Say Cheese (將軍澳中心) (已結業)

平日甚少去將軍澳一帶食飯, 早前與因友人搬到該區, 便入到探下佢, 順便由佢介紹係附近商場食嘢. 知道我鍾意食芝士, 便帶我去Say Cheese. 一聽個店名, 就知道有唔少菜式混入芝士. 試點了飲品, 我選了新鮮野莓芝士奶蓋. 賣相相當精緻. 滿滿的芝士奶蓋, 入口香濃幼滑, 非常好味. 而杯裡有不少野莓, 入口酸酸甜甜, 好醒胃, 好啱依加天氣飲. 我也點了法式龍蝦湯. 湯最基本要夠熱, 稀杰度適中, 味道調教不錯. 主菜點了白酒忌廉汁藍青口配蒜茸包. 愛食海鮮, 所以見到有青口便點來試下. 青口唔算好大隻, 但幾飽滿. 蒜茸包夠脆身, 蒜茸味也算幾足夠, 可以就咁食, 或者用白酒忌廉汁來點包食, 也是不錯選擇, 隨客人喜愛. 甜品當然不少得. 點了抹茶木糠布丁配雪糕. 平日食木糠布丁多, 但加入抹茶味道, 也是首次食. 兩者味道幾夾, 甜度適中. 另外, 食埋香濃的朱古力味雪糕, 真係令人滿足.

如果住係呢到附近，真係一個唔錯嘅選擇，雖然佢嘅位置就唔算明顯，但勝在分量同食物質素高，而且座得都十分舒服，真係要推介一下，如果平時行開商場，這裡就係呢個商場嘅一邊角落位置，而個門面都好大，唔難搵，入去了安排座在卡位，餐牌有兩種一款是正餐選擇，另一種就係甜品同飲品嘅選擇，選擇超多！點了個黑安格斯肉眼扒10oz$138，真係可以說份量十足，呢個價錢同區都未必可以有相同份量，加埋塊牛扒下面重有薯菜跟上，喜歡吃肉嘅朋友，真心推介，而肉質都十分肥美軟熟，入口夠晒肉汁！而這裡都有最愛嘅香脆炸芝麻雞翼$42，外面炸得十分香脆，而在脆脆嘅外面重有好多芝麻，入口時除了有嫩滑軟熟嘅雞肉外，還帶點芝麻香味入口，正！而不得不提嘅就係正餐選擇外，這裡嘅甜品同飲品亦十分多選擇，個肚還有空位，當然要一嘗雙重朱古力船$48，外面用了朱古力餅圍邊，中間還有濃郁嘅朱古力雪糕，加埋朱古力吃未嘅脆珠，真係唔止雙重咁簡單！而如果喜歡吃Movenpick口味嘅朋友加多$18元，就可以升級一球11款不同口味，真係勁正！這裡就算唔係食正餐，三五知己，到此一眾食個甜品亦係一個唔錯嘅選擇！

將軍澳中心大翻新已經有一段時間，雖然仍然未完全翻新完畢，但不少食肆已經陸續進註，不單選擇更多，而且各式其式，林林種種任君選擇。今天晚上與柑太在SAY CHEESE嚐了一頓滿意的美食之行門面氣球多多，色彩鮮艷，很吸引大小朋友位於將軍澳中心，地方闊落坐位舒適，有很多吸引大小朋友的裝潢，而且食物賣相亦很重心，不單味道上，連外觀也令人眼前一亮。另一吸引之處，他們的開放式廚房放置了一塊大芝士，可以讓廚師即場炮製新鮮的卡邦尼意粉，過程可以讓客人觀賞，讓人在視覺，味覺都得到一大滿足。我們亦因此在點餐是點了這個火焰卡邦尼，當然亦有其他豐富菜色，而另一吸引之處，是他們的甜品，種類繁多，而且更可以升級將一般雪糕換成MOVENPICK的雪糕，實在是甜品迷的喜訊。藍蝶花青檸特飲(跟餐加$12)這個特別外表如紫如藍，入口清甜潤喉，帶少許像提子汁的甜，又有一種花香一般的果味。白酒忌廉青口加蒜蓉包($108)蒜蓉包熱騰騰且香脆可口，非常用心處理。而忌廉汁入口濃而不膩，配上青口肉嫩多汁，將海鮮的腥味帶走又保留了一份海洋風味。火焰卡邦尼($108)即炒意粉見唔少，放係芝士上面炒既真係特別吸引人視線，睇住廚師將火辣辣意粉

