Shine (已結業)

想去間有情調又好味既西餐廳，朋友就大推Shine，於是就同男朋友book 台食下坐位唔太多，所以最好都係book定位SHINE小食拼盤本身其實糾結緊嗌雞翼定薯條好，然後發現原來有小食拼盤 真係咩都有咖，大大條洋蔥圈、雞翼、薯條、炸蝦、炸生蠔 炸生蠔好有驚喜，唔係得炸皮咖，係食到好鮮既蠔味薯條份量就好多，但炸得好味，幾熱氣都食晒佢卡邦尼意粉本身係長通粉，膽粗粗問下可唔可以轉意粉 蛋黃汁味好濃，同平時食到得忌廉味既好大分別 仲會配條法包點汁食燒安格斯肉眼扒點左7成熟同埋紅酒燒汁 係勁好味，肉味濃唔駛講，咬落一啲都唔靱，食到咁高質既扒真係好滿足心太軟當然要嗌返個甜品先圓滿，熱辣辣既心太軟配上凍冰冰既雲呢嗱雪糕，正

第二次黎呢間餐廳，一份到去都係好有feel，可能因為個燈光啦～今次坐高檯，感覺更好，好似係bar咁～西餐黎講，呢到d野都幾特別，因為有好多小小fushion的菜式，看得出店家有心去設計菜單，我第一時間就睇中左個黑松露薯條，因為記得呢到既薯條係好食既，果然冇記錯，薯條真係炸得好脆而且外脆內軟，不過如果黑松露再多點就好了～叫多左個A5和牛片做前菜，軟稔的質感也就是說肉處理得剛剛好，也很易咬。蔬菜是一定要叫的，所以叫了焗茄子，上面是菇類粒粒，茄醬質菇真的很夾～因為不想太油太飽，所以叫了橄欖油炒意粉，正確黎講係香辣幌肉意粉，炒得剛剛好！真的很喜歡清清的意粉，蜆肉的量也真是多，很足料呀～正因叫了清點的意粉才能吃甜品火山呀～一上來那個藍色的火真的很美很震撼！入面有馬卡龍、朱古力布朗尼、蛋糕、雪糕等等，外面係蛋白雪，很滿足的一個甜品呢～最後來個草莓沙冰透心涼～

我和老公請多一日假期，連續放了四日，在最後一天假期，趁係閒日無咁多人，往尖沙咀行吓街，行咗三個鐘頭，滿足晒我倆既shopping慾望，餓意正起，當時身處isquare，醒起附近有間曾光顧既西餐廳~shine，食物味道及環境不錯，於是係無booking既情況下，上去碰碰運氣。幸好係閒日，待客有禮既侍應回覆有位，並帶我倆入座。餐廳環境有型有格調，有沙發雅座，有高枱高櫈，有長形吧枱，甚至在牆上備有特別燈光效果既剪影圖案，巧具心思。跟一年前相比，menu已更新，食物選擇比以往多，並多了好多酒類及非酒精飲品，我兩口子又可食新野。加拿大焗芝士龍蝦意粉($178)龍蝦肉質鮮甜彈牙，跟芝士的鹹香作個平衡，不會互相蓋過其美味 ; 很喜歡這幼細版既意粉，軟硬度適中外，更易掛上醬汁，好好味。香草孜然單骨雞翼($48) 熱辣辣，皮香脆又充滿豐富香料，好滋味。烤茄子佐燉燜蔬菜($58)茄子軟嫩多汁，加上多款已燜腍既蔬菜(南瓜、蕃茄、紅蘿蔔等)，烤得香氣滿分，開胃又好吃。Mix Berry Yogurt($68)賣相好靚，紫色的 ; 酸酸甜甜，飲完透心涼。Passion Fruit lemon Soda($58)

不是第一次來到這裡用餐，先前的經驗很不錯，加上環境寬敞舒適，故這次又帶好友一到這裡吃個靚brunch聊聊天!假日的中午有幾款brunch選擇，我們沒有選擇，卻選來了餐牌上的幾款食物，因更吸引我們! xp先來個輕盈一點的田園沙律配橙香油醋汁 ($78)，份量頗多。新鮮沙律菜以外，還有香橙，青蘋果，很清新健怡的配搭! 但感覺醬汁味道有點鹹鹹的，酸甜的醋味反倒遜色了。健康食物之後就來個邪惡之物，點來了脆炸薯條配清新香草橄欖油 ($68)。粗身的薯條熱辣辣，炸得十分香脆! 用了香草橄欖油感覺良好一點，點上茄汁很滋味；另外還拿了芥末醬，不過是朋友偏愛，我還是覺得薯條配茄汁更好吃!主食方面點了海鮮墨魚汁意大利飯 ($188)，海鮮份量比我們所想的多呢! 虎蝦一大隻，還有很多蝦，帶子，青口，魚肉，全都很吸引，簡單的調味，已鮮味十足! 墨魚汁很香，口感creamy，意大利飯十分有咬口，是誠意十足的主食! 很推介!意猶未盡的我們最後也點了一款甜品Tiramisu ($78)。兩層mascarpone cheese cream 之間有一層薄薄已壓碎的手指餅，質感濕潤；但cream cheese 有點過多了

