URBAN Cafe (駱駝漆大廈第一座)

營業中

休息中

一號風球，風雨飄搖，與其在街亂逛，不如找間Cafe好好的坐着，休息一下。走到位於駱駝漆大廈第一座的Urban Café，因為休息的同時也可以和貓玩。入座時段可以選吃下午茶或者午餐，視乎有多肚餓吧。我就選擇了午市套餐。餐湯是口感十足的蘑菇湯，配牛油多士條，上邊有點砂糖，令其有點脆，牛油香的味道加上砂糖甜味，令這款麵包條很吸引。百里香牛油伴牛肉眼扒配薯菜。牛肉分量充足，肉質嫩滑，煮得恰到好處。薯條上有少許辣粉，十分微量，吃起來不覺得辣，只覺得香。蔬菜以各色瓜為主，顏色鮮艷，引發食慾。飲品是特濃鮮奶朱古力，熱飲，少甜。飲品名副其實非常香濃，朱古力和牛奶味道平衡取得很好，而且溫暖的感覺令人覺得非常幸福。

呢間樓上Cafe係我同朋友都經常幫襯的，原因好簡單，坐得舒適又可以傾到計加上食物質素好穩定，裝潢設計簡約，主打多國菜，飲品亦好有特色，400次玫瑰咖啡係我最喜愛的飲品，入口軟綿幼滑，同時品嚐到咖啡、奶香及玫瑰花嘅香味，百香果檸檬及菠蘿乳酸梳打同樣是淸新之選西班牙海鮮燉飯，上枱熱辣辣，大蝦、青口同蜆肉都烤得幾好味即磨芝士黑松露菠菜大啡菇忌廉意大利飯，Risotto 香濃、煙銀有口感，芝士菠菜同黑松露嘅味道好夾西班牙燒烤醬烤大豬肋骨醃得很惹味，烤得軟腍又多汁喵星人溫馴可愛很治愈心靈喔💕

成日都聽到Urban Cafe呢個名，今日終於來試下，好彩有book位，原來都好爆滿。入門口之前記住要穿一次性鞋套, 套上鞋套進入餐廳，不會整污糟地板，對貓貓也比較安全。餐廳嘅空間感都幾大 好多窗 又有自然光感覺好舒服。一入到門口已經見到好多貓貓，有d貓一派悠然自得在枱上瞓覺, 實在太可愛！用餐時間90分鐘，安排座位後快快自己用QR CODE 下單。慢煮三文魚扒 配 蜜糖芥末醬大大塊三文魚扒 連魚皮煎得香脆。配埋啲烤蔬菜同埋脆薯格真係好正。即磨芝士黑松露菠菜大啡菇忌廉意大利飯黑松露味道香濃，配上大啡菇真係好味!西班牙燒烤醬烤大豬肋骨豬肋骨燒到剛剛好, 肉質唔會鞋口,另配有調味 再燒嘅薯蓉、茄子、蘿蔔同翠玉瓜。400次玫瑰咖啡 咖啡味濃郁 打卡一流又有得玩又有得食 適合老少咸宜

朋友想搵間Cafe High Tea吹水傾下計，朋友強烈介紹呢間餐廳, 今日嚟初體驗。一入門口見到環境夠大夠寬敞。仲好多好可愛又黏人嘅貓貓🐱下午餐配埋飲品好抵食「西班牙香酥雞翼」雞翼外皮好香脆，即叫即炸入口熱辣辣，咬開d肉汁多到滴出嚟「雪山心太軟」綠茶味嘅心太軟口感軟綿綿，綠茶味夠濃郁，配黑芝麻雪糕球都好夾「雙層朱古力蜜糖吐司 配 精選是日雪糕」吐司夠厚夠鬆脆，塗滿朱古力醬，加上綿花糖同雪糕 中和返...入口唔會太乾「草莓荔枝紅莓乾花茶」Cafe必點 花茶，大大壺，配上原粒荔枝肉，紅莓乾．添加蜜糖感覺更滋潤，女仕們一定喜愛「百香果檸檬」原片檸檬，酸酸甜甜，加上百香果同茉莉綠茶，清清地唔會好甜。 「古早冬瓜茶」清熱解暑冬瓜性寒味甘，清熱生津，僻暑除煩，炎炎夏日飲就最好不過👍🏻

