The Right Place (寶勒巷)

營業中

休息中

朋友要睇波, 利物浦對曼聯, 所以專門帶我去一間又可以睇波又可以食嘢飲酒的地方食晚飯, 食飯睇波兩不誤, 一舉兩得, 跟住他來到尖沙咀入了一間叫”The Right Place”的餐廳, 哇, 原來裡面已差不多滿座, 餐廳的正中間墻上有個好似整幅墻咁大的電視, 正在直播足球賽事, 畫面清晰, 音量也調教得啱啱好, 餐廳裡面一D都唔覺得嘈吵, 座在梳化式的椅上真是非常舒服. 睇下餐牌, 原來D菜式都好多元化, 有中式, 有西式, 更有特別款式的漢堡包, 真係你想食咩就有咩, 仲有他們有很多酒類的選擇, 你唔想食嘢, 淨係想飲酒睇波, 這間一樣都會滿足到你, 唔同款式的酒任君選擇 避風塘炸雞全翼, 係唔係都幾特別咧! 這是我們今晚其中一道菜式, 兩隻雞全翼放在碟中間, 雞翼上面鋪滿了避風塘式的炸蒜蓉, 辣椒碎及花椒等, 未開始食已聞道香濃惹味的香辣味及花椒味, 令人垂涎欲滴, 咬一啖雞翼, 哇, 好入味, 仲好juice, 口腔中仲混合了花椒的麻, 蒜蓉的香, 再飲一啖冰涼透心的1664啤酒, 啤酒的醇香加惹味的雞翼, 這兩樣簡直就是絕配, 一邊睇住大電視的波賽, 一邊食雞翼飲啤酒, 勁好

來到一間情調很好的餐廳，我很喜歡這裡的環境，裝修擺設都很細緻。餐廳風格上集合了不同的元素，但配合得宜，因此整體感覺很統一。這杯是vegetarian，是羅勒青瓜奇異果梳打水，小杯中的是調味用的洋蔥。味道比較清淡，青瓜味比較重，感覺很清新。melon mashup即是西瓜紅莓汁梳打水。這是女生必定喜歡的飲品，感覺很清爽，味道甜而不膩。食物方面，我們選了鵪鶉及漢堡包。鵪鶉以低溫慢煮方式烹調。鵪鶉很嫩滑，裡面釀了鮑魚。旁邊的是蘭度豆，配馬莎拉酒燒汁。豆粒粒分明，味道適中。這道菜整體味道不錯。漢堡包味道有驚喜，包很鬆軟，有彈性。鱈魚柳口感滑膩，配上融化了的芝士、爽口的蔬菜及番茄，層次很豐富。伴碟的是新鮮炸好的薯條，外脆內軟。這間餐廳食物質量、味道都很好，環境亦很舒適，但更能吸引我的是用作裝載食物的器皿及裝飾品。它們均帶着傳統中國的元素，都是很用心的設計。這家餐廳既適合一家老幼一同用餐，亦適合一群好友歡聚。

間中就會同我一個朋友食下飯傾下計同佢我中意去啲餐廳bar，可以食飯又可以飲下野今次佢就帶咗我嚟尖沙咀嘅the right place餐廳外面係一個開放式嘅露枱bar岩哂一大班人飲下酒吹下風入面嘅環境好有feel，裝飾得幾靚My cup of tea經理好nice主動介紹我地呢到嘅cocktails 每一杯個樣都好靚好吸引！我呢一杯好特別，係一冷一熱嘅 店員建議先飲一啖熱，然後一啖凍有冰火嘅感覺！熱嘅茶味好香，酒味較濃即刻飲翻啖凍，帶有清新嘅荔枝香味中和翻熱嘅濃烈，好特別嘅味道The right place 拼盤拼盤好豐富，有海鮮又有肉！避風塘雞全翼，香草蒜蓉牛油燒太平洋蠔，燒西班牙黑毛豬腩肉伴香芒莎莎，脆炸軟殼蟹，黑松露醬燒粟米雞翼係大大隻嘅雞全翼，肉質嫩滑避風塘辣辣地好惹味，夠哂juicy!蠔有兩隻，size十分大，而且厚肉有濃濃嘅蒜蓉牛油香味！黑毛豬肉味香濃，肥瘦適中加上酸酸甜甜嘅香芒莎莎好開胃軟殻蟹好香脆，炸到金黃色配上沙律醬更加香口好食燒粟米好甜，無渣加上黑松露味道更加香鮮蟹肉煙肉海膽汁捲紙麵伴鮮海膽朋友同我都特別中意食蟹肉同海膽呢個意粉就滿足哂我地嘅願望！拼紙麵係手工意粉嚟，