這夜，與L，到訪Shine，補祝她的牛一。侍應遞上菜單，一看，餐廳為了迎接炎炎夏日，推出了數款新食物。 這一客和風北海道帶子配魚子沙律$108，看上去極為清爽透心涼，鮮爽清脆的沙律菜，配上鮮嫩北海道帶子，再加上粒粒晶瑩剔透且鹹鮮爆汁的魚子，教人胃口大開，實在是夏日的不二之選了﹗ 純粹口痕，L要來了一客串燒醬油雞肉 $48。有時候，沒有期望，才會驚喜連連﹗一客兩串的醬油雞肉，份量頗多的。一串有四大塊沾滿了鹹鮮醬油，內裏則嫩滑的燒雞肉，吃起來十分惹味，加入沙律同吃，十分匹配也﹗ 加拿大芝士焗龍蝦意粉$178，作為主角的龍蝦，身價不菲，配以芝士同焗，絕不欺場，啖啖肉之餘，鮮味洋溢，值回票價﹗只是，配以口感略為軟腍的天使麵，小妹不太愛也﹗倘若換成爽口彈牙的意粉，或許，會更得我倆歡心也﹗幸而，這一道大啡菇配黑松露意大利飯 $158，奶白色意大利飯，配以一隻大啡菇，再以火箭菜作點綴，賣相十分精緻。繞富咬口與嚼勁的意大利飯內，除了有黑松露獨特的幽香和奶香外，且夾雜了雜菌在外，大大增加了飯的層次。大啡菇，碩大肥美，對切一半，放入口細嚼，甚是滋味﹗ 最後，L點來了一客她愛的心太軟$78，配以一球雪糕，一

Shine已經不只一次前來，因為有著美景與美食的Shine，都會是讓人一來再來，品嚐美食。所以周末也是必選的餐廳，可以輕鬆坐著，吃著小食，渡過一個舒適的周末。******************************從梯而出便是Shine的餐廳位置，有著一個酒吧，和優美的裝潢，坐在餐廳內也讓人感覺舒適。Shine又推了了些新款美食，除了有過去聞名的小吃，還有日式沙律推介。中午的Brunch又有新款美食，除此之外，還有些A La Carte餐單，美食選擇都不少。散點餐牌的美食，慣常供應。飲品選擇，除了一般餐茶，還有沙冰、花茶、咖啡、特飲、Cocktails或酒類飲品。和風北海道帶子配魚子沙律 HKD108，加入了日本蘿蔔、青蘋果、魚子、橙肉、北海道帶子在沙律之中，味道清新又不失魚子和帶子的鮮甜美味，實在不錯。佐酒小食拼盤 HKD168，小食拼盤包括了洋蔥、蘆筍、蝦、來自日本的蠔，配上蕃茄醬。雖然下午前來享用，但沒想過品酒，但也可以來一客佐酒小食拼盤。佐酒小食炸的香口無比，脆醬一點都不厚，也不會很油膩。蘆筍非常鮮嫩，洋蔥又帶清甜。蝦得如天婦羅一樣的好吃，生蠔蠔味十足。每一款小食各有各特色

好耐之前食過一次都幾好食，今日再黎試下其他菜式。星期日既下晝，出奇地食客唔太多，居然比我地包左場xDbrunch 感覺抵食d , 不過我地唔係好啱食所以就order 左主menu 既款式。✨黃金蟹餅配菠蘿莎莎（$118): 朵花同莎莎既顏色配合起上黎感覺特別清新同吸引， 個蟹餅好大件同勁厚，外皮好薄同鬆脆。食落啖啖蟹肉，入面既香料令蟹餅帶微微酸。莎莎除左菠蘿，仲有蕃茄同埋洋蔥粒，味道酸酸甜甜的，好開胃既感覺。✨海鮮墨汁意大利飯（$188): 海鮮幾豐富，有大大隻虎蝦，帶子，魚柳，蝦肉，青口。✨最鍾意香煎帶子大大粒夠彈牙，虎蝦結實味道夠鮮💕魚柳入味同滑一滑，不過細粒果d 帶子味道就略為比較淡。✨個墨汁真係好強勁，食到成個咀黑晒。意大利飯軟硬度啱啱好，而且大大粒，包住滿滿既墨汁。飯量都幾多，兩個人最後食唔晒，多人share 會好d。✨蕃茄蟹肉扭紋粉（$148): ， 第一次食扭紋粉，食落口感特別煙韌幾過癮。 醬汁蕃茄味濃，蟹肉一絲絲都唔少，而且都幾大兜。兩個人叫一個飯同意粉，實在太過飽肚，下次都係叫其他配搭好d~~

