Warren (已結業)

Warren-有情調法國菜門面法國式的建築物常見的石牆身，內裡水泥地板配以深木色的桌椅，以黑色作主調，配以柔和的黃燈光，營造出幽雅寧靜的氣氛。羽衣甘藍牛油果黎麥沙律配士多啤梨青檸汁新鮮牛油果蘑成泥蓉混合著黎麥，粒粒略硬身的黎麥、幼滑的牛油果蓉和爽口的羽衣甘藍，三者也是健康的食材，再配上士多啤梨青檸汁，清新又開胃。芝士黑松露菌焗帶子熱騰騰的焗帶子，表面烤得微脆內裡熱溶的芝士，鮮味的黑松露融和在芝士汁中，再滲進新鮮的帶子中。蟹肉南瓜湯甜度十足的南瓜果甜，當中的南瓜蓉加上蟹肉絲，令口感豐富，兩者配合度高。海膽龍蝦湯新鮮的海膽刺身加上沸騰的龍蝦湯，兩者一冷一熱的衝擊，海膽溶在龍蝦湯中，海膽和龍蝦雙重的鮮味，令湯的味噌更昇華。燒紐西蘭羊架配玉米餅，迷迭香燒汁羊架的份量十足，啖啖肉，而且肉質腍身，當中散發出淡淡的羊羶味，羊架獨有的味道，配上迷迭香燒汁更惹味。波士頓龍蝦米多配龍蝦汁舒芙蕾大大隻的波士頓龍蝦加份米多，味道鮮甜，龍蝦肉爽口彈牙，米多香口脆身，再加上法式風情小點的龍蝦汁舒芙蕾，入口即化的輕盈感中充滿著濃濃的龍蝦香。

大坑不嬲都係餐飲界藏龍臥虎之地. 好多隱世小店係大坑都好有水準! 今晚放工後同女友盲測呢間位於大坑既西式小店-The Warren. 一樣令人喜出望外!我地order咗標準既 Warren Set for Two.首先頭盤係羽衣甘藍牛油果藜麥沙律. 絲滑既牛油果配上藜麥口感極佳. 再加上酸酸甜甜既士多啤梨青檸汁真係好開胃!而令一款starter芝士黑松露焗帶子亦好好味! 香濃creamy既芝士加上鮮甜既帶子都係好完美既配搭. 2款頭盤雖然風格唔同但依然令人覺得驚喜.另外餐湯我地都order咗2款唔同特色既湯. 首先係海膽龍蝦湯. 龍蝦湯配上海膽味道鮮濃而另外一款係蟹肉南瓜湯, 南瓜湯味道鮮甜絲滑加上一絲絲真蟹肉可見師傅用料精細.最後當然少得今晚既主角 --- 香煎石斑同羊架!羊架鮮嫩多汁, 加上迷迭香燒汁. 更加香濃juicy!而香煎石斑配上番茄繪菜同燒椒汁, 更有一番風味.聽講甜品都係師傅日日新鮮炮製,但係兩個餐頗具分量, 我地都食唔落甜品啦! 唯有下次返來再試.The Warren 絕對係具誠意既西餐店. 雖然款式唔係好多, 但款款都係師傅精心炮製. 下次有時間一定會再encore

慶祝特別日子唔一定要食buffet 既，去高級餐廳享受埋個service 有時可能仲正! 第一次試Fine Dining, 知道呢間係由五星級酒店廚師主理，而且餐廳位置同環境真係好寧靜舒服，完全係遠離煩囂。❤牛油果蕃茄芝士魚薄脆❤一上菜個碟係暖既，十分細心，牛油果混合左少少檸檬汁，蕃茄芝士魚就帶有一陣生果甜味，成件事就好似tuna biscuit咁，當兩個唔同sauce咁搽上薄脆度食，超級開胃! 而且薄脆仲好似有烤過咁，有少少炭燒既感覺! ❤芝士黑松露菌焗帶子❤(大愛)一上菜就有香濃既芝士黑松露味，見到隻碟好大原來係擺左熱石暖住帶子，一了起，隻帶子真係好肥美好大粒，咬落好juicy，熟既程度係彈牙與軟淋淋之間，非常好食。我第一次食完焗帶子會將個貝殼上面剩低既芝士都食埋!!❤法式洋蔥湯❤佢將一塊焗芝士麵包放左入個湯入面浸發左少少，個包吸晒洋蔥湯既精華，本身個湯偏咸，但配埋麵包食就岩岩好，而且真係落足料熬洋蔥湯，好濃好深色，入面仲有超多浸淋左既洋蔥!❤蟹肉南瓜湯❤(大愛)望落去以為好thick，點知入口超有空氣感好輕，而且有creamy細滑既感覺。南瓜味重而且好甜，真係南瓜既清甜味! 加埋

