Say Cheese (將軍澳中心) (已結業)

作为一枚芝士控特地和朋友来这家餐厅试下位于商场里面 环境不错～我们点了两款芝士焗饭 分别是鸡扒和猪扒米饭很q弹 有入味～咸度合适 吃多了不会觉得腻～芝士薯条！我的最爱～三文鱼配班尼迪蛋作为一家西餐 三文鱼也够新鲜配上沙拉蔬菜很美味玉米浓汤 和华夫饼华夫饼烤得外脆内嫩配上雪糕 一起吃 味道很赞值得推荐！～

之前見到網上有人專登去食呢間野，而野話明say cheese就一定要食呢到既cheese，所以我就打算叫個火焰白菌忌廉蝴蝶粉芝士籃，點知已經賣野無得食，不過都磨滅唔到我黎食火焰芝士既決心，所以就叫左個火焰芝士意粉。一送到上黎，即刻傳黎勁勁勁香既芝士味，雖然呢個意粉唔係拉絲既邪惡芝士，但當中食得出有唔同種類既芝士，每款芝士亦有唔同口感同味道，一次過滿意哂芝士控於味道上既願望，再加上有少少菇係當中食芝士意粉更上一個層次，今次係好美好既芝士體驗。

在假期晚上來到say cheese，人流比想像中少，由進店到離開，店內都未滿座。被編排在卡座，挺舒適，待應足夠，上菜也很快。見到有果茶供選擇，又忍不住點來試，感到失望。伯爵茶果茶的茶味和果味都不太出，味道太普通了...估計它是無糖飲料，如果不想喝甜的才選擇吧。奶蓋果茶則是天淵之別，奶蓋很滑，果味也濃，屬於重口味。奶蓋的質地不會很水，又不會太厚，喜歡奶蓋的朋友值得一試。牛肋條飯味道不過不失，份量足。飯和牛的軟硬度剛好，只是沒太大驚喜。十分欣賞蜜糖檸檬單骨雞翼。蜂蜜和檸檬味都吃得出，熱辣辣的上菜特別滋味，推介! （聽說單骨的真正做法是將一隻雞翼的其中一條骨去掉，這裡是一開二的'單骨'）壓軸來的是瘋薯配藍芝士，店員說芝味最重。這道菜比起街外部分西餐廳有誠意，相信很多人試過只有面一層有芝士的經驗，但這個由頭到尾也充滿芝士; 藍芝士的確很重芝味，也能夠拉絲，很滿足。餐牌上的選擇還有很多，如果想吃吃西餐，Say cheese也未嘗是個好選擇

火焰卡邦尼意粉好一般入面真係有Parmesan芝士？食唔出個粒粒多士，仲伏，又乾又嚡，無蜜糖自己bbq 燒方飽仲好味過食佢通風系統好差，食過飯，坐咗2小時，頭髪，全身油煙味，去咗cheap cheap 茶餐廳咁仲大浸味過食韓燒

將軍澳中心翻新後開左好多餐廳，一試再試就係呢間say Chesse ，因為佢碟芝士煙肉意粉真係每次必食，好濃郁的芝士味，意粉唔會太淋，超正。食過其他焗飯，都係呢個意粉最好味，而家有套餐送果茶，加$8仲有得upgrade movenpick咖啡添，好香濃，yummy yummy。兒童餐都好豐富，每樣野都係我個仔鐘意食既野，加上車車造型夠可愛，小朋友呢個份量剛剛好。我係甜品控，每餐一定要食，呢度既waffle 即叫即整，外脆內軟，配埋名牌雪糕，超級精彩，好好味啊，每次來都會點，不過近排套餐加$22已經有一球雪糕，所以少左點waffle 但夠新鮮真係欣賞。

呢到係將軍澳新開嘅分店。以芝士為主的。 同朋友都點左幾碟意粉同小食。墨汁意粉—呢個係唔建議食嘅 比較乾，冇咩味道 覺得唔好食🤢手砌粉—呢個就幾特別。有啲似通粉但係就會煙銀啲 汁嘅份量都足夠 可以一試墨西哥片—脆 香 但都係啲芝士乾晒就會黐實曬豬扒泡菜飯—個人認為呢個最好味 味道適中 唔會太乾又唔會太濕 豬扒唔會銀👍🏻好食既

