Say Cheese (將軍澳中心) (已結業)

最近聖誕節有裝飾，我哋特登去將軍澳中心順便食嘢，見到呢間星期日都有下午茶餐，所以我地入去試吓。環境方面都幾雅緻，坐底都幾舒服，侍應態度良好，立刻幫我地裝水。下午茶套餐，吉列豬扒配沙律$45豬扒炸得夠脆，肉質有少少硬，味道冇乜特別，點沙律醬好食啲，沙律菜本身已經淋左檸檬汁，食落酸酸地，都幾清新開胃。松露芝士薯條$58呢款薯條幾香薯仔味，薯條之間混合芝士碎，芝士碎都幾香，不過就黐唔住喺薯條上面，黑松露沙律醬夠黑松露味，點埋醬一齊食好好味，我推薦呢款薯條。芝士焗西蘭花$48西蘭花個底層仲有薯蓉，西蘭花都夠軟，明顯食到蒜蓉味，都夠香，唯獨芝士味稍嫌不足。下午茶餐送一杯飲品，埋單166蚊，商場黎講都算便宜，食物味道屬於中上，閒時經過坐下都OK嘅。

嗰日又去咗呢間say cheese嗰度食嘢今次就試咗其他嘢叫咗煙三文魚卡邦尼意粉芝士味好濃意粉一都係嗰種in銀既感覺分量呢個啱啱好唔會好膩鐘意芝士既一定要食另外就叫咗個all day breakfast 正常會有嗰啲煙肉炒蛋蘑菇焗豆腸仔多士沙律佢都有分量OK但係唔係話有咩特別之處所以大家來既時候可以試吓佢芝士嘅產品真係好唔錯

伯爵茶木槺布甸 伴 雲利拿雪糕 $48平時最怕雪到好硬既木槺布甸 好彩呢個完全唔會 如果係原味木槺布甸都唔錯既 因為唔太食得出伯爵茶味😂雪糕無加錢升級做movenpick 係普通雀巢雪糕 但都幾好食 好香雲利拿味 下面有啲曲奇碎碎增加口感評分：7/10.........................伯爵蘋果橙香茶 $42伯爵、蘋果、同橙既味平衡得幾好 橙味相對比較突出 蘋果味就弱啲 同時好香伯爵茶味 感覺好清涼 refill左幾次水都仲好有味☕️評分：7/10

將中翻新咗之後多咗好多新餐廳，但比我嘅感覺喺比較grand，價錢亦都比較貴。今次搵喺商場一角搵到間裝修幾年輕嘅餐廳，就決定試下😋 餐廳裹面比較寛敞好坐，裝修同餐具用黃色做主調，比人明亮開心嘅感覺，say cheese～ 首先叫咗個香煎凡立貝黑松露意大利飯，飯底太濕，但有大粒彈牙凡立貝補救，整體尚可。 跟住甜品棉花糖窩夫配朱古力伴雪糕，賣相幾靚。窩夫烘得啱啱好，好脆。焦糖醬配棉花糖同朱古力唔會太甜，所有野啱啱好，推薦！ 超岀色松露芝士薯條，薯條啱啱炸起🤤 可惜唔喺幾食到芝士味。 有半杯奶蓋嘅蘋果金柚烏龍奶蓋🤤，奶蓋有淡淡芝士味，果茶飲到底甜咗少少。但係蘋果金柚同奶蓋好夾，加咗好多分。 成餐價錢唔太貴，性價比甚高嘅餐廳～

之前Facebook post不斷介紹依間餐廳 今日lunch終於有機會試 餐廳空間感十足 坐得幾舒服 上菜速度都好快 今次叫左佢個lunch set #香草忌廉汁鮮魷魚長通粉 $68👍🤤🤤好creamy 唔太乾身 加上魷魚新鮮 同火箭菜 唔會好滯 而且份量啱啱好 值得一試評分:7/10#寶雲酥炸西冷牛扒配藍芝士汁意粉 $72名字好吸引 味道一般 亦沒有好多芝士味 牛扒外層沒有酥炸效果 肉質有啲韌 無下次評分:2/10#水果茶(跟餐飲品)🍹水準不太一致 有啲味道太甜 有啲無味 有啲得檸檬味 🍋😓評分:1/10可能出名有芝士的菜色 其他就無咁好食 整體黎講質素參差 有好有壞 味道一致性低🤷🏻‍♀ 評分:4/10

呢間say cheese我間唔中都會黎食不過佢啲菜式都比較膩所以就唔會成日嚟食因為我係中午嚟食咁所以就會有套餐所有套餐都會送一杯嘢飲同埋沙律或者湯今次就叫咗咖喱吉列豬扒飯同埋照燒雞扒飯豬扒都幾厚切外皮個炸衣唔會太厚同埋係啱啱炸好出嚟咖喱汁係日式咖喱嗰種味道我覺得中等啦唔係話特別好食亦都唔係難食嘅而呢個照燒雞扒飯就都普普通通呢杯就係佢附送嘅鮮果冰茶飲落去係檸檬同蜜桃嘅味成餐飯每個人大概係$90左右價錢都偏中高價但係嘢食嘅質素就中等如果鍾意食芝士嘅朋友可以黎試吓佢芝士嘅菜式

