Shine (已結業)

前排同事去完shine ,同我推介左話個度十分不錯，今日又約埋朋友一齊去食！入面裝潢幾有情調，仲有吧頭可以飲下野！門口令我聯想起積木既層層疊，幾有趣！朋友好普通咁叫左杯凍檸茶，我就叫左杯 devil and angel 😇,下層係朱古力打成既smoothie ,再配上cream 同埋oreo做topping, 甜度適中，smoothie 柔滑！黑松露薯條，好建議大家要食，炸到金黃香脆又大大份，黑松露十分香濃，配埋茄汁 正！芝士南瓜意大利飯，好足料，甜甜既南瓜溶化哂係意大利飯，再加上濃滑既芝士，點抵抗到！法式燒羊架，羊架叫左5成熟，羊肉烤得剛好，唔會有so味！配上清爽既薄荷醬汁，岩哂夏天！呢度上菜都好快手 值得一讚！我同事真係無介紹錯！

初中時認識的女同學，如晨曦般美若天仙。當年 L 亦甘心當兵，自從她中四移民到英國後仍保持聯絡，適逢回港於是相約於這間型格裝潢的 SHINE 晚餐聚舊。先來一客芒果甜蝦魚子沙律。芒果好甜、蝦已去殼。好多魚子，吃時需保持儀態因為裡面好多汁。再來一客 medium 的燒安格斯肉眼扒配紅酒燒汁， 肉質很厚，脂肪比例亦很平均。一刀就能切下去，很柔軟，更有煎香的蒜頭在旁，伴着牛扒一齊吃就更加香口。香草孜然單骨雞翼，單骨最大好處就是可以好有儀態，而以香草及孜然調味的雞肉味道剛剛好，不太濃亦不淡。海鮮墨汁意大利飯，帶子很大隻。外面香口，內裡嫩滑。意大利飯硬度適中。海鮮 豐富及新鮮。原來女同學今次相約吃飯目的就是邀請 L 出席英國的婚禮。假如你是 L 的話，應否出席呢？

▫SHINE Burger (HKD 168)🍔🚩鎮店漢堡賣相好吸引😻上面有2個特大洋蔥圈 紫洋蔥炸到好香脆甜甜地😋 Burger有芝士🧀/煙肉🥓/牛肉扒/生菜🥗/蕃茄🍅 牛肉扒好厚身仲有少少粉紅色 食落有牛味 不過口感有D乾身 另外配既薯條都好多🍟 份糧十足 2個人都食唔哂⠀▫Charcoal chilled with melon king yellow mustard (HKD 298)🥩碳燒西冷order咗5成熟 不過一嚟到太生了🤔再反煎後大概6-7成熟 牛味濃郁✨酸瓜黃芥醬好match 另外配菜薯蓉同蕃茄仔好好味👍🏻⠀▫️menu

地點就腳，尖沙咀地鐵站行5mins就到，環境好，食物質素高，都係我再次嚟shine既原因今晚7 點嚟到，已經坐滿咁滯，好彩一早book左檯，唔係應該要等位！餐牌更新了，食物比上一次嚟既時候選擇更多，例如我今次揀既豬手就係更新左餐牌先有既食物，至於餐酒同樣都係選擇眾多，不過我要揸車，所以都無辦法享用佢哋既餐酒！餐牌簡單清晰，一前一後睇晒咁多樣食物！我哋先叫左個Shine小食拼盤，貪佢樣樣有d ,咩都有得試下，不過食真d 真係有好多野喺入面：洋葱圈，炸蠔，炸蝦，炸薯角，炸雞翼，同埋薯條，份量十足，樣樣都大大件，唔會油膩，雞翼同炸蠔比較出色，外脆內嫩，炸蠔入面都仲幾juice! 跟住出場既係大大隻既脆炸咸豬手，賣相吸引，件頭頗大，因為太大隻，單係切開佢都花左d時間，外面炸得香脆，入面既肉就有咬口，而且略帶咸香，可惜無得飲酒，否則呢隻豬手加上合市既紅酒，相信會係一個唔錯既組合！上次嚟都食過一次佢哋既漢堡，由於質素唔錯，今次都有繼續叫佢哋既特級安格斯招牌漢堡，入面d材料多到漏出嚟，好唔易先可以拎起，如果餐廳幫忙分開兩份就更理想！安格斯牛肉肉質嫩滑牛味十足，肉汁先係重點，一咬落去，肉汁同洋葱芝士

