93
28
8
港鐵將軍澳站 B2 出口 繼續閱讀
所有分店 (3)
電話號碼
23430868
開飯介紹
Say Cheese是一間適合家庭樂的歐陸式餐廳,自家製創作甜品、飲品以及瑞士頂級Movenpick雪糕為主。採用開放式廚房,餐廳氣氛溫馨親切。 繼續閱讀
營業時間
今日營業
11:30 - 22:30
星期一至日
11:30 - 22:30
*截單時間: 10:00
付款方式
Visa Master AlipayHK 支付寶 現金 八達通 微信支付
其他資料
網上訂座
泊車 詳細介紹
賞訂座積分
當面支付
食評 (155)
等級4 2019-11-21
504 瀏覽
又黎我最愛既say cheese食dinner~勁肚餓於是叫左個2人餐再加2個甜品白酒大蜆扁意粉白酒煮蜆本身已經好香,再加埋調味料同埋少少辣椒,好吸引而且扁意粉煮得岩岩好,彈牙又唔會痴埋一舊舊。蜆既份量亦都幾多,冇哂沙同埋仲有少少酒味,好食而且性價比一流。我再加埋餐有飲品同埋湯,飲品方面係水果冰茶,味道好濃郁而且酸甜既味道好開胃,至於番茄湯亦都好杰身同埋味道十足!全日早餐好豐富既一個all day breakfast,最出色既係腸仔煎得好香而唔油,肉味亦都好濃郁而外脆內軟。加埋其他配料例如多士、薯餅、炒蛋、菇等等,超飽肚。雙重朱古力杯鍾意食朱古力既一定要試下,因為已經有兩個雪糕而且有兩塊brownie,濃郁既朱古力味再加埋Melo粒同埋朱古力醬,作為甜品超滿足。心太軟伴朱古力雪糕雪糕底下墊左oreo碎,心太軟唔係超流心但都做到內軟效果,又係朱古力迷不能錯過既甜點❤另外跟餐都仲有一個雪糕,不過就係指定口味冇得自己揀,食咁多野而且份量好大碟,男仔都一樣食到勁飽。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-12
302 瀏覽
好耐冇去過將軍澳了,今日去探朋友想近近地喺佢屋企附近食飯,就揀咗樓下商場嘅〈Say cheese 〉🧀🧀🧀未入到舖,已經係見到好繽紛搶眼嘅芝士黃做主色,感覺即刻開心晒而且價錢都好大眾化,加上店內環境都幾舒適,同朋友入去食餐飯傾吓計就啱晒〈蕃茄餐湯〉我哋將其中一份主食轉咗做套餐,所以有是日餐湯同埋一杯飲品。番茄湯酸酸地又夠香滑,好開胃呢<凍咖啡>由於點餐時我要求沙律當中嘅醬汁另上,所以侍應小姐係我點咖啡嘅時候特登問我奶同糖漿使唔使另外上,好貼心呢<煙三文魚凱撒沙律>食沙律都係想健康,所以我要求醬汁另上,份量可以自己控制嘛沙律菜夠晒新鮮爽脆,加埋麵包粒同埋芝士碎就更加好味,最後仲加埋厚厚嘅煙三文魚片,絕對係畫龍點睛<咖哩吉列豬扒飯>好友唔怕肥,所以叫咗個咖喱吉列豬扒飯,放低嘅時候已經勁香噴噴,搞到我都忍唔住搶左佢一塊吉列豬扒來食😅😅😅吉列豬扒揸得香脆又唔乾,入口鬆化juicy,配埋小小微辣既咖喱汁超級惹味,用嚟送飯一流<芝士焗菠菜>熱辣辣的送到,濃濃嘅芝士香勁誘惑味道夠晒芝味濃厚,口感又夠柔滑,超正的<蒜香帶子香辣扁意粉>最後仲叫咗個蒜香十足嘅炒意粉,帶子大大粒又煎到香噴噴,扁意粉加埋落咗勁多惹味既紫洋蔥同辣椒一齊炒,惹味得嚟又不失清新,感覺好平衡 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-11
223 瀏覽
今日同屋企人去咗將軍澳中心食飯,本身都熟呢一區,好多餐廳都試過,呢間day cheese 就仲未試過,見裝修得幾靚就入去一試裏面環境舒適👍🏼👍🏼👍🏼座位好寛闊,有卡位,亦都有方枱,唔會坐得好密實😍裏面裝修以休閒為主,用上白色和木色為主👍🏼每張枱上面已經擺咗餐具和紙巾,方便取用👏🏼👏🏼嘢食方面選擇很多,我哋一行四人叫左香草肉醬溫泉蛋意粉,咖喱吉列魚柳飯,招牌小食拼盤,烤羊扒,焗芝士蟹肉龍葵菇同埋一個香蕉pancake。香草肉醬溫泉蛋意粉,味道同出面不一樣,加上溫泉蛋,口感特別幼滑👍🏼👍🏼同行有朋友一定要食飯,所以叫左咖喱吉列魚柳飯,魚柳得剛剛好,外脆內香配埋咖喱汁送飯一流🤤🤤烤羊扒,味道也很不錯,我哋叫咗七成熟,肉質也不會很鞋,有羊味👍🏼小食拼盤同埋焗龍菇,味道正常最最最令人驚喜的是香蕉pancake😍😍😍真係好好食,可能是即叫即整, pancake一點也不乾,加上朱古力醬(朱古力醬不會過甜,本身不是十分好太甜的東西),這個pancake 10分適合我食,有8塊每人分到兩塊,分量剛剛好😁😁10分滿足的一餐飯👏🏼👏🏼👏🏼👏🏼👏🏼 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-05
