令隻手唔會碌親👍🏻味道都係一般既桂圓紅棗茶味。小食拼盤（細）- 用鐵盒裝著上菜都幾特別。入面全部都係炸物-薯角，大蝦，雞翼同魷魚圈。炸物全部都炸得太過龍，魷魚圈唔彈牙，好稔滋滋，大蝦已經蝦炸到冇咩蝦味。可以唔洗叫🙈🙈餐廳入面既裝修好懷舊，氣氛感覺良好👍🏻但係從工廈入去餐廳既路就有小小簡陋。餐廳食物質素總體黎講都唔錯（除左小食拼盤），而且有花心機係飲品既設計上，令人有眼前一亮既感覺。最好提前book左台

之前都有去過其他工廈餐廳~呢間雖然位置確實偏遠一點，但也值得一試的~店內座位也算多光度適中點餐後~店員送上羅宋湯+餐包(小妹覺得這個餐包好好食，不同出面餐廳的餐包，很軟熟而且有點黑糖味)先上的是紐西蘭肉眼扒配意粉(左)蜜塘芥末醬燒豬肋骨配薯菜(右).兩款的肉質都好嫩，肉眼無雪味，呢個價錢我覺得肉眼扒的質量算高。個人覺得豬助骨跟密糖芥末醬有點不搭~大蝦溫泉蛋卡邦尼意粉- 蝦剪得香口不錯，意粉較稠，份量不算多蒲燒鰻魚蛋包飯- 推薦👍蛋很滑而且入面的飯不是普通炒飯，用了醬汁去炒。鰻魚肉都算厚，分量較意粉多。熱情果益力多沙冰 -推薦👍熱情果味好香，益力多不算多但所以味道不用太甜~而且沙冰真係好沙，飲果陣完全無一粒粒既冰cappuccino

難得返晏，約埋一班同事去粉嶺食午餐！呢間工廠區嘅餐廳口碑唔錯！不過要去都幾隔涉！所以我哋在火車站搭的士去！事先打電話過去話唔需要訂位！去到樓下有兩個婆婆話星期一唔開！勁擔心上去見有開先放心！門口貼咗改了星期一都開！出𨋢係比殘舊嘅工廠走廊，門口都唔顯眼！入內燈光暗，大部分依靠窗口透出嘅自然光！桌椅似學生時代嘅木面鐵框款式！加水泥地！桌椅唔迫！加上樓底高！唔壓迫！午餐選擇幾多，主要日式同西式！餐湯：用個中式瓦砵（電視劇乞丐用來行乞嗰隻）蕃茄湯酸酸地開胃，中央有西芹同蘿蔔塊！可惜唔夠熱！最憎嘅微暖！餐包：一個好似蛋糕模嘅錫盤！入面兩款餐包麵包！我食啡色嗰隻，熱辣辣鬆軟！味道偏甜！好味青芥末煙肉雜菌意粉（$66）份量勁粉！意粉淋身無咬口！只有微微芥末味！唔夠香又唔攻鼻！煙肉無炒過！雜菌唔多！加大量紫菜絲！味道夾埋ok越南滴漏咖啡（跟餐加$18）第一次飲越南嘅滴漏咖啡！一隻有耳杯上放一個簡單滴漏器！店員教要等咖啡滴晒再拎開個滴漏器再攪勻！等待期間飄出好香嘅咖啡香味！唔落糖飲一啖！好濃！落一包啡糖！味道香濃！唔澀易入口！好味！跟餐甜品曲奇：估唔到有甜品！唧花曲奇鬆脆，好香牛油味！好味！心太軟（$4