餐廳係大坑，位置有點難揾，問左附近餐廳先知係邊。叫左二人餐，頭盤有：羽衣甘藍牛油果沙律配士多啤梨青檸汁羽衣甘藍好新鮮，牛油果又好香，汁方面，青檸的酸有士多啤梨的甜中和番。龍蝦芒果沙律，龍蝦好鮮好彈，想不到同mango係咁夾的。兩個湯都好好味呀，海膽龍蝦湯同蟹肉南瓜湯，湯有鮮味，濃郁但無味精，個南瓜湯仲帶點瓜的甜。香煎西冷牛排焗芝士忌廉薯仔配黑松露燒汁個薯仔好香配芝士同忌廉，係絕配。牛排嫩而多汁。香煎石斑配蕃茄雜菜.燒薯仔.西椒汁魚煎得好香脆，新鮮嫩滑，個汁好正，好香的西椒味。食物賣相很好看，多顏色，望上去很開心。我們無加錢要甜品。因為都已經夠飽。

難得平日放假，同老公兩個人去了遠少少的大坑食晚餐，大坑那邊都有很多細細間餐廳，其實是個隠世的美食集中地。這間Warren晚市有套餐供應，二人餐約千元，雖然價錢比較貴，但包了豐富的前菜及餐湯，最重要是師傅用心製作的成果，食物精緻又好味。焗至微暖的餐包配香草牛油。羽衣甘籃牛油果藜麥沙律配士多啤梨青檸汁表面的牛油果蓉還帶點粒粒，下面是有咬口的藜麥，羽衣甘藍去掉莖只留嫩葉，十分爽脆，加上酸甜醬汁，開胃又健康。香煎鴨肝配無花果及蘋果醬鴨肝表面煎至焦香，外脆內嫩，雖不及鵝肝肥美，但亦無鵝肝的騷味，加上蘋果蓉的酸甜清甜，整體十分配合。海膽龍蝦湯海膽先放入碗內，再撞入龍蝦湯，兩者徹底融合，蝦殼的焦香及海膽的鮮甜味充斥味蕾。蟹肉南瓜湯南瓜湯比較濃稠，有南瓜的天然甜香，亦有蟹肉鮮甜，加上淡淡的忌廉香味，十分creamy。香煎美國頂級西冷伴焗芝士忌廉薯仔配黑松露燒汁西冷要了七成熟，表面煎至焦香，中間還帶點粉色，肉味濃郁又保留了肉汁，加上燒味令牛扒沾上些黑松露的清香，焗薯仔有點似酥皮薯批，口感特別。燒紐西蘭羊架配玉米餅、迷迭香燒汁羊架都是七成熟，肉質嫩腍帶點羊脂香味，玉米餅屬粗糧，幾有咬口。

一直覺得大坑美食林立但唔就腳，咁啱去探完住附近朋友，就揀一間睇落頗吸引既西餐廳去食晚餐。點了一個＄988的set for two.羽衣甘藍牛油果藜麥沙律配士多啤梨青檸汁食落感覺非常清新，整個組合配撘得很好，而選材亦非常健康，加上我係個牛油果控，對我異常吸引！芝士黑松露菌焗帶子大隻厚身既帶子配上芝士同黑松露味道非常香濃，再以熱石烘住保持熱度，十分細心。海膽龍蝦湯升級後既餐湯用料很豪華，將一板海膽加到熱辣辣既龍蝦湯，忌廉香配上鮮味食材，齒頰留香。香煎石斑魚配番茄汁燴菜‧燒薯仔‧西椒汁餐廳用上黃椒紅椒做醬汁非常特別，魚本身外皮煎得香脆，而肉質亦好嫩滑，伴碟味道也很不錯紐西蘭羊架配玉米餅，迷迭香燒汁賣相很好，熟度亦處理得很好，帶出肉香又不失質感，玉米餅都好脆口，整體不錯！

