影片
更多
2021-04-27
75 瀏覽
除咗Seafood Platter 仲必食白酒煮青口～～～大舊👦🏻終於放咗bonus!今晚一於出去刷餐勁慶祝下🥂！～～～今晚佢由我揀，揀乜都得，我就揀咗呢一間我想食好耐嘅海鮮餐廳😍！雖然無book位，但係由於好早就到，所以好幸運地有位，不過我哋坐咗一陣餐廳就越來越多人，去到七點幾八點左右，已經全場full晒，所以想嚟食嘅話記得要提早book位啊！～～～難得黎慶祝，梗係要叫佢哋最出名嘅白酒煮青口同埋海鮮袋啦，白酒煮青口嘅青口唔係普通青口，而係用藍青口，粒粒都好大粒，肥美嫩口，好creamy。～～～而Seafood Platter就有好多款海鮮可以選擇，我哋最後就揀咗Live clams 、Live mussels 同Shrimp ，3款海鮮都好好食，新鮮又彈牙，最重要係佢個Cajun Garlic Sauce 真係好惹味，完全係舔手指嗰隻，蒜蓉味超重。～～～主食方面，推介大家試下Squids & octopus with ink risotto 「墨汁鲜魷魚 ・ 八爪魚意大利飯 」望落去黑漆漆嘅墨魚飯食落甜甜地味道好鮮，飯粒軟硬適中，而且啲魷魚仲要好幼嫩。～～～甜品方面，平時驚瞓唔着，唔
～～～
大舊👦🏻終於放咗bonus!
今晚一於出去刷餐勁慶祝下🥂！
～～～
今晚佢由我揀，揀乜都得，我就揀咗呢一間我想食好耐嘅海鮮餐廳😍！雖然無book位，但係由於好早就到，所以好幸運地有位，不過我哋坐咗一陣餐廳就越來越多人，去到七點幾八點左右，已經全場full晒，所以想嚟食嘅話記得要提早book位啊！
～～～
難得黎慶祝，梗係要叫佢哋最出名嘅白酒煮青口同埋海鮮袋啦，白酒煮青口嘅青口唔係普通青口，而係用藍青口，粒粒都好大粒，肥美嫩口，好creamy。
～～～
而Seafood Platter就有好多款海鮮可以選擇，我哋最後就揀咗Live clams 、Live mussels 同Shrimp ，3款海鮮都好好食，新鮮又彈牙，最重要係佢個Cajun Garlic Sauce 真係好惹味，完全係舔手指嗰隻，蒜蓉味超重。
～～～
主食方面，推介大家試下Squids & octopus with ink risotto 「墨汁鲜魷魚 ・ 八爪魚意大利飯 」望落去黑漆漆嘅墨魚飯食落甜甜地味道好鮮，飯粒軟硬適中，而且啲魷魚仲要好幼嫩。
～～～
甜品方面，平時驚瞓唔着，唔會咁夜食抹茶製品嘅大舊👦🏻，今日就陪我食咗抹茶雪糕蘋果批，真係好開心啊，抹茶雪糕茶味好重🍵，香香甜甜又凍冰冰，加埋熱辣辣焗得好香脆，而甜度又唔會好高嘅蘋果批，食落去甜而不膩，凍熱交融。
～～～
最近戒緊酒精嘅我哋，飲品就叫咗冇酒精嘅Nana flow
同Strawberry flow，不得不讚佢呢度嘅飲品調味真係調得唔錯，而且係用植物奶（椰奶）而唔係牛奶，比較健康，質地飲落好似沙冰，又有啲似奶昔，幾特別。
～～～
推薦度：🔥🔥🔥🔥🔥🔥🔥🔥🔥
張貼
