URBAN Cafe (駱駝漆大廈第一座)

營業中

休息中

一年下了幾天雨，心情有點鬱悶，趁着星期日出外走走。來到了這間位於觀塘的Cafe，和主子有個約會。幸好預先有訂座，想不到星期日和主子約會的人有這麼多。我們兩點多到達，差不多坐了九成滿，幸好環境夠大，不至於很擠迫。店內的貓貓真的很悠閒，一派悠然自得，在桌上睡覺，在地板上睡覺，完全懶理旁人目光。但是他們都很溫馴，任人撫摸，甚至人們一邊桌吃東西，牠們在另一邊桌睡覺！坐低先點東西，餐牌選擇和普通Cafe無異，用QR Code落單，很方便！我們點了二人餐，$328包了餐湯沙律主菜飲品。以為餐廳人多，上菜需時，但想不到很有效率。餐湯是南瓜湯，但食到條條南瓜絲，味道甜甜地！沙律份量不多，但酸酸地幾開胃。主菜點了即磨芝士黑松露菠菜大啡菇忌廉意大利飯和安格斯牛肉手工竹炭漢堡！向來喜歡creamy的飯，這個意大利飯，忌廉味很香濃，軟硬度很好，而且碟邊還有芝士！菠菜已經融入了飯，所以食落有條條菠菜和淡淡芝士香，好食！至於漢堡，也很足料，質素媲美出面漢堡包店。牛肉夠厚又夠juicy，醬也多，所以入口完全唔乾，薯角份量多，炸得香脆好食！跟餐飲品選擇也很豐富，還有我最愛的台式珍珠奶茶選擇。甜品抹茶奶凍質地幼滑亦好食

原來上一次去Urban Cafe已經係一年前嘅事，之前去左㕵角店，今日就去左觀塘，地點都幾就腳，係觀塘地鐵站B2出口一直行就到駱駝漆大廈第一座，食完仲可以係附近行下outlet😊😊觀塘店地方都幾大，但係一點鐘都坐到八成滿，穩陣啲記得book位。今次叫左個二人套餐，每人有個沙律餐湯，仲可以揀一個意粉/飯同埋一個Main，另外仲包兩杯38蚊嘅野飲。我地仲加左28蚊既滋味2人小食拼盤。沙律入面除左有生菜同車厘茄外，仲有菠蘿，食落都幾fresh同埋都幾夾。餐湯就係蕃茄湯，味道正常至於小食拼盤方面呢係啲炸野，味道都唔錯，可以一試。意粉我地就試左三重芝士肉醬意粉，啲芝士味都幾rich，食肉醬意粉最怕係唔夠醬，但係食呢個意粉就一定唔會唔夠。另一個main就揀左夏威夷風情拉絲水牛芝士手工薄餅，個pizza熱辣辣，記得要趁熱食先食到有啲拉絲嘅感覺。我地仲叫左兩杯特飲，菠蘿乳酸梳打裡面有一粒粒嘅珠珠，咬落去有啲菠蘿汁爆出黎。另一杯係朱古力咖啡雲朵沙冰，咖啡味偏濃少少，唔會太甜!各位貓奴一定唔可以錯過呢間cafe，因為當你食食下野時，啲貓貓就會係你腳邊行過，食飽都不妨同下啲貓貓玩下啦。總括而言，呢一間Caf

今日同朋友去觀塘食午餐，上網睇見到一間Cafe唔錯就去咗試下😆 佢係係駱駝漆第一座嗰度，一上6樓轉左就係🤤我地嗌咗兩個lunch set，每一個set都會跟是日餐湯同牛油多士條，都好抵食。🫕是日餐湯同牛油多士條我地嘅是日餐湯係南瓜湯🎃呢個湯都唔錯，南瓜味都比較濃郁，份量仲啱啱好。另外佢既牛油多士條比較重牛油味，但都幾甜，所以撈埋南瓜湯一齊食就好match啦😆🍝黑蟹籽櫻花魷魚卡邦尼扁意粉 ($88)呢個扁意粉一嚟到已經好香，賣相仲好靚，材料豐富仲有好多黑蟹籽圍邊🤤佢有好多醬汁，撈埋意粉一齊食就夠晒味。意粉唔會好淋又唔會好硬，口感適中，所以整體嚟講都好好味。另外，上面仲有魷魚作點綴，魷魚口感好爽，不過就鹹咗少少，如果冇咁鹹就更加好啦！佢既意粉好足料，仲有好多煙肉同菇，食完個意粉已經好飽。大家下次去都可以試下🍝意式肉丸芝士肉醬意大利麵 ($78)呢款意粉比想像中更加濃番茄味，面頭嘅番茄仔有煙燻過嘅味又唔會酸，非常有心思同驚喜啊🤤而且我最怕食意粉會太乾，佢嘅醬汁惹味得嚟又夠多，仲有我最愛嘅芝士😍撈埋意粉食就啱啱好，肉丸都非常結實😋煎到肉丸外皮脆脆哋，超級正啊😚即使係普通嘅肉醬意粉，佢嘅細緻位都

