The Night Market (又一城) (已結業)

早前又一城先開左連鎖店茶木食台灣野，估唔到咁快又開多左一間台灣菜，所以今日lunch一於同同事試下。上星期經過見到lunch time都有唔少人排隊，好彩今日早放冇咩人，店員很快便帶我們入座。由於餐廳位於商場頂樓，加上設計是半室外的設計加上商場天花是玻璃，所以有陽光都有點熱。不過我和同事都覺得放lunch出來曬下還要舒服一點，總比屈在office好🤤這裡雖有 a la carte，但都是被佢lunch menu吸引住。同事點了combo A，我就點了combo E。另外加$15可以選擇一個飲品，價錢也算公道。我們點了檸檬冬瓜茶和百香橘西打🍹🍹先來的是同事的手工水餃和麻油雞配菜飯，上桌時都是熱辣辣，夠新鮮🍲麻油雞夠香、但不會太濃味或太油，肉身也不算很鞋，薑味也幾香，好似好補身咁🤣不過大熱天時可能就會有點over左，還好同事是寒底人🤷🏼‍♀️手工水餃就還好啦，沒有很特別，皮略厚但肉餡也不錯。菜飯就最出色，有菜香味煮得入飯味但飯的texture還保存到。說著我的秘製黑椒牛肉🐮配菜飯也到了，這個比麻油雞的賣相更好，先有黑椒汁的香味及洋蔥香，加上蘿蔔絲爆香了才和牛肉一起炒，所以吃落牛肉不會過熟，但

好耐未去過台灣旅行，好懷念當地重口味的食物，於是今晚黎左哩間在港已經有四間分店既night market 。哩間分店位於九龍塘又一城，店鋪好開揚，由於我地好早黎所以唔使排隊。一坐低見到餐牌有很多選擇：醉香雞淡淡酒香，用上雞胸肉比較鞋口，但雞味是有的，起碼唔會有一陣雪味。紅油抄手哩個好好味，不會太辣，餡料薄皮做得十分細緻。紅燒牛肉麵湯底濃而不膩，牛肉同筋比例剛剛好。麵條仲係手打的，爽滑彈牙。鹹蛋炸苦瓜依個苦瓜不得了！這個配搭都係第一次食，苦瓜炸得香脆薄身，每一口都食到鹹蛋香，非常惹味！朋友唔食苦瓜都食到唔停口牛肉餅本身諗唔食哩個，不過侍應話哩個絕對值得一試，上菜時更叮囑小心會爆漿。結果都係要爆哂漿，肉汁香濃，包皮煎得脆脆，入面啲牛肉好嫰滑。估唔到咁好食，果然無介紹錯鮮果茶手工啤酒最後要讚一讚既係服務好好，侍應熱情招待，耐心介紹食物 整體而言，無論食物質素，環境同服務都令人滿意

同太太買嘢，行到攰攰地小小餓，搵個地方e肚小休一下。太太話要食中式嘢，見到台灣菜，老婆大人又話ok想試，咁就去坐底。個下午茶餐牌小小睇唔明，個服務員feel到我地小小困難，主動走黎好耐心講解個下午茶餐，點心+主食+飲品，咁自由組合。好抵食。。。$60起有個tea set我地點咗小龍包，紅油抄手擔擔麵，雞扒魯肉飯珍珠奶茶，芭樂鳳梨西打小龍包，皮薄，多汁，不油脷，，超讚！(好食過大型連鎖店，本身冇其望，但一食，，身體很誠實地滿足咁笑了)紅油抄手相對失色小許，紅油不夠香，欠缺小小風格擔擔麵師傅逐個逐個拉麵即場，打，拉，隔住玻璃欣賞，食之前當表演也不錯！麵條每條均等，入口彈呀，湯頭夠rich香氣撲鼻,辣得過癮！擔擔麵如果當正餐就唔夠飽，下午茶就剛剛夠食太太個餐，雞扒魯肉飯雞扒炸得酥脆可口，加上魯肉同魯肉汁好好餸返唯一缺點，係魯肉如果輕輕瘦小小，迎合香港人口味，改半肥瘦肉就更好。珍珠奶茶，珍珠好味，彈牙，茶香夠出，也很滑順！芭樂鳳梨西打石榴加菠蘿汁，咁配答又幾清新都幾熱帶風情特色食完炸嘢，用黎中和返口腔都幾舒服。就咁兩口子差滿電離去等放假黎試下menu其他食物美中不足，就係有啲曬

