The Captain's House (已結業)

好少寫食評，不過真心忍唔住要分享下。因為Openrice Pay所以試，冇咩野特別吸引，叫咗龍蝦尾芝士蜆殼粉、生蠔同牛扒。當中肉眼牛扒，真心係人生食過最差一塊，300幾蚊，連大家樂平日早餐塊牛扒都不如。賣相唔特別靚所以都冇影起重動前嘅相。食第一啖，嘩，零味道。係連咸味、肉味，乜都無。口感亦係冇晒texture，似冰櫃咗3年，融完雪再冰再融再冰x5。海鮮，不過不失，全部同相差幾個碼，味道ok，不過一定唔會再食。食完成餐，我只感到對隻牛唔住，白白浪費咗生命。

朋友生日想食海鮮, 即時諗起尖沙咀The Captain's House招牌seafood bag, 全日供應。就等我地先食餐海鮮, 再去睇戲shopping直落。餐廳剛開門, 成為第一 pair客人, 餐廳環境整潔, 先order飲品, 餐廳自家沖調Cocktai、Mocktail都有供應, 揀左 Pineapple On the floor - Mocktail 菠蘿味梳打, 菠蘿果香味突出, 仲飲到菠蘿碎, 大大杯, 抵飲。 Seafood Platter 有蝦、青口、蜆, 配自選汁醬 胡椒牛油汁所有海鮮同汁醬已被放入充氣袋, 侍應將袋均勻搖動, 將汁醬平均撈起,入面除左三款海鮮, 仲有迷你薯仔、粟米同脆皮腸,海蝦好爽, 青口同蜆開口, 更易吸左個汁, 個汁有很重胡椒香, 微辣惹味。 爆谷蝦即炸熱辣辣, 炸皮香脆不油, 隻蝦有少少爽, 點沙律醬食, 味道更提升。墨汁鮮魷魚、八爪魚意大利飯意大利飯粒粒分明, 質地不是生米粒, 岩返香港人口味, 八爪魚同魷魚同樣爽口, 個汁充滿墨汁嘅鮮香, 平均包住每粒飯粒, 夠濕潤。最後食埋甜品 CREME BRULEE有陣陣蛋香蛋甜味, 面層有一

餐廳主打來自美國嘅海鮮，賣點係用蒸煮方法烹調海鮮拼盤，炮製正宗新奧爾良海鮮口味嘅餐廳🌊💗路易斯安那特色蟹餅($108)由一梳梳鮮甜蟹肉絲搓成厚實嘅蟹餅，外表焗至焦黃🦀面頭淋上袐製檸檬蛋黃醬，奶香中帶點微辛🍋💗Seafood Platter A ($398)自選3款海鮮包括爽口嘅海蝦🦐、肉質飽滿嘅活蜆🐚、爽滑嘅活青口🦪各10件，不過海鮮末夠鮮甜。配菜仲有甜粟米🌽、豬肉腸🐖、新薯🥔。今次揀咗卡薑蒜蓉汁，蒜味香濃，辛辣惹味🌶店員會將海鮮與汁料shake好再開封。💗墨汁鮮魷魚·八爪魚意大利飯($118)意大利飯煙韌挺身，食落唔會過份黏口🇮🇹整體調味較淡，因為墨汁本身冇乜味。有鮮美彈牙嘅魷魚同八爪魚舖面🐙💗Creme Brûlée ($78)底層燉蛋入口綿柔軟滑，蛋香同奶香平衡，配上即燒嘅香脆焦糖面🍮加入少量新鮮莓果作裝飾🫐💗Lychee Meet Roselle ($58)以荔枝、洛神花、雪碧調製而成，味道清爽解渴🍹💗Strawberry Flow ($78)以菠蘿汁🍍、香蕉🍌、椰奶🥛、紅石榴糖漿、士多啤梨🍓、士多啤梨糖漿調製而成，口感似奶昔，香蕉味反而最突出