位於觀塘駱駝漆工業中心嘅Urban Cafe平日嚟講都幾多人，入場個個都要著鞋套，雖然衛生不過都幾唔環保。地方都幾大，雖然坐咗超過一半人但唔會太逼夾。今次帶囡囡嚟食嘢，囡囡玩得好開心，食物又唔錯，幾好的親子消遣地方。即磨芝士黑松露菠菜大啡菇忌廉意大利飯黑松露味道香濃，大啡菇好適合小朋友食，配上忌廉汁濃郁的意大利飯，濕濕地又有點咬口，我同囡囡都好鍾意，尤其滿意佢嘅芝士份量十足夏威夷風情拉絲水牛芝士薄餅囡囡係芝士愛好者，對呢個pizza讚不絕口，水牛芝士勁濃郁，唔會過鹹。每一啖都做到拉絲口感，薄餅底煙煙韌韌有𡁻口，亦都焗得好香四重芝士意大利黑醋田園野菜沙律味道正正常常啦，野菜都算新鮮，配上黑醋健康之選朱古力雲朵冰沙俾個名吸引咗，味道都唔錯，雲朵即係滑忌廉，同朱古力沙冰嘅味道好配合，朱古力味道好香濃好甜，有驚喜藍花伯爵茶荔枝紅茶花茶唔可以加水，但份量都唔錯。而且可於落單時免費加蜜糖，幾好。茶味都幾香濃，最愛伯爵茶的橘香味，同荔枝都幾夾Urban cafe 精選特調咖啡味道唔錯，唔太澀味道都香濃

打完針手痛大條道理可以唔使煮飯😗起觀塘啲工廈周圍行見到呢間cafe出於私心 拉咗男朋友入嚟陪我遊故地👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻回憶一：肥🧸咩生物都驚一餐但一位朋友臨時興起拉肥🧸去左一間充滿住貓星人既cafe第一次咁近距離同貓星人共處一室見到周圍啲人都好熱烈咁同貓星人玩於是肥🧸決定試吓摸下呢啲貓星人👉🏻🐱👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻背景一：後來因為一啲原因冇再同呢位朋友聯絡，亦都隔左好幾年，冇再去過貓cafe，只係知道呢間cafe都改左名、仲由旺角開左黎觀塘...👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻話係故地 因為曾經開心、唔開心都去過呢個地方：試過自己起貓cafe喊 有隻貓貓會起隔離訓覺..好似同你講：傻仔 訓下覺好過啦🐱有咩好喊😃話係陌生 因為只係一間分店，地方唔同；啲貓唔同；就連身邊既人都唔同左...入去之前要先穿鞋套🔅Urban Cafe （駱駝漆大廈）🔅比旺角分店大好多，好多位，6點幾都已經滿左1/2有多✨巴馬火腿拉絲水牛芝士手工薄餅$108⭐️⭐️⭐️💫批底鬆厚，滿滿既芝士配Parma ham味道好夾，如果Parma ham大塊啲會更

我本身就是貓奴一名，家中住了兩位貓主子。今日約了同樣是貓奴的朋友到這間在觀塘的餐廳去沾花惹草。一去到門口，客人需要穿試膠袋鞋套，是為了保持一個乾淨的環境比貓貓呢。職員帶我們到了一張二人檯，上面躺著一隻貓咪，我們即刻點完餐他也沒有離開既意欲。因為懶得想的關係，我們點個二人套餐一齊分享。二人餐包括了兩份餐湯和沙律，餐湯是我喜愛的忌廉湯。朋友點了這杯Oreo脆脆特濃朱古力，喜歡吃Oreo的追就一定要點了，每一啖都是Oreo 的味道，還有脆脆的Oreo碎，很好味！這杯400次抹茶帶有十分香濃的抹茶味，還有濃郁的奶味，甜度剛剛好。巴馬火腿拉絲水牛芝士手工薄餅，水牛芝士是厚厚的鋪在薄餅上面，芝士又不會滯膩，每一口都是香濃的芝士味。芝士黑松露菠菜忌廉意大利飯，每一口都有濃郁的芝士和忌廉味，還有滿滿的菠菜和野菌，很滿足！最重要的，當然是可愛的貓咪啦！

