Shine (已結業)

今日同一位朋友慶祝生日，經朋友介紹搵在一間西餐廳，呢度無論環境同氣氛都唔錯....同埋地點都唔搵，係i-square附近....都好方便...頭盤係巴馬風乾火腿配哈蜜瓜....友人喜愛食Parma ham..所以是必食之選！巴馬火腿肉質柔軟...味道細緻...配上哈密瓜又是另一種層次！小食有意大利黑松露薯條...薯條係用厚身個款...如果有多少少黑松露就好了，因為我本身是黑松露控唷另一款係香蒜意大利法包...大大塊法包脆卜卜...又有香濃既蒜香味...👍🏻主菜係燒完隻鮮活波士頓龍蝦配巴馬臣芝士汁...見到賣相已經覺得不得了😆....龍蝦新鮮爽口彈牙之餘...仲配上芝士汁...又是另一種味道...甜品點在提拉米蘇...最後呢度食物質素高、絕對係可以再take Two既好地方...！

難得嘅連續三日假期當然要瞓晏啲食好啲！這間餐廳的brunch 夠哂抵食，又好美，一直都係我同姊妹們既最愛呀！ Brunch set加＄15就可以叫特飲，不錯呀！左邊既係rose latte , 玫瑰花好清香淡雅，味道唔會太甜太似香精！咖啡味同玫瑰花味取得平衡 ，飲完醒神哂！右邊洛神花茶別具生活態度，壺底下既蠟燭不斷加熱，能夠保持茶既溫度。岩哂慢慢傾慢慢食慢慢飲！炸魚薯條用一個大鐵籃盛載海量既薯條🍟，賣相足以呃like!兩隻手掌咁長既炸魚柳，外脆內軟，炸完嘅魚柳仍然能夠保持到水份，非常好味！薯條略加了黑椒粉及鹽，非常香口惹味！芝士雞扒牛角麵包🥐配炸薯條同樣吸引！！！雞扒煎得很香，加上濃郁芝士及鬆軟既牛角包，每啖都令人很幸福！Brunch都可以食得好招積！芝士龍蝦意粉非常抵食，有半隻開邊既龍蝦既份量！龍蝦肉爽彈鮮甜，蕃茄醬汁既意粉隱約中吃到龍蝦蝦膏味，不禁令人食指指大動！

星期日早上在尖沙咀睇戲, 之後想搵間舒服的餐廳食午餐, 上網睇Shine多好評, 決定試下~12點幾客人不多, 可能平時中午會多些上班的人來吃~坐位又寬又舒服侍應給我一份Brunch menu, drink menu還有散叫的menu, Brunch menu明顯抵D, 所以選了2份All day breakfast 中的芝士大啡菇多汁!麵包焗脆了, 煙三文魚份量多~ 一邊食一邊看著外面, 感覺很寧靜舒服~蕃茄肉丸扭紋粉乾身, 夠晒茄汁味, 扭紋粉是"S"形, 可以吸收更多醬汁~ 肉丸有肉汁唔會乾另外點了小食三式醬香趣雞翼, 三款醬有沙律醬, 芥末醬,最右手邊的橙醬是微辣, 也是我最愛那款醬雞翼外脆內嫩, 咬開完全唔會炸乾, 有肉汁!!好嫩~ 有驚喜跟餐補15可轉特飲Iced Mint Chocolate 好濃朱古力咪, 唔係稀的質地PassionFruit Lemon Soda  夠甜!而且下邊有珠珠, 可以咬爆~最後心思思想食甜品咖啡雪糕杯的雪糕是雪得很硬, 淋上熱的咖啡很剛剛好~ 有雲呢哪及朱古力各一大球~ 咖啡是又濃又香~ 我平時也會飲咖啡, 所以喜歡加多一些~

位於樓上，可以飽覽北京道美景。西式裝修簡約、時尚。雖然有唔少漢堡包、熱狗等等，但係其他傳統西式菜都唔錯。芒果甜蝦沙律（$88）很有新鮮感的沙律！喺沙律上面有大量芒果，甜度適中，非常之開胃！沙律用嘅菜非常新鮮，更唔會有過多嘅水分。甜蝦新鮮香味四溢，可以生食🦐鎮店漢堡Shine Burger! 🍔 （$168）漢堡包，上邊同下邊都烤過，脆脆地。中間嘅着嘅蔬菜，一樣非常新鮮。上面大大個炸洋蔥圈。上而下分別是酸瓜、鮮蕃茄、生菜、芝士及牛內漢堡。另有脆香薯條相伴。大大份牛肉漢堡被半溶的芝士緊緊包裹著，食感上肉汁量不算豐盈，但滋味豐厚滋味。燒日本M4和牛博切（$168）牛肉嘅脂肪好似雪花一樣，均勻分布係牛肉。燒熟左之後，出嚟嘅時候非常之香。牛肉嘅觸感非常柔軟，脂肪均勻分布喺肉嘅每一個部份。Iced Rose Latte 🌹玫瑰Latte，味道濃郁Chamomile Tea 🍵

