URBAN Cafe (駱駝漆大廈第一座)

營業中

休息中

駱駝漆工廈真係好多高質餐廳🍴，今次黎到呢間樓上cafe，只可以講，嘢食一啲都無令我失望😍.避風塘香酥雞翼🧄見到避風塘三個字，我就決定一定要嗌呢個雞翼，果然冇令我失望，夠晒重口味😝.小食拼盤🍟個炸薯條真係好好味因為加咗調味粉喺面，唔使點茄汁都好夠味。雞翼即使放耐咗再食都好酥脆，完全唔會林左.芝士肉醬千層麵🍝依家啲餐廳好似好少有千層麵食，千層麵嘅感覺比一般意粉口感豐富啲.慢煮紅酒燴羊後膝🍷🐑大推！啱晒所有鍾意食羊嘅朋友，羊騷味重，而且因為慢煮嘅關係肉質超嫩！而配搭嘅sauce同薯蓉調味好啱我心水，好好味啊😭.伯爵芝士蛋糕伴雪糕🍰呢個芝士蛋糕texture比較creamy，茶味又重又香，再加埋個Oreo味雪糕，正🤩.400次抹茶🍵雖然400次hit咗好耐但我今次先係第一次試，啲泡果然好綿密.Oreo特濃朱古力🍫真係好濃厚嘅朱古力味，仲有少甜俾你揀添.蘋果玫瑰普洱茶🌹食咗咁多熱氣野最後飲番杯熱茶，感覺會無咁邪惡，玫瑰味濃好清香

因為要去觀塘區做點事👩🏻👦🏻再去吃午餐兼看🐱上一次吃過超高性價比的晚餐今次食肉獸👦🏻指定要「鋸扒」🍴👦🏻選了肉眼扒🥩配扁意粉🍝👩🏻的是T骨牛扒🥩配薯菜🍟Set Lunch都有餐湯、牛油多士條和基本飲品🍹這天的餐湯是南瓜湯🥣湯有淡淡南瓜🎃香但不算太稠牛油多士條烤得香脆👍兩份扒都配焦糖化洋蔥燒汁份量十足單吃肉都夠飽😋伴碟的瓜類都有烤過誠意滿滿的😋😋飲品可選普通茶啡或加錢配特飲👩🏻配了Mocha，香濃可口👦🏻選了雪糕棉花糖朱古力，瘦人至愛😆值得一提是Set Lunch是每10-14天左右會轉一次menu🆕一再encore都不會吃膩🤩

觀塘工廈一向多餐廳選擇！今次揀咗呢間💛cafe！空間感十足！而且有可愛貓咪圍繞住身邊嘅咖啡店hea一hea🐱估唔到食物都好多花樣選擇！. ✨紐西蘭牛肉眼扒 配 百里香牛油配(薯菜)✨是日餐湯+牛油多士條 (跟餐) 配 意大利薄荷咖啡(凍)//分量超充足！牛扒肉質都不過不失👌有埋炸薯角＆烤野菜做伴碟實夠飽肚！咖啡加埋薄荷葉加倍提神☘️. ✨香茅豬扒越式魚露涼拌拉麵 (冷盤)✨是日餐湯+牛油多士條 (跟餐) 配 百香果蜂蜜梳打//豬扒醃得好入味而且唔韌！冷麵加入咗花生粒＆香草＆青檸汁…格外突顯越式風味！不過個人嚟講杯梳打有少少偏甜😜. ✨楓糖漿蕃薯條 配 奶茶(熱)//一向鍾意蕃薯條多過薯條！加入埋楓糖漿味道好夾！如果可以炸得再香脆啲會更加好！配嘅奶茶係正常cafe質素！. ✨精選蛋糕 配 雪糕✨日本北海道煉乳草莓芝士蛋糕配 Oreo脆脆特濃朱古力(凍)//要咗曲奇雪糕！伴住大大嚿忌廉同一堆棉花糖咁上！令芝士蛋糕更加邪惡😝嗜甜人士啱哂😝另外加配咗嘅Oreo特飲都幾唔錯！唔會死甜咁！. ✨酥炸椒鹽雞翼 配 洛神紅莓莓乾花茶(加蜜糖) //熱辣辣炸起係幾好食！配嘅花茶有驚喜！大大一壼兼見到花乾莓