紀念日推介餐廳💕觀塘抵食Cafe🍕🍝二人套餐$328是日沙律🥗沙律蔬菜新鮮配搭柚子汁酸酸甜甜好啱開胃😘是日餐湯🥣蘑菇湯重蘑菇味😆而且蘑菇唔係全碎 飲落伴隨住小小蘑菇嘅咬口 挪威煙三文魚水煮蛋黃金卡邦尼扁意粉 有一舊煙三文魚 調味適中 唔算好重煙熏味😃溫泉蛋嘅蛋汁撈埋扁卡邦尼扁意粉🍝兩隻嘅味配合同調和得非常好👍🏻 份量都足夠😛 夏威夷風情拉絲水牛芝士手工薄餅🍕 （小編推介）薄餅非常有驚喜 除左邪惡拉絲之外🧀薄餅有濃厚嘅芝士味🤩餅底介乎厚批同薄批之間 但口感偏向厚批 食起黎唔乾啱啱好 就算食哂成個都唔會覺得太濟💕自家製香滑奶凍(原味)加$18嗌左個甜品解解濟🍮自家製嘅甜品食落唔會太甜🥰好重奶味 如果大家仲有肚 都好建議嗌一個黎試下 除左原味仲有抹茶同朱古力味揀 茉莉綠茶拿鐵🍵加$16甜度同奶都可以自訂😆如果唔中意飲太甜都唔洗驚 小編嗌左少甜就啱啱好 茉莉味唔太重 正常發揮的一杯野飲環境方面，入去鋪頭之前要着鞋套同消毒雙手 地方都算大 坐得都好舒服 仲有好多貓店主🐈可以同佢地玩 不過都會有好多貓毛周圍飛 鼻敏感人士可能要留意啦🤣總括而言，呢間餐廳食物質素同埋餐廳環境都屬於水準之上，而且價錢

環境：觀塘店舖的面積係旺角店的3倍左右但貓嘅數量都唔係太多，目測只有2x隻而且觀塘店嘅貓，又唔痴人、又惡😅餵貓貓野食個陣，比隻貓貓咬損左&抓損左觀塘店嘅貓貓相對無咁熱情好難會安定定咁比人摸😂如果大家怕貓/想摸下佢地的話比較唔建議黎觀塘店🙃.食物：比較遜色👎🏽叫左2個午餐餐湯：洋蔥磨菇湯（超淡、似飲菇水）主食：黑蟹籽櫻花魷魚意粉（比較淡）主食：吞拿魚長通粉（淡、奇怪味道、似貓糧）Urban cafe嘅食物係一如嘅「淡」但淡得黎觀塘店真係比旺角店難食就算無比較嘅話，觀塘店嘅食物都係叫差唔想再返黎食😶.總結：觀塘店雖然較旺角店大、空間較寬闊但比旺角店氣氛更差、好難接觸到貓貓食物質素都較差👎🏽值得讚嘅係感覺到觀塘店員嘅服務態度不錯👍🏽旺角店員嘅服務態度好差

同事約午飯去了觀塘開源道62號駱駝漆大廈第1座6樓Urban cafe吃西餐。室內走年輕人路線，店外有兩部鞋袋機，非常貼心清潔，可愛貓咪是店長，隻隻都不怕人，有的躺在地上，有的坐在餐枱上，各有各風格，食客們爭相和牠們打卡。全是二維碼點菜，方便快捷。1. 辣根燒汁伴牛肉眼扒配意粉$108擺盤精美，肉質幼嫩，牛味極濃，份量適中，配上燒汁，味道甚佳。2. 香辣蒜香黑椒豬手野菌橄欖油炒扁意粉$88豬手爽口肉滑，香濃蒜黑椒非常惹味，配上鮮嫩野菌，西式炒扁意粉，香氣四溢，好食。3. 雪山心太軟配朱古力$58濃郁朱古力的流心，軟滑無比的心太軟，配搭一流，非常美味，飯後必選佳品。4. 菠蘿雲朵沙冰及四百次朱古力，套餐飲品加$20香甜的菠蘿碎，雲朵是香滑忌廉，拌勻就是酸甜美味的菠蘿沙冰。香濃朱古力味的忌廉加無糖鮮奶，拌勻成了最香滑的飲品。套餐包餐湯和小吃，香濃南瓜蓉湯和脆脆的麵包條。