去到環境其實幾滿意 , 係嘈左啲，睇到menu選擇不多 可能係主打菜較出色吧 所以揀左幾樣野，食物還可以吧 比較好係個個龍蝦麵，同龍蝦湯個人覺得不值這個價錢 , 不算很好食 不含酒精個個野飲好難飲

尖沙咀要揾間樓上西餐地方就腳又舒服食物質素，Shine 就係最好不過的選擇巴馬風乾火腿配哈蜜瓜 $128，風乾火腿很大塊，配上哈蜜瓜食，蜜瓜很甜意大利黑松露薯條，薯條上鋪滿黑松露及芝士碎，還有茄汁供應俾我地燒安格欺肉眼扒(10oz)配紅酒燒汁，剛好七成熟，還有蒜頭、茄仔、薯蓉俾我地食，肉眼很 juice 雜果甜品拼盤，有海鹽蛋糕、朱古力蛋糕、泡芙、macarone、brownie、新鮮生果......，好多款Brownie 唔會好實，一口剛好Macarone 鬆脆，唔會太甜Peach  Yogurt，很香的桃味，感覺很清新地方寬趟，唔侷促幾款小食都好想試

最近世界盃熱潮，係呢一晚我都約左朋友晚上看球，係睇波之前就去左附近食d野，朋友上次經過話呢座大廈開左好多餐廳，咁就隨意簡左呢間啦！入到去燈光暗黃，好有氣氛同情調，坐位都好闊落，岩哂想傾下計既我地！前菜我地簡左巴馬風乾火腿配哈密瓜，哈蜜瓜十分鮮甜，配上咸咸香香既巴馬乾火腿好配合，又開胃！我地再叫左份意大利黑村露薯條，大大份又係我中意既粗切薯條，薯條新鮮炸起，條條金黃香脆，加埋黑松露同少許芝士碎好惹味，唔需要點調味醬都食唔停口！主菜叫左份蕃茄蟹肉扭紋粉，對意粉一向都有點要求，唔中意太軟既意粉要有少少咬口就最正，呢度絕對做到，蟹肉搭配蕃茄醬比平時既肉醬意粉更特別，好味我地仲叫左份日本m4和牛薄燒，和牛好香又唔un,燒汁帶出哂和牛既肉味，好推介呢度食物性價比高，服裝都很不錯，絕對會再來！

尖沙咀揾餐廳食餐，又晤想坐得逼，Shine的確係一個晤錯的選擇。環境氣氛夠輕鬆自在，空間感大，就算同朋友傾下幾隔離枱都晤影響到。新餐牌，前菜意粉扒類雜莓乳酪特飲，夏天飲最好不過，味覺醒胃，甜味適中。意式香草焗雞扒，味道惹味香口，帶微微香辣，不錯。個人十分鍾意意個加拿大芝士意粉，賣想吸引，眼睇以為係普遍茄汁，食落好有驚喜，原來係龍蝦汁味道香濃惹味。最後甜品拼盤，店員細心寫上Happy birthday 字句，份外窩心。

如果在這裡可以分辨到日與夜嘅分別，日間陽光充沛，夜晚亦燈光充裕，兩種氣氛各有特色，而今日就係白天上來食午餐，因之前同朋友一起到這裡，食過晚餐覺得這裡環境唔錯，而白天亦係另一種感覺，如果要一個舒服嘅環境這裡絕對ok，午餐有brunch menu 同 a la carte menu，而今日就點了個all day breakfast$148，同埋個蕃茄肉丸扭紋粉，而跟餐有基本飲品咖啡或茶，或加錢$15轉飲品，我就轉了杯，ice mint chocolate ，再加埋個三色醬香趣雞翼$98，就係咁多！最先上枱就係杯凍薄荷朱古力，上面有cream，最下面就係薄荷，影相後即時攪均飲用，朱古力味道薄荷濃郁攪均後，入口帶點清涼嘅感覺！個all day breakfast就跟住上，大大份，上面有最愛嘅腸仔，下面重有塊大火腿，亦有大大的波特菇，裡面充滿濃郁嘅芝士同煙肉，而重有兩塊香脆嘅多士，配埋香滑嘅炒蛋，中間重有用煙三文魚卷成嘅花花，作為一個All Day breakfast 材料絕對足夠，慢慢品嘗就是人生追求嘅最高境界！而另一個蕃茄肉丸扭紋粉亦好特別，肉丸好有口感，入口彈牙爽口，夠晒味道！而個扭紋粉就

