The Place

慶祝返中秋，食個自助餐！想約下午的，約不到，改為晚上在做芝士主題，但芝士菜式不算太多人流也不算少，侍應收碟快，也頗有禮。唯獨樓下泊車專員禮貌不太好。冷盤有生蠔，長腳蟹，龍蝦鉗，蝦，小龍蝦，及青口熱盤選擇不少，味道不過不失，唯獨麻辣雞煲很滋味！還有一個燉雞湯芝士主題自然有芝士有芝士焗帶子和芝士龍蝦，數量有限還有瑞士烤芝士，必須一試！燒芝士外脆內軟，芝士香味濃郁真的好想再排隊！另外魚生質素也不錯👍🏻甜品選擇多！但已經吃得太飽了！緊記出示OpenRice優惠券，會有78折是次折後每人557左右好滿足！

適逢中秋節就揀左依到食buffet dinner. 剛巧碰上芝士主題，身為芝士迷既我極為興奮！芝士龍蝦同芝士帶子最為出色，一出爐就會被掃清，龍蝦啖啖肉，四色芝士十分香濃！ 仲有其他不同有芝士在內既食物，有各式芝士供應配餅乾，生蠔與長腳蟹都很不錯！剌身只得四款，略嫌少了些。最後，當然是各式各樣甜品，有不少是芝士為題！芝士疏乎厘，cheese tart,都超美味，好濃芝士味，雪糕仲係我最愛既movenpick!!!有八款咁多！

未夠6:30,門口已排長龍等食，入座都算快，入到去都幾大，但野食唔算多，一眼望晒，四圍都要排隊拿，供不應求，等是最浪費時間，生蠔還算可以，仲有長腳蟹，龍蝦仔，蝦🦐，青口。刺身都係個幾款，三文魚，八爪魚🐙⋯⋯沒有特別想食，熟食都係好小，十只手指數晒，西蘭花，天婦羅，炸豬排，一口牛，天呀6百幾蚊食呢啲🤔芝士焗龍蝦一出就無，等。。。。。冷盤幾條菜，不多，甜品反而多過野食，雪糕款都幾多👍🏻如果沒有折，6百幾真係唔會選擇食呢間

呢一間自助餐由未賣盤之前已經嚟過好多次，食到佢賣咗盤之後都有黎，原因係因為佢經常轉主題，有啲新鮮感。喺熱食區嗰邊，最唔鍾意就係佢一啲咖哩嘅食品， 雖然今次fusion咗關西風味， 但都係吸引唔到我。佢曾經好出名嘅叉燒，見到佢個賣相乾爭爭，一啲蜜汁都冇，我都冇試到。熱食區嘅食品一般啦!印象最深刻嘅係味噌豬肉，舊豬肉都幾軟滑腍身。有燒物區，多春魚雞串都過得去啦!海鮮區有蠔、青口、龍蝦仔、蜆、蝦，我只係試左一隻蠔， 有個廚師會逐少逐少開蠔放上個盤， 雖然海水味唔重，一般新鮮，可以接受。 另一個令我最深刻嘅梗係甜品區啦!有個梳乎厘班戟，係新鮮製嘅，熱辣辣，每次推出嘅份量唔多，製作需時，我去攞嗰陣時，隻碟熱到燙手㗎! 幾幼滑有空氣感。仲有一啲我平時都唔會去試嘅蛋糕，因佢唔係一件件，同埋我鮮入為主覺得整個蛋糕通常都唔好食，今次令我改觀，哈密瓜蛋糕、柚子蜂蜜蛋糕、芝士蛋糕味道唔錯，唔會太甜。櫻花蛋糕我就覺得麻麻。

經朋友介紹下，試下食宵夜自助餐，估唔到宵夜自助餐都有咁多野食，而且匯豐信用卡仲布折，生蠔每次限拎六隻， 都不斷有負責的職員新增生蠔供應，算係新鮮鮮甜！ 三文鮮都新鮮唔錯，飲品方面有橙汁，又有蟲華花雞湯！熱食方面種類都多呀：糯米雞，燒賣，蝦餃，西冷扒，菜心，楓糖多士，沙律... 雪糕有movenpick 4種味選擇 仲有個脆卜卜既甜筒！ 有豆腐花，銅鑼燒，都有個好似牛奶布丁 都香滑，總之抵食！ 食物都不斷增加有換過款架！我會再黎架！