今日同朋友約出嚟傾結婚嘢，尖沙咀特別多婚紗鋪。睇完就去搵嘢食。結果就去咗呢間餐廳。餐牌餐牌都好大張，一張A3 size ：兩面印哂沙律、小食、意大利飯、意粉、湯同甜品。亦有標明邊款食物係素菜，有邊啲係廚師推介。餐具餐具就擺左碟、刀、叉、匙：碟比平時有點唔同，佢隻係凹，放嘢食嘅時候，唔擔心切嘢個陣唔小心飛咗對面。環境餐廳內地方寬敞：座位有分架位同吧枱位。黑松露雜菌湯雖然黑松露雜菌湯唔似其他餐廳咁，無喺中間加忌廉。但唔擔心會飲完碗湯就飽；個湯每一啖都係好多菇。聞落去有一陣好香嘅黑松露嘅香。湯配蒜茸包，蒜茸包都幾脆。法式燒羊架配薄荷汁羊架一碟有四件，配菜就有蒜粒、薯仔同露筍：先講薯仔，薯仔係美國薯仔，食落去唔太粉，反而覺得幾爽口。羊架我地叫左七成熟，上碟嘅時候有少少粉紅色。食落去肉質好淋，咬落去幾滑。羊肉唔騷。食羊肉嘅時候點上薄荷汁，感覺好清新。火焰雪山火焰雪山好正，上面係蛋白，入面有馬卡龍、火龍果、朱古力雪糕🍦⋯⋯最底果層係蛋糕，食落去都幾滑。服務態度我覺得服務態度好好：因為我哋叫湯嘅時候，侍應就俾咗隻湯羹我；當我地食哂嘢，就幫我地執哂之前用完嘅餐具，然後我哋叫甜品，佢哋會重新幫我地換過啲

Calamari tastes like it was cooked hours before. Carbonara pasta was served too cold and stuck together - they did not ask if the starters and the mains are to be served at the same time, it was served when we just started on the starters. Cheese balls were OKAY, the batter was slightly 'aged' texture. Overall, will definitely not return, very disappointed by the food despite high hopes for the good ratings. 

當遇到不如意事而頹頹地有另一半開解同食好野係最好既時刻適逢放假接女友收工佢話有間餐廳一直想帶我食還掂都搵食就跟佢行啦黎到Shine雖然比較旺場多人但環境裝修都幾有特式同情調拍拖拖撐枱腳都是不錯之選而晚餐都有唔少款式最後揀左凱撒沙律配煙三文魚、香煎挪威三文魚扒同埋法式燒羊架凱撒沙律配煙三文魚煙三文魚大大塊份量夠大而且新鮮配上脆麵包粒亦係十分夾！香煎挪威三文魚扒 (配香草忌廉檸檬汁)我地叫左五成熟五成熟反而帶出煙燻三文魚既感覺魚既肉質好滑外皮亦煎得好香煎得剛剛好唔會話太燶亦有配菜作點綴魚配上香草忌廉檸檬汁一齊食亦好夾！必食！法式燒羊架 (配薄荷汁)我地叫左七成熟煮得剛剛好唔會話因過熟而影響肉質口感因個人唔太好羊蘇味煮到無左浸蘇味亦係加分之處亦有配菜作點綴羊架配薄荷汁一齊食亦係唔錯配搭