大滿足的一餐今日要同仔仔去又一城踩冰，踩完冰要去醫肚，好彩過左食飯時間人潮漸散，見到0里度有間新開臺灣菜，咁就試下喇。我地得兩個大人加一個小朋友，問帶位姐姐可唔可以坐卡位，由於不是繁忙時段，佢好爽快就幫我地安排左😊餐牌選擇眾多，我們就散叫幾樣野，小籠包，魯肉飯，三杯雞和蘿蔔穌小籠包皮薄多汁，拍得住鼎x豐魯肉飯加半隻溏心蛋，咁樣食法真係好滋味，魯肉不會太肥亦唔會一pat汁咁，讚。三杯雞是用鍋上的，侍應上的時候很細心，因為我們有小朋友，上菜時告知要小心，亦將個鍋放在遠離小朋友一點。哩道菜係最濃味的，雞肉好鬼惹味，由於鍋好保溫，食到最尾都很仍然是熱的。蘿蔔穌好大隻，入口酥化，個心軟淋淋，好好食。今餐好滿足，最重要一家人可以舒舒服服咁食一餐。

星期三下午接近2點鐘， 我同阿仔來到又一城。 本想食日本餐， 但太多人等位， 之前試過中環及圓方的Night Market很不錯，所以這次試試又一城新開的 Night Market。首先沒有侍應會主動望一眼我們是否ready落單。 在侍應行近時我禮舉一舉手， 她卻沒反應， 我唯有港式大揮手才有人理會。我們叫了午市套餐，紅燒牛肉麵配小籠包及加$15配珍珠奶茶。 再叫一碗麻辣牛肉麵及腐乳通菜。 紅燒牛肉麵簡直是牛筋麵， 一塊大些少的牛肉也沒有。 我當場問這是甚麼？侍應說牛肉麵呀ma! 我才恍然大悟眼前的牛筋麵是他們店的牛肉麵！ 我當然不退貨，點知會有咩下場， 寧可冇下次幫襯算了！其實兩碗麵及菜都很油， 小籠包還可以。 我們食食下還在紅燒牛‘筋’麵裡找到一條短頭髮， 立即放下筷子叫埋單。 （剩下一半麵）行過日本餐廳沒有人等位了， 再入去食第二餐， 因為我地個肚仲好空虛！

今日去咗九龍塘行街，晚飯時間見出邊落緊大雨，所以我哋就留咗係商場度用餐。又一城嘅餐廳普遍都較貴，所以我哋就揀咗間中等又可接受嘅價錢入去食飯。呢間餐廳係主打台灣菜。一入到餐廳，感覺好舒服，而且佢哋嘅餐具設計得非常之靚。由於嗰日唔算好肚餓，所以只係嗌左碗湯，一個小食同埋一個飯。呢碗竹笙排骨湯都幾足料，入邊粒冬菇同相中一樣大。但係味道好鹹，我哋加左半杯水落去都覺得冇乜分別。所以唔太推薦大家點呢碗湯。灌湯牛肉煎餅真係做到入面注滿晒啲湯汁。一食落去啲湯汁標晒出嚟。但唯一嘅缺點就係塊煎餅太細，只得半個手掌咁上下大。最後就嗌咗櫻花蝦炒飯。賣相冇乜特別，但勝在份量好多。味道就有啲似瑤柱蛋白炒飯，啲飯炒到粒粒分明，不錯👍🏼整體來講，其實佢哋嘅食物質素都幾高。如果係同家人聚餐嘅話，呢間餐廳係一個不錯的選擇。

又一城差不多間間都試過，見呢間未試過又有位，即管試試。裝修茶餐廳格局，帶點娘氣，心想不緊要，好吃就可以。叫了牛肉麵，擔仔麵，三杯雞，麻婆豆腐，阿媽白菜魯，水果茶，白飯。一上菜，份量小小的，跟價錢不太相配，心想不緊要，好吃就可以。牛肉麵的麵硬硬的，跟麵湯發生不了關係，牛肉牛筋普普通通，沒有紅或白蘿蔔，怪怪的只墊了幾塊椰菜。擔仔麵，鹼水味重，麵還麵，醬還醬。水果茶只有酸味。麻婆豆腐只鹹和麻。最可怕是三杯雞，除了鹹，只有鹹！難道這店不是用麻油米酒醬油，而只用三杯醬油煮的？唯一可取的就是在投訴後有道歉和從賬單上取消了那兩道超鹹的，負責人還親自試味，同意我的評語。其實對於這類集團式連鎖店，不抱太大期望，但最基本的品質也是應該有的，連這些基本都守不住，要顧客再光顧恐怕.......