Urban cafe係觀塘開咗分店其實都有一段時間🦦 終於的起心肝去試一試佢既質素啦☘️ 心思思好多嘢都想食 見到佢有個二人套餐先$328 仲送餐湯 沙律同埋飲品 好抵食🕊 餐湯係南瓜忌廉湯 南瓜同忌廉味都好濃郁 不停食到一絲絲嘅南瓜蓉😚🥕滋味二人小食拼盤 +$28加$28就有咁大份拼盤😱 佢有紐西蘭魚寶 爆谷雞塊 同埋 脆薯 🤩❥紐西蘭嘅魚寶既口感比較紮實 而且炸得好酥脆 配埋沙律醬 酸酸甜甜嘅口感 食到停唔到口❥爆谷雞塊炸到金黃色😍 外脆內軟❥脆薯係我既至愛🥰 唔洗多講了😚 🥕東瀛蟹籽芝士咖喱牛肋條飯我都係第一次食咖喱同埋蟹籽嘅配搭 成個口感都唔同咗😂 層次感多左 蟹籽量超多 基本上每一啖飯都可以配一啖蟹籽😇 咖喱味都好香濃 撈飯食係一流😇 牛肋條亦都自帶濃濃嘅牛香味 煙煙韌韌嘅口感🥕西班牙燒烤醬烤大豬肋骨超級大份🥺雖然睇上去好似燒燶左 但其實食唔出😂 我將啲豬肋骨肉同薯蓉撈埋一齊一啖食落肚😍 燒烤醬既味mix落薯蓉到令佢更香口 再食到啖啖肉😚 好正❤️ 蔬菜嘅擺盤都好靚 但比較吸油🤪 🥕菠蘿乳酸梳打 & Oreo脆脆特濃朱古力 （要補差額哦） ❥菠蘿乳酸梳打就一定係好Fresh架啦🥰

朋友話想去貓cafe玩貓，就陪佢去啦❤︎環境呢一間旺角有間元祖店，空間係細啲，但啲貓相對地集中啲，感覺上就多貓啲而觀塘呢邊空間係就係大，有成3個區域，但員工又唔夠，貓又散開哂，感覺上就好少貓❤︎服務除左出菜基本上無服務，想舉手問野，店員同我講自己用QR code落單，見到附近啲枱都係有人拎張單埋枱比客埋單，但到我叫埋單嘅時候佢叫我自己出去埋🧐❤︎食物我哋叫咗個二人餐，有沙律餐湯主食同兩杯飲品，味道唔錯但份量有啲小🤣

今日又嚟到觀塘嘅urban cafe，我應該嚟咗超過10次，野食又好味，貓貓又得意！牛油多士條：多士條好鬆脆，四面佈滿牛油，仲有砂糖粒，甜甜地，好啱做前菜。精選是日餐湯：今日嘅餐湯係羅宋湯。羅宋湯好香蕃茄味，質地creamy、濃郁，酸酸甜甜，好開胃。西班牙紅蝦野菌青醬忌廉意大利飯 $98青醬意大利飯呈綠色，面頭有隻大紅蝦，非常吸引。意大利飯份量足夠，香噴噴。飯粒軟硬適中，醬汁creamy，有浸蒜味。紅蝦大大隻，肉質彈牙！Oreo脆脆朱古力雲朵沙冰（+$21）天氣太熱，要飲翻杯沙冰。沙冰面頭佈滿Oreo碎，而朱古力味沙冰朱古力味濃郁，凍冰冰，好爽！上邊啲忌廉都好好味！辣根燒汁伴牛肉眼扒配薯菜 $108牛肉肉眼扒非常大塊，最後食唔晒。肉眼扒唔會煮到全熟，所以唔會韌。肉眼扒仲配有燒汁，非常惹味。薯角大大嚿，非常脆，點埋茄汁一齊食特別好味。茉莉綠茶拿鐵（+$16）飲品好清新，飲緊綠茶嘅同時會散發出淡淡茉莉味，好解渴。法式焦糖燉蛋 $58燉蛋好滑，好香蛋黃味。上面嘅焦糖脆卜卜，非常正。燉蛋旁邊會有忌廉同棉花糖，邪惡至極！最後我哋仲買咗包零食俾貓貓，貓貓會沖曬過嚟，記得準備好相機影相呀！