< The Captain's House >📍尖沙咀呢日同屋企人去咗尖沙咀行街 順便去食想食好耐嘅shake shake海鮮袋🤣🤣🦀 路易斯安那特色蟹餅蟹餅好大塊 炸得金黃香脆 入面全部食係蟹肉🤤🤤 仲有類似明太子沙律醬喺上面 鹹香十足 必試😆😆🦐 Seafood Platter 有檸檬牛油汁、卡薑蒜蓉汁同胡椒牛油汁三款汁揀 我就揀咗檸檬牛油汁🍋 Seafood Platter 有海蝦、青口、大蜆、粟米、薯仔同腸仔😛 份量好多👍🏻👍🏻 海蝦幾新鮮 每隻都有蝦膏 蝦肉爽口彈牙 唔錯 大蜆冇沙 好鮮甜 另外粟米同薯仔索晒檸檬牛油汁好惹味😋🍝 白酒煮活蜆扁意大利粉蜆肉份量好多 鮮甜冇沙 意粉加咗好多蒜蓉同紅椒 好惹味 有少少辣🌶 🍰 Cheesecake 最後叫埋甜品 呢個cheesecake 好特別 佢冇餅底😛 每啖都好香芝士味 另外有士多啤梨同藍莓平衡返冇咁膩😋

一試上好食餐廳的我就會不斷帶唔同朋友去食，已經係第三次光顧The Captain‘s House，今晚侍應安排靠臨窗邊可以睇風景。必叫的海鮮袋，seafood platter：只會食spicy ,所以揀卡薑蒜蓉汁，店員一如以往幫手拆包裝，今次揀左蝦、蜆、青口三種海鮮，配菜一定有的粟米、薯仔、香腸，配上蒜蓉汁，小小辣口感豐富。大波波肉醬意粉：好大粒肉波肉質結實，肉味香濃，切開肉汁流出，又有芝士，不過鹹小小，肉醬夠多，配上彈牙意粉，夠正，賣相也相當吸引。爆谷蝦：第一次叫呢樣小食，配沙拉醬，香脆鮮嫩酸甜。purple rain：藍糖漿、菠蘿汁、橙汁、蝴蝶豌豆花茶，酸酸甜甜幾好飲。Mojito：酸橙、薄荷葉、蘇打水，清清爽爽好醒神。甜品係蘋果派配芒果雪糕：蘋果配酥化撻皮中和甜度熱熱啲份外匹配.

今日約左男朋友一齊食lunch。黎呢間餐廳無理由唔食佢主打既Seafood Platter。Seafood Platter A可以揀3種海鮮，我地揀左海蝦、活青口、活蜆，各10隻，而醬汁揀左檸檬牛油汁。侍應會係你面前shake海鮮袋，牛油香味湧晒出黎。海鮮袋除左有海鮮之外，仲有粟米、薯仔、腸仔，好滿足。路易斯安那特色蟹餅好飽滿，切開勁多蟹肉絲，超正。大波波肉醬意粉粒肉丸包住芝士，好似食緊芝士漢堡扒甘，肉醬意粉都好好食。Apple Pie with Ice Cream撻皮夠脆，蘋果粒加肉桂加朱古力醬好夾，雪糕係綠茶味，絕對滿足到我呢個甜品控。飲品我揀左Sweet Dream，男朋友就飲Lychee Meet Roselle。兩杯顏色都好靚，甜度適中。Sweet Dream菠蘿味好出。Lychee Meet Roselle就荔枝味好出。

平日夜晚去， 本身book second round 要830 先食，因為未full booking，都可以提早開始！可能平日walk in 都仲有位~重點1: 服務態度好每個食物飲品上菜時都會先介紹order咗個seafood platter店員會主動問需唔需要影相😍嗰晚有個生日蛋糕，都會主動幫手插埋蠟燭當甜品上埋，surprise到男朋友🤣重點2: 食物質素唔差！ 1. seafood platter 叫咗mussels clams prawns 配 garlic butter sauce辣辣地幾惹味，Clams 最推！！2. crabcake 真係必食！啖啖蟹肉！！不過飲品雖然有唔同款式，但唔算大杯， 未必夠飲成晚食物上得幾快 所以未有好好影相就食哂了