放工想吃扒，搭船過尖咀會一會久違了的shine 。一排無黎，這裏生意更好了，7點半已經坐滿了人，好不熱鬧！為扒而來，當然也吃扒，點了個燒安格斯肉眼配紅酒汁和試試招牌漢堡。飲了一口Romantic story，第一口飲落去，是甜甜地的橙汁，再飲帶點青檸的香，加上淡淡玫瑰香，幾適合女仔飲。等牛扒上枱期間多點了個豬肉丸，與其說丸，不如話似豬肉球，因為好大粒。外面炸得香脆，入面餡料飽滿。招牌漢堡絕對無令人失望，珍寶size，就像層層疊，先是2個炸大磨菇，然後下面是漢堡。牛肉夠厚又重牛味，加埋芝士生菜一齊食，層次豐富。還有那份量很多的薯條，令人食唔停口。我的安格斯牛肉眼也很有份量。大大的一塊夠厚，雖然我要的5成熟有點過了火，但牛扒牛味夠、有咬口。還有不可錯過伴碟的薯蓉，幼滑富奶香，烤蒜頭也十分好吃！原本想點多個甜品，但吃完這兩個有份量的主菜，已經飽得不能再點，唯有留待下次再來吃牛柳時，再試這裏的甜品吧！

以前曾經在尖沙咀的SHINE 吃過brunch，前幾日放工後，又再重臨吃dinner。空間寬敞，氣氛安靜閒適，內裡裝修充滿「潮」氣格調，大玩燈光效果和剪影圖案，甚有心思，坐得舒服，確實是型格十足好HEA處。雖然沒有set dinner提供，但 à la carte餐牌頗多款式。黃金蟹餅配菠蘿莎莎 $118雖然這款小食價錢絕不便宜，不過一見到裡面載滿鮮拆蟹肉，就知道的而且確是真材實料，物有所值。外層炸得金黃脆身，入口每啖滿是蟹肉，肉質細嫩多汁，每口都充滿蟹肉的鹹鮮味。田園沙律配橙香油醋汁 $78想不到一碟份量超大，真是吃沙律都可以吃到飽，賣相色彩繽紛提起食慾。即叫即製的沙律才可令菜葉不會發黃 ，蔬菜入口爽脆，配合酸甜果香的橙香油醋汁，不過如果可以調校得再酸一點就更醒胃。安格斯牛柳 (10oz)配青胡椒汁 $328牛柳即是西冷扒下方的部位， 因活動量較少，一向被公認為是牛排中最柔嫩的部位。點了七成熟的安格斯牛柳，以刀輕切便見些微血水滲出，飽滿多汁，肉質實在，一入口滿是原始又濃郁的牛味肉香。伴碟有燒薯仔、茄子、黃椒等，燒得甚為香口惹味。Apple Peach Ice Tea $58裡面有新鮮

Very disappointed with the quality of the food after reading so many good reviews. The food is really not delicious and not worth any value. I will not recommend for dinner if you don’t want to spoilt your weekend evening. We feedback to them and hopefully they will improve it. No matter how I will not go there anymore! Need to go for a second round as we didn’t finish our food...

之前同朋友食飯，佢介紹呢間shine,叫我同老婆試下，今日同老婆正好放假出左尖沙咀行街，行完就決定試試佢。入到去shine,第一感覺係一間高級西餐，坐位闊落，服務員全都好有禮貌坐底左之後，就望望餐牌點菜了。首先送到的是（蕃茄蟹肉扭紋粉）：食落個扭紋粉軟硬度剛剛好，蕃茄汁好濃郁，配上新鮮蟹肉，絕配！好味之後就係（脆炸薯條配濃味蒜香橄欖油）：即叫即炸，熱辣辣，配上蒜香味同茄汁，十分好味。再黎就係（慢煮啤酒浸豬架扒配牛油雜菜）：超厚既一塊扒，黎到本身諗住咁厚實會好（銀）好難咬，點知食落一d都唔（銀），食落豬味又香又濃，我同老婆，一件接一件咁，好快食哂！最後就係（香草孜然單骨雞翼）：熱辣辣，勁入味既雞翼，好味飲品（Peach Yogurt):其實係桃味沙冰，飲落冰棉味好，桃味剛剛好，咁熱既天氣，飲沙冰簡直透心涼同解渴。總結：呢到既環境俾人感覺時尚同高級，座位十分舒適，食物水準一流，我同老婆都好喜歡，下次再出尖沙嘴會再黎食過。