相信呢間貓貓Cafe冇乜香港人知🐱🐱，係好多貓奴同貓痴嘅蒲點‼️喺屋企未必養到貓，你到呢度就可以盡情咁摸貓咪🐱，同佢哋玩個夠本❤️。.📍黑松露拉絲芝士香酥雞上髀（$68）雞扒有2大塊睇落吸引，外皮炸得非常酥脆🔥🍗，雖然食落唔嚡，但調味不足比較淡口，外面嘅黑松露拉同芝士都唔太食得出，味道有啲失望☹️，可以做得更好。.📍挪威煙三文魚拉絲水牛芝士手工薄餅（$118）Pizza面放咗大量芝士同煙三文魚🍕，煙三文魚鹹香柔軟，芝士惹味🧀。喺一個唔會輸嘅組合，批底鬆軟，喺預期中嘅味道，但真喺幾好食😋。.📍濃厚芝士肉醬千層麵（$118）千層麵份量夠晒大，新鮮熱辣焗出嚟♨️。將蕃茄醬、肉碎、芝士撈埋一齊食，邪惡又好味。蕃茄醬酸酸甜甜味道自然🍅，味道溫和應該冇加過量茄膏。肉醬量超多，味道豐富唔會乾爭爭❤️。另外，麵皮柔軟吸滿醬汁，雖然食得出唔係傳統西式口味，不過勝在味道幾好，喺大眾易於接受嘅口味😌。.呢間cafe有主子🐱伴食，啲嘢食嘢飲又唔算貴，的確喺幾好。話說呢度嘅貓貓數量都唔少🐈，而且都幾易親近人❤️。大部分都養到肥肥白白好大隻，果然喺呢度喺好食好住😂。

Geo條👅評分：⭐️⭐️⭐️ ⭐️ 💫(5⭐️最高）2人套餐 $328*2份沙律🥗*2份蘑菇湯*1份小食拼盤 +$28*即磨芝士黑松露菠菜大啡菇忌廉意大利飯*安格斯牛肉手工竹炭漢堡配脆薯*400次咖啡 +$20*400次抹茶 +$20觀塘行街食飯去駱駝漆就一定要㗎啦😊隨便去搵食都好！今次又嚟到呢間urban cafe，因為真心好食又抵，仲要你一定會唔捨得走添😂🤣今次同朋友兩個人嚟，叫咗2人set dinner都只係$328，真心唔貴！首先每人都有細細份沙律同蘑菇湯，沙律就正常啦，蘑菇湯就幾好飲，飲到有一粒粒嘅蘑菇，正！我哋加咗$28有多個炸魚小食拼盤，炸魚柳條脆卡卡同點埋沙律醬食，酸酸味味，好食😋芝士大啡菇意大利飯好香好濃忌廉味，配麻大啡菇再加上勁多即磨芝士，鍾意忌廉嘅朋友仔一定超愛🤤另一個主菜安格斯牛肉黑炭漢堡份量十足，塊漢堡好大塊好厚，又juicy加埋芝士同番茄🍅口感好豐富，咁大個漢堡包🍔真係要切先食到🤤漢堡包會再配脆薯，再加埋小食拼盤又有脆薯，其實呢個2人餐，加多個甜品3個女仔都應該夠食😂🤣嘢飲我哋揀咗400次咖啡同400次抹茶，其實我本身就唔特別追求咖啡，但偷朋友個杯飲一啖又幾好飲，好香

愈來愈多朋友喜歡貓貓但家裡不方便養或工作太忙很難花時間照顧貓貓所以未能成為貓奴去貓cafe就是一個好選擇這次來到urban cafe 人好多 還好店面夠大所以貓貓還是有足夠寬敞的地方可以自由睡覺走動或陪陪一心來吸貓的人類作為一間餐廳 食物還是很重要的點了個套餐 有沙律和餐湯再有主菜飲品 還可以加錢要甜品 人均百多元就可以又吃又吸貓 真心不錯芝士肉醬千層寬條麵蕃茄味道濃郁 吃起來不會太膩巴馬火腿薄餅 餅底非常鬆軟 加18元可以要一客奶凍朱古力奶凍口感幼滑 朱古力味道稍淡好乖的貓貓 很黏人 

今次第三次來到貓貓cafe, 除了來玩貓之外, 依到既食物每次都唔會令我失望! 首先佢地比人感覺好整潔衛生,進去時除了一定要除鞋還有即棄保護套保護雙腳, 兩間分店都設有依部機. 貓貓亦都會好主動搵你玩, 佢地每隻頸上都有名牌,客人亦可選擇買貓糧餵食它們. 依到既食物種類非常之多, 今次叫了煙三文魚溫泉蛋卡邦尼, 做得好creamy, 芝士味亦非常濃厚! 飲品方面叫了菠蘿梳打, 好清甜解渴, Orea特飲奶味和朱古力比例恰到好處, 上面亦有朱古力碎粉.