聽朋友講最近將軍澳中心開咗一間以芝士為主題嘅餐館叫〈say cheese〉。身為芝士控的我當然要和老婆嚟一試真偽。我選了〈千島醬煙燻牛肉雙重芝士焗飯〉，真係有好濃厚嘅芝士係面，未食都已經覺得好開心。煙薰牛肉唔會過鹹，飯底亦焗得夠乾身，加埋混有千島醬嘅芝士醬汁一齊吃，幾好幾好。炸魚柳就令我好失望。隨行嘅醬汁係可以從幾款芝士醬汁中選擇，結果根據侍應先生既推介下揀咗〈芳提娜芝士醬〉。魚柳唔得結實，殼肉分離，而魚肉就有種〈水流流〉的感覺。個〈芳提娜芝士醬〉就仲把鬼！！冇味嘅，都唔明點解侍應點解可以話係最多人叫。另外仲叫咗個焦糖燉蛋咖啡，算係ok啦不過不失。（題外話，初初送炸魚柳來嘅時候係送咗個類似炸魷魚圈嘅物體比我哋，我哋兩公婆異口同聲都即時表示唔係我哋點的。個侍應仲要唔相信，然後返轉頭攞個餐牌指住個魷魚圈問我哋係咪叫依樣。咁其實究竟係侍應暗自認同圖文不符定係對我哋識唔識分魷魚定魚柳存有懷疑呢？？）

The Park Central shopping mall had undergone major renovation in the recent months and part of it has recently reopened. There are numerous new restaurants launched at the revamped mall and Say Cheese is one of the most popular ones with high media coverage. I have heard that there was a long queue when it was newly opened, so we are so surprised to find out there are numerous tables available when we passed by at 6ish on a Saturday evening. My friend and I rushed in without hesitation. As a che

年初五與好友一行四人想搵地方tea 吓傾吓計，其中一朋友是waffles 癡所以選了這間餐廳試試。我們分別點了四個餐，炸魚、雞翼、窩夫伴雪糕及一個三層塔甜品餐。雞翼是半骨的，炸得香脆又帶有一點檸檬味, 味道不錯。至於炸魚就稍嫌不夠香脆，放了一會已不脆了，皮身變得濕腍。至於窩夫伴雪糕整體不錯, 窩夫香脆好吃，如紅莓汁能放上多一些會更好。最後三層塔甜品都不錯，焦糖燉蛋很香滑。整體上滿意食物質素，唯獨尾中不足係其中一朋友叫的飲品很甜，於是要求侍應放多一點冰粒可以了（朋友就是不想浪費），後來侍應轉頭話換了一杯新的給你，但朋友飲後又完全沒甜味。朋友怕麻煩就不敢再要求別的，但感覺調教飲品的人再戲弄我們吧！最後餐廳環境舒適，非常適合朋友相聚傾吓計。

上次同gf食過呢間，撩咗佢幾條芝士意粉食，食過返尋味，今次一見得閒，就算人在彩虹都要特登搭車去將軍澳食。首先要讚嘅係佢地嘅服務態度，去過兩次都係好好禮貌，呢個值滿分。今次本身諗住叫上次gf嗰嗰車打芝士意粉+吉列牛，點知佢轉咗menu，唔再係車打芝士，而係藍芝士，吉列牛都轉咗做寶雲酥西冷了。雖然轉咗d，但我都係叫呢個餐跟果茶（好似係洛神花果茶）。同上次唔同，上次牛同埋意粉分兩碟上，今次擺埋一碟，靚就幾靚，問題係舊牛擺意粉上面根本就鋸唔到，最後都係要攞多隻碟分開。意粉都係好鬼香濃，不論車打芝士定係藍芝士，都係好濃郁芝士味，食落真係勁滿足，不枉我特等搭車過黎食。另外我都好鍾意佢個意粉底，粗粗地，食落口感非常好。牛就一般般，上次試過佢個吉列牛覺得一般般，今次呢個寶雲酥西冷都係如此，我覺得最主要嘅問題係肉質唔好，咬落彈下彈下咁，冇嗰仲靚牛扒嘅厚實。當然咁嘅價錢我都唔會expect有咩高級扒，只係我覺得與其轉換扒嘅煮法，不如將呢份心機/成本擺去其他地方，我寧願唔要塊扒，食平少少或者直接將扒換做其他配菜。不過可以讚下嘅係佢牛扒同上次一樣都冇煎到熟透，望落靚靚仔仔咁，同埋今次呢個煮法至少比上次嘅吉列牛

