The Night Market (又一城) (已結業)

一心打算去食pizza，點知餐廳已經變咗另一間食肆。大家對台式食物一向有好感，所以決定試一試新店食物水準。「新竹炒米粉」味道不錯，有椰菜絲、冬菇絲、蘿蔔絲、肉絲..... 比想像中好味。「牛肉餅」新鮮熱辣兩塊牛肉餅，比想像中細件。味道方面不錯，牛肉好 juicy, 一咬有爆汁效果。外面煎到少少脆，外脆內軟，值得一試。「黃金豬扒麵」豬扒炸得好脆，可惜肉質唔 juicy，本人嫌太乾。湯麵味道正常。*餐廳內提供BB櫈。

老實說奶油包朋友提議食『The Night Market』既時候奶油包真心以為係食泰國野因為個名有D似但去到先知原來係食台灣野食得台灣野就要叫一D好有台灣感覺既食物好似手抓餅呢個好香口仲有DD似印度個D薄餅入面好似係有D蛋咸度岩岩好牛肉煎餅份量少左D但肉汁好多如果唔係SHARE嚟食一人一個既會食到更好肉汁雞扒面線雞扒好香口份量係夠既如果個面線可以多D就更好魯肉飯好一貫既魯肉飯份量唔算多但味道係唔錯既加埋半隻蛋更加好味大腸面線朋友嫌佢個醋味太濃但奶油包覺得還好成碗有一半係奶油包食左同埋小籠包小籠包做得真心唔錯...好多肉湯奶油包俾呢餐80分本來有85分既扣左5分係因為份量唔夠奶油包同朋友食完都仲係覺得餓餓地

今日早啲過嚟食lunch，一行三人，同事想試下呢間，嚟到已經見到店內有好多人，好彩好快就被安排座位。除咗每人一set午餐，我哋仲叫咗小籠包，皮薄餡靚，一唔小心就好容易整穿個皮。最強組合午餐，各人都叫左豬扒擔擔麵這個餐，大大塊厚切豬扒，新鮮熱辣炸香，脆卜卜，十分邪惡👻。擔擔麵湯底濃郁，香味夠唔會太辣，麵質唔會太淋，爽口。每個午餐都會配一款不同的小食，我們叫的午餐包括一個小食~紅油抄手(兩粒)，好大粒，醬汁好惹味，唔覺辣。午餐包特飲，檸檬冬瓜茶，味道不錯，甜甜地，諗住叫杯熱飲健康啲，但這裏室內用自然光，太陽入到室內，溫室效應使環境較悶熱，且吃的東西較重口味，早知叫杯凍飲。另外叫咗兩個甜品，荔枝水晶球清新爽口，再多一點荔枝會更好，雞蛋布丁又香又滑，size再大一點會更好。今餐比之前的有進步，食物唔錯，侍應招呼也比之前好，欣賞。

有一排冇黎又一城，原來呢度開左台灣野，所以趁食lunch時來試下。呢度位於商場頂樓，所以半開放式設計幾開揚、我覺得都坐得幾舒服。🤗佢地主打台灣食品，但配套、環境、服務都加左一點香港、甚至係食西餐既感覺。午飯時間當然賣點係Lunch set，都有唔少選擇，仲有二人餐同四人餐，我同朋友揀左B餐同D餐（最強組合😂）。飲品先黎都唔錯，然後啲小食分別先上。手工水餃🥟皮薄、餡都夠多，有肉料。春卷就正常啦，以菜絲為主。朋友叫既酸菜魚片麵都幾大碗，唔只湯多、魚🐟同麵都唔少。佢話個湯夠酸同埋有啲炸菜少少辣，魚都幾滑、不過食到有幾塊魚鱗😂我揀既川椒龍鳳球菜飯份量就冇麵咁多，但都好夠食。菜飯幾香，有蝦🦐球同雞🐥球，味道偏濃味，不過蝦球係炒到好爽同蝦肉好彈牙🤗為返每人120蚊，價錢係有啲啲貴，不過食物質素都叫唔錯吖。

今日有需要去又一城，之後相約太太晚飯。 其實在又一城用饍我常有點苦惱，因為餐館價單貴，水準一時一樣，貴是一問題，但貴卻不好吃就更失望。逛了整個商場，好像九成餐館都已試過，於是走去研究水牌，看看還有那些未曾嘗試的餐館就注意這一間店。這間餐館只用英文名，還以為是主打泰國菜，在門口看餐單才知是台灣菜。其實我倆不什了解何為正宗台灣菜，但不妨入內試試。我們選了牛肉餅、黑醬油炒飯、糖心滷蛋、台南擔仔麵。甜品選了熱燒仙草及擂沙湯圓。值得一讚是餐單做得很用心，一本小書，整整齊齊列出每道菜，並附上圖片。單是仔細研究餐單便需要幾分鐘時間，未落單看了圖片已口水直流。第一頁的引言細說開店因由，並聲稱用上最新鮮優質食材，不含添加卜月中弓和味精。台南擔仔麵據說成份計有麵條、香菜、蒜泥、蝦及、豆芽菜、肉燥。此菜算是有齊應有的成份，但本人不太知道煮得是否地道，只覺得太過淡味，麵質一般。 糖心滷蛋則很入味，蛋黃有點過熟，若有點流心我會更喜歡。牛肉餅煎得香，每件肉餡份量算多，吃來熱騰騰。黑醬油炒飯用石頭器皿盛載，但不要以為是韓式，因為只是用來盛載的「器皿」，但「器皿」不是熱的，所以不要以為有飯焦。  雖說如此，用黑醬油炒