假使世界原來不像你預期。。。你會怎麼辦？我會選擇來一場小「出走亅， 或是狠狠的吃一餐「好亅的， 因為工作得那麼辛苦，其實都是為了「搵食亅。。。 有時候，間唔中都要食好啲，才可算是對得起自己！！大坑的這間小店， 去年朋友帶過我來吃一次午餐， 我很喜歡， 是我心目中的number one。。。大坑 best keep secret！今天心情有點納悶，一於對自己好啲， 再來光顧一次晚餐。要食豪啲， 我點了海膽龍蝦湯！ 看著侍應用純熟的手勢表演， 在肥美的海膽上淋上熱辣辣的龍蝦湯， 我感覺好像用「鈔票亅找回了「自我亅。吃著軟綿綿的海膽， 豐腴的「回甘亅從我的喉嚨 傳回舌尖， 雖然古語有云：「寸金難買寸光陰」、 但古人沒有教曉我的是。。。「 寸金其實可以買到舌尖上的一寸快感」。當我喝掉最後一口湯的時候，我感覺到什麼叫滿足！海膽龍蝦湯蟹肉南瓜湯牛油果蕃茄芝士魚薄脆 下次如果你有不吐不快的事，也可以學我一樣，將怨氣投射到這個薄脆魚片上 ， 豪氣地一口把這個「鹹鮮中略帶小酸甜」的 小鮮肉前菜一口吃掉 ！芝士黑松露焗帶子香氣撲鼻的黑松露， 在我幹掉 「被芝士纏繞著 亅的焗帶子的時候，一併被我吞噬了！ 滿

今晚同一個舊同學聚舊，選擇黎大坑呢個遠離煩囂既地方，揀左間法國菜。呢度燈光昏暗，非常有情調，擺盤都好精緻。我地揀左二人套餐（$988）。<羽衣甘藍牛油果藜麥沙律>呢個賣相幾靚，上面薄薄一層牛油果，下面就係整齊一磚藜麥，中間夾有番茄碎同洋蔥，幾爽口開胃。<芝士黑松露菌焗帶子>用一大個黑盤上，下面有啲熱石。帶子就略嫌韌左少少。個芝士黑松露醬汁好重芝士味，非常香！<蟹肉南瓜湯>呢個湯比較結身，南瓜好濃郁，好滑，上面用忌廉整既花紋都好有藝術感。<海膽龍蝦湯> (+$30)黎到先加湯落啲海膽度，跟住就起曬泡，飲落幾強龍蝦味，下面係粒粒海膽。<香煎美國西冷>西冷揀左五成熟，可惜唔係好夠juicy，不過牛味還在。反而好欣賞旁邊既芝士忌廉薯仔，超強既芝士味，簡直係芝士控最愛！醬汁係黑松露燒汁，但味道就唔算太出。<香煎石斑>魚肉片片好嫩滑，煎過之後更香。伴碟既薯仔片加上茄子幾特別。醬汁係三色甜椒做既，第一次見，原來都幾夾！飲品同甜品要另外加錢，我地就無再加喇。呢度夜晚環境幾適合傾計，氛圍夠曬浪漫。

羽衣甘藍牛油果沙律。蔬菜好新鮮，味道清甜，配上適量的醬汁，十分開胃。蟹肉南瓜湯。香濃的南瓜味，南瓜blend得好溶，飲落唔會覺得有渣，南瓜同忌廉比例平衡。法式洋蔥湯。好濃郁的洋蔥味，湯底好深色有咸香，沾上半溶的芝士面包的確係絕配。芝子黑松露焗帶子：出色的一道菜。帶子焗得恰到好處，能夠鎖住帶子汁配上濃厚的芝士牛油同黑松露醬，將帶子的鮮味進一步昇華，無可挑剔。香煎羊扒：medium well的熟度。表面微焦，肉汁豐富，羊味好重但完全唔羶，食落頗有驚喜，水準之作。慢煮西冷：以慢煮的形式，表面並無燒焦。西冷以厚切形式肉汁能夠盡量保留，唔似一般煮法而流失肉汁，食落唔覺得乾同鞋，但牛味亦是香濃，能夠保留西冷的特點。總結：菜式食材用料上剩，煮功一流。環境舒適寧靜，估唔到係大坑都可以有法式享受，脫離凡囂。