今日同朋友到觀塘買野，食晏時間黎到呢間餐廳，作為貓控既我真係啱曬，但勢估唔到食物都好出色，叫左2個午餐：西班牙紅蝦蟹肉冬陰功忌廉意大利飯同澳洲T骨牛扒配焦糖化洋蔥燒汁，仲有跟餐湯同多士條，加左少少錢升級埋玫瑰蘋果醋同400次抹茶。講下個飯先，初初仲擔心會好辣，結果食落少少辣啱啱好，唔太食得辣既我都問朋友拎左唔少黎食，投桃報李我就切返d牛扒俾佢，雖然係全熟，但真係剛剛好唔會韌，而且兩個餐既份量都唔細，男仔食都一定夠。飲品400次抹茶好似有個奶蓋咁，幾特別，玫瑰果醋玫瑰味好重，加埋醋酸酸甜甜好好飲。最後一場黎到點埋兩個甜品，雪山心太軟(朱古力)配雪糕同法式焦糖燉蛋，有水準，值得再試。

又到每月探貓貓時間❤️ 因為疫情無晚市 都少左時間搵佢地🥺 今次終於有時間去搵佢地喇～～～ 今次呢個朋友係第一次去，所以都係同佢食經典二人餐啦 因為最經濟實惠！ 二人餐：入面有沙律，餐湯，兩款指定嘅主食，價值38蚊嘅飲品兩杯，補返差價可以揀其他飲品，唔夠仲可以加28蚊有個小食拼盤 因為朋友幾大食 所以都加左hahaha滋味2人小食拼盤：入面分別有紐西蘭魚寶，爆谷雞塊，脆薯，佢哋即叫即炸，熱辣辣脆卜卜～東瀛蟹籽芝士咖喱牛肋條飯：咖喱味夠哂濃郁，牛肋條嘅份量都好足，亦都好夠稔，而佢哋仲有加埋芝士同蟹籽令整體味道口感都變得更加豐富。西班牙黑毛豬肋骨：豬肋骨有兩大條，而佢仲配埋口感軟滑嘅薯蓉同埋經過香烤嘅蔬菜，豬肋骨經已煮得好夠稔，而肉味夠濃，而表面仲加埋秘製嘅燒烤醬，令豬肋骨更加惹味。

星期日下午嚟到觀塘Urban Cafe食下午茶加同貓貓玩吓😍預約咗2:30，一到就馬上安排座位👍🏻👍🏻Staff非常親切😃！環境都幾大吓，場內差唔多有20-30隻貓貓🐈，唔同品種都有😍😍😍，叫完嘢食先去同貓貓玩。食物方面水準唔錯，比起其他貓Cafe多選擇，又有主食揀，味道OK，上枱時都夠熱，份量都足夠。食完餐點加職員清理好之後、就可以畀18$買零食餵貓貓，享受貓貓們嘅圍堵🐈🐈🐈。整體而言比一般貓Cafe好，有機會會再去👍🏻👍🏻！

平時一直有去開旺角嗰間Urban Cafe今次聽過朋友講觀塘都有間分店而且餐廳環境大好多相對上貓貓都比較多所以就決心嚟觀塘試吓觀塘分店位置近APM好方便去到 喺駱駝漆大廈1座想嚟嘅貓奴記得要訂咗位先💡可以係FB page用inline website訂座📱去開旺角分店都知道Cafe嘅貓貓非常親人無脾氣😚員工服務好 對貓貓亦細心照顧☺️Cafe嚟講食物算幾好 價錢合理☕️環境乾淨、企理👏🏻觀塘分店竟然係旺角三倍 🥳貓貓都幾乎三倍多🤩🤩今次兩個人食 嗌咗套餐 食到好飽👍🏻👍🏻為咗呢班可愛既貓貓🐱🐱🐱🐱🐱我會不斷不斷繼續幫襯🥰🥰

觀塘一向都有好多樓上café，但唔少都質素參差。而我幫襯過Urban café既旺角分店，食物質素唔錯有保證，所以今次就試下觀塘分店。一上到黎，發現超級多人，好彩有訂定位，大家真係最好提前訂定位或者拎飛！觀塘分店比旺角闊落，檯同檯之間有一定空距，感覺唔會好嘈，環境舒適。✨美國安格斯西冷牛扒 配 松露燒汁牛扒既熟度啱啱好，切開仲見到粉紅既顏色，食落仲啖啖肉汁，非常嫩口。松露燒汁有獨特既香氣，加落牛扒到提升左成日味道。配菜有薯條同煎左既蔬菜，蔬果輕輕調左味，食落好多汁。薯條係我最中意既粗薯條，炸到外面脆卜卜，忍唔住係咁食！✨巴馬火腿拉絲水牛芝士手工薄餅餅底係厚身個種，但可能因為上面鋪左超多芝士既關係，食落唔會乾，仲好鬆軟，而外面仲保持到脆卜卜既口感。芝士再加巴馬火腿係超級夾，咸咸香香咁，仲有啲番茄醬同冬菇調味，所以唔會過份膩，非常好食～✨比利時生日窩夫估唔到有四舊咁多！外面好多窩夫都好乾好實，但呢度完全唔會，外個個層夠鬆脆，入面就超級鬆軟，兩個女仔都輕鬆KO。配埋附上既雪糕同cream，真係飯後既最佳甜品！