海鮮迷報到🙋🏻‍♀️ 來來這間，有驚喜哦😍 首先來一份Crab cake 路易斯安那特色蟹餅，最愛的部分就是整個蟹餅都是蟹肉🤩唔係出面餐廳係用蟹肉同粉漿再加調味料咁樣混合而成呢，蟹餅裡面反而無加好多調味料，你會食到蟹肉本身純粹既味道..不得不重點介紹佢地既招牌海鮮shake shake包了🤤 有分唔同size唔同價錢，可以自選海鮮組合，我地叫左10隻蝦10隻蜆10隻青口既組合，配搭卡薑蒜蓉汁，好在叫左呢款醬汁😜雖然店員話係有少少辣，但我接受到，而且真係香好多惹味好多！發現原來海鮮包唔止海鮮，仲會配有唔同既肉腸片、粟米同薯仔🤩 店員可以幫你shake，仲shake得好均勻！每件海鮮都入哂味🤤 好正！..另外再叫左墨汁鮮魷魚八爪魚意大利飯，墨魚汁意粉食得多，墨魚汁risotto 都係第一次食🤪 材料好足，魷魚爽，很不錯～..最後來多份蘋果批配雪糕作結😎蘋果批裡面爆多蘋果粒，唔會好膩，幾香！點左Mojito同Mimosa，果汁梳打好fresh好解渴，啱哂食完惹味海鮮後飲😌

早有耳聞The captain's house嘅shareshare海鮮袋好正，依日就朋友嚟嘆返個豐盛嘅午餐🤤• Seafood platter A $398依個海鮮袋喺佢哋嘅signature，可以自選三款海鮮，另外仲會包埋粟米、薯仔同腸仔。咁我哋就揀咗蝦、青口同蜆，全部大致都幾新鮮，不過青口肉就有啲細隻。醬汁揀咗卡薑蒜蓉汁，個人都幾推介，蒜香味好濃同帶微辣可以提鮮😛• 路易斯安那特色蟹餅 $108炸蟹餅個外皮厚實，勝在入裡真材實料啖啖蟹肉☺️• 墨汁鮮魷魚八爪魚意大利飯 $118意大利飯煮得貼近正宗嘅半生熟口感，如果你係鍾意軟身嘅港式意大利飯，可能就未必啱你😗吸哂墨汁嘅飯粒好有鹹鮮味唔錯👍🏻• Apple pie with ice-cream $88蘋果批即叫即焗好夠熱，批底偏濕，同埋冇諗過會係配芝麻雪糕，可能雪糕嘅口味係隨機掛，都係覺得傳統嘅雲呢拿味會夾啲😌• Lychee meet roselle $58荔枝溝洛神花依個配搭幾正，又唔會過甜😛• Purple rain $58主要係橙汁同菠蘿汁溝出嚟嘅熱帶風味☺️

黎到期待已久嘅海鮮餐廳，除左最出名嘅海鮮袋，每樣野都好值得推介：✅頭盤路易斯安那特式蟹餅用鐵盤熱住上，蟹肉一絲絲，好有咬口😋✅頭號shakshake Seafood platter 😍 有蝦、蜆、青口同其他配料～薯仔🥔、香腸、粟米🌽先用袋裝住，再以人手搖匀自選醬汁（檸檬牛油🧈汁），將海鮮嘅鮮甜味發揮出嚟！✅墨汁鮮魷魚八爪魚🐙risotto 鹹味適中、八爪魚亦夠爽口✅蘋果🍎批配綠茶🍵雪糕-蘋果批甜而不膩，口感鬆化，配上特濃綠茶雪糕將成個甜品層次昇華✅Mojito🍸用左新鮮青檸加上清新嘅簿荷葉🍃同淡淡嘅梳打水令成杯嘢飲感覺清新。✅Mimosa🍹用左橙汁、士多啤梨🍓糖漿同梳打水調製，味道香甜

作為海鮮迷，恨咗去食好耐，終於都食到。🤤Seafood Platter有三個size，我哋揀咗Platter B同卡薑蒜蓉汁。店員拎個袋過嚟，幫我哋影完相打完卡玩完一大輪，之後就剪開個袋。海鮮都幾新鮮，份量都唔少。另外再叫咗一打生蠔，係當日嘅推介，連平時好怕腥唔食生蠔嘅朋友，都食咗兩隻話原來幾好食。

