The Night Market (又一城) (已結業)

有一排冇黎又一城，原來呢度開左台灣野，所以趁食lunch時來試下。呢度位於商場頂樓，所以半開放式設計幾開揚、我覺得都坐得幾舒服。🤗佢地主打台灣食品，但配套、環境、服務都加左一點香港、甚至係食西餐既感覺。午飯時間當然賣點係Lunch set，都有唔少選擇，仲有二人餐同四人餐，我同朋友揀左B餐同D餐（最強組合😂）。飲品先黎都唔錯，然後啲小食分別先上。手工水餃🥟皮薄、餡都夠多，有肉料。春卷就正常啦，以菜絲為主。朋友叫既酸菜魚片麵都幾大碗，唔只湯多、魚🐟同麵都唔少。佢話個湯夠酸同埋有啲炸菜少少辣，魚都幾滑、不過食到有幾塊魚鱗😂我揀既川椒龍鳳球菜飯份量就冇麵咁多，但都好夠食。菜飯幾香，有蝦🦐球同雞🐥球，味道偏濃味，不過蝦球係炒到好爽同蝦肉好彈牙🤗為返每人120蚊，價錢係有啲啲貴，不過食物質素都叫唔錯吖。