約了朋友食Brunch，兩個月上OR見到這間上樓餐廳都幾多好評，所以一試。點零鐘上到去，都可以walk in唔使等，但見sofa位都reserved，所以坐在中間的四人座。朋友是食肉獸，無肉不歡，所以點了燒安格斯肉眼扒，要了七成熟，牛扒煎到外面帶焦，裏面依然保持粉色，肉質嫩腍，有牛肉脂肪香，而且肉汁豐富，旁邊還有些番茄仔及薯角，原個焗蒜就比較生，焗耐一點會更香。另外，還點了一個加拿大龍蝦意大利飯，龍蝦開邊有半隻，外殼微焦，應該是煨過，龍蝦肉新鮮爽口，意大利飯應該是以龍蝦湯煮成，有很香的蝦香，加上番茄仔，帶點酸味，意大利飯煙韌有咬口，整體十分出色。朋友的Peach Yogurt，可選擇要不要cream，有桃香但不太甜。我的Apple Peach Ice Tea，茶味及桃味混合一起，味道清新。

今日兩老放假，雖然天公不造美，天氣不似預期，但都無阻我地一家出去搵好野食！近近地去左尖沙咀Shine 享受天倫之樂!和風北海道帶子配魚子沙律: 沙津菜新鮮爽口，份量亦足，再配上一片片ge新鮮帶子同魚子，令整個沙津味道更有層次。紅菜頭意大利飯配帶子: 帶兩老食野，最緊要係揀d健康又美味ge野食！紅菜頭營養價值非常之高，而且平時都好少自己買黎煮，難得呢到有紅菜頭意大利飯，一試無妨。香煎帶子鮮甜軟腍，紅菜頭味道清清地，味道不錯。蕃茄肉丸長通粉: 蕃茄汁唔會太酸，肉丸亦好惹味，幾開胃幾好味！蕃茄肉丸長通粉跟餐有熱咖啡或茶，飲番杯熱咖啡醒醒神！

台式奶茶真係咁吸引？！朋友不到黃河心不死係都要排隊黎飲，於是係滿足完佢奶茶嘅心願，就過黎SHINE呢度食晚飯補數。手工豬肉丸配温泉蛋。豬肉丸足料，除左豬絞肉之外仲加入左豬皮加口感及黏性。因為做肉丸加太多麵粉就會出黎好乾同太實，加左豬皮則令油脂膠質更多，所以肉丸食起上黎更彈牙濕潤，味道更豐富。温泉蛋做得非常好，好似啫喱咁滑彈下彈下，混合埋豬肉丸口感更好。招牌手打漢堡。頂上的兩個洋蔥圈炸完仍然好香甜ＪＵＩＣＹ，入面嘅漢堡扒好軟熟同多汁，雖然厚身但都無煎得過老。加上麵包係烘過所以較乾身同硬，但整配合上黎幾唔錯。另外薯條超多同炸得香口，食完全部都好飽了。安格斯西冷。成塊面咁大，配菜有薯蓉／車厘茄／焗蒜粒。可惜係熟成方面有啲失準，本身點五成熟但上到枱切開係差不多七成的了。所以食落熟咗啲，但牛味依然濃郁，沾上黑椒汁增加返啲水份味道都幾唔錯的。薯蓉奶香幼滑，加上唔係完全壓爛，所以仲食到粒粒薯仔碎。呢次已經係第二次過黎食，餐廳食物水準依然唔錯店員服務態度又唔錯，真係幾啱收工過黎嘆抖一下。唔係飲左奶茶嘅話都想食埋甜品先走。

午餐同同事去了附件的上樓西餐，午餐全部都是百多元，份量大碟而且價錢又不貴，座位又舒適。凱撒沙律配煙三文魚午市套餐的沙律份量一點都不少，相反一大碟的羅馬沙律菜，加上炸煙肉碎及麵包粒，伴上沙律醬，沙律菜爽脆，加上三大片煙三文魚，清新開胃。炸魚薯條炸魚外層粉漿不厚，魚肉雪白結實不鬆散，而且肉質嫩滑，炸薯條份量超多，是我至愛的粗薯，不過略嫌較油膩，建議可隔一隔油先上碟。明太子海膽意粉明太子又是我每次必點之一，明太子味道帶點咸鮮味，意粉偏幼身，每條意粉都佔滿了明太子忌廉汁，加上新鮮的海膽及魚子，十分好味且creamy。