大年初四，將軍澳人頭湧湧，我們終於來到這間芝士餐廳試試。餐廳裝修比較新穎，而且位置闊落，我們不用等候便入座。可能是假日的緣故，沒有那個芝士磚上的意粉，而他們的甜品都是有movenpick 雪糕，但是我們還沒有吃午飯所以要點些主菜填飽肚子。黑松露忌廉汁雞柳闊條麵一上菜時，黑松露味以香味撲鼻，儘管看上去份量不是太多，但由於忌廉汁比較容易膩，份量也適中。闊條麵軟硬度適中，而且每一口也有非常濃郁的黑松露味，令人驚喜，雞柳也有用香草醃過，味道不錯。卡邦尼意粉同樣地，看上份量不是太多，但吃下時份量也足夠， 醬汁味道跟外邊餐廳相似，不過不失。芝士焗龍蝦扁意粉配車打芝士醬這個是令人嘩然！沒想到龍蝦是那麼大隻，而且龍蝦有很多蝦膏，啖啖肉，而且意粉也有香濃的芝士醬味，口感一流！新鮮野莓芝士奶蓋茶朋友說中伏了！這會是藥水味的藍莓味，而且沒有喝到什麼芝士奶蓋的味道，令人失望。蘋果凍頂烏龍芝士奶蓋茶這杯的芝士奶蓋也是沒有什麼味道，烏龍茶是不過不失吧。整體來說食物及環境的質素也不錯，但是價格稍為貴了一點，飲品就有待改善了。

自裝修至今，我也很少經過將軍澳中心，更遑論在這裏逛街。正巧前不久在網上看到這裏新開了很多食店，便決定過來逛逛（其實是嚐嚐這間SAY CHEESE）。坐下來，朋友便迫不及待地點了這裏最出名的火焰芝士意粉，而我則點了一個紅酒牛肋條燴飯，而兩個餐都附送一杯飲品。我點了一杯西柚果茶。果茶的西柚味雖然不算濃郁，但喝得出並非香精「生硬」的味道，而是真的有西柚鮮果的味道。除此之外，果茶的果味和茶味混合之下，可說是相得益彰。兩者的味道都不會太濃郁，但在對方的對比下味道又更突出，令人一次過品嚐到果甜和茶甘。喝了幾口茶，正餐很快更到了。剛奉上餐桌，一陣經典的「紅酒燴牛」味已飄了過來，令我食指大動。先吃一口飯，醬汁沒甚麼特別，只是普通的蕃茄肉醬，倒是飯和蘑菇煮得不錯，飯煮得軟熟之餘蘑菇又得有咬口。最值得讚賞的是牛肋條。牛肋條煮得很腍，不像一些餐廳煮得難以下嚥。而且餐廳的選材也頗有心思（至少我這一碟是），選取了連着根腱的部位，令食客嚐到腍身的牛肋肉之餘亦能一試根腱的爽滑滋味。總體而言，這家餐廳食物的水準是不錯的，可惜食物的份量略為嫌少，或許並不適合食量較大的人。不過，假如是為追求味覺的享受，這家餐廳是可以一試