今晚特登帶女朋友嚟到大坑依間西餐廳到食嘢， 微弱嘅燈光加上好有情調嘅背景音樂，環境氣氛好好，一路望住廚師為您準備， 一路同女朋友閒談幾句。我地揀左二人套餐羽衣甘藍牛油果藜麥沙律，一個好好開胃沙津牛油果蕃茄芝士魚薄脆， 墨西哥脆片配上兩種唔同嘅醬，有兩種味道洋蔥湯好特別，濃濃既洋蔥湯上面有塊芝士多士， 芝士仲可以做到拉絲嘅效果，湯味好甜！美國西冷拌芝士忌廉薯仔，切開中間粉紅鮮嫩，肉質係比較煙韌個種，會有多d既口感，肉味十足香煎石斑魚，魚肉厚身，魚肉保持到鮮嫩，而魚皮煎得香脆，活生生的石班魚。感覺餐廳各樣嘢都好好，員工嘅服務至菜式嘅擺碟都好有心思，最啱帶女朋友一齊嚟。

自從拉麵來之後發現大坑美食一籮籮，所以繼續大坑覓食之旅。大坑西餐廳亦多不勝數，所以經過精挑細選後，我同女友決定試試warren。入口亦不明顯，需要走入小巷先見到餐廳門囗。Warren入面大約有五、六枱，幽暗既燈光非常適合情侶晚餐。雖然廚房係開放式，但完全感覺唔到油煙味，抵讚作為情侶既我地叫左一個二人套餐。首先上左一籃麵包。令人意想不到既係旁邊既黑松露牛油，散發淡淡既黑松露獨有鹹香，麵包既質感外脆內軟。再嚟既係羽衣甘藍牛油果藜麥沙律。羽衣甘藍特別爽脆，但我認為牛油果藜麥先係主角。單評兩款食材我都麻麻哋，但整成「三文魚他他」既造型後，兩款食材味道好夾。芝士黑松露焗帶子賣相唔錯。帶子肉質彈牙鮮甜，濃郁既芝士同黑松露令味道更豐富。洋蔥湯係法式傳統個種，洋蔥絲呈焦黃色澤，當中嘅甜味融入湯汁之中，另外再放上一片麵包同芝士。味道清甜醇厚，一食便愛上。女友叫咗蟹肉南瓜湯，忌廉汁被畫成不規則圖案（我認為係蜘蛛網），令餐湯充滿藝術感。warren既南瓜湯比較稠身，蟹肉份量多。之後到主菜出場！首先係香煎石斑魚。餐廳用上黃椒紅椒做醬汁，七彩繽紛既賣相令人心曠神怡，肉質都算嫩，配上西椒汁味道的確幾夾。另一款主菜

大坑出名多高質西餐，朋友生日，她喜歡幽靜的環境方便傾偈，見Warren評價不錯就在這裡跟她慶生。＊＊＊＊＊＊＊＊＊＊＊＊＊＊雖然Warren賣的是多國菜，但店內廚房上下流線形的外牆配上彩色馬塞克，剛從西班牙旅行回來的我一看就知道是仿效西班牙著名建築師高第的作品，在西班牙高第的建築全部已經列為觀光景點，想不到在大坑卻能在這裡邊回味高第對美的哲學，邊享受美食。二人套餐($988)包括前菜、湯和主菜，菜式都吸引所以就不再看單點餐牌。牛油果番茄芝士魚薄脆薄脆雖然一看就知道是D字頭現成貨，但有加熱過都算交足功課。牛油果份量幾多，口感香滑，半融芝士香味突出，味道對版。羽衣甘藍牛油果黎麥沙律配士多啤梨青檸汁三款超級食物有齊，夠晒健康，不過因為加了士多啤梨青檸汁，所以入口不會只有青草味，而且黎麥食落幾有咬口，幾清新的一道前菜。蟹肉南瓜湯南瓜湯超香甜，入口順滑，裡面都有不少蟹肉，滿分～！！海膽龍蝦湯(跟餐加$30)龍蝦湯不會過鹹，味道濃郁，不過熱食海膽少了鮮甜味，整體味道不及南瓜湯突出。香煎美國頂級西冷伴焗芝士忌廉薯仔配黑松露燒汁西冷牛味幾濃，不過略嫌有點過熟，幸好配上黑松露燒汁味道仍然不錯。焗薯是我的

