UCC Ferie (已結業)

估唔到平日嘅夜晚去ucc 都唔會好寧靜喎! 以商業區嚟講，佢有幾枱客都算係咁啦! 我至愛三文魚菠菜通粉! 夾餅最吸引! 估佢唔到喎!呢個沙律幾好食喎!唔通係因為要加34蚊嘅緣故。芝士菠菜三文魚通粉 $96 螺絲粉焗得適中,菠菜三文魚調味調得不錯 芝士份量平均 咖啡夠熱， 熱到出煙， 聞到好香嘅咖啡味。朱古力夾餅 $56 一望落去就覺得好新鮮，食入口都好新鮮， 香蕉唔會太熟，微甜， 夾餅香脆，杏仁片唔會益， 忌廉好軟滑， 朱古力雪糕味道尚可， 唯一不足，雪糕融融地沾濕左少少夾餅呀! 熱雪糕隻碟上面嗰啲黃色嘅都唔知佢係蜜糖定係油溝埋，感覺好奇怪，扣分。要提一提，有好多不速之客飛黎飛去，有大有細，餐廳真係要注意下啦!

都已經一段時間冇來 ucc 食lunch啊! 今日心血來潮一於食下佢，但係因為天氣太熱其實冇乜胃口食嘢,但我都決定一定要食一杯 夏天限定芭菲。一見到 limited edition 即刻唔好理幾多錢都要食。$66 蜜瓜芭菲，感覺好夏天啊！同埋見到有我最鍾意食嘅蜜瓜。唔知係唔係日本產嘅呢？試吓甜甜希望值回票價啦！見到外型賣相已經唔錯，最開心都係見到哈密瓜雪糕，有兩個球不過就唔夠大囉個雪糕球，味道都OK嘅！有少少 gelato 嘅口感!但係我覺得啲生果就唔甜嘅，質素一半半，同埋中間大部份都係健康早餐嗰啲脆脆米，我個人就唔係太喜歡。相對呢個價錢有啲貴。

近日個天灰灰暗暗，搞到個人嘅心情都唔係咁好。 今日工作又有啲唔順心， 灰到爆， 要食一個好啲嘅 lunch 同自己叉叉電。 望住呢個芒果熱都冇乜感覺，可能係天氣都咁濕啦! 再食埋呢啲芒果咁濕熱嘅嘢… 個人可能仲會更加唔舒服。 呢款沙律同之前有啲唔同，但係真係好清淡。 至少都俾啲沙律醬或者黑醋吖? 呢個飯份量望落去好少，但係真係好飽肚。 啲帶子煮得太過熟， 要咬好耐先至可以吞到。 飯又好似有少少甜甜地嘅香料，好奇怪。 咖哩汁係唔錯㗎，但係個豬扒嘅脆漿太多喇! 杯橙汁算佢啦!酸酸地又帶少少甜。 點解冇咗我最鍾意食既焗三文魚菠菜螺絲粉㗎???

set lunch 有餐茶+主食+沙拉主菜好幾款係咖哩唔幾食咖哩既我已有一半無野好選其實出親去食risotto 十次有十次都唔好食今次都唔例外好濕多數都但見到有帶子都想give it a try帶子都有少少味但白汁、果pat菜無味得太少料 好dry同事食咖哩就好似味好d呢間人好多 都等左無40 分鐘都30分鐘但食物都上得快份量就不多不少都剛好risotto 香港比較好食既係no5 italian 味同成個package 都ok 如果食晚餐黎講算性價比ok

UCC好耐冇食過，N年前在TST食，記憶中幾好食，想懷舊吓。呢間UCC好近我公司，不過冇得訂位，之前未試過。今日早左小小出去，多d時間，我地試吓去門口排隊。去到門口有大概7、8個人，結果我地傾住計等，等左大概10分鐘有位可以入去。有8款SET LUNCH選擇，由於我係黎懷舊，我選番當年我覺得好好食嘅食物 - 茄汁味意粉:鮮蝦雜菇意粉 ~好失望，未能尋回當年嘅味道。我個人喜歡比較酸同濃味嘅茄汁。同事叫左 :帶子意大利飯 ~我試左小小，唔夠香，唔惹味全餐嘅亮點係 : 咖啡 ~香、濃、滑，靚質量嘅奶