將中翻新後有不少新餐廳進註。筆者試了超過一半，除了一家名叫"Say Cheese" 的餐廳。因為家人都不愛Cheese 所以見到餐廳名字已經放棄。今日午餐每間餐廳都大排長龍，唯有"Say Cheese"空空如也……門口放了不少橙色氣球，顏色鮮明。旁邊有popcorn 機及Movenpick 雪糕站。感覺是一家親子餐廳。甫入內，餐廳環境寬敞，室內佈置簡約時尚，營造出舒適的用餐環境。Lunch Menu 有13款選擇，除主菜外還有餐湯及餐飲，lunch set $62~128 豐儉由人。除了Lunch set 外，竟然有甜品午餐……相信不少女仕會喜歡。上網一看，大部分食評及照片都是甜品。甜品午餐有14款，比午餐還要多。但是甜品作為午餐，筆者未能夠接受得到……是日餐湯只有一款就是【周打蜆湯】。湯內有不少材料，但單單看到湯質地好似漿糊一樣……已經知道這個餐湯不合格。味道及質感非常之差，絕對肯定這個湯是開粉來的。雖然餐廳內沒有親子設施，但供應兩款kids menu，點了其中一款。【香草肉醬意粉+麥樂雞+薯條 $58】兒童餐的食物放在汽車做型的器皿中，肉醬意粉、2件麥樂雞及薯條，都是小朋友喜愛的食

係openrice留意到呢間野個名咁特別，而又有我至愛甜品食，作為甜品控既我，無理由唔去食。由於一個人既關係，所以只叫左蜜糖多士配雪糕甜品，麵包配上朱古力味雪糕，正

平時都比較小嚟呢區食飯，對我來講真係有D遠，不過現在交通咁方便其實都好快到，只係想唔想去咁解，而且呢度有咁多人住點都要開飯，所以都有好多不同大小食肆係度方便大家，咁啱同好友行開順便係度食埋嘢，就去咗呢度開飯眼見餐牌有不同特色美食外，仲有我嘅至愛甜品真係一次過可以滿足食慾，事不宜遲就點咗幾款美食逐一品嚐，先來係軟殼蟹沙律，軟殼蟹肉外層香脆內裏鮮嫩再配番啖清爽沙律夠晒開胃再來有火焰卡邦尼意粉，睇住廚師將配料同意粉攪拌後，再放入鍋內煮當然唔少得落酒增加香味未食已聞到陣陣香趁熱食就最正，入口意粉滑嘟嘟滿口香濃芝士味道極濃，再加上酒更加提升味覺食得滋味呢款簡直係必食推介，又係時候飲番杯蜜桃橙香奶蓋茶，飲過奶蓋都會知先飲咗表層嗰啲，咁至攪勻一齊再飲就最正，可以一次飲到兩種芝味到另一款係慢煮西班牙黑毛豬鞍配蘋果蓉，黑毛豬鞍肉質飽滿，經過慢煮會食到啖啖香嫩嘅肉，而且肉味濃郁又帶點肥美，再食啖蘋果蓉酸酸甜甜中和一下唔覺唔覺又到甜品時間，點咗特濃五重朱古力蜜糖多士磚配雪糕，賣相精緻蜜糖多士入口卜卜脆配上香濃朱古力，再食啖雲呢拿雪糕簡直完美組合食得開心又品嚐完一餐滋味晚餐。