聽朋友講，話呢間酒吧除咗酒有特色外，食物都唔錯！講到好似好正咁，所以我就一於捉埋男朋友嚟試吓裝修同餐具攪鬼得嚟，又好有中國特色，如果有外國朋友嚟香港，一定好鍾意我地先叫咗個小食，燒墨西哥式原條粟米$48！一上枱已經見到超多芝士係面，超吸引另外餐廳好細心，上枱之後，侍應會幫你切埋啲粟米出嚟，唔洗整污糟自己對手，呢下勁加分！講番味道先，粟米鮮甜，配埋巨量牛油同芝士，真係唔錯的！之後係避風塘麻辣雞全翼$88（2隻）雞翼外脆內軟，咬落去入面仲好juicy! 而且食落仲有少少麻辣味，唔會好辣，但麻麻地嘅感覺好過癮，送酒食一流到主菜啦，我地叫咗西班牙辣肉腸茄子半乾車厘茄羅勒蕃茄汁扭卷粉伴水牛芝士$128！個名真係超長，足足有26個字第一次食扭卷粉，感覺似係長通粉變奏版，幾特別！呢杯Classic Papaya $148上枱嘅時候真係呆咗！完全無諗過會用呢個方式呈現😂😂 靚之餘，仍都感受到餐廳嘅用心❤️四四方方嘅係木瓜布甸🍮入面都幾足料，每一啖都可以食到果肉！配埋帶有Rum酒嘅木瓜奶一齊食，完全係張甜品同飲嘢二合為一囉😆最後我地仲試埋佢個甜品Apple Crumble 添$58！味道唔會好甜，配埋佢

朋友生日飯，選擇了the Right Place，我還是頭一次光顧，入到去環境幾舒服，有不少港式裝飾，幾有趣。清酒蒜片辣椒煮美國馬尼拉蜆 $158香噴噴上檯，香味好誘人，蜆夠大隻，沒有沙，醬汁有重牛油味，有點辣味及酒味。巴馬臣芝士香蒜松露薯條 $78熱騰騰的薯條已經好味，再加上邪惡的芝士，佐酒一流。烤墨西哥式原條粟米 $48店員將原條粟米切好一粒粒，再與芝士拌在一起，好味但有點膩。The Right Melon原個西瓜上檯，而且更有好似中式的髮插著西瓜粒粒，酒味都淺，所以適合我，西瓜又可以消暑。美國馬尼拉鮮車厘茄白酒汁麵丁尼亞珍珠麵伴黑松露菌醬烤海鱸魚柳 $178第一次食珍珠麵，一粒粒好得意，煙韌有咬口，醬汁幾creamy，有嫩滑鱸魚相配不錯。

呢間餐廳有好多平時食唔到既菜式,呢個好似豆漿咁既, 其實係酒黎,用左D奶, 飲落有小小泡, 酒味其實都仲係好重下,不過比較特別係外型讓人覺得係豆漿!呢隻睇落去係包咁既樣, 其實外皮都幾脆口,同埋幾易入口,入面有好多既料, 包括各種菜,牛肉, 入面牛肉係類似碎牛肉咁既味,帶小小咸, 配埋菜既清淡味, 岩岩好幾balance!呢個係cheese cake 黎, 外型比較特別,份量唔算多, 但係味道ok既, 偏甜, 外觀上都幾吸引!整體呢間餐廳服務不錯, 坐坐飲飲酒是很不錯的~