雪山心太軟（朱古力）配雪糕（$58）賣相：🐧🐧🐧味道：🐧🐧賣相方面，簡潔整齊，七彩迷你棉花糖為擺盤增添色彩。味道方面，朱古力心太軟蛋糕偏乾身欠柔軟，內裡朱古力流心餡微暖，能見流心狀，朱古力味一般，甜度適中。曲奇雪糕曲奇味偏淡，質感似雪芭，呈粒粒冰狀，毫無雪糕應有的香滑細膩口感，令人失望。朱古力白吐司磚配雪糕 （$78）賣相：🐧🐧味道：🐧🐧賣相方面，擺盤略嫌凌亂，感覺只是隨便將所有水果、雪糕、棉花糖堆在多士上。士多啤梨色澤尚算新鮮，加上七彩迷你棉花糖為擺盤增添色彩。2件多士原件呈上，並未切件或切粒。味道方面，多士微溫，口感香脆，內裡略乾。多士上朱古力醬略少，味道偏淡。雪糕跟心太軟的雪糕款式相同，一樣令人失望。蘋果玫瑰普洱茶（加蜜糖）（$69）賣相：🐧🐧🐧🐧味道：🐧🐧🐧🐧🐧賣相方面，茶以玻璃茶壺奉上，能清晰看見內裡茶葉花瓣量多足料。茶壺伴隨燭台送上，令茶能保持温熱，誠意十足。茶量頗多，足夠二人一起飲用。味道方面，普洱茶入口清新，不會太濃太澀，蘋果、玫瑰味都頗突出，配以蜜糖帶出淡淡甜蜜味，十分值得一試。Oreo 脆脆特濃朱古力（$55）賣相：🐧🐧味道：🐧賣相方面，朱古力用餐廳自家製杯子盛放，

今次約朋友晚餐，選擇工廈，進入店內前要穿鞋套，感覺乾淨。滋味小食拼盤紐西蘭魚寶外脆內軟，爆谷雞塊啖啖肉、脆薯條香口、雞翼酥脆，豐富四重芝士意大利黑醋田園野菜沙律新鮮爽甜沙律菜，拌有好多芝士粒和芝士碎，菠蘿粒香甜邪惡四重芝士煙肉蒜香拉絲通心粉厚厚的芝士，金金黃黃，拉起濃厚芝士，芝士味好香，煙肉粒香脆惹味，配通心粉食更鹹香Oreo脆脆特濃朱古力頂層有不少Oreo 碎，邊飲邊食，Oreo 味濃URBAN CAFE™M精選特調咖啡咖啡算滑，奶比例較多，苦澀味低

一路都好鍾意去Urban Cafe，嘢食好味抵食，不過就次次都係去旺角店，今次試下去觀塘店食lunch！佢哋嘅Menu會定期更新所以每次嚟都可以試到新嘢。今次就試咗燒春雞同埋肉眼扒。佢哋嘅春雞非常多汁，表面用咗不少香料調味，加上辣汁真係非常惹味；而牛肉眼扒一啲都唔會老完全唔韌，跟餐嘅意粉炒過更加香口。食完再嗌埋甜品，再跟埋雪糕真係好大份。芝士蛋糕唔會過甜，酸甜好平衡食落好幸福！而雪山心太軟原來係大福嚟，非常特別，抹茶味夠哂濃郁同超流心！飲品方面一向都出色，今次就試咗鐵觀音拿鐵跟芝士奶蓋，可以選擇少甜真係非常體貼啦！觀塘店嘢食質素一樣有保證，空間更大而且仲有貓貓走嚟走去，係令人完全放鬆，身心治癒嘅好地方！適獨指數：🌝🌝🌝🌝🌚好味指數：🌝🌝🌝🌝🌚抵食指數：🌝🌝🌝🌝🌚