上星期二我生日，親人約左喺上環搵間餐廳食個午餐賀一賀，揀左ucc一直都知咖啡係好飲，但食物就未試過今次有機會可以試下了餐牌所示，正常價錢，有個沙律，main course，同飲品嘅lunch set由於見到有我至愛嘅risotto，好自然二話不說就叫左啦沙律，係碎蛋，另有蕃茄青瓜，份量都唔少，味道還可以到主菜，擺碟都幾靚，充滿期望去食點知一食，risotto比想像中差，大蝦仲大穫，咬落去係"鞋烚烚"，唔係好得唉，咁嘅價錢，似乎唔太值只係座位叫做幾舒服，環境光猛就算咖啡好飲，下次都唔會幫襯午餐了

前同事曾經帶過我來這裡用餐，當時便對這裡的咖啡留下深刻印象。只可惜餐廳比較地方淺窄，午市通常需要排隊等候。這天因爲外勤而一個人用膳，終於有機會再品嚐一次了！星期五並沒有午市套餐，只好在餐牌上選然後加$30便有沙律和飲品。我就是因為想念那咖啡的味道而來的，當然要加這$30！看了看餐牌，最後選擇了圖片很吸引我的芝士海鮮焗飯。一上菜，便在心裡‘嘩’了出來。看那濃郁的芝士與肥美的海鮮（雖然是冰鮮的）立刻抅起我的食慾！飯有用特製醬汁燴過，配上融化掉的芝士，十分美味。跟餐的小沙律，薯蓉與蛋的混合還不錯，但有點飽。最後，就是我最愛的咖啡了！咖啡師會直接拿著煮咖啡的玻璃壺在你面前為你滿上咖啡！十分吸引人。咖啡味道香醇，還好像有點果香，苦澀味一點也不重，非常易入口。順帶一提，可能是日本公司吧！侍應們都很親切友善。這才是做服務業的態度嘛！已經受夠了那些‘我消費還要看你臉色’的餐廳了！

偶爾心思思想到UCC，只為兩樣：UCC Coffee 和 Waffle。今天跟Honey在UCC吃午餐，正餐後，意猶未盡，自然心思思想吃 UCC Waffle。本來已吃了意粉……但，女人有第二個胃：甜品胃散點，雜莓窩夫，全份(四件)。窩夫剛製，上桌仍暖，外脆，裡面鬆軟；配雪糕和酸咪咪的雜莓，好好味當然，UCC Coffee 也是招牌咖啡，焦香、濃而不澀，是我喜歡的咖啡味道。較Sta..或 Pac..，UCC Coffee更香濃；也比另一家餐飲連鎖店的illy coffee更佳，illy coffee 只有苦澀，沒有咖啡香。UCC Coffee 和 Waffle，是今個午餐的完美句號。

近年金融業迅速發展，戰線已由中環核心區伸延至上環一帶。上環已經是不少金融人出沒之地，成為一個新的圈子。金融人難免較多“密計”要傾，cafe 和coffee 便成為熱但傾計之地。呢間ucc cafe 位於上環新紀元廣場，外牆和內裡裝潢都不錯，適合一邊食tea, 一邊傾下計。近日ucc做緊 mango fair, 將在夏天當做的芒果，與其他tea set來個crossover, 芒果法式多士便是其中之一。一次過食晒兩個口味，感覺新鮮，如果你是芒果控的話，一定會鐘意！話晒呢頭多金融人聚頭，不時都可以收到下風架！下次有機會再八畀大家知