一直聽聞尖沙咀有一間西餐有食得又玩得嘅海鮮Shake Shake 包提供。今日終於抽到時間和我一個海鮮控朋友嚟試下。位於 H8 近頂層， 景觀開揚 ,一入餐廳已經令人有很舒服的感覺 ,侍應禮貌地介紹他們的特色菜 ,當然我一定會試呢個海鮮包啦！ 有三款五款或者七擇， 因為想多嘗試其他菜式，所以就揀了一個三食海鮮 ,粟米薯仔是免費跟上的。侍應先在我們面前把shake 個海鮮包， 確保障則均勻地每一件海鮮上.無諗過青口，蜆，蝦配上特選的胡椒牛油汁是這麼提鮮。白酒忌廉煮青口白酒加上大大隻的青口非常之creamy. 份量也非常之多，食極都食不完。 加上非常乾淨沒有毛毛，食得非常之安心。白酒煮活蜆貝意大利粉雖然都是用白酒煮法，但呢個意粉白酒比較輕，反而顯得蜆肉更加鮮味， 意粉炒得非常之爽身， 蜆肉圍邊放碟 ,條理整齊，專業。焦糖布甸甜度適中，質地滑滑 ,面層有好脆的焦糖， 加埋士多啤梨的點綴 ,飽住吃都是一種享受

除咗Seafood Platter 仲必食白酒煮青口～～～大舊👦🏻終於放咗bonus!今晚一於出去刷餐勁慶祝下🥂！～～～今晚佢由我揀，揀乜都得，我就揀咗呢一間我想食好耐嘅海鮮餐廳😍！雖然無book位，但係由於好早就到，所以好幸運地有位，不過我哋坐咗一陣餐廳就越來越多人，去到七點幾八點左右，已經全場full晒，所以想嚟食嘅話記得要提早book位啊！～～～難得黎慶祝，梗係要叫佢哋最出名嘅白酒煮青口同埋海鮮袋啦，白酒煮青口嘅青口唔係普通青口，而係用藍青口，粒粒都好大粒，肥美嫩口，好creamy。～～～而Seafood Platter就有好多款海鮮可以選擇，我哋最後就揀咗Live clams 、Live mussels 同Shrimp ，3款海鮮都好好食，新鮮又彈牙，最重要係佢個Cajun Garlic Sauce 真係好惹味，完全係舔手指嗰隻，蒜蓉味超重。～～～主食方面，推介大家試下Squids & octopus with ink risotto 「墨汁鲜魷魚 ・ 八爪魚意大利飯 」望落去黑漆漆嘅墨魚飯食落甜甜地味道好鮮，飯粒軟硬適中，而且啲魷魚仲要好幼嫩。～～～甜品方面，平時驚瞓唔着，唔

Seafood platter 有分左三款，A有三種海鮮，B有五種，C就有八種，可以自己選擇佢啲款式。另外，仲可以選擇佢既汁，推薦佢個檸檬牛油汁，唔會好油，而檸檬味可以keep住佢啲海鮮鮮味。不過其實價錢偏貴，平均每樣海鮮都要$100以上，如果唔係特別鍾意食海鮮，唔建議黎食啦。ink risotto 墨汁意大利飯賣相非常好，巿好多顏色，上面有八爪魚同魷魚，都幾有咬口，啲飯比想像軟，配合返香港人口味，無傳統risotto咁硬。Creme Brûlée一般係熱既，不過佢呢個係凍，但唔算太甜，岩晒宜家怕甜既朋友，焦糖就岩岩好，襯埋啲燉蛋食好搭。

尖沙咀厚福街美食林立，周圍餐廳都係有人排隊，好彩提前預訂左呢個出名食海鮮既餐廳。一去到幾個服務員已係門口接待，坐低後又用心介紹啲餐牌比我地。叫左幾樣食物，個蟹餅crab cake成個都係用碎左既蟹肉製成，size又大，非常抵食，上面再加左啲千島醬，味道都幾重。另一樣主食一定要叫佢個signature，就係seafood platter，有分A, B, C，咁我地細食就叫左個A，揀左青口、海蝦、蜆三款，個汁就揀左檸檬牛油汁，上菜果樣係一個好似汽球咁樣，服務員送菜果陣，都會問你一聲需唔需要影相，佢會等你影夠再撈運同埋打開比你用餐，一打開味道非常香，除左有三款海鮮，仲有薯仔、粟米、腸等，份量適中。最後，仲叫左個墨魚汁墨魚飯，出面通常係墨魚汁意粉，叫係飯就試下佢，賣相都幾靚，而味道唔差，但食啲海鮮都有啲飽，所以個飯都食唔晒，建議細食既人唔好點。