三兩知己在星期日晚上想輕輕鬆鬆的吃個飯，不願跟人擠，不欲排長龍，不防考慮到 Night Market，這𥚃不但座位寬敞，它的台式美食，無論冷盆小菜，飽點飯麵，以致飲品甜點，都一應俱全，而且選擇良多。幸好份量不太大，可以多試幾款。上星期吃的一次，沒來得及拍照，已經一口呑掉了那半只入口即化的糖心滷蛋。這裡的醉雞去骨軟滑，蛋香手抓餅香脆鬆化，今晚決定要「安歌」再來！嘩啦，還得多來幾次，才可以試盡餐牌上的菜呢⋯⋯

今天約了好朋友聚一聚， 為了方便有小朋友的媽媽， 所以揀選了這裏， 我們之前都沒記得過的。因為下午茶時間，所以只點了少量食物。金牌小籠包：咬一口，肉汁都流出來，味道還可以。灌湯牛肉煎餅：外皮煎得香脆，餡料都多，不油膩。櫻花蝦蛋角：蛋角厚厚的，咬一口你會吃到是薄荷葉還是九層塔的味道，我挺喜歡這個味道的，表面灑上香脆櫻花蝦。三鮮蔥油拌麵：拌麵好彈牙，一點都不油膩，除了香蔥之外，還有櫻花蝦。溏心蛋：這個算是最好吃的，上面的合桃沾著蜜糖的，很脆很特別。飲品方面， 朋友點了仙草奶茶， 鳳梨果醋茶，而我就點了草莓派對。 酸酸甜甜的， 顏色亦很吸引。 這裏用的都是鋼飲管，但我不敢用😅整體上食物還ok，但我覺得以台灣菜來說，這裏還有另一家會比較好吃，性價比劊高一點😜

有朋自遠方來，同佢地一家四口再加我自己搵個地方泊bb車，又想食下啲「回憶」，搵到九龍塘有呢間台灣食店。「回憶」係源於我地中學成日放學就去食台灣嘢（唔知點解放學就會肚餓），而地點上剛好方便大家。打黎book位本身只能到7點，真係超唔好意思我地都遲大到，打去reconfirm，幸好個位仲留到。餐廳已經set好哂位，預留定bb車位同小朋友座位，而且有小朋友專用嘅卡通碗餐具。嚟到點菜，掃一轉餐牌：飲品用咗無塑膠飲管，我叫咗茉香珍珠奶茶走甜，唔難飲，我完全接受到。珍珠奶茶朋友話偏淡。食物尚算上得快擔擔麵，味道一般，可以再辣小小，66元份量有啲少。48元4粒小龍包，味道唔錯，多湯，包得到，皮唔厚但唔會易穿。炸醬麵（$66），配料幾「結」身，變咗撈唔太起，有啲餸有餸食，麵有麵食嘅感覺，呢道可以唔叫（炸醬麵個人覺得都係廣東最好）。紅油抄手（$48），正常。西炒飯（$72），上菜已經唔太熱，味道可以，因為要俾小朋友食，價錢略定貴咗啲。糖醋魚（$82），好味，皮有小小厚，但可接受。汁都算融到入去魚度，小朋友可以食。我地仲有叫菜，醉雞，酸辣羹，食咗$705連加一。總括嚟講唔特別好味，叫做淺嘗台味，回憶兩句，

今日第二次同同事黎Night Market 食lunch，第一次試左lunch set都唔錯😌。今次我地四條女，就諗住可以叫多D唔同款去share🤗本來打算叫4人餐，但因為有D餸唔係咁啱食，所以最後都係打算散叫。先上左幾個點心，小籠包有D厚皮，湯都幾甜，但入面的豬肉🐷有D過熟。而煎雲吞🥟幾香口，放左D蔥花同芝麻係令佢更有口感。不過食入口有D油，同埋略厭細隻左少少😅😂蛋香🍳手抓餅係一個同事好想食，佢話之前係台灣食過記得好好食，但呢個有蛋味冇蛋香🤷🏼‍♀️餅底係幾軟熟既，中間好大pat蔥但又放得唔平均…如果唔同地道個D比較都合格既😂魯肉飯🍚最出色，肉嫩汁香，個流心鹵水蛋🥚都唔錯。不過真係好細碗，一個人食都唔太夠飽🤣我地4個人分真係只得一人一啖。如果食唔同餸既話建議兩人share一碗會好D。豆醬蒜蓉炒A菜🥗都幾好，唔太濃味又有豆板醬既香。佢都炒到剛好，菜唔會過熟，都唔太油，唔錯。👏🏼新竹米粉我覺得賣相麻麻🤦🏼‍♀️D配料有D亂哂籠咁，食落口其實都唔錯，配料都足，米粉都爽。可能我地都叫得偏少，所以加多兩個甜品。焦糖凍布甸🍨幾香，個底仲要係一層薄薄蛋糕底，甜度不錯。而個杏仁豆腐都幾香甜，但口感有D怪