星期六，能夠瞓到自然醒係最幸福的事，一起就是Bunch的時間，就興致渤渤選中這間坐得舒舒服服的餐廳！Strawberry Chocolate Smoothies呢杯士多啤梨朱古力，有外表，有內涵！不會太甜，又不會太膩！和風北海道帶子配魚子沙律沙律菜新鮮又嫩綠，脆卜卜，有少許橘子的在沙律菜上，與沙律菜一起入口，很清新！原有幾片新鮮的帶子及魚子，令整個沙律更添滋味！碳燒西冷配酸瓜王黃芥醬上枱看見擺盤已經覺得好吸引，西冷的面層微焦，一刀切下，甜美肉汁滿溢，顏色呈嫩淺粉紅色，肉質口感軟嫩細緻！伴碟還有一些香滑的薯蓉，非常香，仲有一串微烤過的串串有蕃茄，新鮮！四式芝士南瓜意大利飯橙黃色、滿舖芝士的南瓜的意大利飯，用匙子放在芝士上已感覺到漲力，匙子一向上，拉絲芝士就出現了！淡淡的南瓜味帶著香濃的各式芝士，啖啖芝士，一啖一啖，滿口都是芝士，芝士控至愛！奶茶控奶茶蛋糕分開幾層，奶茶蛋糕與cream層次分明，滑溜的cream非常香甜，軟綿綿的蛋糕帶有醇厚的奶茶味，還有奶茶cream可加在奶茶蛋糕上，食了整件都不會好膩啊！

呢間成日都好多推介我去食今日終於搵到機會黎試試佢好近地鐵站 勁方便我地放工比較早 6點半就上左黎食食下都好多人黎裝修好有情調 暗暗地 談心最開心Open bar ge感覺好舒服Menu 選擇都算多 而且定期有唔同期間限定 食多幾次都唔怕悶啦最後簡左香草芝士肉醬薯條黃金蟹餅配菠蘿莎莎醬秘醬麻辣手撕雞配脆鍋巴香草芝士肉醬薯條好邪惡丫～～ 份量好多 肥肥ge鮮炸薯條加埋個勁香ge肉醬 真係試一啖就愛上黃金蟹餅配菠蘿莎莎醬蟹餅好厚 入邊係滿滿ge蟹肉而且皮好薄 食落去啖啖都係蟹肉 勁開心 配上酸酸甜甜ge莎莎醬 味道更上一層樓秘醬麻辣手撕雞配脆鍋巴好大份 堆到好似一座山咁😍😍雞肉好嫩 而且係調味過 齋咁食都好好味 唔食辣ge朋友可以選擇就咁食 鍾意食辣ge朋友可以加埋個秘制麻辣醬 辣辣地超過引 鍋巴都幾特別 脆卜卜店員又好主動加水 野食勁正 下次會再黎食

想在尖沙咀區搵食可能有好多選擇，但要搵間性價比高西餐的話，真的要動一動腦筋啦！今次我們當然沒有選錯啦！放工與魔鬼同事一同去飯聚啦！shine位於北京道，鄰近港鐵站十分方便呢！冇來一段時間，菜式都轉了點新的呢！烤豬肋骨配蜜糖薑汁醬油同事強烈推薦的菜式，果然真的十分不錯！外層色層已烤得令我口水直流，豬肋骨十分入味，食到淡淡蜜糖香味，而且仍保持肉質幼嫩，一定也不會太老！燒安格斯肉眼扒食西餐當然要据扒啦！肉眼牛味十足，我們都怕吃太生的肉，於是就叫了七成熟，牛扒煎得香口，完全鎖住內裡的肉汁，保持幼嫩，很腍呢！烤茄子佐燉燜菜食得太多肉，要食番蔬菜中和一下啦！茄子上鋪滿青瓜、芝士及蕃茄粒，酸酸地絕對可以幫助消化！Affogato又到甜品時間，杯內有兩大球雪糕（雲尼拿及朱古力味）加上有brownie 及近鮮水果！但只要把暖暖的特濃咖啡倒入去就能吃出更美味啦！一口暖一口凍，半熔化的雪糕混入咖啡香味，真的食唔停口！Shine 真的冇令我們失望，食物無論是主菜、小食及甜點也很出色，而且還有梳化位，傾計飯聚及慶祝等一流呀！

