UCC Ferie (已結業)

二月十八日 (星期四)同老公仔吃開年飯,本身search了想吃蝦麵店,去到新紀元才知道明日才開市!唯有在附近看看有什麼好吃吧!有點失望...見到UCC,就吃這間吧!反正開年飯應是吃餐好的本身想要lunch set,因為有salad和飲品不用另加廿二元,但是選擇不多,又不合心意老公仔說就點menu內的我點了個海鮮蕃茄意大利飯,老公仔就點了炸雞奄列飯意大利飯就較先來到!吃了一口,大家都覺得不似平時吃的risotto,米的大小又不似...而味道都可以,蕃茄汁很惹味,海鮮有蝦,魷魚等炸雞奄列飯,有三件小炸雞,加上白汁,味道可以奄列飯的飯是加了咖哩汁的,但是淡味的,味道只是一般埋單平均每人都要$70,不太抵吃,加上味道只是一般!

上星期五勁多o野做.....累到死! 好彩lunch同d同事o係UCC 嘆o左杯好好味o既招牌咖啡, 精神晒! 所以, 真係要值得一讚!佢杯咖啡真係好香濃, 配埋coffee cream.....仲好滑添~~ 好想知佢最貴o個杯藍山咖啡係點呀? 下次有機會一定要試下! 不過要出糧有錢先, 因為好似要成八十八蚊一杯......好貴啊!p.s. 茄汁海鮮意粉同法式西多士都好正架! 不妨試下啦......

專登等2點半後才去,貪佢tea set細份量,可以食多幾款1.蜆肉磨姑意粉:汁太稀冇乜味道,蜆肉亦冇味,幸好冇沙,意粉唔夠爽,似港式荼餐廳2.芝麻醬法式小多士:麻麻地,夾餅好食好多3.招牌熱咖啡:唯一冇變之味道食過4間分店,始終都係尖沙咀新世界店最有水準

我今日食lunch...食左茄汁海鮮湯意粉..好正!D 意粉索哂海鮮的鮮味隻蝦D味都幾鮮甜!!!我個friend話佢個碟意大利飯都唔錯....我地兩個跟餐叫(drinks + salad)埋單成ニ百蚊好似貴左D lor)雖然味道good, 但係真係太貴la....

同同事中午去食Lunch, 等左都幾耐 咖哩雞飯 >>咖哩超普通, 雞超 Dry 海鮮omelet 飯 >> 蛋凍 + 普通抄飯 最慘！ 跟住成個下午勁口乾 >>> 應該唔少味精甘既價錢，唔值

2月3日係Monchichi生日，所以今日我、阿撈、阿綺、多核士同老外呼吸墮連男請佢去UCC吔飯。係openrice知道該店不設訂枱，而且天天爆滿，於是預早打定電話去問佢地嘅人潮幾點開始，店員嘅答覆係12點2，於是今日要拿拿聲出發，果然1點前已大排長龍。上環呢間UCC無自助沙律吧，不過一樣可以叫任何主菜加$22就有沙律及飲品。今日各人點嘅款式都唔同，老外呼吸墮連男點嘅茄汁湯意同阿撈點嘅豆奶意似乎唔錯，因為佢地可以全碟食光。寿星女點嘅牛仔骨鐵板餐，有2大塊牛仔骨、一堆薯角、一堆意粉、幾件西蘭花紅蘿白，仲有3塊蒜蓉飽，佢又清晒！另外點嘅小食有炸雞件同炸薯角，一樣滋味。Monchichi生日，當然要加碼，點埋士多啤梨西多士過佢吔，佢一樣清晒，真係乖女。祝Monchichi生日快樂、心想事成！

因為要到樓上跟客戶開會，便到這兒吃個午餐。這兒絕不是一個男上班族吃午餐的好去處，因為客人多數係婦女團體、年輕情侶、親子聚會，一個男人單拖，感覺超奇怪！點了客咖哩豬扒飯，加薯仔沙拉和凍咖啡，埋單$90，偏貴。那咖哩豬扒飯其實幾好味，份量亦足夠男生食用。倒是那薯仔沙拉份量細小，相當「小家」，而餐飲凍咖啡亦略嫌淡了些，配合UCC 奶精，有「妹仔（奶精）大過主人婆（咖啡）」之嫌！應該冇下次！

每次到這裡都要排隊因中午食飯時間關係啦，但這裡的番茄汁海鮮意粉真係好得嗰隻，啲汁濃度剛剛好，意粉有彈牙，海鮮有入味兩者配合得非常之好值得一試。店員肥姐姐有又禮貌都OK架。

感覺的事很難說，坐在這裡近窗的位置，人客少少，聽著簡單的日本卡通音樂，竟然有在日本的咖啡店的感覺，我自己也解釋不到為何。約了朋友傾點東西，他遲來，唯有吃了早餐先，就要了個吞拿魚醬窩夫的早餐。窩夫即叫即製，上檯是熱辣辣亦香噴噴。窩夫有點硬，不夠鬆軟，都有蛋香，塗上牛油，味道都算及格。凍凍的吞拿魚醬是敗筆，味道一般，還有點腥，所以單吃窩夫就算。咖啡是這裡的強項，幾香滑順喉~~當然對我而言，勝香園的強勁版較好。埋單36蚊，不便宜，但作為可以舒舒服服坐一下的早餐地方，算不錯。

搭車去到上環食lunch。大家都要了set lunch，有沙律、主菜及咖啡茶。所謂沙律是一個雪榚球形狀的蛋白粟米薯茸，毫無味道。五個人佔四個都要茄汁牛肉奄列飯，我亦是其中之一。醬汁又香又濃，可能用了牛油和牛肉汁煮的關係，用來撈飯好滋味，我第一次食晒D汁。蛋煎得好滑。而D飯就好腍，口感唔似珍珠米。另一同事要了魷魚墨汁意粉，原來只是普遍的意粉，再撈上墨汁，而不是黑黑的墨汁意大利粉。我試了一口，味道亦好香，意粉亦夠彈牙。加埋一後，每人$85，認同以下食友所講，以這個價錢，在中上環還有好多更好的選擇。

到此店食lunch。咖哩雞飯汁太多雞冇鮮味。餐飲轉炭燒咖啡。杯咖啡味道OK，但服務生解釋收費時不清晰﹐令我及另外兩名友人誤會轉炭燒咖啡唔使加錢（雖然我們已覺得奇怪且再三查問但服務生的解釋真的誤導了我們）。接近一百元一個午餐在中環區絶對可以有好多更好的選擇。

今日下午到這裏食tea,約兩點半,整間餐廳都幾乎坐滿.我叫了個照燒雞漢堡飽餐,和一杯凍朱古力咖啡,(但這裏不是稱莫卡咖啡).飲品先到,上面d cream 味道好好,杯咖啡都ok, 但完全無朱古力味!好似一杯expresso ,好濃郁的咖啡味,而且仲好滑添!而個包都幾好食,但雞無咩味,因為太少照燒汁,所以我嘗試混了茄汁一齊食,反而好好味喎!唔知點解d茄汁特別好味,但它只不過是一支普通的地捫蕃茄汁.都係香港出品!