睇完食評好吸引就決定一試，一上去覺得好有feel，燈光暗暗的，有酒吧feel既西餐廳，坐位都好舒適，有設置等候區，Bar枱都好型格，打卡一流特級安格斯漢堡（$168）漢堡好巨型，咬落去牛肉好厚身又多肉汁，仲有煎香左既煙肉，另外個洋蔥我都非常喜歡，好新鮮個配搭好夾好好味！個餐仲配左好多薯條，炸到熱辣辣，脆卜卜，唔錯唔錯加拿大龍蝦意大利飯（$188）個飯好味，食意大利飯都會驚太濟，但呢個唔會，龍蝦仲大大隻，龍蝦肉好彈牙，推介！法式鵝肝（$138）鵝肝多士2大舊，多士同鵝肝一樣大啊，每一啖都好濃郁鵝肝味道，正Mix Berry Yogurt（$68）估唔到咁大杯，有得揀要唔要cream，咁邪惡既野我緊係要啦最後要讚一讚上菜速度真係好快，但絕對唔係整定果隻

食物、服務、環境都唔錯食物方面，wings嘅三種醬汁很有特色，讚！服務方面，waiter/waitress都好professional，服務周到環境方面，坐嘅地方都好有空間，有privacy

有朋自遠方來，他是我以前公司的一個舊同事。他公司派他於月中來香港工幹一星期。上星期他 wechat 我，說他會提早來香港玩幾天，然後才上班，問我今個星期會否有空聚一聚。我當然沒有say no 啦。今日，去中港碼頭接他，陪他去酒店安頓後，就和他去吃餐好的，洗洗塵。來到這間高檔餐廳，修裝高雅，還有燭光。厚厚的梳化很是舒服。看去後邊，是調酒的酒吧。舊同事對著餐牌發呆，相信他不習慣看英文餐牌吧。我問舊同事要些酒喝嗎? 他說想飲啤酒。而我因為昨晚看世界盃，晚睡了，覺得很睏，所以點了一杯泡沫咖啡。啤酒是日本Ashahi，易入口，冰凍清涼。泡沫咖啡香濃，面層還撒上少許可可粉，增加味道。Good!【香脆炸魷魚】點了一個小食香脆炸魷魚一齊 share。炸漿夠薄，魷魚新鮮，肉質爽彈，點些沙律醬來吃，非常可口。可是，舊同事嫌魷魚切得太幼。我解釋，這是最合適的了，過粗或過幼反而會影響口感。主菜來了!【加拿大龍蝦意大利飯】國內人比較愛吃飯，所以幫他點了一個加拿大龍蝦意大利飯。意大利飯煮至軟硬度適中，個汁很濃，燴入意大利米飯，口感不錯。之不過，最重要的還是龍蝦，有半隻，肉厚，非常鮮味。如果是全隻龍蝦就 perfe

今日係慶祝日 特意揀間靚少少既餐廳慶祝生日。 見SHINE 咁多好評,食物睇落唔錯,就 訂座。北京道 6/F 成層都係佢既。一開門 餐廳好 cozy ♥♥情侶談心有啱亦都好多三五知己聚會~~有餐廳 有酒吧~~MenuDrink menu有 wine cocktail mocktail 同埋特色飲品。見到隔離枱飲品勁吸引~~可惜 我唔太舒服 飲唔到凍野 今次試唔到飲唔到凍飲 就叫左個 黑松露雜菌湯 $78好香~~~好濃黑松露&菇味同埋食 滑得來 有少少菇粒 有咬口。最重點係佢無加忌廉 🤣🤣有時餐廳為左湯滑會加少少忌廉,我覺得會降低左菇味 同埋 比較肥膩~~呢個好啱我心意 ♥♥小食-炸魷魚 $68炸魷魚無話好多粉炸,全部都係魷魚來講 份量有返咁上下。想叫個主菜+粉麵類。咁多款 risottos 見龍蝦少叫 就試下~~同價錢情況下,我無諗過 加拿大龍蝦意大利飯 $188 真係有 半隻龍蝦+大大個鉗 😱😱龍蝦遮到 D 飯都見唔到 😱😱龍蝦實肉唔霉有鮮味 👍最驚喜係個 risottos 因為一心諗住俾咁大隻龍蝦你,Gimmick 十足 , 飯都係求其煮。點知~~佢個飯真係用蝦湯煮 有底味鮮味好