父親節去咗尖沙咀食西餐，皆因父親大人好鍾意食羊架。每年嘅母親節廣告都係會浪接浪，你一定記得母親節。而父親節呢就好容易俾人忘記，所以今年我好有心預早係OpenRice訂咗位。我哋全家人都好少人鍾意食羊，唯獨是父親大人，之前我同朋友嚟食個晚飯，佢大力推薦 Lamb Rack 正！所以坐低唔使諗我已經幫Daddy落咗order先，始終製作需時。法式香草燒羊架配薄荷汁 $288。店員捧着羊架過來的時候，遠遠已經聞到香氣撲鼻，一放低見到賣相討好，色香味十足。medium 生熟度拿捏得剛剛好，羊肉切開見到粉嫩色，入口柔軟濕潤。半肥瘦的羊肉更加係精粹所在，齒頰留香。而我見到 brunch set都好抵食，炸魚薯條 $128。我查實係一個薯條控，超級鍾意食薯條，尤其是粗壯型帶啲鹹味。炸魚超大塊，而且炸到非常鬆脆可口，一切開就見到雪白的魚肉，入口嫩滑。分量大大絕對食得滿足，我最欣賞佢係唔油膩，好乾身。另外為咗更加完美，我想叫了一個甜品，一個好 signature 的 Tiramisu $78。估唔到我爸爸嘅想像力比我還豐富，佢幫我將碟移好，然後話俾我聽係一個笑臉，我一望之下發覺退咗休嘅老人家視覺果然係簡

與朋友夜晚在尖沙咀吃晚餐，選擇了shine進餐。裏面的環境十分廣闊， 讓人感覺舒適，裝修亦大方得體， 氣氛讓人放鬆。四季芝士南瓜意大利飯 $138我和朋友也十分喜歡吃這個，因為它的芝士超級濃郁， 而南瓜味不會太搶。每口的味道是香濃的芝士，再有陣陣南瓜的香甜，所以 讓人不能停下，會繼續想吃。 而它的飯粒煙煙靭靭，每粒也均勻地沾滿了芝士和南瓜。 所以每一口也覺得很好吃。番茄蟹肉扭紋粉 $148當中有很多的蟹肉， 配上酸酸甜甜的番茄醬，十分惹味可口，很開胃。 扭紋粉口感都算彈牙， 咀嚼時很有咀嚼感。冧酒火山 $108外層是著了火的cream， 而裏面有不同口味的小蛋糕、雪糕和馬卡龍。我覺得他的朱古力蛋糕味道不錯， 而且蛋糕中吸了點冧酒的味道，甜中帶點酒味。Maple $68Peach Syrup, Strawberry,  Lemon Juice, Soda桃味香濃， 士多啤梨味亦很突出，不會被桃味遮蓋。不過朋友覺得味道有點略甜。Romantic story $68Rose, Orange Juice, Lime juice, Soda.玫瑰味很香，配上橙汁和青檸，味道酸酸甜甜很解渴。 而且

再次黎Shine 係充滿期待的！上兩次分別食過晚餐同午餐，都係滿足地離開架！今次我地平日嘅夜晚黎，比起第一次黎，明顯人氣高咗好多。晚上9點到都仲full house，真係難得。加上，員工明顯比之前服務無咁幼嫩，值得一讚。我地今次依舊叫咗日本M4和牛薄切，另外仲有芝士焗龍蝦意粉同碳燒西冷配酸瓜王黃芥醬。和牛薄切係encore 菜式，上次已經覺得好好食，上面嘅芝士片加薄薄嘅和牛，嫩度剛好。和牛看似生，但無血水，仲有牛味。今次我地叫咗個焗龍蝦意粉。呢度嘅龍蝦菜式都幾出名，我見呢個意粉喺open rice 都多人嗌。平時唔鍾意食蕃茄意粉，因為怕酸。但呢個唔酸之餘，仲帶少少甜味。碳燒西冷就正路嘅牛扒，有少少位置比較肥，但係可接受嘅範圍，medium rare 嘅熟度剛好。最驚喜位係佢嘅薯蓉同黃芥醬，我好少可會連醬連薯蓉都清晒。最後，好想要啲甜味，不過甜品就唔太吸引，反而見到隔離枱杯Devil and Angel smoothie就好想試。甜度適中呀，不過smoothie 對我地黎講真係好凍，飲左大半過下口癮。