URBAN Cafe (駱駝漆大廈第一座)

營業中

休息中

今次黎到號稱全港第二大間嘅貓cafe URBAN cafe全場超多可愛貓貓仲要全部都任摸唔嬲好乖好cute cute🥹我係第一次去一間貓cafe啲喵星人全部係攤晒喺枱面完全唔驚人就算唔餵貓條零食都唔會匿埋😍入場前需要先穿鞋套同消毒雙手然後就可以同貓貓親密互動喇😍而就算你唔刻意去搵貓貓好多貓貓都會全場周圍行甚至會主動上你張枱度訓教😂😂我仲留意到店員同貓貓嘅互動絕對全部都係愛貓之人❤️Urban cafe 除左有貓玩食物都有落足心機主食、小食、飲品選擇勁多仲有套餐可以揀掛住玩貓嘅我地揀左二人餐兩個主食味道都好好！仲有炸物拼盤份量足蘆筍野菌青醬忌廉意大利飯意大利飯夠creamy安格斯牛肉手工漢堡配薯條漢堡扒有肉汁👍我最喜歡就係urban cafe有好多特式飲品玫瑰紫米酸奶玫瑰糖漿香甜紫米酸奶有口感酸酸甜甜易入口有貓有食嘅日子真係最幸福㗎❤️

Visited this cat cafe in Kwun Tong during lunch hour with my sis and my cousins..All of us ordered the Lunch Set, which included a soup, a main dish and a drink (HKD38 or below, make up the difference to upgrade). The soup was corn soup, which was quite creamy. I ordered Roasted Pork Chop with Mustard Cream Sauce. The pork chop was served with fries, eggplant, yellow and green peppers, and carrot. It had a tender texture. One of my cousins ordered Grilled Cheddar Cheese Chicken Steak. Topped wit

今次黎到觀塘依間充滿著主子嘅Cafe❤️ 內裡裝修簡約潔淨，每一處都充滿著貓主子嘅身影，真係貓奴們嘅天堂🥰 主子們平易近人，好上影👍 啱曬鐘意打卡影相嘅朋友😚 㨂咗一份香煎盲槽魚柳配檸檬牛油❤️ 即叫即煎，熱騰騰香噴噴😋 食落魚皮薄脆香口，魚肉香滑鮮美🥰 配檸檬同埋牛油，更添清新🥰選了兩款又靚又正嘅甜品😍 自家製鮮果朱古力窩夫造型美觀，心型配貓咪絕配❤️ 朱古力味出眾，食落醇香可口😘提拉米蘇好有驚喜，奶油忌廉滑溜細膩，香甜味甘🥰 中間手指餅吸滿香濃嘅咖啡✅ 食落濃厚馥郁，滋味滿分😍 飲品㨂返壺暖笠笠嘅粉紅玫瑰雜莓綠茶✅ 原壺連燭台送上，暖和又芬香👍 壺內有仲多配料，誠意足本之選❤️ 

今日終於試到呢間貓貓咖啡廳，真係好期待！😆 入去之前要消毒雙手同著鞋套，感覺環境好乾淨衛生。位置都算闊落，唔會感到擠迫。我哋四個人叫咗一個兩人餐，仲加單點咗兩個主食。蘆筍野菌芝士青醬意大利飯超級濃郁，青醬味道好香，但我覺得略嫌重咗啲。夏威夷薄餅就普通，冇特別驚喜，唔算好大個，lunch 黎講飽的。濃厚芝士肉醬千層麵好好食😋熱辣辣芝士係拉到絲個隻，份量就少咗d。美國嫩雞胸配蜜糖芥茉醬 雞肉少少柴同乾身，但係味道唔差。跟餐仲送咗兩碗忌廉湯同兩個沙律+2杯$38以下飲品。我哋加$28試咗滋味二人小食拼盤，薯條超好食😆4人食人均158 好抵食 性價比高👍🏻不過黎既重點都係玩貓貓☺️☺️呢度啲貓貓勁乖，勁溫馴，呢到既貓貓唔怕人 任摸唔嬲🤣仲可以買逗貓棒同佢地互動 好正 超級近距離接觸😄😄總括嚟講體驗良好，下次會再嚟❤️埋單之後仲俾咗印花卡我哋 下次再用