啱啱開嗰陣嚟過一次，今次嚟客人少好多，午巿套餐選擇唔多，飯，意粉，包，沙律，每樣大約有兩款選擇，原本想試火焰卡邦尼意粉，不過唔包飲品，所以都係跟大隊揀午餐。雖然食嘅嘢同芝士無關，但都好味，價錢亦合理，服務亦幾好。套餐配餐湯或沙律。今日嘅湯係蕃茄薯仔湯，蕃茄味重，有少少薯仔嘅澱粉口感。海鮮忌廉汁芝味焗飯，青口好鮮味，蜆唔新鮮有啲怪味，個汁普通。照燒汁雞扒飯，雞扒嫩滑，照燒汁都做得好。日式漢堡扒飯，有一塊半嘅漢堡扒，肉質有咬口，太陽蛋煎得完整無焦，燒汁唔太濃味，唔錯。火腿芝士牛角包配炸薯條，薯熱新鮮辣辣，個包好脆，好味。鮮果冰茶。加$5轉橙汁。加$12轉主餐牌嘅蜜桃橙香奶蓋茶，細細杯，有3片連皮嘅橙同幾片桃，清清甜甜，奶蓋奶味重幾香。加$15配是日甜品，今日係法式焦糖燉蛋，喺碟上燉，焦糖面更多，但因份量少，好薄，焦糖用火槍燒得燶咗少少，但口感幾濃幾紮實。

見到openrice咁多好評，滿心期待去幫襯..點知到頭來回來一肚氣由入門口開始，無人招呼....坐低想要個menu睇下食咩，又要等10分鍾....仲以為自己入左法國餐廳食野😢叫左個士多啤梨窩夫同埋蕃茄意粉，味道唔差..意粉味道好食到最後埋單，又再次進入無限等待狀態...食物味道雖然唔差，環境亦唔差....不過要人不斷等待令人食得一d都唔享受....感覺太差...應該唔會再幫襯..waitress 服務態度有待

很想食芝士，午餐決定嚟say cheese滿足一下自己嘅芝士慾望.餐廳滿人挺嘈吵，入座時枱面尚未清潔好。.Lunch set比起單點抵食好多！！跟餐湯、飲品。.跟餐南瓜湯，南瓜味甜，質地杰身，加點黑椒調味更好，十分䁔胃。.雞肉肉質軟嫩多汁，皮薄脆。調味很香，醬汁風味十足！大推薦.芝士味非常濃郁，有酒味，醬汁偏杰身。有煙肉蘑菇，蘑菇切得頗大片。加左$20淋面芝士，鹹香味重，份量不算多。整體偏膩，食到後頭有點想放棄，芝士味過盛，最好二人分享。.橙味果茶，新鮮解腻，夠凍但不夠冰凍。.

I am always in the area so went here for dinner.For mains, had the all day breakfast,  Strozzapreti and Roast Chicken.The Strozzapreti was nice and creamy with a chew to it infused with black truffle.The breakfast was  a good variety of everything.The star of the show was the roast chicken.I was really impressed with the roast potatoes.The staff were good and knew their stuff as they could tell me which potatoes had been used.Finished with fruit tea which was a good way to end the meal.They even

遠道而來將軍澳為了呢一餐 ， 朋友勁推薦我來這間餐廳  Say Cheese雖然我真係未聽過呢間餐廳， 但我會相信朋友的眼光。 我比她先來到餐廳，店員很有禮貌地帶位, 見到我披著披肩,  主動遞上暖水，難得的窩心。 餐廳以Open Kitchen 形式， 所有菜式即點即做。裝修以迎合家庭客人為主，略帶美式餐廳的影子，無論四人卡位和長枱也不迫夾， 全店燈光以暖色系, 感覺很舒服。不久朋友和她的小朋友來到， 點菜當然由她代勞。 我亦細看一下餐牌， 由兒童餐、頭盤、主菜也一應俱全。 但甜品部份先係最吸精，一本餐牌內分別列 有窩夫山系列、 經典鬆餅系列、多士磚系列、 心太軟系列、木糠布甸系列、意大利雪糕系列。 咪話正常人睇到眼到花， 對於身為甜品控的自己而言絕到是心花怒放。朋友為我選了清清地既頭盤 $72大菇肉厚；蟹肉甜香再加上白汁焗到香噴噴，  口感JUICY豐富又好味。 主菜點了兩款 店員為我們介紹 $168  時我和朋友不約而同也想試。做法是將西班牙黑毛豬慢煮數小時後再煎香，加上燒汁。西班牙黑毛豬肉比一般豬扒厚幾倍，外層帶點焦香肉香富有嚼勁，油香四溢肉味濃郁，肉味突出十分誘人。肥膏位入