相信黎依度是食嘅客人大部份都係睇過Facebook某雜誌嘅介紹，見到意粉會係一舊大芝士上炒。但要注意返，個大芝士都係喺吧位，唔專登出去睇，都唔會見到佢炒嘅過程。但any肥，今次嘅每月紀念日，作為芝士控就心動來試試🤗 平日夜晚七點幾，大概等15分鐘就入得座，職員普遍都nice and helpful，叫幫手影合照都無面黑黑，抵讚唷👍野食方面，好老實真係一般，大家請不要抱太大期望，佢餐牌嗰度會有介紹幾隻不同嘅cheese，但係是日精選又有機會唔同，所以都係建議問返職員。今次我哋兩個人，叫咗一飯一意粉，再加左個小食，啱啱好，唔會太飽。1. 鮮魷魚墨魚汁意粉 ($98)係好肚餓嘅情況之下，呢個意粉率先上枱，對於喜歡食墨魚汁嘅人真係好期待！但係食完一啖…真係…都幾失望。冇芝士味呢一個都預咗嘅，因為冇加＄20 加芝士(因見到其他食評話不推薦)，而冇咩墨魚汁嘅味呢層我都唔會怪餐廳，畢竟只係百零蚊嘅意粉，都唔可以要求有幾鮮味～但最令人失望嘅係，連鹹味都無！！！我真係相當驚訝，因 為 整 碟 意 粉 可 以 話 係 無 味🌚🌚🌚 如是者，我問侍應有無鹽供應👇🏻👇🏻呢次係抵讚嘅，因為呢款鹽我好喜歡，芝士粉

作為一個芝士迷，之前都有留意呢間宣傳平民價享受芝士菜式嘅餐廳，今次特登入將軍澳食呢間Say Cheese，睇睇menu，就叫咗2個lunch set，有忌廉汁芝味菠蘿海鮮焗飯同埋吉列西冷牛排配車打芝士汁扁意粉，佢個餐都各包一款野飲，我地要咗西柚鮮果茶。+15蚊可以要個沙律/餐湯，我地分別加咗15蚊各叫一份，佢加多22蚊仲可以加埋movenpick雪糕，但我地覺得分量已經夠曬，所以冇再叫西柚鮮果茶 都幾重西柚味但又唔會覺得苦澀~忌廉汁芝味菠蘿海鮮焗飯，男朋友話初頭覺得味道唔太夠，但攪勻咗之後味道都夠，芝士味都ok吉列西冷牛排配車打芝士汁扁意粉，呢個真係十級推介，意粉一上到枱已經聞到勁濃芝士味，望落d芝士汁真係好足夠，食落真係好好食，feel到成口都係芝士味，同埋試到淡淡嘅白酒香味，吉列西冷牛排真係超級大份，佢唔會炸到好老，食落口感都軟身，點埋個芝士醬就更加惹味沙律食落酸酸地，好開胃，而且都好fresh。餐湯係蘑菇湯，食得出濃嘅蘑菇味，但唔會太“傑”身，會好膩咁。呢間真係值得再黎，下次我地會再黎試試芝士炸雞等小食~!!!

位於將軍澳站將軍澳中心的商場經歷了數年的翻新裝修後終於有限度地投入服務。居住於此的居民默默地忍受了年復一年的廣漠荒蕪，並且無可避免地長期吸入灰塵，這樣的持久戰最終得以回報嗎？很難說。商場的裝潢陳設無疑是時尚新穎，比之毗鄰高端的Popcorn商場尤有過之。當然，這是新鮮熱辣的搶手貨，沒有經歷年月的洗滌，所有裝飾都屬潮流尖端。然而，這高檔時尚的商場背後自然需付出代價。除了國際性的大型連鎖店，營運公司亦高瞻遠觸地引入了一些新進的品牌食肆，讓戶客可享更清新的體驗。不過這些店舖的定價則均屬中高檔次，久不久淺嚐或可，要將之變成日常消費嗎？哪大概非是普羅大眾的生活水平。當商場食肆均謝絕民生店，客戶在沒有選擇兼而潛移默化下唯有適應協調，增加開資，減少儲蓄。 在美侖美奐的將軍澳中心商場中找飯吃，假期的晚上各食店都是其門如市。小的懷疑那到底是屬於新廁所的效應還是各餐廳端的可長久地容納這樣的人流，這都須走著瞧罷！ 在繁忙的餐廳搜尋食肆，小的魚翁撒網地每家店也拿一張飛。然而，老伴的逐一擊破竟突圍而出，率先等到座位。小的於是馬上爬一層電梯與他會合去。 Say Cheese是一家饒有風味的西式小店。在商場云云眾多