去左上環搵朋友食lunch，近近地去UCCcafe。朋友未到，坐低睇住menu等，我就叫左set E(香煎牛肩肉眼扒)，幫朋友叫左個set C(蒜蓉海鮮意粉)，每個set都跟沙律同飲品。牛扒set跟少少意粉，一塊蒜蓉包，仲有啲薯角，樣樣野都有啲，非常適合貪心為食但又唔食得多既人士。而朋友既蒜蓉海鮮意粉聞起來好香，一上枱已經有好香濃既蒜蓉味，好夠熱出晒煙，朋友都話好正。

UCC的食物質素一向都好，但上環新紀元廣場這分店，食物質素就時好時壞。今天跟Honey在這裡吃午飯，兩款午餐，一好一遜。沙律是我喜愛的薯仔沙律，薯仔粒細滑，一小球，剛好。沙律菜、青瓜和蕃茄，爽脆新鮮。午餐牌上的，已包沙律和咖啡。我點了白汁三文魚露筍濶麵。這個不錯，濶麵稔硬度剛好，白汁不太稠。鮮露筍的青澀配合白汁，一清一濃，很配。Honey叫散點，餐牌內的食品，加$30就可加沙律和咖啡。他點了日式咖哩吉列豬扒飯，這份午餐就非常失色！日式咖哩一般。但，飯很硬！是圓顆顆的珍珠米，為什麼會這樣硬？珍珠米不是軟熟的嗎？而且，飯不夠熱！另外，吉列豬扒的外層脆粉非常厚！脆粉厚自然炸得硬！而豬扒呢？｢實得得｣！全沒有｢拍鬆｣！豬扒又乾又實想像不到是UCC的岀品！！幸好，UCC的招牌咖啡，濃而不苦澀，香滑！

之前早餐時段試過窩夫，鬆軟得黎外面又好脆，但今次失手了，臨晒唔好味.......另外試左蘋果個個都唔錯，一如以往，唔係lunch hour唔多人，氣氛輕鬆！當黎得UCC,最好味當然係佢杯咖啡啦

原來Ucc中午還要排位，等了十多分鐘才入座，再等食品上來又是十多分鐘。我要了咖哩牛肉蘑菇蛋包飯。醬汁酸度很高，咖哩味道不算濃，蘑菇也被番茄醬汁的味道蓋住了；雞蛋是薄薄的一層，我期待再厚一點前菜土豆雞蛋沙律，土豆雞蛋還不錯，蔬菜就沒有什麼味道最後是飲品，我要了一杯凍檸茶，也等了很久才上到。總之，就是等等等，味道一般般一般般

海鮮南瓜risotto大蝦同帶子都好新鮮，尤其大蝦肉質結實，估唔到南瓜加risotto 既味道係咁夾，南瓜味道甘香可口。炸蝦咖喱蛋包飯蛋皮脆嫩，炒飯亦都炒得好香口，不過咖喱味道唔夠香辣UCC 最出名既就係咖啡，當然要試下，咖啡味果然香濃，仲有回甘，UCC不失為一個食Lunch既地方。

一直，非常喜歡UCC！除了食物美味，環境也寧靜。我尤其喜愛自助沙律吧，可是，並非每間UCC都有自助沙律吧。而上環新紀元廣場店，就沒有自助沙律吧。但是，套餐餐點，則包括了沙律，其沙律，就有一球薯仔沙律。真好！淺嚐，又清新、又滿口滑滑薯蓉。Honey選擇了蒜香海鮮意粉。海鮮有蝦仁、魷魚、帶子，材料丰富；而且，也新鮮！蒜香得很！Honey話，好好味！兩球大蝦仁，爽口！而我選擇了吉列炸蝦蛋包飯。這個，就一般。蝦被炸得太乾！蛋內的炒飯，也太淡口。至於咖啡....是我鍾情的UCC Style 咖啡，與S../P..等的意式咖啡不同。碳燒香味，濃郁而不苦澀！配的是creamer，濃厚滑潤。這是我鍾情UCC咖啡的原因！