想找間環境較好的餐廳來慶祝知道大坑有很多隱世的小店朋友亦大力推介這間餐廳所以就來一試🍽羽衣甘藍牛油果黎麥沙律配士多啤梨青檸汁用上了白黎麥 加入了蕃茄粒和青瓜粒面頭是牛油果蓉 砌成一個圓柱型旁邊加上了羽衣甘藍白黎麥份量很多 口感煙韌配上的士多啤梨青檸汁頗酸整體很清新很醒胃🍽芝士黑松露菌焗帶子擺盤頗有心思 碟內放了熱石令帶子能保持溫度帶子大隻厚肉 醬汁用上了牛油、大量芝士和黑松露打成忌廉 上面仲加左少少魚子醬 增加口感彈牙的帶子加上超香濃的醬汁 讚👍🏻🍽海膽龍蝦湯龍蝦湯是上枱時才淋在海膽之上令海膽盡吸龍蝦湯的精華龍蝦湯非常濃郁 加埋creamy鮮味的海膽頗有層次和特色🍽蟹肉南瓜湯加入了一絲絲蟹肉整個湯很香甜味美 非常濃稠🍽香煎美國頂級西冷伴焗芝士忌廉薯仔配黑松露燒汁有三大件厚切西冷 肉味超濃郁肉質非常鮮嫩 肉汁豐盈作為配菜的芝士忌廉薯仔亦高質一層薯仔加一層芝士 組成千層薯仔薯仔十分綿滑 加埋芝士就是絕配整道菜式是超水準 🍽香煎石班魚配蕃茄燴菜、燒薯仔、西椒汁魚皮香脆 魚肉結實不鬆散食落有彈性又嫩滑伴碟的蔬菜粒和薯仔酸酸甜甜頗能解膩🍽麵包籃有兩款麵包配上自家制黑松露牛油牛油十分香滑 有淡淡黑

放假就是要快樂。同男友去銅鑼灣睇戲，之後佢帶我黎旺中帶靜既大坑區食好野。走過大街小巷，來到這間Warren 餐廳。餐廳裝潢簡約樸實，播著柔和音樂及燈光，帶有情調。 我們點了二人套餐-先來「手作麵包配黑松露牛油」法式多士新鮮焗製夠熱夠脆，配上自家製香滑黑松露牛油，美味的前奏。-接著就是兩道前菜❤️香煎鴨肝配無花果蘋果醬鴨肝口感綿密脂豐油香足配上香脆多士；伴以無花果及蘋果醬以清香解膩。-❤️芝士黑松露菌焗帶子帶子是珍寶級的份量，口感爽彈。 配上魚子醬、厚厚的芝士層及香氣濃郁的黑松露菌，十分鮮美。-品嚐完前菜，就奉上餐湯❤️蟹肉南瓜湯南瓜湯🎃是我最愛的西湯。質地甘甜濃郁不稀，忌廉拉花漂亮，仲有絲絲蟹肉！-休息一會兒，就歎主菜❤️香煎美國頂級西冷伴焗芝士忌廉薯仔配黑松露燒汁西冷牛煎至約五成熟，比起肉眼脂肪會較少，相對不會太肥膩。但口感幼嫩冇筋亦帶咬口，牛味相當香濃。 焗芝士忌廉薯仔亦很滑身香口。 -❤️香煎石斑魚配蕃茄汁燴菜、燒薯仔、西椒汁 魚皮煎得金黃香脆，魚肉厚身口感綿密鬆化，用了清新的蔬菜粒作伴碟，減輕油膩感。

趁着週末冇嘢做, 先生帶我去佢公司附近呢法國菜, 餐廳位置係一條唔起眼嘅小巷入邊, 但一入門口已經覺得氣氛好好, 雖然位置唔多, 但座位同座位間嘅空間非常夠, 好適合約會😊我哋揀咗二人餐侍應首先送上熱辣辣嘅麵包, 配上又soft又香嘅黑松露牛油👍🏻Starter我哋揀咗芝士黑松露菌焗帶子同香煎鴨肝配無花果蘋果醬, 帶子好新鮮, 配上香濃嘅芝士同黑松露亦冇掩蓋佢嘅風頭😋鴨肝煎得好香, 入口即化, 配上酸酸甜甜嘅蘋果醬同新鮮無花果, 感覺好清新, 一D油膩感都冇😋湯我哋揀咗蟹肉南瓜湯同法式洋蔥湯, 南湯好濃郁, 南瓜嘅清甜配上蟹肉嘅鮮甜, 係perfect match! 😋洋蔥湯同樣驚喜, 加入大量洋蔥絲, 配上浸咗湯依然香脆嘅芝士多士, 味道豐富😋主菜有香煎美國頂級西冷同香煎石斑魚, 西冷肉質嫩滑, 係我哋至喜愛嘅5成熟😋香煎石斑魚表皮好脆, 肉質彈牙👍🏻感覺同平時食嘅好唔同😍一餐咁浪漫嘅晚餐, 價錢合理, 食物質素又高, 絕對值得encore!! 🥰