The Market

當年，就是在Hotel Icon 中和我女朋友正式開始拍拖。近日，偶然發現Hotel Icon 的The Market的下午茶自助餐主題相當有趣，所以決定帶我愛人去回味。提早大約一星期訂位，訂位後要付訂金，每位100元，才會確認訂枱。The Market 由開業至今，晚上的自助餐基本要提早一個月訂位，所以一直想食一次，奈何自助晚餐確實太貴，下午茶只需三百六十多元，相比七百元的晚餐相宜得多。當天去到很快便被安排入座，入座後當然立即去看有甚麼食物。The market的下午茶自助餐主題是榴槤，所以一出去便看到甜品櫃上放滿各式榴槤甜品。不過當然由冷盤開始食，冷盤的海鮮有長腳蟹、青口等，沙律款式尚算齊全，但可惜沒有火腿。熱盤，重點推介花彫蛋白蒸龍脷柳，充滿酒香，但入口清淡，蛋白順滑。還有炸魚柳，金黃香脆，好食。湯面有冬陰公湯底，惹味但不太辣，勝過香港絶大多數的餐廳。簿餅類，點心類，相對遜色，不提也罷。飲品則具特色，除了有數款鮮榨果汁，更有絲䌩奶茶，越南咖啡。越南咖啡是使用越南濾壺冲泡，入口香醇，風味十足，如置身越南。最後，當然輪到主角。先到甜品櫃觀察，大約有三種甜品都跟榴槤有關，另外也有幾款雞

Hotel ICON 一向馳名榴槤甜品，今期引入了沙巴Borneo就有數款野山榴槤是二月份當造，有三款沙巴產的野生榴槤，包括紅寶石、黃小花及鹹蛋黃，以製作全新榴槤甜品，聽見都流晒口水，喜歡食榴槤的我就一定要去試新野啦。行到入酒店餐廳的時候已經聞到震震榴槤的香味。沙巴產的野生榴槤有三款甜品都好好味。榴槤杏仁千層酥，千層酥好鬆脆中間野生榴槤味道比較淡而清香。炭烤榴槤咖央多士，多士烘得好脆口，榴槤咖央加上牛油一起食好滋味。還有其他榴槤甜品，都係我的至愛。榴槤菠蘿包食完榴槤甜品，再吃了一碗冬陰公湯烏冬，酸酸辣辣好開胃。

我屋企既皇上(老豆) 一直對於別人的要求都好高. 無論我地買俾佢既野或媽咪煮既飯佢都奄奄尖尖麻麻煩煩. 今次到佢生日佢話要個蛋糕味道特別,不要花巧不要糖皮的仲要型一點. 我真係想買個雪芳蛋糕俾佢就算. 不過唔想一年的日子難過我都做左好多research, 有個朋友極力推薦呢個超水準蛋糕所以我都訂左. 打開皇上個樣有點扁咀因爲白雪雪樣子不太吸引, 不過一開盒就已經有一種芳香撲鼻既榴蓬味😂 呢個係呢間酒店出名的榴蓮蛋糕呀! 榴蓮肉唔算太多不過好香好濃郁的味道, 個頂有一點點的金箔特顯高貴. 總括個蛋糕好味用料靚而且又唔係好貴, 最重要呢個完全乎合晒佢既三個要求呀!!

半年以上，冇食自助餐，揀來揀去，就Hotel Icon既The Market啦，評語好，價錢唔算平，都咁多人讚，實冇衰啦 去到，感覺環境氣氛幾好，今晚入座冇9成都8成以上 一開始入座時，經過近門的甜品櫃，有陣榴槤氣味撲來，我本身都幾喜歡榴槤，但就留意到，該位置是甜品櫃，這……，未免少了點款式嗎？！ 都係試吓冷盤先啦，有龍蝦，小龍蝦，凍蝦，青口，墨魚仔，蟹鉗，應覺普普通通OK啦，但唔係最好，佢哋加添都算快，客人冇搶既必要，個個都好有秩序，跟住試試出名海南雞飯，好味，真係唔錯，前後食咗兩碗，唔係我大胃口，係佢每碗都好少，不過咁都好，可以試多些其他食物，湯有兩款，燉湯係紅棗杞子，西湯係海鮮濃湯，兩款味道都ok，唯西湯咸咗啲，跟係有肉眼扒同羊架，羊架普通啦，肉眼扒唔合格，過火，刺身試咗三文魚同帶子，不過不失，熱葷有多款，名就冇留意，支竹龍躉，茶餐廳味道，蟹粉炒芥蘭，普通，牛仔骨，好味，波蘿炒飯，咖哩，白汁意粉，讓响螺，普通，冇乜驚喜，沙律ok，芝士，火腿ok，生菓幾好味，餓肝，普通，魚子醬多士，ok啦，薄餅唔係我喜好，冇食，最後到甜品，炸榴槤……唔明，你直頭比舊榴槤我食好過啦