2025年3月19日 (星期三) 2:30pm 21°C 餐廳裝潢以簡潔風格為主，中央位置屹立了一棵木製巨樹，為貓咪們提供休憩地方。 餐廳設置兩部寵物飲水機，不時看見有貓咪前去喝水。🐈 75 隻貓咪非常友善親人，主動跳上人的大腿，亦肯被人摸。 環境光亮整潔，餐具乾淨。 人數：2人 HK$112 本人提早 2 天前網上訂座 不用等位 台式鹽酥雞扒雞白湯烏冬 - 雞扒炸得非常香脆，熱騰騰，卜卜脆，內層肉嫩不靱。烏冬質感軟滑，湯底不會太鹹，味道適中。【推介之選】❤❤❤ 熱奶茶 - 香濃提神 自家製朱古力窩夫配雪糕 - 朱古力味算濃，雪糕帶點曲奇碎，稍具咬口，只是份量比較少。 凍蜂蜜紅棗茶 - 冰涼消暑，甜美滋潤，比想像中更好飲。【推介之選】❤❤❤《 環 境 》：《 餐 牌 》：

現在香港的貓咪cafe平日中午/下午茶的食物十分划算，即使加一之後，價錢都和茶餐廳差不多，而且星期一至四更不會限時，可以靜靜地和貓咪享用美好的時光。今天下午我便自己一個人來觀塘的分店，雖然是星期一的下午，但依然有超過一半的入座率，畢竟價錢真的十分划算。今次我便點了下午茶餐，精選蛋糕配雪糕，飲品則點了Ubran cafe 咖啡。今天的精選蛋糕分別是日本伯爵茶芝士蛋糕和北海道草莓芝士蛋糕，我今次先試伯爵茶那款，雪糕則是曲奇味雪糕。味道方面，Ubran cafe 咖啡略為苦澀了一些，奶味並不重，至於蛋糕的味道則比較普通伯爵茶的味道完全不濃郁，芝士的口感亦有點膩，幸好曲奇雪糕甜而無膩，而且餐點賣相十分漂亮，為這道菜式挽回一點分數。價錢方面，精選蛋糕配雪糕$48，餐廳設有加一服務費，最後總共是$53。總結來說，雖然餐點的味道只是正常味道，不過有很多貓咪陪伴，而且亦不限時，你可以當是一間普通咖啡店，和朋友聊天聚會/自己一個來辦工都是一個不錯的選擇，今次我便由下午3時坐到晚上6時，和貓咪玩耍真的很開心。

親子當價錢仲好親民😆平日午餐$38另加一賣相ok，味道偏咸🙈去得貓貓cafe,都唔係旨在食。主角一定係貓貓😆呢度啲貓貓都算多，仲好乖，我見啲小朋友係咁搞佢哋都無發脾氣，只係怕怕會走佬😂每隻貓貓都挂住名牌，全部都係食物名🤣如果食物黎到，記得食完先玩貓，唔係啲貓貓會走去食呀🙈

星期日去貓貓Cafe最好預約定因為怕多人一開始店員都有問有冇預約仲可以選擇坐邊個區域位置十分良好叫咗一個二人餐$298包括有兩份迷你沙律和餐湯 兩個主食 同兩杯基本飲品味道唔好食 應該係罐頭湯之類無味的飲品方面 花茶需要額外加$30呢個係蘋果玫瑰花茶 都足料唔會得好少味道最正常芝士肉醬意粉味道普通啦唔會話好好食另外一個主食 豬肋骨賣相正常 薯蓉口感唔夠結實好似偏稀 豬肋骨雖然望落好大嚿但其實肉的比例好少 十分失望整體嚟講食物真係偏差但如去玩貓 係值得去玩的因為地方偏寬敞貓貓數量都多 而且很親近人所以純粹玩貓都開心

今天下午在Urban Cafe用餐真的是一次讓人愉快的體驗。這裡的餐點非常美味，而且還有貓咪作伴，真的讓人感覺很幸福。好多貓咪們自由自在地在餐廳內走動，有時候還會跳上台和你親近，帶來無比的溫馨感。當你享用美食的同時，這些可愛的毛茸茸小朋友們會在你的腳邊圍繞，有時還會撒嬌打盹，讓人倍感放鬆。對於貓咪愛好者來說，這裡簡直是一個天堂，不僅能滿足味蕾，還能療癒心靈。這種獨特的用餐體驗，絕對會讓人流連忘返好放鬆的一餐。

