Say Cheese (將軍澳中心) (已結業)

又同左爸爸去撐枱腳，去左附近既商場搵食，見到呢間餐廳好似唔錯喎一於試下啦～餐廳都幾闊落，可能時間仲早加上落雨，都仲有好多位，兩個人坐卡位好舒服見到門口有爆谷車，估唔到真係有得食，坐低一陣就有店員俾左一小兜爆谷我地食，正～餐牌都好多份，好多野都想食呀，而且價錢又唔貴喎，搞到樣樣都想叫呀落雨凍凍地，所以想飲熱野～Si點左呢個香橙柚子茶入面真係有一片片橙架而且個味好香好濃，又有少少柚子味，好似飲緊橙汁咁，橙汁控表示好好飲呀～爸爸就點左呢個玫瑰野莓茶，呢個比較清D，似花茶但又有少少野莓味，爸爸話唔錯！ 前菜點左白酒忌廉汁藍青口配蒜蓉飽，藍青口既Size唔算太大，但個汁就好creamy好香，而且蒜蓉飽仲係新鮮熱辣脆卜卜，好味呀～～松露芝士薯條好大兜肥薯條呀～上面有少少芝士，松露就喺個醬度，薯條好香口，如果個醬既松露味再勁D就正啦～呢個軟殼蟹沙律真係有成隻軟殼蟹，感覺好抵食！！軟殼蟹好大隻，食完都飽左幾成嚕主菜點左慢煮西班牙黑毛豬鞍，好彩呢個份量唔算太大，肉質唔韌而且都幾juicy，配埋蘋果蓉食即刻開胃左～香辣蒜片虎蝦意粉虎蝦有兩隻，意粉唔算太辣，又有少少蒜味，幾惹味食完晒其實已經好飽，但見到咁多