之前來過The Right Place一次，被這裡的裝飾和食物吸引了，一直等再臨的機會。今天，米仔突然又話好掛住呢度，咁就不如…………這裡的餐桌擺設，一如既往的富有香港情懷。Smell of snow white，主要是以煉奶配上榴槤，單看配搭有點兒怪怪的，但就上次的經驗，這裡的飲品質量是有一定的保證。上枱是，榴槤味已開始刺激我的嗅覺，入口的感覺是奶味中，帶點榴槤味，果真，飲料是這裡的主角。The Right Place 拼盤（避風塘雞全翼、香草蒜茸牛油燒太平洋蠔、燒西班牙黑毛豬腩肉伴香芒莎莎Salsa、脆炸軟殼蟹、黑松露醬燒粟米），好有霸氣的小食拼盤，每個小食都是主角，誰也搶不了誰的位置。香草蒜茸牛油燒太平洋蠔，某程度上，是為了這太平洋蠔才點這拼盤的。香草配上蒜蓉和牛油，再放在大大的蠔上燒，答案就是“好好味”！避風塘雞全翼，皮脆肉嫩，仲好入味，連不太吃皮的我，也把這全清掉，只餘下骨頭。鮮蟹肉煙肉海膽汁捲紙面伴鮮海膽，捲紙面的做法和口感，是我喜歡的，加上各種材料煮成，真的一條緊接一條的入口。

今日同男朋友係尖沙咀行街，路經寶勒巷，見到一間名為The right place嘅bar，覺得幾新奇。咁岩肚仔有啲餓，於是入左去試試啦。呢到環境有別於其他餐廳，設計頗為特別。牆身掛滿左藝術作品，而餐廳嘅中間有一個大螢幕，播住街頭青年為主題嘅MV，整間餐廳充滿住歡樂嘅氣氛，真係令人十分放鬆！而呢到係主打Fusion菜式嘅，款式眾多。前菜方面，我地叫左份煙三文魚鷹嘴豆香芒沙律，而主菜就叫左份煙肉法國豆車厘茄通粉配香煎鵝肝。唔洗一陣，煙三文魚鷹嘴豆香芒沙律就送左黎我地面前。顏色繽紛，賣相十分吸引，即刻試試佢先！沙律主要係由藜麥同鷹嘴豆組成嘅，食起上黎味道偏淡，但混合埋芒果肉之後，每一口都有酸酸甜甜嘅感覺，十分新鮮。而煙三文魚更是和芒果肉形成一個強烈嘅對比，進一步刺激我嘅味蕾。食起上黎一啖甜甜地，一啖鹹鹹地，相當特別，真係令我十分過癮。接著，煙肉法國豆車厘茄通粉配香煎鵝肝都黎左。而鵝肝表面充滿左香油，傳來一陣陣香味，難怪叫香煎鵝肝！鵝肝入口即溶，香味係口腔中徘徊，真係好肥美！而通粉更加唔洗通，受過鵝肝香油嘅洗禮，配合埋煙肉同芝士組合而成嘅汁，十分香濃，好味到完全停唔到口。＊＊＊佢係用Garga

成日行過呢間餐廳，都見門口好多人，心諗唔通真係好正？所以就約咗個好姊妹一齊嚟試吓啦環境都幾好，佢地會不停咁播歌，幾有氣氛 ！另外佢地個menu 真係design 得好靚睇得出老闆對呢間餐廳嘅用心嚟到見到個個都飲得咁開心，無理由唔叫番杯啤酒啤啤佢！我地呢杯叫香港友，係香港自己做，易入口之餘，都幾香麥味，唔錯我地先叫咗個巴馬臣芝士配香蒜松露油薯條$78，薯條即叫即炸，而且面頭有巨量芝士，只能講，雖然好邪惡，但真係好好食之後呢個燒西班牙黑毛豬配青蘋果$88，朋友食完後超鍾意食黑毛豬入口軟腍，一啲都唔韌，配埋微酸嘅青蘋果同蜜糖芥末一齊食，嗰種酸酸甜甜嘅感覺，絕對係張呢塊豬腩肉，提升咗去呢一個層次之後呢個係冬蔭公墨魚餅煎蛋漢堡$128，最吸晴當然係佢隻太陽蛋，一切開，啲蛋汁噴汁出嚟食落冬蔭公味都勁濃，呢個配搭幾有趣！總體嚟感，食物同服務都唔錯，侍應成晚都好有禮物，而且又唔會趕人走，絕對值得再嚟食過