呢間Cafe有好多貓貓熱烈嘅歡迎可以買貓糧，買抖貓棒同佢哋玩，任摸唔嬲見到唔同大細，唔同品種嘅貓，好開心🥰但可惜食物真係一般。也許要養咁多貓仔，都唔容易經營，食物價錢同質素，並不合乎比例，Cafe價錢，但快餐質素，有點失望。酥炸牛奶卷 $48全餐飯最好食係呢碟小食，價錢亦都合理方包包住牛奶，鬆脆好食，其實口感就係似大良炸鮮奶墨魚汁海鮮意大利飯 $108海鮮唔多，一隻蝦，一隻青口，其餘係雜菌，飯量好多，墨汁偏鹹，意大利飯太林，沒有咬口，食咗一半放棄了菲力牛柳配黑松露燒汁 $148以為Cafe質素 會問幾成熟，點知冇嘅煮熟咗嘅一嚿牛扒，肉質好硬好韌切咗一大輪先切得開🥲香草薄荷朱古力（熱） $54好一般，開粉朱古力，加薄荷漿沒有預期嘅香濃幼滑Oreo脆脆特濃朱古力（凍）$58都ok嘅，偏甜

一般覺得貓貓Cafe啲嘢食都一般，不過今次帶弟弟來，鍾意食意大利飯嘅佢表示滿意，用貓棒玩冇乜貓會理你，不過買貓小食就會比貓重重包圍，要買單後，清枱店員才會讓你購買貓小食，因為貓貓會完全佔據食張枱，pizza味道不錯，鍾意Pizza係薄脆邊嘅口感，飲品都好大杯，二人餐有埋蛋糕甜品，我哋兩個大人一個小孩，都吃不完，店內有另外付費買貓貓棒，建議唔使買，大部份貓都懶洋洋，摸貓貓是不抗拒的，但他們真的很懶得玩

餐廳好有驚喜，環境都好舒服服務態度良好，係同fd傾計既好地方而且菜品選擇非常多，價格也不高，岩帶住家人一起去，而做法保留了食材原有的味道，清新爽口，的確不錯。成件事有種放鬆，悠閒的氛圍。

Urban cafe 旺角長沙灣嘅分店都去過最鍾意係觀塘呢一間分店 因為啲貓貓比較親人🐈‍⬛🐈🐱店員話限時兩個鐘不過其他朋友遲咗少少放工，問咗店員佢話早咗少少入去都冇問題～而且夠鐘佢都冇趕我哋走 ☺️發現紙本Menu同QR code嘅網上顯示Menu有少少分別，所以要睇睇網上嘅Menu作準叫咗個四人餐：有四份精選餐湯、四份精選沙律、加咗錢（+$48.0）叫左個滋味四人小食拼盤（酥炸雞翼，黃金雞塊，薯條，洋蔥圈）、黑松露芝士菠菜野菌忌廉意大利飯、濃厚芝士肉醬千層麵、西班牙燒烤醬黑毛豬肋骨、美國嫩雞胸配蜜糖芥末醬、仲有四杯自選嘢飲🙂早知唔叫小食拼盤啦，掛住玩貓都唔係好食得晒啲嘢～嘢食整體嚟講係好食嘅～小食拼盤就真係好炸，如果炸短時間少少會好啲（另外雞翼係完全唔入味嘅，到底發生過什麼事🥲），另外雞胸都係比較冇咁惹味嘅，如果有其他選擇可以唔揀呢兩樣嘢食都係其次，貓貓先係最緊要！冇開任何罐罐啲貓貓都好親人會主動坐喺你張枱度任摸唔嬲

去過旺角果間urban覺得好好 所以見觀塘都有就嚟試點知呢間令我好失望佢係好多貓 但同時都好多小朋友小朋友用逗貓棒打貓追貓甚至一腳踩落貓貓條尾 啲員工見到都唔阻止…野食方面叫咗個$108嘅墨魚汁海鮮意大利飯一嚟到見到得一隻蝦同一隻青口真係打個突成個飯最多仲有一兩條幼身到我都唔肯定係咪魷魚嘅嘢無乜墨魚汁味 偏甜 仲要調味唔太平均 成粒黑胡椒係到…啲水仲要係有層油之類嘅物體浮面呢個價錢比呢個質素嘅野食 只可以講好無誠意唔明點解仲可以咁多正評一定無下次

其實啲野食預咗一般，而且性價比不高，所以只是打個卡就叫甜品啦，（PS見到有小強出沒，好彩不是在食上😅）另外個窩夫好硬😓，食完之後話有貓糧可以攞去餵貓，但當我們問職員是他們說今日人太多不能在鰃了，其實有啲控制唔好人流，cafe好多人，嘈到似酒樓，令到體驗感好差，有小朋友周圍跑同大叫，其實本身空間唔大啲枱就唔會咁密，要預客人同貓互相空間，整體而言成個cafe有種用貓吸引賺錢嘅方法，無考慮過體驗感，咁多人咁混亂，完全睇唔出係關心貓貓