今日去咗一間朋友介紹嘅特色餐廳，有驚喜呢😍 輔導你好多好靚嘅貓貓圍住食嘢，感覺好特別呢！❤️見到個二人餐幾抵（$328），就決定試吓啦。挪威三文魚溫泉蛋黃金卡邦尼扁意粉一上菜見到賣相出色，隻溫泉蛋煮得啱啱好，撈埋啲意粉之後令到意粉更creamy👍🏻而三文魚油脂分布平均，魚香味重。如果啲菇多啲會更好🥰安格斯牛肉手工竹炭漢堡配脆薯首先要讚下個包好鬆軟，已皮亦好脆，焗得啱啱好，安格斯牛肉就一般，不過都幾大塊，反而芝士好香濃，同竹炭包個味好夾！😋最欣賞嘅係佢嘅脆薯，好入味，糖炸到外皮香脆，入邊嘅薯蓉亦夠林，做到雙重口感😉餐嘅沙律雖然一般，但值得一讚嘅係餐湯蘑菇湯，有香濃嘅蘑菇味之餘，亦有蘑菇粒嘅口感，好味😘飲品方面就叫咗400次玫瑰咖啡同Oreo脆脆特濃朱古力。特別要講嘅係400次咖啡，上面層咖啡泡沫夠甜，亦好香玫瑰味，好適合女士享受同打卡❤️

終於疫情算係暫時放緩，難得可以一聚，即刻叫身邊好友黎過聚餐。今次揀了觀塘區一座工廈，先係幢工廈行左陣小店 ，再上去餐廳 chill 返晚。進入餐廳前要用鞋套，餐廳設有鞋套機，方便大家套上腳保持衞生。餐廳以白色為主，而且兩邊仲好多窗，所以入到餐廳第一個感覺係呢度好大好光猛。坐低之後朋友就開始點菜，我就去搵貓貓影相，原來呢度有好多隻貓貓，我估有十幾隻，好乖，地方好乾淨。朋友點了一個極之豐富既 4 人套餐    $628轉眼間晚餐都開始陸陸續續上枱~沙律  -  份量適中，蔬菜新鮮，味道唔錯，開胃。南瓜湯 - 南瓜味濃郁，順滑夠 creamy。冰菠蘿雲朵沙冰熱蜂蜜柚子茶滋味 4 人小食拼盤      另加  $48用超抵優惠價加既，建議大家一定要加，份量絕對會令你有驚喜。真係可以當係一個主菜。有雞翼、雞肉脆條、炸魚同埋脆薯，單睇相都知佢咩料啦。份量真係好多好多，熱辣辣脆卜卜，炸得唔會好油淋淋。最驚喜係炸魚，外脆內嫰。即磨芝士黑松露菠菜大啡菇忌廉意大利飯 - 一上枱已經聞到超香，黑松露係我最愛，黑松露味道夠突出，意大利飯煮得剛好唔會太濕，材料配搭一流，我推介呢個。蟹籽芝士咖哩牛肋條飯 - 咖哩

年半嘅疫情令到我哋少咗出街食飯見呢排疫情穩定我地就去觀塘呢間Urban Cafe同朋友輕鬆下喺門要好認真消毒同著鞋套原來Cafe裏面有好多貓貓我地當然要保護同愛護佢地啦用餐時間係90分鐘我地叫左四人套餐結果份量大到我地食足90分鐘都食唔晒自己係電話掃描QRCode自己落單可惜有某部份既食品都售完好彩選擇夠多可以揀過另外一D四碗餐湯南瓜味道十分香甜沙律菜就略嫌有啲草青味撈左醬汁就易入口好多東瀛蟹子芝士咖喱牛肋條飯牛肋條軟腍整碟味道好多層次所以配白飯就最好冇咁膩安格斯手工牛肉竹炭漢堡配脆薯竹炭漢堡麵包鬆軟厚厚既安格斯牛肉配芝士十分滋味西班牙燒烤醬烤大豬肋骨見得三條以為唔夠分結果每人咬左兩啖就停左以為骨多過肉？點知係啖啖肉超滿足仲配上薯蓉包你一定飽即磨芝士黑松露菠菜大啡菇忌廉意大利飯最後黎既 risotto口感極creamy食左成晚肉食個素食係唔錯既選擇起初以為套餐唔夠食就加左個滋味小食四人拼盤點知係勁大盤！！！入面有炸魚塊、炸雞柳、脆薯 同 炸雞翼套餐仲包左四杯飲品，我地就加錢配特飲百香果雲朵沙冰、蜂蜜柚子茶百香果檸檬四季春茶、菠蘿雲朵沙冰