都算多元化既台灣菜有幾款lunch set 多數係一個麵加兩粒點心加一杯紅茶/綠茶加$15有特飲 珍珠奶茶幾好飲我地叫左好幾個set 炸豬排担担麵加紅油抄手担担麵味道濃 有花生味 個人好鍾意但塊豬排味道有點怪 向餐廳職員反映了 佢好樂意地幫我地轉左炸雞排牛肉麵+小籠包牛肉夠淋 麵既軟硬適中 酸菜魚片麵 +水餃D麵既味道全部都好好 美中不足係唔夠熱 溫溫和和咁 湯同麵都要熱先好食之前食過elements 個間 整體食物都比較熱 所以朋友都話個間好食d我地仲叫左個煎雲吞 都唔錯 服務很好 如果d野食熱d就好了

環境： ⭐️⭐️⭐️⭐️⭐️小店位於又一城頂層，因靠近窗邊，樓底高且有透光天幕，甚為開揚光猛，大部分檯之間亦有屏封相隔，空間感足夠！食物：⭐️⭐️⭐️⭐️午市提供六款套餐選擇，價錢由$80-110左右，份量一般，前菜較細份，另雖然小店標榜食材絕不加味精，但蒜香魚塊並沒有蒜味，且頗為鹹！不過賣相精緻，附加鹵蛋半隻，非常足料！服務：⭐️⭐️⭐️⭐️⭐️店員親切友禮，帶位員全程微笑招待，亦會主動斟水給食客，上菜落單速度亦快！註：⭐️⭐️⭐️⭐️⭐️五星為最高分，⭐️一星為最低分。

陪朋友逛街，午餐時候隨便找吃。又一城唔知食咩，就試下呢間台灣菜。Lunch set朋友揀左combo B，不過佢話唔正宗。我就combo F ， 小籠包其實幾好食，牛肉麵都ok，不過麵質就林左d。散叫小食手抓蔥油餅$32，埋單每人$130，價錢OK。一試無妨，不過唔會再去

可能太耐冇係又一城食飯，我都唔知開左呢間餐廳🧐，見有幾個朋友都有介紹，終於有機會去試下😍😍有選擇困難症嘅我，又係點個二人餐 ，咩都有得食😍😍😍😍🤭 唔洗煩「午市二人推介套餐」其實都幾多野食：蒜泥白肉又靚又好味金牌小籠包個二人餐最正嘅地方，就係連招牌小籠包都包埋 ，真係咩都試晒酸辣花枝羹酸味有啲重，未必個個都啱口味黑松露炒蝦球黑松露味幾重農家菜飯台式布丁燒個甜品簡直係成個lunch嘅點綴😍 餐飲轉左珍珠奶茶食台式野點可以唔飲珍珠奶茶整體來講，係一間值得encore嘅餐廳

環境舒適！食物佳！值得encore！魯肉拌麵好食！麵質彈牙有韌度！魯肉肥瘦適中！食完無油膩感！牛肉麵湯頭好，唔太咸，酸菜野味，食慾大增😂 牛肉好入味好淋身，放入口唔係好洗咬！石煱三杯雞三杯雞略嫌太咸同油膩！有少少過咗火，有啲柴皮感！另外，我地仲叫咗小籠包同紅油炒手，呢兩樣食物質素都好高！係值得叫黎食㗎。

台式餐廳喺又一城不多，大眾化除左茶木都可試選擇哩間，原來哩道大枱比較少，一行9人分左3張枱坐，話無得拍埋一齊，怕會撞到佢啲雲石枱🤨…………………………………………………………………坐低叫左碗招牌牛肉麵🍲聽聞太古城個間係會即場打麵，我覺得湯底係最值得推介，每啖麵都可以輕掛住牛肉湯的味道，而跟隨嘅牛腩亦屬軟腍入味古早魯肉飯（$52）亦好好味，一放低大家都掛住忘記影因為有小朋友同行，叫左個菜飯，令我最難忘絕對係哩碟左宗棠雞,睇menu以為係甜酸類，因為佢菜名隔離無🌶講明係辣，點知送到上枱一食，好辣吖🤪🤪🤪好惹味，但真係食唔哂，食得太多個胃唔舒服～為左解辣，哩碟牛肉炒通菜就救左我一命最後大家重叫左個台式布丁燒（$28）好迷你嘅，唔怕會太飽但我覺得哩餐都幾重口味🤣🤣