早幾年去過一次位於旺角嘅URBAN Cafe，最深印象唔單只係Cafe有好多貓貓🐱，而且食物味道都唔錯，呢點都算係有驚喜。後來先知佢原來仲要係#黃店，知道佢喺觀塘開咗分店，又相信呀爸呀媽呢世都未去過呢種cafe，特登帶埋佢地試下。.觀塘分店佔地比旺角大得多，環境更寬敞，貓貓同食客都有更多活動嘅空間😚🤟🏻，未食嘢觀塘分店已經贏咗成條街。.📍2人套餐 ($328）2人餐包兩份餐湯、沙律、主菜同飲品，計落都幾抵食。.餐湯-忌廉南瓜湯🎃質感creamy，幾好飲。.🔻滋味2人小食拼盤(+$28)：加$28就有小食拼盤，呢個價真係必食🤟🏻。份量一啲都唔少，拼盤內有炸雞塊🐥、扭扭粗薯條同炸魚柳🍟🐟。炸物火候啱啱好🔥，做到外脆內軟，又夠香口惹味👅，非常好食😋！炸物控千祈唔好錯過。.主食選擇都唔少，仲可以自選2款。🔻挪威煙三文魚水煮蛋黃金卡邦尼扁意粉🍝意粉賣相好吸引，上面放咗隻溫泉蛋🐣，劃破蛋黃後蛋漿流出好吸引💛。蛋漿加上卡邦尼醬汁更加濃郁，有種漿口滑溜嘅感覺😌。扁意粉煙韌，三文魚肥美但份量較少。.🔻安格斯牛肉手工竹炭漢堡配脆薯漢堡有厚度，味道亦唔錯，肉質軟腍唔知係咪加咗豬肉。手工竹炭漢堡🍔質感鬆軟，配

咖啡店在觀塘工廠區開業，環境十分寬敞，不過週日下午仍然有十多人在門外等位。幸好我們提早訂檯，店員帶我們到一張有四、五隻貓咪的六人檯。我們中間騰空出一個座位，有隻橘貓坐在椅子上。最引人注目的是有隻灰白色的英短在我們的檯上睡覺，直至我們結帳時才離開。咖啡店的食物都超出水準，譬如我點了一份法式焦糖燉蛋，燉蛋周圍有點細細粒的棉花糖。第一次試400次咖啡，其實飲的時候不似咖啡。杯內大部分的液體都是鮮奶，裏面加了綿密的咖啡奶泡。400次咖啡$58法式焦糖燉蛋 $58🟡

相隔幾個月又去【Urban Café】食下野、探下貓貓。貓貓多左之餘，連食物款式都多左。今次都係例牌叫2人套餐。2人套餐包括餐湯、沙律、一款飯/意粉、一份main、同飲品，我地另外再加左一個甜品。餐湯：今次係忌廉番茄湯，creamy得黎少少酸，幾開胃沙律：沙律菜新鮮而且好特別有菠蘿，搭配芝士沙律醬好特別！東瀛蟹籽芝士咖喱牛肋條飯：新選擇，食膩左意粉同risotto所以今次就叫呢款。咖喱味道濃但唔辣，牛肋條分量都好多，加左蟹籽多左其他口感，不錯。西班牙燒烤醬烤大豬肋骨：pizza、漢堡、ribs都食過，最好食就係呢款ribs，所以今次再encore。3條ribs分量都好多，調味好好，又好霖而且完全唔乾！薯蓉都好creamy好正！ 蜂蜜金桔檸檬梳打：蜂蜜金桔檸檬糖漿加梳打，好refreshing藍糖乳酸梳打：藍糖其實應該係藍色糖漿，再加梳打同乳酸爆漿珠珠，好特別！雪山心太軟：心太軟非常流心，新鮮熱辣！旁邊搭配芝麻雪糕！雖然食物係算貓貓café之中算非常高質，但每次去，2人餐既價錢都有增加，如果唔再加價的話我會更appreciate !