今日去行街加同朋友慶生，TST大型商場之外，仲有好多正野食既地方，呢棟商廈既餐廳真心唔錯。今日就揀左Shine，地方舒適，。我同朋友叫左好多野食，佢生日，所以食豪D，叫左凱撒沙律加Serrano Ham，炸魚薯條，脆香魷魚配蛋黃醬，大啡菇配黑松露意大利飯，因為叫左套餐，+$3凍飲。凱撒沙律加Serrano Ham，可揀三文魚，個人覺得HAM正D大大碟，好新鮮，麵包粒好脆炸魚薯條，超級脆，魚食得出用左靚魚，入口嫩滑，成條魚大大條，好厚肉，份量絕對多，真心推介！脆香魷魚配蛋黃醬，小食之最，酥脆香口，夾埋蛋黃醬一流。以小食黎講份量都算多，抵食。大啡菇配黑松露意大利飯，大啡菇超多汁，黑松露意大利飯好香黑松露味，好足料 。意大利飯飯粒既軟硬度岩岩好。整體黎講真係唔錯，可以黎多幾次。

聽朋友介紹黎食好野環境食物都好正啊和風北海道帶子配魚子沙律先食沙律估不到幾片帶子和三文魚子令到整個沙律生色不少，沙律充滿鮮味，而且新鮮。到香草孜然單骨雞翼啦，單骨就是將一隻雞中翼切開兩半，呢個做法令我食得好有儀態之餘，又接近啖啖肉的口感，而且好入味。主菜，加拿大芝士焗龍蝦意粉龍蝦雖然只有半隻，個足夠兩人share，而又多蝦膏肉又彈牙，good!而意粉入味又爽口，底讚。啖啖肉~~之後到安格斯肉眼扒配紅酒燒汁肉眼排，我們點了medium well，一上到枱，一切開還有一點點的粉紅色，非常靚，咬落嫩口，肉質鮮味，還帶點彈牙，好正！還有我最愛的焗蒜頭呢度成日會有新野，間中轉下新餐牌，真係好吸引！期待下次帶媽媽黎嘆下！

放長假期真係好開心, 黎到假期最後一日就梗係食好啲😋 同親愛的行街街, 再搵間心儀嘅餐廳食餐好係必要嘅🎎見到SHINE好多人食, 所以就想黎試一下😎入到餐廳就覺得好舒服, 因為燈光好柔和😊之後坐底細心一睇, 發現有BAR枱, 仲有一張長嘅高枱☺後面配有層層疊咁嘅裝飾, 好特別😍餐牌好多選擇, 好容易就揀咗幾樣想食嘅野食🍽芒果甜蝦沙律🍽香草孜然單骨雞翼🍽手工豬肉丸子伴溫泉蛋🍽香草芝士肉醬薯條🍽慢煮啤酒浸豬架扒配牛油雜菜芒果甜蝦沙律 🥗賣相好靚, 芒果又甜又多汁, 仲有三文魚子伴碟😶 沙律醋配沙律菜好好食, 間中仲會食好一粒粒三文魚子, 咬到時就會有少少鹹味, 絕對係有多種口感嘅沙律 💓香草孜然單骨雞翼🐔單骨雞翼好方便, 唔會令你食得好麻煩如果再放多啲孜然會更加惹味🐣🐣手工豬肉丸子伴溫泉蛋🐷🍳大大粒肉丸, 外面香脆, 入面有絲絲豬肉, 仲食到有少少芫茜, 但其實芫茜味唔重, 我諗就算唔食芫茜嘅朋友都食到😋溫泉蛋剛剛好, 一切開蛋汁就流出黎, 原來用豬肉丸配蛋汁都好好食😍😍😍香草芝士肉醬薯條🍟肉醬好多, 我仲以為自己食緊肉醬意粉哈哈~ 好好味呀!😋😋慢煮啤酒浸豬架扒配牛油雜菜🐷由於係慢煮,