為我記錄下不少食評的手提電腦不止螢幕花花地，仲Memory不足，Keyboard 又失靈，它開始衰老了....雖很不捨得這位 “戰友”，但擔心捱不多久，決意要肥哥買部新的給我作為生日禮物，點知....他話俾佢用緊嗰部我，真孤寒！但好過無啦...幸好他肯千里迢迢送到我家附近，咁就請佢吃返餐答謝。餐廳開放式門口，鮮黃色的門面，好醒神。近門擺放了大型餐牌外，還有部爆谷機和一座雪糕櫃，另一邊仲插滿汽球，充滿歡樂，所以不少小朋友行過都好興奮。走進內裏，一邊是半開放式的廚房，另一邊是用膳區。泊靠設有闊落的四人卡座和一排排沙發座，而中間就設有數張四人枱，枱之間有一定距離，出入方便，亦坐得舒適。每枱都放有餐具、餐碟、餐紙、兩款調味料和餐牌。餐牌分兩份，一是主食，另一是甜品飲品，每版都附有菜式相片，設計精美清晰。主食分別有前菜、主菜、全日早餐、兒童餐、意粉、沙律、意大利粉、飯和湯。甜品有Movenpick 雪糕系列、窩夫山系列、窩夫系列、鬆餅系列、多士磚系列、心太軟系列、木糠布丁系列、雪糕船系列、其他精選和雪山系列；而飲品就有奶蓋系列、特飲系列、花果茶系列、沙冰系列、朱古力、Movenpick咖啡，各類

Say cheese 可以話係我將軍澳嘅飯堂，叫得飯堂即係我成日會嚟食，而且食物質素好之餘CP值都要高。呢度價錢實惠，貨真價實，地鐵站一出，上條扶手電梯直行到尾好方便。門口色彩繽紛容易認到。尤其是有我最愛嘅 movenpick 雪糕.一入門口見到店員都係年青後生有活力，招呼都幾好，用餐環境舒服又輕鬆。打開Menu。見到好多嘢食，其中甜品同埋飲品係一定要留肚試真啲嘅。首先我習慣都係叫杯飲品嘆下先！奶蓋系列係我真心推介！奶蓋即係面嗰層嘅泡泡，零舍濃郁又香嘅芝士口味，蘋果金柚 $32 真係有新鮮果肉，茶味清香。接着先來法式龍蝦湯 $38，果然與別不同，入口忌廉香滑，濃郁的龍蝦鮮味，兩者配合得很好。香腸拼盤 $88，有三款不同嘅特色德國腸，腸仔皮烤得很脆, 熱辣辣好味道。加上鴛鴦醬，即係茄汁同埋介辣汁更加滋味！仲有好清新嘅沙律菜，大大盤好抵食。我自己都鍾意食白肉，所以主食我就揀咗香草燒春雞 $98。雖然半隻份量都好大，雞髀大大隻肉嫩多汁，皮脆肉滑。另一個特色美食就係黑松露野菌手搓粉 $98。濃郁嘅黑松露香味，野菌清香，手搓粉特別而且口感非常彈牙，掛滿了美味的黑松露醬汁。甜品方面我就叫左一個超級