印象中既Say cheese 係甜品比較出名。但出於好奇，又想試下晚市既say cheese 有咩食，所以放左工就約友人去試下。 夜晚6點呢個鐘數入去基本上無咩人，可以揀位坐。呢間餐廳所有位都好寬落，坐得好舒服。而食物方面就偏貴，一個晚餐最少要70蚊以上。叫左個牛肋骨意大利飯。牛肋骨另上，浸住汁，但非常難咬，而且唔夠熱。意大利飯食落好creamy 好滯，要靠飲水果茶消下滯。主餐失望，但甜品好有水準。叫左個抹茶木糠布甸加個自選雪糕。餅底軟硬適中，抹茶蓉入口即溶。兩者好夾，口感不錯。 雖然呢個甜品比街外糖水鋪相比貴少少，但貴得合理，有水準。 會為左食甜品再黎，但食正餐就不了。

上星期六約了住在將軍澳的朋友介紹，最近開了些新餐廳，想來試試。由於下午六時尚早入座還不多人，可以安排了卡位坐給我們。朋友的女兒喜歡吃軟殼蟹，所以點了軟殼蟹忌廉汁意粉，和一個純羊芝士煙肉忌廉汁螺絲粉兒童餐 。另外再點了一個芭娜娜窩夫配蜂蜜雪糕( 轉朱古力），和2杯奶蓋新鮮野苺 。軟殼蟹忌廉汁意粉味道ok ，芭娜娜窩夫配蜂蜜雪糕 的賣相已經很吸引，窩夫配雪糕是絕配。兒童餐加$18 upgrade 了movenpick 咖啡朱古力雪糕，真的比較普通的雪糕好味。最喜歡是我那杯奶蓋新鮮野苺，上層是厚厚的芝士奶蓋，底下確實有士多啤梨，混在一起很好喝，連小朋友也忍不住也來一杯。

商場翻新後有一番新形象，餐廳也有新鮮感。走到接近盡頭找到一間say cheese, 裝修光鮮環境闊落，望埋餐牌啱食，睇睇價錢沒有唔入去食個tea嘅理由。別緻的餐具，只是多了一點點，食嘢時候見到會心微笑。三文魚牛角包， 牛角包暖暖、鬆、脆、軟，配新鮮薯條，沙律菜有鏽色不算新鮮，為免不適，不吃為妙! 一口多士6件份量足，排得靚，外脆內軟。 醬料已落在多士上，不需自己倒糖漿。水果茶不用加錢，不知冰太多令茶無味，還是水果茶本身就是清淡。好食嘅餐廳客量極小令環境寧靜，可以舒服地tea一tea。 這也不知道是好事還是壞事😂餐廳內我倆的手機都沒有網絡服務，可以專心食tea互相尊重傾吓計。餐廳可以考慮開放wifi 吸引食客，老實說對於我零網絡服務，味道質素服務再好，想再光顧也會停一停諗一諗。畢竟也想偷閒打機，做小小工作。 另外有趣的事，消費滿$100讚好面書拎現金券,冇網絡服務又怎樣讚呢(笑)

從加拿大回港嘅老友，一向好喜歡行山，所以，今趟回港，當然為佢安排走一轉啦，為佢安排入西貢行吓，一行3人，輕鬆行完再落將軍澳食晏。搵食責任就當然落晌小弟身上，結果，走到過嚟將軍澳中心嘅「Say Cheese 」，對呢區唔多熟，喺住晌呢頭嘅食友口中嘅推介之一。門面開放式，黃框邊，又插咗啲橙色波波，襯以花地磚，有種歡樂嘅感覺。而餐廳比晌門口望入去大，因為轉彎仲有一邊用餐區，4人枱以外，更有唔少卡位，整體環境整潔明亮。附近有多個大型樓盤，所以，食晏呢段時間大多數喺家庭客。餐枱上早已放齊餐具、餐碟、餐紙，我幾鍾意呢個做法，有時需要多用啲刀叉，唔使吓吓專登煩店員。此外，唔好睇少啲餐碟，如果揀得好，亦可以帶出正能量。而枱上仲放有黑胡椒粒及海鹽，睇標籤喺嚟自意大利，更用上可即磨嘅玻璃樽裝，細節位盡在心中。晌門口，設咗部爆谷車，喺免費供應，大可過吓口癮啊！基本嘅散點餐牌分兩組，一組喺較大型嘅摺疊餐牌，分類有前菜、全日早餐、主菜、兒童餐、意大利麵、沙律、湯品、飯品。設計精美，部份菜式有靚相作為參考。另一組為傳統嘅揭頁式餐牌，主要喺印有甜品及飲品，但選項喺估唔到咁多，單喺甜品已有多個系列：Movenpick