今日同女朋友拍拖週年食餐好嘅，由朋友推介之下去咗旺角康得思酒店即係朗豪坊。第一次去到地方十分大樓底夠高空間感十足成晚都坐得十分舒服。食物方面有很多精美擺設又好靚既食物😋😋凍盤有很多選擇，有長腳蟹有蝦有青口有蜆同埋新鮮生蠔。長腳蟹真的十分鮮甜大隻，啲蝦很爽很新鮮。青口蜆都不錯。而生蠔隻隻都好肥好新鮮。沙律吧都有不同配料例如有我最愛既苦瓜😍原來可以這樣吃還有紅菜頭粟米粒等🤤刺身有七款之多。油甘魚，帶子，吞拿，三文，鯛魚，八爪魚，魷魚。。食材十分新鮮🤤！壽司種類都很多同埋有即制手卷👍🏻👍🏻師傅們亦十分有禮貌。笑容爆燈😊⋯⋯熱食方面有焗龍蝦😍一口和牛，天富羅等，當中更有印度師傅做既咖哩真係好出色。香料十足、牛肉煮到好入味又夠林🤤👍🏻最後當然到甜品櫃啦⋯日式梳夫里班戟。大福。巨蜂提子啫哩🤤女朋友大讚一流。整體成晚十分滿意，工作人員又很主動幫助。下次都會再黎同埋推介比其他朋友👍🏻

上年同過班fd去食過dinner buffet，真係唔錯，價錢都合理，選擇又多元化，就連同事都讚間嘢唔錯。於是係我生日果個就決定帶老公一齊去食過，仲同老公講Buffet真係好多選擇，包您岩食。未入去住充滿期待心情，一到18:30開始入去時，望一望有咩嘢食?點知...一眼望哂，無上次咁多嘢揀同食物好平民化，原來看唔到有日本風/多國嘢食等等...就連老公最愛的甜品可以選擇的都少到極點，我地兩個都覺得非常失望!再加上咁O既價錢，真係心覺得仲衰過團購。值得再次來的優點︰1. 服務員執拾食物及斟水，都非常快手，同埋好有禮貌，值得一讚。2. 生蠔雖然細隻，但都叫新鮮，至少我無回到屋企肚痌。都值得一讚。缺點︰1. 壽司款式太少及細件，小妹都鐘意食日本嘢，話明今期係日本風，但可選擇的食品係勁少，加上完全無日本FEEL，呢點令我好失望!2. 無飲品。上年同班FD同樣都係食Dinner Buffet飲品多選擇，但今次竟然無嘢食，如要飲要另加$98 (任飲)，好明顯做緊大陸人生意，唔岩我地香港人。食完只飲水，無嘢飲，呢點令我好意外!3. 熟食選擇少。我老公唔食生嘢，諗住多熟嘢可以俾佢食，但一望就知…選擇少，

點評:- 首先，今次幫襯嘅係假日嘅tea buffet- 甜品，雪糕區味道乎合水準，款式足夠- 魚生只有兩款，同無生蠔 (食物種類都預咗無午晚市咁豐富，始終tea buffet價錢只係二百幾蚊位)- 熟食，沙津等正常發揮總括，如果喜愛食甜品雪糕，二百蚊多少少，係一試無妨。但如果偏愛生蠔魚生等，就都係試午或晚餐市段，免得失望服務方式:自助形式座位:普通座位，有baby seat同baby 餐具語言:中英皆可等候時間:不需經openrice 訂位，夠鐘就可以直入食物種類:主題-日式但魚生得兩種，無呑拿魚有拉麵，喬麥冷麵，壽司主食:有約十類普通熟食Typical 酒店式沙津，麵包，芝士吧有自家制薄餅甜品:有數十款西式糕點，豆腐花，窩夫等雪糕有四款桶裝movenpick，有職員幫忙有自製曲奇，可以自己畫公仔，寫字上去價錢:可用信用卡或openrice 優惠約$225一位相:甜品區DIY區其他食物區(部分)

住喺新界，難得生日就出旺角食飯。可以喺康得思酒店地下和朗豪坊食街過去。今次我們四個人，分到的位置在角位一般般不能對窗。剛好遇上有一公司的人來聚餐，全部座位都坐得滿滿。飲品這設定總覺怪怪的，飲品祇有一杯，服務員帶過來。早到早享受都是兩點半散場。來到必須速拿刺身，之後會不停排隊。刺身質量都不錯。生蠔等海鮮還不錯，但是生蠔必須要選肥美的，很瘦的那些還是很難吃的。熟食推薦雞柳，鯖魚。芝士也是任食這很好。日本漬物沒什麼人拿，我自己也沒吃。水果也很新鮮，梳芙厘也很多人排隊，甜品種類也很多。你訂位時説生日預訂，仲會送甜品小蛋糕。總結而然這次任食都算不錯，四人同行用滙豐信用卡有七五折。差不多1200元4人。

交通方便,由旺角地鐵E1出口經朗豪商場上層橋行去便是,這裏樓底高空間開楊,食物雖然選擇不多,但味道可以的,海鮮都新鮮的,我喜歡一口和牛,,西湯,天婦羅,班戟,蛋糕,這裏服務好,收碟密只,是少了自助飲品區。