好耐冇黎urban Cafe啦今日喺觀塘做完嘢就特登過去探下d cat估唔到佢哋weekday都好多人我哋都要等咗10分鐘左右先有枱安排俾我哋去咗咁多次最鍾意都係觀塘分店～呢一間因為佢哋嘅環境特別大～貓貓嘅數量都多～今次叫咗豬肋骨主食佢哋嘅豬肋骨燒得好香～仲有少少甜甜地 應該係用咗燒汁去烹調，另外仲叫咗一個小食拼盤，一直都好鍾意食炸物嘅我就非常之鍾意呢個拼盤～因為入邊有炸雞條炸魚柳同埋炸雞翼炸薯角等等～而佢亦都配左蕃茄汁同埋沙律醬飲品方面非常之有驚喜呀😍今次叫咗鐵觀音芝士奶蓋估唔到咁好飲 茶葉味香濃 面頭有少少鹹鹹地嘅芝士～推介大家哦！！

自從之前朋友帶咗我嚟Urban Cafe之後，我就念念不忘，前兩日又去咗Urban Cafe食嘢同探貓貓！🥣是日餐湯加牛油多士條餐湯味道好出，最近好鍾意飲白湯，所以是日餐湯非常啱我口味。牛油多士條好脆，牛油味好香，仲有少少甜甜地！🐮法式胡椒汁拌牛肉眼扒（配薯菜）我冇諗過個牛扒會咁大塊，食完真係勁滿足！呢個牛肉眼扒食落嘅質地有啲似牛柳，嚼勁十足。胡椒汁同牛扒配搭得好好，有少少胡椒味之餘又唔會蓋過牛扒嘅香味。🐷清香柚子汁拌香草燒豬扒（配薯菜）燒豬扒嘅色澤好靚，望到已經流曬口水！本身叫呢個course嘅時候係用一個冒險嘅心態去叫，因為擔心柚子汁嘅甜再配埋豬扒嘅油會好濟，但後尾食落嘅時候發現豬扒唔油之餘柚子汁仲好清新，令人十分驚喜！🍫雙層朱古力蜜糖多士配精選是日雪糕呢個甜品好大份，好抵食！多士熱辣辣又脆卜卜，再搽埋榛子醬同埋蜜糖真係超邪惡！我地嘅雪糕係芝麻雪糕，凍嘅雪糕配搭熱嘅多士感覺都幾特別！

好鍾意嚟呢度食物唔錯又夠抵 最緊要呢度啲貓貓有種魔力當你返左成日工 好攰好頹嘅時候嚟見下佢哋同佢地玩下 就會感覺好治癒平時多數都係叫2人餐今日唔想飲湯食沙律 所以我哋散叫蟹子芝士咖喱牛肋條飯咖喱係日式咖喱 唔怕辣牛肉炆得好淋 一夾就散開落咗蟹子增加口感 唔錯番薯薯條本身有天然甜味加上楓糖漿 都係健康野食落冇咁罪疚感小食拼盤份量好大 全部都即時炸起 熱辣辣脆卜卜雞翼夠晒香口 皮脆肉嫩玫瑰蘋果醋梳打百香果蜂蜜梳打食完熱氣野 飲番啲蜂蜜同蘋果醋喉嚨舒服啲又解滯我食完 啲貓貓都要食㗎開一個罐頭 全場貓貓過晒嚟睇下呢隻蓮藕bb幾為食真係好得意呀好想日日都嚟同佢地玩🥰🥰

之前已經黎過Urban Cafe一次，對佢嘅印象係一間食物同環境都有質素嘅cafe，今日放假約左朋友食晚飯決定黎返呢度😋😋佢有二人餐同四人餐，或者散嗌都得，我見二人餐嘅主菜都幾啱食，所以就叫左個二人餐🤩佢係用app落單，方便快捷沙律沙律份量啱啱好，沙律菜好新鮮，食落清甜爽脆南瓜湯南瓜湯飲得出唔係罐頭湯，食到南瓜蓉，味道甜甜地又唔會膩三重芝士肉醬意大利麵肉醬意粉上面鋪左滿滿嘅芝士😍😍芝士迷嘅我地食得好滿足🤤而肉醬酸酸甜甜，撈埋一齊食意外地開胃安格斯牛肉手工竹炭漢堡配脆薯竹炭包相當有驚喜，焗到外脆內軟，而漢堡扒上面鋪左一層焗左嘅車打芝士，一啖咬落去除左有牛肉嘅肉汁仲有芝士嘅香味，好值得encore 鐵觀音拿鐵鐵觀音嘅味道濃郁柑桔檸檬梳打飲落去好清新，好適合大熱天時去飲自家製香滑奶凍個奶凍為呢餐畫上一個完美句號，佢嘅質感好creamy，食落充滿牛奶嘅味道，值得加錢叫黎食兩個人食左咁多野都係人均二百，相信會再有下次