Happy Friday，成班同事去chill 下，同事們就去了尖沙咀的The Right Place，人流不算太多，飲酒之餘又可以食下野。環境好舒適，牆上有不少吸晴的畫，有港式風味。而menu 都十分吸引。巴馬臣芝士香蒜松露薯條 $78熱騰騰的薯條已經好味，再加上邪惡的芝士，佐酒一流。清酒蒜片辣椒煮美國馬尼拉蜆 $158食物大部分用上中式餐具盛起，好特別。蜆好大隻，沒有沙，醬汁有牛油蒜片味，帶少許酒味，辣辣地好正。The Right Place有一系列的避風塘系列，這個避風塘茄子天婦羅 $58 都算特別，茄子不會太油，避風塘即是有薯片脆脆係上面，質感幾有趣。選了好有特色的Cocktail My cup of tea $148以中式茶具盛載，首先飲細杯的熱茶酒 （有綠茶及Gin酒），再飲大杯的凍酒（有elderflower、蘋果汁等等），第一口覺得酒味好濃，再加上茶味，都幾苦，再飲凍飲甜甜地的花味酒，感覺幾有趣，不過酒味較為濃。烤西班牙黑毛豬花椒肉桂菠蘿煙肉芝士漢堡 $108第一口咬下去是重花椒味，辣辣地，再有少少肉桂香味，黑炭包好脆，整體味道不錯。

同朋友一齊出黎食好西，到左一間酒吧試試，半開放式的餐廳感覺良好。選擇坐室內，裝修有點意外呢。內裏是舊香港面貌是fusion路線嗎？筷子桶同紅雞碟，好搞笑嘛。Vegetarian （$78）自己先點了一杯無酒精的飲品，青青的好靚呀～係青瓜，奇異果，九層塔等調成，香味十足好清新，旁邊附上紅洋蔥，先咬一口再喝的話味道更突出，好喝Pool Side（$70）朋友點的顏色好漂亮，好有夏日feel，味道沒有試，但看看已經賞心悅目了US Angus Beef Cheese Burger with Teriyaki Eggplant & Fries （$128）西方的漢堡配上日式的味道出奇地夾，甜甜的燒汁同蛋黃醬，仲有紫菜同木魚的香味，漢堡扒牛味十分濃郁，黑色的麵包是竹炭口味，整體色香味俱全，滿分！Deep Fried Soft Shell Crab Burger with Mango Salsa & Fries （$108）朋友點了軟殼蟹漢堡，醬汁配上芒果莎莎，甜中帶酸，跟炸物軟殼蟹好夾，香脆鮮甜，整體感覺不俗。食物又靚又好味，係一個吹水好地方呢

呢晚慶祝朋友生日朋友話想要good food good place 所以我就帶左佢黎 The Right Place 雖然呢到係西式既酒吧餐廳 裝修就混合左中國既味道呢到既飲品好特別 要推介下Black & Right $128白色既酒加上黑色既涼粉再用中國飯碗裝住飲酒但就好似飲湯咁 好搞笑The Right Melon $148見到果下 直情嘩左一聲原隻西瓜仔 入面裝左酒同用髮髻吉住左既西瓜粒靚到呢 飲酒飲到好似食甜品咁烤美國特級安格斯斧頭牛扒配薯條$788呢個要推介牛扒新鮮 有牛肉味 juicy Parmesan garlic truffle oil fries $78薯條新鮮炸起又夠粗配上香濃芝士同黑松露味完全食到停唔到口