由于有某幾間酒店會員卡，所以每年生日都會收到酒店為壽星仔女而設自助餐買一送一禮卷，今個月份太多blackout date所以只能揀到the place 嘅下午茶試試，正價2百幾一位，抵吾抵食就見人見智，印象最深刻就係個义燒煎蛋另加白飯，個义燒應該係用梅頭肉，好有咬口，吾柴皮，，一套 all day breakfast，甜點用紅豆做，幾中意個肉桂卷，食了3個course夠皮，無謂强迫自己。 收碟人手吾夠，經光層層叠。

一家人總要一兩星期聚會一次，搵個舒適嘅地方聚埋一齊吃吃喝喝，哈哈重點係傾計，今次揀左朗豪坊入面既THE PLACE 自助餐，其中即整souffle pancake 最驚喜

超級失望，10:15入坐，但是未夠11:00已經嚷著埋單走人家人們。實在…… 生蠔第一輪 係非常新鮮， 完全冇腥味 隻隻蠔身立立令 ，仲有海水味， 每人限取六隻， 可惜太多人唔守規矩， 真係博懵攞多超過六隻你都冇佢符 。 宵夜 自助餐 如果你淨係鍾意食生蠔，你絕對可以回本 ， 食多兩碟 ， 不過 ，之後再去排隊攞 第二輪已經 冇第一輪之前咁好 。 其實做開酒店都明白自助餐第一輪都係最好，之後補充食物時候，已經係畀第一次差的次等貨出來招呼你哋， 之後第三輪更加差，直情隻蠔未入口， 已經聞到 腥味極重， 入口即刻吐出嚟 。 魚生竟然只係得兩款， 三文魚同立魚， 三文魚都可以……立魚睇上去乾爭爭， 咬落口實登登立魚， 旁邊仲有一大碗一大碗已經承載好嘅蕎麥麵 ，好似要讚爆你個肚咁 。 湯，只供應得一款椰子雞湯， 味道可以 。 粥，只供應柴魚花生粥 。 沙律吧 ，羅馬生菜都冇 ，竟然有切片苦瓜 。 蒸，點心有蝦餃、燒賣、叉燒包， 蝦餃個皮好厚蝦就得半粒在入面， 燒賣就係陳記燒賣 ， 叉燒包個面粉皮， 真係又厚又硬 。 熱盤，有炸麥樂雞 ，章魚燒，章魚燒入面係冇餡全部都係粉漿， 苦瓜炒肉片，

慶祝朋友仔生日，去咗呢度食tea buffet我係用Openrice訂座，remarks寫咗朋友生活有request寫碟，比埋名，但結果無安排到因為好肚餓，一出去已經攞咗堆熱食，雲吞好好食，蝦夠爽咖哩青口都好食，咖哩夠香，天掃羅蝦夠熱又脆口！pizza喺焗剛出爐，熱辣辣雞翼勁咸，食唔到咖央多士甜到喊梳乎厘pancake即整，每人限攞一件，一陣風咁刺身好少選擇，只食三文魚，感覺麻麻地甜品算最吸引，朱古力嗰件味道濃好好食Movenpick雪糕都好正食物款式唔算多，但下午茶算係咁上下一般都會包一杯餐飲，但呢度只係提供果汁自己斟，若然有熱茶、咖啡會好啲囉用匯豐咭比錢仲有七五折，兩個人都係$455價錢唔貴，都可以一試

今次的主題是「夏日和風自助餐」，新鮮空運的海鮮刺身、火炙壽司、日式鐵板燒和牛粒、大阪燒、雞肉串燒、醬油鯖魚、酥炸黑豚肉及淸酒豆腐牛肉鍋等等，應有盡有；相對的，甜品也以和式居多，如日式梳乎厘班戟、白桃果凍、櫻花士多啤梨卷蛋及紅豆綠茶長崎蛋糕等......甫進場便是至愛的甜品區，每次總忍不住駐足，今次的主題是和風；所以決定先吃甜，以滿足「心靈所需」。特別推介這兩款布甸，北海道牛奶布甸和焙茶布甸，香甜滑溜，的的式式；滿足口慾卻不撐胃，超正！眾多日式風味蛋糕中，這幾款是我比較喜歡的 - 望而知其所以的「北海道夕張蜜瓜蛋糕」，質感鬆軟，啖着果真有陣陣的蜜瓜香。「櫻花草莓卷蛋」，粉嫰的櫻花花瓣以白朱古力造成，配上香滑的忌廉，可囗美味。「柚子蜂蜜蛋糕」表頭上的粒粒蜂巢狀磚塊迫真美味，底層蛋糕帶有濃濃的柚子香，酸酸甜甜非常開胃。「抹茶紅豆長崎蛋糕」的紅豆味香，口感紮實。其它的還有炭燒咖啡啫喱、日式大福餅、芒果卷、北海道芝士蛋糕、伊予柑朱古力撻、巨峰提子啫喱、白桃布甸、紅豆和果子、日式梳乎厘班㦸、豆腐花、煎堆仔、紅豆沙、日式窩夫配雪糕、八款Movepick 雪糕、朱古力噴泉和棉花糖等；待轉戰