181 瀏覽
將軍澳有好多不同種類的餐廳,我咁為食當然每一間都會去試下, 今次到Say Cheese吃晚餐, 其實我開頭係畀佢哋嘅甜品吸引。 店內裝修以木製為主, 廚房用開放式設計, 再看看餐牌上的食物種類, 可以散叫和套餐, 當晚我點香煎鵝肝意大利飯$128, 鮮茄忌廉汁雞肉長通粉$78(加$28 配餐湯和飲品, 凍檸茶跟餐價加$3), 最後我要挑戰這個八層高的原味班戟層層塔,香蕉及雪糕$82。香煎鵝肝意大利飯🍛~ 意大利飯烹調得很煙韌, 鵝肝煎得剛剛好, 外脆內軟好 juicy。鮮茄忌廉汁雞肉長通粉🍝~ 雞肉冇雪味, 鮮茄忌廉汁酸酸地好開胃。原味班戟層層塔,香蕉及雪糕🥞~ 終於到最期待的八層班戟, 班戟做得又香又軟熟, 配上焦糖,香蕉和雪糕, 口感豐富, 絕對值得一試!餐湯🥣~ 蕃茄湯反而味道偏酸。凍檸檬茶🥤~ 味道正常, 不算太甜剛剛好。整體而言個人感覺say cheese 的食物質素 中上, 絕對要試下這裏的八層班戟, 員工的服務質素也很好, 價錢適中, 下次我會再來這裏食其他菜式。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-08
933 瀏覽
早在上手手提電話報銷之前,我也曾經光顧過,位於「將軍澳中心」裡面的某間,以芝士作為賣點的主題餐廳,餐廳的名稱開宗明義,叫做「Say Cheese」。以前我在上手「開飯喇」戶口,曾經發現當時的「Say Cheese」,裡面曾經有類似「梳乎厘班㦸」的大熱西式甜品「鬆餅」供應,可惜我等到有機會上門拜訪「Say Cheese」,「梳乎厘班㦸」和「鬆餅」最後沒有出現。「Say Cheese 」甚至有另一款我都很想食的刨冰甜品「雪山」,「雪山」最後也跟「鬆餅」一樣,無聲無息地消失於「Say Cheese」,消失在我視線範圍之內。所以我前後兩次,憑藉兩個手提電話「開飯喇」戶口光顧「Say Cheese」,最後也只能食「Say Cheese」其他跟芝士有關的食品,感覺始終不及食刨冰,或者梳乎厘班㦸那麼好。例如今次「Say Cheese」下午茶裡面包括芝士三文治在內的食品,「扒芝士火腿三文治配沙律」只是一份含片裝芝士在內,未經過任何烘烤程序。另外「扒芝士火腿三文治」配上雜菜沙律,「Say Cheese」廚房店員沒有在雜菜沙律裡面加入任何沙律醬汁,甚至最基本的沙律醋也欠奉。所以「Say Cheese」雜菜沙律在沒有任何醬汁調味的情況下,味道變得淡而無味,而且在雜菜淡而無味的強烈對比之下,更顯得「扒芝士火腿三文治」裡面芝士甜味更加濃厚。雖然「Say Cheese」的「扒芝士火腿三文治」裡面的芝士味道很甜,可惜欠缺其他調味醬料味道輔助,所以「扒芝士火腿三文治」實際評價亦只屬中等而已。相對之下,「Say Cheese」下午茶裡面的指出套餐飲品,「鮮果冰茶」竟然成為了「Say Cheese」下午茶裡面,味道最甜最濃厚的一環。我詢問過「Say Cheese」的侍應之後,才知道當日下午茶套餐飲品「鮮果冰茶」裡面的味道,是屬於來自水蜜桃甜味的水果茶,我很喜歡食水蜜桃,所以也很喜歡水蜜桃茶裡面的甜味。加上「Say Cheese」安排水蜜桃甜味「鮮果冰茶」,作為下午茶茶餐指定套餐飲品,「鮮果冰茶」的實際份量也不算少,「Say Cheese」安排了有耳玻璃杯去盛載飲品。「Say Cheese」以精美的有耳玻璃杯,去盛載濃厚甜味的水蜜桃冰茶,令我享用「鮮果冰茶」的過程也變得十分輕鬆。至於我另外追加,「Say Cherse」下午茶壓軸上場的蛋糕,是咖啡口味的「提拉米蘇」蛋糕。雖然「提拉米蘇蛋糕」裡面勉強擁有來自咖啡的香味,蛋糕的整體味道也都稱得上算是很甜,但是我食「提拉米蘇蛋糕」食到中段,無意中食到蛋糕中間有少許冰塊。估計可能因為「Say Cheese」的「提拉米蘇蛋糕」,是食店預先製作完成,放入雪櫃裡面備用的飯後甜品,所以「提拉米蘇蛋糕」放在雪櫃時間長了,蛋糕裡面才結起了少數冰塊。不過,「Say Cheese」「提拉米蘇蛋糕」整體的味道仍然稱得上算是甜,咖啡香味頗濃,裡面的少許冰塊只是僅僅美中不足的瑕疵而已。已經再沒有機會在「Say Cheese」食刨冰和梳乎厘班㦸甜品,無疑是有點可惜,只能夠說西貢區跟「梳乎厘班㦸」之間的緣份,真的很淺了…… 繼續閱讀
(以上食評乃用戶個人意見 , 並不代表OpenRice之觀點。)