好姊妹的生日party當然要選在對的地方，呢間小店玩味十足，襯返壽星女玩得的性格。餐廳入面裝修同佈置都幾特別，淨係個別都已經吸引到唔少相機。炸薯條好惹味，芝士仲多過薯條。沙律菜清新得來唔苦，夠開胃。呢個三文魚沙律特別，有好多藜麥，夠晒健康。平時唔太鍾意食墨西哥餅，但無可否認佢哋做得好好食，唔會過膩。PorkBelly唔錯，半肥瘦的豬腩肉燒香後油脂咁較重，配上蘋果就啱啱balance番。主食當中我最鍾意呢個魚，魚肉滑溜而且醬汁亦比較特別。最有睇頭當然係呢個斧頭扒啦！一份足夠大班人分享，我哋重量亦重質，斧頭扒的肉質處理得唔錯，剛好五成熟。牛肉味道亦濃郁，大滿足！不過價錢亦稍貴。店長哥哥建議我哋食燒雞，上枱之際終於明白點解啦！作為招牌菜的燒雞大大隻，冇睇錯真係火雞咁大。係店員幫我地起好肉之後，係滿滿的一盤。夠哂睇頭。佢哋的飲品亦非常之特別，玩味十足。

最近收夜都喜歡跟寶寶去酒吧餐廳食飯，感覺有情調一點，而且最近工作壓力也實在太大了，很需要飲返杯去釋放一下。這次去了THE RIGHT PLACE，餐廳環境開揚而且裝修很有格調。一邊是有型的雀籠﹑雨傘等的擺設；另一邊則比較香港特色，做到窗外掛著大量招牌的效果，還有幾張特大的貓咪掛畫，十分有型。MENU亦同樣豐富，PASTA﹑BURGER﹑小食等，連DRINK MENU的選擇都很多。酥炸軟殼蟹漢堡配香芒莎莎($108)黑色的食物特別能引起我的食慾。BURGER用上竹炭麵包，味道沒有特別，放上一片溶化的芝士，很難不好食。竹炭麵包咬落很有質感鬆軟，加上炸得香口的軟殼蟹和開胃的芒果莎莎，整個配搭都很FRESH。特別是芒果莎莎的天然果香微酸令人很開胃，同時亦平均了炸軟蟹殼的油膩感。而且BURGER還配上薯條和沙律菜，份量很足。美國馬尼拉鮮車厘茄白酒汁薩丁尼亞珍珠麵伴黑松露菌醬烤海鱸魚柳($178)打出來先覺得這個PASTA的名字真的有夠誇張。首先第一個印象是薩丁尼亞珍珠麵口感極佳，每一粒都圓潤飽滿，煙韌有咬感。而且麵粒都吸收了白酒汁的香味和海鮮的鮮味，加上香料提味，味道甚佳。黑松露菌醬烤海鱸魚柳煮

星期六shopping完當然要relax下搵間餐廳醫下肚啦。朋友介紹去左尖沙咀既酒吧食晚餐,餐廳情調好好,唔算太暗,又有大螢幕播歌。入到餐廳見到咁得意既,好多人好悠閒咁睇報紙,原來係個餐牌整到成份報紙咁,有創意！我叫左The right place platter,其實好豐富有幾樣食物(避風塘雞全翼~一定要連埋d脆脆加辣椒一齊食,夠剌激,不過都唔算太辣既。蒜茸牛油燒太平洋蠔~這個燒得好好,唔會太乾,咬落去牛油香味出晒黎,我仲飲晒d汁添！燒西班牙黑毛豬腩肉伴香芒莎莎~腩肉超肥美多汁,配合香芒莎莎一齊食即刻唔覺得肥膩！脆炸軟殼蟹~好多肉呀唔會淨係得炸粉。黑松露醬燒粟米~拎上手聞到陣陣黑松露香,甜粟米做終結)由小食到甜品呢個拼盤一次過攪掂！另外叫左杯Mocktail~Melon Mashup,呢杯飲品賣相好靚,幾種水果加埋soda水永遠都係最夾既。