台灣夜市令人食過翻尋味，但呢間「夜市」就一食不回頭...叫咗夜市常吃嘅鹽酥雞同麵線，鹽酥雞不過不失，炸粉頗多，炸得好的便皮脆肉嫩，但亦有不少只有粉；麵線就更加平平無奇，勝在有蠔仔，但整體而言無咩味另外仲嗌咗糖心蛋及茉香奶茶，糖心蛋不是糖心的，明顯是overcooked，雖然上面粒核桃為它挽回一點分數，但我本是衝著這在餐牌上看起來很好味的糖心蛋而來的，未免有點失望....而少甜奶茶則變無甜，只有極淡的茶味埋單每人近$160，真係唔太值....

一場紅雨，我走到又一城的這店。沒有台灣夜市的風味，只有掛著台灣夜市之名。菜單上，滿滿是台灣菜的名稱。最後，只有一人獨撐場面，就點個午市套餐：Combo C。午市的節奏是急促的。不消五分鐘，紅油抄手送上。熱氣氤氳繚繞，偏褐色的醬汁，看上去還不錯。一口咬下，紅油香氣一般，辣味欠奉。肉質尚可，未嚐到肉汁。尚未消化紅油抄手之味，珍奶也上場了。三分一冰塊、五分一珍珠，比例合宜？見人見智。值得一讚是那鋼飲管——環保；值得一彈是那鋼飲管——太環保，誰去夜市消費追求環保⋯⋯茶香一般，可幸還有茶味，奶味不濃郁，也不夠滑順，珍珠尚好，煙韌可嚼。最後上場是主食。雞扒是酥脆的，肉質滑而彈牙，但雞味不濃。菜飯太乾，菜粒不多且小，是這一套餐最大的敗筆。抬頭看看天，還是黑壓壓的，襯托著飽足卻不滿足的心情。還是繼續努力找下一家台灣食店，再慰藉那久違台灣的感情。

今日和闺蜜临时起意来又一城食新开的the night market，店面宽敞，装修也不错，员工好热情。坐下就落单啦，一份招牌的蛋饼，一份蒜香猪颈肉，还有份新竹炒米粉，再加两杯奶茶。野食很快就来到啦。很多好评的葱香手抓饼都唔错，有d油。因为一直喜欢炒米粉啦，质感Q蒜香猪颈肉都几好食，最主要是呢个蒜好香。最的系个奶茶，少甜少冰还原奶味，仙草珍珠均不错。这家野食味道，但是份量就好少，menu上碗就已经好细其实都有估计到。男孩子可能很难食饱

很久沒寫食評了...很多食肆因要挨貴租和成本的上漲，食材用料質素都有所下降…直至今天在又一城看見這間新開的餐廳...鹽酥雞 4.5/5外皮炸得金黃酥脆，肉質軟嫩融在口中，美味！凍仙草奶茶 5/5 - 我叫了微小甜(餐廳很周到，甜度可選擇無糖、微小糖 30%，少糖70% 或正常100%). 香醇濃厚的奶茶搭配上一條條厚滑清涼的仙草凍 ，超愛這搭配 ！小籠包  5/5 - 皮薄，一夾起晶瑩剔透，清晰可見肉裡的湯汁，汁多，餡料肥瘦適中，咬下去，鮮美熱騰騰的湯汁隨著肉餡在嘴裡漫開，這是我在香港吃過最好的小籠包！蛋香手抓餅   - 蛋香，餅皮酥脆，乾身 ，熱騰騰 ，正   鹹蛋炸苦瓜 5/5 - 極力推薦 ，外層沾滿了濃郁的鹹蛋黃， 裏面包着甘甜的苦瓜 ， 味道夾到絕，炸得鬆脆 ，讓我這不愛吃苦瓜的人也上癮了！紅油炒手 4.5/5 - 雲吞皮非常滑口， 餡料香也有咀嚼，口味地道，辣椒油香微辣，不錯。生煎包  -  5/5包皮微甜、 底部煎到金黄酥脆  ，內餡鮮美多汁 ，超正！ 古早魯肉飯  5/5 -半肥瘦的魯肉加上香濃魯肉汁，白飯煙韌 ，好味!總結嚟講呢間台灣菜 環境舒適, 適合一家大細 ，真