很少來到將軍澳這邊的商場，因為離家真的好遠是晚約了舊同事食飯，就下佢就黎下，順便行下街先。同事介紹左呢間西餐廳Say Cheese，之前飲過佢嘅芝士奶蓋確實好飲，唔講唔知原來有餐廳！門口有好多橙色波波同爆谷機，小朋友實開心啦。店內環境不錯，地方幾大有不少一家大細進餐，枱上用具亦整潔，感覺良好。西柚檸香冰茶（$36）飲品方面選擇甚多，同事點了冰茶，酸酸甜甜幾醒胃。蘋果金柚奶蓋（$32）自己梗係要芝士奶蓋啦，揀左蘋果金柚味，有點苦澀又帶蘋果香，奶蓋濃厚，飲落又香又滑，好正呀焗芝士蟹肉龍葵菇（$72）同事至愛大啡菇，鮮嫩多汁勁有菌香，上面仲有厚厚嘅芝士混入蟹肉，勁滋味，一人一隻都嫌唔夠喉，想encore呀溫泉蛋巴馬火腿沙律（$78）要留肚食甜品，簡單一點要沙律好了，沙律主要是菠菜同火箭菜混合，有一點小紅蘿蔔同蕃茄等，好新鮮爽脆，纖維甚高有咬口。醬汁是橄欖油同香醋，再加上蛋汁混和，又香又滑。最後當然是巴馬火腿的鹹香和油脂，另沙律菜食落一點都不寡黑安格斯肉眼扒10安士（$138）同事去到邊都係點牛扒無驚喜，呢度百幾蚊有十安士，又抵食喎，賣相仲唔差添。一分錢一分貨，當然不是那種牛味強烈的款式，但呢

尋日買咗件initial 嘅 西域女將軍嘅衫，梗係著住佢嚟到將軍澳啦~ 好合理由於工作關係進進出出地盤後，就到咗附近商場涼冷氣，見到呢間爆到要等位嘅cafe，即刻就去趁下墟。流咗咁多汗，我已經好肚餓，所以我聞到呢碟 黑松露野菌手搓粉 $98 已經流哂口水，賣相靚，而且啲菇都真係好足料，好creamy嘅料，而且黑松露味道好濃，我特別喜歡這個手搓粉相當有口感。本來我想食西蘭花，但呀姐話食沙律仲好啦，啲菜無煮過營養價值高啊! 咁係真嘅，因為嚟到我除咗見到隻軟殼蟹漲卜卜，完全唔係元X壽司嗰啲油益味重嘅軟殼蟹，好多肉，而且啲菜都係好爽脆，唔係放咗幾日嗰啲，丫，真係估唔到沙律都有驚喜。另一個驚喜係，其實呢個沙律係無汁架，淨係灑咗啲橄欖油同鹽，我問一問個侍應生係咪無架，佢已經好熟識咁答到我，呢個沙律只係用橄欖油，並即刻提出意見話可以俾啲黑醋汁俾我，可能呢啲只係一位餐廳侍應嘅基本，但而家係香港都已經唔係必然了。呢個姍姍來遲嘅慢煮西班牙黑毛豬鞍配蘋果蓉，如果要挑剔，我會覺太熟，因為靚嘅西班牙黑毛豬，七成熟都已經可以了。不過味道方面仍然油脂味濃，而且肉質唔過老，加上有蘋果蓉相伴，完全唔滯，唔錯啊! 由於呀

自從呢個商場翻新過後, 多左食店進駐, 係隔離商場睇完戲後就行返黎呢邊搵野食, 行下行下就比我地發現呢間店內設有卡位及自由拼合餐枱, 坐得幾舒服餐牌上食物選擇多樣化每類叫一款, 先黎焗芝士蟹肉龍葵菇 ($72), 以蟹肉釀入龍葵菇, 面層再舖以芝士去焗, 芝士焗至微金黃色, 香味撲鼻, 不禁令人口水流蟹肉食落味道甜美, 配以多汁龍葵菇, 就算加左芝士, 整體配合都唔會好"膩", 相比起坊間釀入吞拿魚來得輕盈, 作為小食都唔錯!清新之選有呢個田園沙律 ($68), 一大份爽口沙律菜, 配以車厘茄點綴, 加上爽脆青瓜片及淋上酸甜黑醋汁, 為迎接主菜來臨作間場!白酒大蜆扁意粉 ($88), 大蜆份量偏多, 食落隻隻都無沙; 以白酒煮成嘅汁幾惹味, 紅辣椒帶起微辣就仲添惹味扁意粉軟硬度適中, 食起黎唔會有油膩感覺, 味道幾好!黑安格斯肉眼扒10安士 ($138), 百零蚊價錢有成10安士肉眼扒, 絶對超值, 仲有西蘭花及薯仔作伴菜, 一點都唔馬虎!點了七成熟, 切開見到入面仲仍然保持有些少紅色, 火喉控制得唔錯; 肉汁仍在, 肉質鬆化中帶少少嚼口, 而個燒汁味道都好香, 成個肉眼扒絶對收貨!飲