呢間The Market已經黎左好幾次，第一次黎真係覺得超級正，來了數次，其實只係食物新鮮取勝，自助餐係香港愈來愈多選擇的同時，價錢都愈來愈貴，唔知係咪因為各酒店都提高價錢，所以好幾間都有質素提高的關係，變左有競爭，令原本好突出的，相比下差距開始少左。當初好記得第一次食係週年紀念日黎食，要3個月前訂枱，正想係2018年5月再食，早d打電話去，酒店回應太早未有得訂5月住，希望到時品質無變！(5月食完會再更新食評期侍)講返幾個月前食個次，其實影左好多相(食量超級大的我，當然食左好多野)，可惜只能分享12張！去相！首先係冷盤！蟹腳有海水味，但絕對唔係太咸個種，食到蟹的鮮味，滿意的！蝦就無乜特別，最基本無霉的，新鮮，但未好到有鮮味，普通質素。到龍蝦，膏都算多嘅(當然每隻不一，有多有少)，肉有d乾身，係新鮮的，不過口感唔係我最喜歡的爽口，所以我就覺得好一般！食多幾碟，開始食下沙律個d，薯仔幾香，菜都有幾款選擇，都係新鮮的！另有巴拿馬火腿，不過我唔係好like所以無食。跟住到刺身，帶子鮮甜，牡丹蝦好新鮮，好多卵，每次排隊會比好少你，不過唔洗等好耐，每次1.2個人，我覺得咁樣仲好！保持食物係好的狀態

我們一行12人，酒店給我們留了一間獨立房，裝修精美又近甜品區，非常舒適，很方便我們傾計及拍照。那時正是榴槤主題，貨真價實，都是猫山王的甜點，果肉非常豐富，當中炸榴槤及榴槤布甸都是激讚，用料好，味道口感也很好。當日餐廳更特別做了一個榴槤 Pizza 給我們，是本來沒有的，給我們試試取些意見，很難得。其實其他熱盤冷盤也是相當好吃，凍蝦新鮮，煮青口很甜，碗仔翅味道好又足料，當中我最有印象是菜乾豬骨粥，豬骨肉入味到不得了，又稔又滑。剛好信用卡有折扣優惠，更抵食。

食物款式不多，只有甜品比較好味龍蝦湯雖然龍蝦味很濃，不過非常咸，飲左幾啖已經唔想再飲試過一次後唔會再食，因為唔抵食而且坐位較迫，坐得唔舒服另外收碟速度好慢，有待改善

期待已久 ，一直都聽好多人講，一定要食the market ，但係由於好難book，而且唔平，所以一直都冇試。見加咗人工，所以同老公就去食啦 ，總括嚟講好味嘅 ，但真係好貴， 所以佢性價比唔可以話好高 。海鮮唔錯，最怕食嗰啲海鮮冇鮮味、冇海洋嘅感覺，呢度嘅海鮮可以、唔錯，比較推介 蟹腳 。熱食都ok，因為唔係回本之作，所以唔係食好多。要數出最出色嘅食物，絕對係榴槤嘅食物。佢做榴槤嘅甜品好出色， 本身我好鍾意食榴槤，所以試勻曬佢所有嘅榴槤甜品，真係唔錯，我認為食榴槤係回本之作。甜品係the market嘅強項，所以我大部分嘅時間都係專心食海鮮同埋甜品。

又到了春節團圓的時候， 當然要找一家比較好吃的地方，大家都建議吃the market，當然就嚟試下啦~冷盤選擇都算多, 有龍蝦,蟹腳, 青口, 墨魚。 蟹腳唔算鮮甜， 質素可接受啦~又有北京填鴨 個人覺得中湯及西湯都好味, 西湯係海鮮龍湯, 非常濃郁, 中湯係燉鹿肉夠曬滋補 ~另外有星加坡蝦麵,星加坡喇沙~刺身選擇就比較少, 只有三文魚，吞拿魚，甜蝦 ，唔算太特色～甜品就真係值得一讚，喜愛榴槤嘅朋友一定要食貓山王，尤其是貓山王雪糕， 有榴槤肉絲食，仲有就係movenpick 嘅雪糕選擇唔算多,質素ok,中中挺挺啦~