觀塘駱駝漆出哂名多野食多野玩，樓下好迫好多人，但一上到來URBAN CAFE 就覺得好舒服，好享受，呢間小店值得我老遠再來。點解？因為食物份量足，味道好，環境寬敞舒適，貓咪友善可愛。咁岩平日放假，都想食好啲。我同朋友兩個人嗌咗兩個午餐。午餐都包餐湯、麵包條同餐飲。湯同麵包條真係有驚喜~ 感覺廚師好細心，麵包條都是甜甜、脆脆的~ 浸落去香濃的磨菇湯入面，好夾呀～法式芥末籽豬排配薯菜~ ($98)豬排難得唔鞋，鬆軟得來，仲幾多肉汁，調味適中唔太咸～另有三片烤蔬菜，都吸收哂肉汁，好JUICY 入味！仲有薯條都係新鮮炸起，睇得出係用心製作。~煙三文魚黑松露忌廉芝士班尼迪配酸種包~ ($88)小妹好鐘意食蛋。班尼迪做得好食都好高技巧～隻蛋夠哂流心，用蛋黃汁點個實的的麵包。麵包真係好好味，好足秤~ 仲有個汁，點麵包食好好味～呢個價錢有得玩有得食，食物質素仲好高，真係無得輸！貓貓們周圍行來行去，好治癒～

今次選擇了朋友公司附近的餐廳，工廈人流旺，店內空間感十足，價錢不算貴東瀛蟹籽軟殼蟹拉絲水牛芝士手工薄餅原隻軟殼蟹，酥香鹹脆，加上蟹籽更有口感，水牛芝士芝士濃郁，厚身薄餅更飽肚即磨芝士黑松露菠菜野菌忌廉意大利飯意大利飯口感煙煙韌，忌廉味濃郁，黑松露味突出，加上芝士片，好creamy菠蘿乳酸梳打菠蘿味香甜，乳酪酸味低，甜中帶微酸，開胃蜂蜜柑桔檸檬梳打柑桔酸酸甜甜，蜂蜜香甜，開胃又好解渴日本北海道練乳草莓芝士蛋糕配雪糕口感好幼滑，奶味濃，有草莓粒，伴曲奇雪糕和彩色綿花糖，香滑不會太甜

前幾日同朋友去駱駝漆行街，行到唔知時間😂原來已經差唔多晩飯時間啦。我地上網見到駱鴕漆有間貓貓cafe🐱😍，響門口我哋已經見到入面好多貓貓😍😍我哋叫咗個2人餐同埋避風塘香酥雞翼。2人餐包括餐湯丶沙律丶2個主菜同2杯飲品。今次嘅餐湯係蕃茄湯，蕃茄味道濃郁而沙律都好清爽丶新鮮👍🏻主菜方面，我哋揀咗芝士黑松露菠菜野菌忌廉意大利飯同西班牙燒烤醬烤大豬肋骨。芝士黑松露菠菜野菌忌廉意大利飯好creamy丶好香野菌味😋仲有好多芝士碎響面，加埋一齊食超正呀😍西班牙燒烤醬烤大豬肋骨好大份，有3大條！因為好大條嘅關係所以用手食😂拎上手好似得啲骨咁，但係食落口反而啖啖肉😋加埋啲燒烤醬汁好惹味😋，配搭埋香滑嘅薯蓉同埋烤蔬菜解下膩👍🏻蜂蜜柑桔檸檬梳打好清新嘅柑桔，飲落好Fresh，而玫瑰蘋果醋梳打嘅外表好少女風🥰飲落口好香甜嘅玫瑰味😋小食方面，我哋另外叫咗避風塘香酥雞翼，啲雞翼炸得好酥脆丶好香蒜味。雞肉亦都充滿肉汁，好好味😋

今日又黎到觀塘搵食，想搵間café 坐下，所以就黎左呢間Urban Café我叫左杯400次玫瑰咖啡，估唔到好快就送左黎。佢唔止個樣得，個味道都好得。佢上面有幾片玫瑰花瓣，飲落去除左有好香既咖啡味，都飲到有玫瑰既香味滲出黎，有驚喜呀。之後挪威煙三文魚牛油果柑橘醬田園野菜沙律都好快送到，呢個沙律真係大推呀，啲牛油果夠熟，所以好軟同香，啲生菜都夠新鮮同爽脆，但最正既係啲煙三文魚，好香煙燻味，啲肉都好爽口，唔會梅晒，而且個柑橘醬酸酸地，好開胃。跟住小食拼盤都送到黎啦，全部都好味，炸到脆卜卜好香口，但我最鍾意係佢隻雞翼，大大隻，而且佢出面好脆但入面啲肉好滑。主菜就叫左西班牙燒烤醬烤大豬肋骨，嘩！呢個一黎到已經好有氣勢，因為真係好大枝。雖然佢咁大枝，但啲肉都好軟，而且佢配既薯蓉都好好味，入面仲有啲煙肉粒，令到薯蓉既味道好豐富。今餐真係食到好飽呀，總括而言，呢間café真係值得去呀，職員服務態度又好，又快手，而且啲野仲好好味。