帶BB去食晚餐，通常都係近近地好~今日就試下將軍澳中心的 Say Cheese。鋪頭都幾闊落，戴著BB車都坐得舒服，一入坐有香噴噴爆谷送~小朋友會送上氣球~海豚BB太細個，所以我們沒有要氣球，但想著她長大後來到一定好開心！看著餐牌也有兒童餐呢~~日後一定要帶她來^^講返食物，我同老公食了頭盤：菇菇好juicy！芝士同菇菇好夾，愛菇+芝士fans必食~ 另一推薦：白酒忌廉汁青口配蒜蓉包：青口味道鮮甜無沙，白酒和忌廉汁好鮮味，蒜蓉包本身就咁食都好香口，用蒜蓉包點汁吃味覺更加提升，正！主菜食了慢黑毛豬胺：肉汁鮮味，肥而不膩，外層有少少脆口，呢個價錢性價比高！必食！軟殼蟹忌廉汁意粉：軟殼蟹好大件，但咸左少少，鐘意個麫底，忌廉汁好香~~下次想試下火焰卡尼意粉！飲品：金柚蘋果凍頂烏龍芝士奶蓋茶好好味！飲過一次之後有D上癮，哈哈，茶底香又不會過甜，淡淡烏龍茶+蘋果清重，仲食到柚子肉。厚厚的芝士奶蓋時加了一份咸香柔滑。果然是廚師推薦飲品。想對之下，老公叫的果茶就較普通，下次一定要再叫芝士奶蓋飲~~食完主菜再食甜品~賣相吸引，食完好飽好滿足，雪糕可以加錢要我最愛的 Movenpick，下次同愛甜品的姐

近年重新裝修的將軍澳中心，多了很多新食肆進註。Say Cheese 是一間主打食芝士菜餚的餐廳，芝士控當然要試下！甫入座先送上小杯爆谷, 味道香脆可口, 且甫添歡樂氣氛.火焰卡邦尼意粉（$108)名為火焰卡邦尼，即是廚師會把白酒加在正在煮意粉的鑊中，頓時會冒出火焰。但由於我坐的位置看不到open kitchen, 所以無緣看到廚師的手藝。卡邦尼的外表跟一般的沒兩樣，醬汁都是非常濃稠。其中，白酒的香醇味道最為突出，其次就是芝士的濃香。愛好杯中物的定必要試！意粉煮得剛剛好，口感彈牙煙韌，醬汁均勻地包覆在意粉上，加上蘑菇及煙肉，就是惹味！芝士蝦球（$42)金黃香脆的小波波，包裹著滿滿的芝士及蝦肉。一咬開，可以咬出一條長長的芝士。芝士香濃煙韌，蝦肉則爽口彈牙。慢煮西班牙黑毛豬鞍配蘋果蓉（$168)黑毛豬鞍經過慢煮，肉質爽彈不韌，且比香煎的煮法少了一份油膩感。豬鞍靠近骨位的地方帶點脂肪，帶點油香，食落更香口。而且完全沒有豬肉的羶味。配襯酸甜的蘋果蓉，挺配的。水果茶點主食附送水果茶一杯。茶果香濃，味道清新解渴。奶蓋系列-蜜桃橙香（$32)奶蓋像雲朵般輕柔，奶味比較突出，芝士味不足。個人比較喜歡略帶