Hotel icon 自助餐非常難預約留位，難得撞彩預約到就梗係去試試啦酒店氣派普通，不算有什麼格調，因此自助餐餐廳The Market的座位也比較擠迫焗促，主要取餐通道較窄，人來人往，很多時需要欠身借過，實為最大敗筆不過食物質素確實有水準第一時間當然試下海鮮先當日海鮮最主要有6種：灼墨魚仔，蝦，青口，龍蝦鉗，蟹鉗，小龍蝦最出色係蝦同蟹鉗，超級大隻而且絕大部分鮮甜爽口其次青口都不錯，完全無沙無腥味，可惜比較細隻。其餘海鮮則不過不失。同場都有個19壽司Bar，大部分係垃圾一般貨色，95%時間無人埋去而且個師傅仔好似好厭世好大怨氣咁，唯獨得八爪魚刺身尚算可取，質素約為壽司店$50六片貨色熟肉方面，非常有驚喜甚至拍得上灣仔Grand Hyatt級數，羊架燒到脆邊剛剛好，咬落仍有大量肉汁肉質鮮嫩但又無騷臭味肉眼扒都好有牛味，不過最好等初出就即食，否則擺耐左就會鞋口燉湯都係驚喜之一低頭一看才知爐底有明火燒住，因此盅湯係熱辣辣嘅得10度天氣飲落肚真係一流，味道好清甜滋潤，不過鹿肉肉質較實淨當然hotel icon 最為人所稱道嘅都係甜品啦，不過作為男士，我就唔識欣賞咁多嘞同場女士就讚到天上有地下無

首先，食物擺喺長方形格局的一邊，路窄，摞嘢唔方便。再者，摞食物唔方便之餘，刺身限量摞！冇壽司！跟著，加一之後成四百，居然冇蠔！食物質素方面，刺身只有三文魚夠肥（但限量，基本花兩個鐘行來行去摞得10+片黎食），其他基本冇乜味。 還有還有，居然冇水吧，全程飲‘自來水’！最後只有一人一杯唔掂的飲料。因為友人實在口渴，問可否refill咖啡，答案係no！是的，除了榴蓮甜品，不可能回本。但咁既價位咁少選擇，我的答案係Never!

The Market出名質素高 價錢貴這次一試 覺得貴得有價值 十分推薦。食物種類雖不算多 勝在每款質素都十分高坊間很多酒店自助餐食物種類䌓多但好吃的卻只有幾種。我用餐的時節 The Market沒有蠔吃但亦有得多不錯的選擇，即叫即煎鵝肝，蟹粥，中式湯，各類海鮮都頗新鮮，重點是甜品Bar，榴槤甜品種類多，質素極高，榴槤愛好者一定要來The Market試試呀。照片只是自助區的一小部份，地方很大，不能盡錄，推介親身去試試👍🏻

難得放假，當然唔好錯過食Buffet既機會，朋友知我係榴槤精，所以就Book左呢間一向出名難Book既Lunch buffet 黎試試一入去先有甜品部，嘩，真係好多榴槤甜品，仲有炸榴槤，榴槤芝士撻，榴槤班蘭卷，榴槤布丁，榴槤雪糕，不過唔係榴槤都有，例如幾款口味布丁啦，蛋糕等等跟住後面有啲包呀，沙律，仲有片皮鴨，但呢樣味道麻麻，但有龍蝦海鮮湯，味道ok wor再行入啲，就有熱盤，凍海鮮，喇沙，牛扒，粥，等等，但其實款式唔多，亦冇咩驚喜，因為好多炒下粉呀，咖哩咁，至於凍海鮮，冇蠔，但有蟹腳總括黎講，榴槤迷係要試試，特別係榴槤布丁，不過榴槤雪糕同榴槤雪米糍可以唔洗食，因為咩味都冇。但如果講Buffet黎講，呢到唔算吸引

☆附上當日影片手機版(有可能)看不到, 如要睇片可坐定定在大電腦前收看☆闊別多年的The market 今日一見別來無恙, 環境裝修如同當年 、感覺上亦沒有變得陳舊，這是我意料之外、可能始終是酒店保養實是一件很重要的事情。。。聽聞是香港數一數二訂位實屬難求， 慶幸這個困難事今次不是落於自己身上、 感謝家人在網上預訂更要先畀上應有之訂金才能作實， 是否真的好食到要飛天 ？今日就來試試~星期六下午時間分別【由十一點四十五分至兩點三十分】， 準時入座全場差不多爆滿目測只剩下一至兩枱兩人座位、 由入門口帶位職員進場，身邊已有琳瑯滿目的甜品專區和往事一樣吸力度非常之強勁~香檳是附送的,侍應會提醒要否!除了甜品區當然還有壽司刺身吧, 熟食區便有 蝦、蟹腳、東風螺等， 東方美食便有蝦餃、燒賣、蒸粉果、海南雞飯、燉湯以及即叫即煮的粉麵檔~比較為之吸睛的就是眼前的一碟碟美味扇貝與及 egg benedict~自己就對於這碟扇貝評價幾高，因為每一隻的熟成度都是恰好、入口不會嚡身， 如無記錯我應該來回取了三次~至於羊架更是refill得很快, 師傅火力非常準繩，大部分都完全是七成熟剛剛好、入口不會韌皮， 這

開Tesla有85%，好有驚喜。 另有兩小時免費泊車。坐位有點迫，有點吵，有點像放題場，一點不像酒店氣氛。 食物選擇不多，青口不新鮮，湯有點涷。 但沙律吧不錯。5百多元一位brunch ，吃放題好過。